|
رد : زوجتي لاتهتم فيني
اقتباس:
ماقريت كلامي زين انا قلت لما شفتها انها راح تتجاوز قاطعتها عشان ماتصير مشكله جديده وحنا مو ناقصين مشاكل اما قولتك خواتي قايلات كلام لها اصلا العلاقه مقطوعه بينهم نهائياً بس بالاعياد والمناسبات اللي يتجمعون بالديره غصب ومابينهم الا سلام بس |
رد : زوجتي لاتهتم فيني
اقتباس:
كلامك ذهب |
رد : زوجتي لاتهتم فيني
شيء جيد للنقاش أنه الواحد يحافظ على موضوع الحوار وما يسمح للطرف الثاني بتشتيت النقاش ... وانت قاطعتها عند كل النقاط اللي هي أثارتها وكانت خارج الموضوع .
لكن وش هو الموضوع اللي هي بعدت عنه ؟؟؟ مش الموضوع كان أنه ليش هي متغيره ؟؟ وشنو اللي براسها تجاه زواجكم وخلاها تبعد عنك ؟ |
رد : زوجتي لاتهتم فيني
خلهاا تطلع وتتشعب هي داخلها تراكماااات فاهم كيف يعني تراكمات
مافي شيء اسمه خواتي مقطوعه علاقتها فيهم يعني اسكتي ! واذا مقطوعه خلها تتكلم عادي حتي لو قالت شيء كذب عادي سوي نفسك مصدقها وخذ واعطي معها لين يفرغ قلبها وفعلا انت تسالها ليه متغيره ويوم جت تعدد لك الاسباب قاطعتها اصبر وخلها لو توصل النقاش لامريكا افرغ اللي بقلبها عادي قالت اكره خواتك اساله بلطف قلها ليه ياعمري ومن هالكلام قالت لك كذا بس ماحبهم عادي قل لها ايه ياقلبي انتي حره وانا احبك ومعك ولاتخافين حتي لو انت تكذب عليها المهم كلمه تشق خاطرهاا .. الله يهديك بس .. هو انت اخذها عن قناعه ؟ اخذتها وتكلمت عندها عن اللي كنت تحبها ؟ ولا نسيتها من اول ماتزوجت ؟ يمكن في شيء مخانقها للتستهين حتي النظره تجرح الانثي |
رد : زوجتي لاتهتم فيني
^
هو ما قال انه كان يحب وحده!!! |
رد : زوجتي لاتهتم فيني
اقتباس:
لكن انا ماقاطعتها وخليتها تتكلم الا لما شفت ان بكلامها بدت تتجاوز على اهلي هنا قاطعتها عشان ماينقلب الوضع من جلسة مصارحه وتفاهم الى هواش هذا قصدي |
رد : زوجتي لاتهتم فيني
اقتباس:
برضو افهمتي كلامي اختي اعيد انا تركتها تتكلم وتقول اللي تبي ماقاطعتها وتكلمت بخصوص خواتي وانا ساكت وتركتها تفضفض على قولتك الا لما شفت انها بدت تتجاوز بالكلام على خواتي هنا قاطعتها عشان مايتطور الموضوع وينقلب للهواش لاني طبيعي ماراح ارضى باي كلمة ناقصه بحق خواتي وهذا طبيعي وخصوصاً ان انا ماعندي الا اختين وكلهم اكبر مني وكبار في السن واختي الكبيره كبيره في السن هي اكبر نا وهي اللي ربتني يعني اعتبرها امي مو اخت بس فـ انا مااجبرها انها تحبهم لاني اعرف ان الحب والكره بيد الله عزوجل وحتى لما نروح لديرتنا مااجبرها تروح وتزورهم اخذ عيالي واروح ازورهم انا فـ ماني شايف تأثير من اخواتي على حياتنا هم ببيوتهم مستورات والحمدلله وانا ببيتي اختي انا ماعمري جبت سيرة بنت او مدحت بنت قدامها حتى اللي بالتلفزيون مااعلق هذي حلوه والا هذي شينه وبعدين بصراحه انتم حسستوني اني اتعامل مع كائن مو من بنات ادم وحواء الانثى حساسه الانثى والا نثى الانثى مثل الذكر بالضبط فيه الحساس وفيه اللي بدون احساس وفيه الحنون وفيه الجاف الخ من هالصفات |
رد : زوجتي لاتهتم فيني
اخي الوحيد ،،، انا لحد الآن اشوف ان الحلول اللي طرحتها لك هي طريقة حلوة لحل الامور وتهدأ الامور قليلا ..،
نقطة المصارحة ، تكرار طلب معرفة الاسباب .. يخلي زوجتك تطلع لك اسباب من تحت الارضروالاغلب انها تعمل على استشارة بعض الزميلات او الصديقات والدليل كلامها عن المنزل وارد اقولك هي ببالها ترد ما فعلته بها من طلاق وتركها لاسبوع واحساسها بانك على خطأ وهي المظلونة وانها تبحث عن اي تعويض حتى لو مادي ! ... جرب تهديها طقم ذهب ناعم وبسعر متوسط ( اذا كنت قادر ) مع سفرية باجازة الاسبوع وشوف ردة الفعل ... انا احسها انها تبغي تسوي اي شي تحسه ممكن يستفزك او يثير حفيظتك عشان تشوف ردة الفعل ( كانها تقول شفت حس بالاحساس اللي حسستني فيه بذيك الفترة ) واللي اتوقع زاد من زن وتاليب من الاشخاص اللي تناقشت بمشكلتها معاهم .. جرب احد الحلول ولا تياس من اول مرة ،، 8 سنوات عشرة بينكم تستحق الصبر واعطاء الفرصة عشان ترجع حياتكم كما السابق ،،،، |
رد : زوجتي لاتهتم فيني
^
بس ذيك الفتره هي السبب فيها هي اللي اتهمتك في شرفه على قولته يعني ضربني وبكى وسبقني واشتكى اخي بصراحه هل سبق وشافت زوجتك عليك شي اقصد مكالمات او علاقات نساء ساعتها بقول معاها حق ما تحس بالامان لكن ان كان الجواب لا ف مالها حق بهذا الاحساس وان كان على الطلاق اللي صار ف هي اللي جابته لنفسها ورجعتها وبشروطها كمان يعني صراحه دلع حريم الظاهر |
رد : زوجتي لاتهتم فيني
اقتباس:
|
| الساعة الآن 09:10 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©