|
رد: طليقتي تزوجت
صحيح
و اخفاء الاخ ساري لعنوان منزله اكبر غلط لا تاخدي ردي انه كله تأييد له انا انتقدته في شي و تفهمته في اشياء |
رد: طليقتي تزوجت
انا قريت مشاركته الاخيرة و ما حبيت اعلق
لان الاخ وااااااااضح مازال يدور بنفس الحلقة و يبرر افعاله و غير الرقم الخ الخ مازلت اشوفه متخبط لكن قلت بنفسي مع الوقت تستقر نفسيته اللي يمر به طبيعي لكن احترت سالفة السبع سنين هذه اذا هو ناوي يتزوج بعد سنة و يشترط على زوجة المستقبل قبولها باولاده اذن ليه يستنى سبع سنوات كاملة حتى يرجعهم الابن قال انه يكون عمره 16 سنة , بهذا العمر خلاااص وش رح يعطيه غير المصروف علماء التربية يقولوا تاثير الاهل على اولادهم يبدا يقل من سن 12 و البنت بعدما تستقر نفسيتها و تتاقلم مع الحياة مع زوج الام يجي ابوها و ياخذها لبيته و مع زوجته اللي كانت عايشة براحة سنين حقيقة مسز داني قالت ان المدة طويلة لكن الاخ تجاهل الرد عليها |
رد: طليقتي تزوجت
اقتباس:
لكن عندما يرغب ان يتزوج يشرط وان رفض غيرها الف واول مايتزوج ياخذهم معه وقتها دام في استقرار له ولهم . |
رد: طليقتي تزوجت
سلام عليكم . الله يصبحكم ويمسيكم بالخير . قرأت جميع ردودكم . وأنا احترم وجهات نظركم . بخصوص تغيير جوالي . رقمي القديم اوقفت الواتس فقط وماحذفته ويستقبل ويرسل مكالمات . ولالي تواصل مع طليقتي ولا ابغى رقعة وجها تتواصل معاي . قلت لأخوها تبغى شي بخصوص اطفالي . تتواصل معك وانت عطني خبر . قال ابشر . الهدف ماابغى قلبي يحن لها ولابغى اشتاق لها ولاعاد ابغى رقعة وجهها لأنه هي قطعت الحبل بيني وبينها لو كانت لازالت مطلقه لوافقت ان اتواصل معاها بخصوص اطفالنا . فما يدريكم لعل الله يجمع بيننا وقلوبنا تحن لبعضنا . ولكن الحين اصبحت متزوجه . وكرهتهتا كره العمى . لأنها باعتني . ومن باعني بعته ببلاش طول العمر . انظرو يمين وشمال . البنات الحين يبغون الستر . والذي نفسي بيده . اني لقيت عرايس من دين وخلق وناس معروفين . منهن معلمات ومن هن موظفات والدنيا ماتوقف عشانها . عشان كذا كرهتها معاد ابغاه تتواصل معاي ... الشي الثاني اذا تزوجت انا اقول واصحح كلامي زي ماقلتو باني اذا تزوجت راح آخذ اطفالي بعد مرور سنه او سنتين من زواجنا ومو شرط بعد ٧ سنوات . وابشرو باللي تشوفوه مناسب . وهدفي انه اذا الله رزقنا بطفل مع الزوجه الجديده اقدر اجيب شغاله وآخذ اطفالي . اما انني اغثها بأطفالي واحنا لسا ماجانا طفل . هذي شويه معقد الموضوع . ومن ناحية تغيير شقتي . ماابغى اهل الطليقه يعرفونها .معاد لهم صلاح فيني . اللي مضى مضى وأنا انظر للأمام . ولاعاد ابغى شي قديم يذكرني . جميع الماضي ودعته بخيره وشره . نفسيتي تحسنت بهذي الطريقه . خلاص انا رجال انظر للأمام . والعوض على الله . ويعلم الله كل من ناداني وعرض علي الزواج . وماابغى الزواج الحين . ابغى ارتاح . نفسيتي بدأت ترتاح . ماابغى اتذكر الماضي . افهموني ياناس . والله ماابغى اتذكر الماضي . وتواصلي فقط مع اخوها وابوها . وبالذات اكثىر تواصلي مع اخوها . وفي ذمتي استشرت مستشار اسري .وقال طريقتك ممتازه . لان اطفالك لازالو صغار وبعد ٧ سنوات او اقل من ذلك اسحبهم اذا تزوجت وزانت امورك . ولو كان طليقتك غير كفو للتربيه . او زوجها غير كفو . فأسحبهم . وقراري اذا تزوجت راح اخذ اطفالي لكن فقك انتظر اول طفل يرزقنا الله فيه . وبجيل شغاله واجيب اطفالي . هذا هدفي
|
رد: طليقتي تزوجت
اقتباس:
هذولا نعم قليل ولله الحمد ولكن الاقل منهم اللي يخلي عياله ببيت رجال غريب واسمحلي انت فاهم التضحيه غلط التضحيه هي اني ابدي سعادة اطفالي على سعادتي واصبر واكافح عشان اسعدهم واكبرهم قدام عيني واحسن تربيتهم مو اني ارميهم عشان اتزوج بنت صغيره وتوافق علي لان ماعندي عيال وعلى فكره التربيه مو بس فلوس يعني مسؤلية الاب مو بس انه يصرف وبس ومرحلة التأسيس هي اهم مرحله في التربيه لان الطفل اذا وصل الى سن المراهقه صعب تعدله |
رد: طليقتي تزوجت
مرحباً أخي
مسألة ترك أبناءك مع زوجتك وزوجها هذا أمر تقديري راجع لك لرؤيتك أين تكمن مصلحة أبناءك والناس مختلفون في آراءهم وقناعاتهم وليس هناك قاعدة ثابتة يعتمد أن تكون هي الأساس فما قد يحصل لأبناءك من خوف عليهم من زوج أمهم .. قد يحصل عليهم من زوجة أبيهم إلا إذا قررت أن تتفرغ لأبناءك ولا تتزوج فهنا الأمر مختلف توكل على الله أخي الكريم وضع هدف تمشي عليه وإن شاء الله الأمور بخير .. مع توصيتك بالإستمرار في زيارة أبناءك لك بشكل دائماً وتلبية إحتياجاتهم العاطفية والمادية أعانك الله |
رد: طليقتي تزوجت
اقتباس:
. . اخوي يااما ان التعبير يخونك ؟ او ارتباطك بااطفاك مو ذاك الزود ؟ او انانيه ؟ او تصرف طليقتك معك مآثر عليك ؟ . . . مين الي مفروض انك تراعي مشاعره ومصلحته بوضعك اطفالك او الزوجه الجديده او نفسك ؟ . . . ماتبي تغث الزوجه الجديده طيب مو انت غاث زوج طليقتك ومخليهم ببيته لو تكلمنا بمنطوقك هذا ؟ . . . الله ينور بصيرتك ويهديك يارب |
رد: طليقتي تزوجت
اقتباس:
غير ان الاخ ينوي الزواج من موظفة ،، فهل ستجد الوقت الكافي لمتابعة ابناء زوجها فعلا ؟ متابعة دقيقة وتربية وليس اشراف عام على اكلهم ملبسهم ؟ رد الاخ الرسمي كامل ووافي ومختصر ،، وليس متعصبا ،، مصلحة الابناء تأتي اولا ،، قد تكون زوجة الاب اصلح للتربية من الأم ،، وقد يكون وجودهم مع امهم افضل لهم من وجودهم مع ابيهم رغم وجود زوج الام ،، قد يكون الاب اكفأ في التربية وقد تكون الأم ،، الم نسمع عن ايتام تربوا مع امهم سواء تزوجت او لم تتزوج واصبحوا ناجحين في حياتهم ،،؟ حق الحضانة يأتي عند الاختلاف ،، ويجوز لاي طرف ان يتنازل عن الحضانة للطرف الاخر اذا وجد مصلحة الطفل في هذا التنازل ،، لا يوجد ما يقال عنه محرم شرعا في كل الاحوال ،، الاقامة مع الام المتزوجة يجوز ،، وحضانة الاب لطفل اقل من سبع سنوات يجوز ايضا ،، |
رد: طليقتي تزوجت
خايف تضايق زوجتك الجديده اللي لسه ماجت ومستعد تتخلى عن اطفالك عشان هالسبب التافه!! خذ عيالك كيف ترضى يربيهم رجال غريب ماتدري وش يصير ببيته بعضهم يجلدونهم ليل ونهار وتوصل للاغتصاب وقايمين على مشاكل وش كثرها نفس هالعينه،، مو لازم تتزوج صغيره خذ مطلقه او معها طفل او طفلين تحن على عيالك وامن لهم سكن ومدارس كويسه ويكونون تحت عينك 24ساعه ويروحون لامهم كل ويكند
|
رد: طليقتي تزوجت
اقتباس:
|
| الساعة الآن 06:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©