المشاركة الأصلية كتبت بواسطة فجر الهوى (المشاركة 3462684)

حاولت انظم نومى بس ماقدرت
نمت و صحيت عشره

المشاركة الأصلية كتبت بواسطة unlimited (المشاركة 3462758)

فجر تمارسين هواياتك؟
لو ما امارس هواياتي اختنق بل واخنق واهلوس لاني اصبح عدسة مكبرة لسلبيات الحياة

المشاركة الأصلية كتبت بواسطة عبدالله بن (المشاركة 3462688)

ان شاء الله تقدرين، حاولي ثم حاولي ثم حاولي الف مرة

مثلا اليوم صحيتي الساعة عشرة، غدا ستصحين الساعة الحادية عشر والذي بعده الساعة الثانية عشر وهلم جرا

بشكل تدريحي ستصلين إلى هدفك بإذن الله

المشاركة الأصلية كتبت بواسطة -مسك الليل- (المشاركة 3462601)

لاتهتمي شو بيقولو عنك.. مو قلتي مايهمك المظاهر؟؟؟ وكلام الناس؟

ومين هنا قال ان المجنون من لازمه دكتور؟

الدكتور راح يساعدك كوني متأكدة.. موت ماراح تموتي انتي بهالدنيا غصب عنك وغصب عنك لازم تهتمي بأطفالك.. تهدرين ايامك في التمني والتباكي.. واقعك لن يتغير. لازم تشدي حيلك عشان تأدي دورك كأم على الأقل.. مضادات الاكتئاب بتعطيك حيوية ونشاط، وتساعدك تتغلبي على الارهاق الجسدي والتعب النفسي، فتصحي بكير، وتروحي الوظيفة (في حال استمريتي) وترجعي كلك قوة عشان تهتمي بالبيت والاطفال..

6 اطفال صغار ومنهم توأمين وعندك ترسبات وزوجك تزوج وتطلقتي ورجعتي و و و.. أكيد ستتعبين وتنهارين ووضعك الحالي غير مستغرب..

اعملي خطوة.. حبة حبة.. حتى تصيري فجر في أفضل حالاتها الممكنة..

المشاركة الأصلية كتبت بواسطة mimomea (المشاركة 3462603)

حبيبتي يا فجر اللي قالته مسك صحيح واللي قاله الاخ عبدالله نفس الشي
كل اللي عم تحكيه مش تعاسة بل اكتئاب ومستحيل تعترفي ومستحيل تتغيري الا من بعد ما تعترفي انو فيكي شي
لانك عايشة ومش عايشة وهالشي مش بارادتك هلئ وصعب اللي عم تحسيه وممكن كتير ما يقدروا يفهموكي
بس بتقدري بقرارك وبخيارك تغيري كتير من اشيا اذا بدأت الخطوة التانية
لأنك اتخطيتي الخطوة الاولى وهي الخجل ونجحتي فيها
وانا انسانة ما عانيت بطفولتي ابدا وبعتبرها اجمل طفولة عشتها معنويا وليس ماديا
ومع كل هاد أصبت بالاكتئاب غير الوسواس القهري يعني صار عندي بدل المشكلة مشكلتين
وهالشي ما صار الا من بعد ما ولدت بنتي وضليت تلات سنين ارفض اني اعترف انو انا فيني شي
لوصلت لمرحلة صرت احكي اللي عم تحكيه بالزبط
الموت حسه هو الحل الوحيد وراحة وحلم
و ما في شي بيسعدني ولا حس بمتعة النعم اللي عندي
وكنت اعشق الظلام والوحدة بس ما كان عندي مجال اني انعزل
واللي بيشوفني يقول بتفهم وبتفكر اكثر مننا اكيد ما فيها شي وهيدا دلع
واول العلاج ما اتحسنت دغري وبس رحت لعند الطبيب لقيت ناس من مختلف الطبقات الاجتماعية والاعمار ومن بينهم مهندسين بيروحوا لعنده

بعد سنة ونص من العلاج وبالتدريج وقفت الادوية وحياتي رجعت احسن من قبل وكأني انولدت من جديد
ورجع النور لعيوني وقدرت شوف كل شي قدامي بشكل حلو او عالاقل على حقيقته بس مش سوداوي
وكان بقدر اعمل علاج سلوكي بس ما كان بدي
لانو بالفعل وصلت لمرحلة بدي اي دواء بس لاطلع من الحالة اللي انا فيها لاني تعبت لا بدي اهل ولا زوج ولا اولاد ولا احد من الناس
وصرت اتحمل فشل العلاج بالبداية لاخد على جسمي ولتقبلت اني بالفعل عندي اكتئاب لانو بعرف ناس عندها وسواس بس سعيدة ببعض اللحظات والاوقات مش متلي نظرة سوداوية
اصريت عالعلاج لحس باولادي وحس بالنعم اللي ربنا رزقنا ياها
هالشي مش عيب نتعالج ليش بنربط الحالة النفسية بالجنون
الجنون وقت شخص ما بيقدر يقلك واحد زائد واحد بيساووا اثنين
وقت ما بيتفوق بدراسته برتبة الشرف
وقت ما بيقدر يكون اب او ام
وقت ما بيقدر يعمل بأبسط الوظائف
وقت ما فيكي تخليه مسؤول ولا بيكون قد المسؤولية
وقت يكون مرفوع عنه القلم بالعبادات كونه مجنون ومش بكامل عقله
والمجنون ربنا خلقه ولحكمة متل ما خلقنا وبيمتحنا بانواع من البلاء لحكمة

بس انا وانت وغيرنا شو العيب اذا مررنا بفترة مرضية نفسية متلها متل اي مرض جسدي
حبيبتي فجر كل اللي عندك من وظيفة وعلم واولاد وزوج واهل وامان وورث ماشاءالله تبارك الله
الله يديم نعمه على جميع عباده كفيلين انك تكوني بقمة السعادة
او عالاقل تحسي بطعم الحياة او الرضا والقناعة
صدقيني العلاج السلوكي من دون ادوية بيساعدك انك تفرغي لشخص متخصص كل الشحنات السلبية ويغوص داخل تفكيرك ويرجع يغذي العقل الباطني عندك بجرعات من الافكار الايجابية والتفاؤل
عندها بتقرري تاخدي اجازة من العمل او تتركي العمل لانو بوقتها بتفكري صح لقدام لمصلحتك ومصلحة اولادك
بس هلئ لو تركتي الشغل ما رح تنحل المشكلة
لانو بلذة الحياة مش حاسة بلذة وجود اولادك حدك مش حاسة

بتعرفي صديقتي عندها اربع اولاد ورا بعض اكبرهن ست سنوات واصغرهن بالاشهر
بتشتغل مدرسة وما عندها عاملة بالبيت وبتاخد معها اولادها عالمدرسة والحضانة وبترجع بتحضرلهن اكل وبتهتم فيهن وبنهاية الاسبوع بتنظف البيت تنظيف عميق وزوجها بيساعدها بالبيت
وما بتنام الا الساعة 12 منتصف الليل واذا بكير 11 بالليل وبتوعى الساعة 6 ايام الدوام
وعايشة حياتها بالطول وبالعرض
يعني مرات بتخرج هيي وزوجها لوحدهن وبتترك الاولاد نايمين واهل زوجها بيطمنوا عليهن
مرات بتروح لو ساعتين بتاخد طاقة ايجابية
صحيح مرات بتحس حالها مضغوطة لانو اطفالها صغار وعندها مسؤولية الاولاد وبيت وشغل بس مبسوطة فيهن

كرمال هيك حبيبتي عندك خيارات تجيبي عاملة بتعفيكي من قسم كبير من شغل البيت وممكن تحضري اكلات صحية وسريعة بالليل وتاني يوم بتكون جاهزة بس بتطبقيها او بتدخليها الفرن

ممكن تشتغلي وتتركي كل كلام الناس ورا ظهرك
حبيبتي فجر انت قوية واللي بيتخرج برتبة الشرف لو ما كان من داخله قادر ليوصل لهالنجاح مهما ضغطوا عليه كل الناس ما بيقدر يقدم الربع اذا ما هو بالفعل قادر على هالشي

فكرمال هيك ترسبات الماضي واللي عشتيه عمل هالتراكمات وخلتك هيك
بس اكتر شي عم تمري فيه الاكتئاب نتيجة اللي عشتيه الله اعلم
بتعرفي لو ما عندك اكتئاب وانت ما بدك تشتغلي بوظيفتك
كان ما في قوة بتجبرك تعملي شي انت ما بدك ياه
اولادنا باعمار اقل من المراهقة ما عاد فينا نقدر نضغط عليهن باشياء ما بيرغبوها الا بشي بنعرف انو بيأذيهن
فكيف انت ام وزوجة ومدرسة اقل شي تاخدي القرار اللي بريحك
بس بوقت تكوني بحالة افضل من الحالة اللي انت فيها

الله يسعدك دنيا وآخرة


دعواتي ترافقك sddsddsdd

المشاركة الأصلية كتبت بواسطة قَلَم كُحْل (المشاركة 3462576)