|
رد : الزوجه العنيده
بسم الله
الحمد لله على كل امر الحمد لله ثم الشكر الجزيل لكم ايها الاخوة ... ذهبت بالامس ولله الحمد جلست مع اهلها غيرت كافة المواضيع لم نتكلم فى موضوعنا تكلمت مع اهلها فى مواضيع عادية ثم اتى الليل وخرجت انا وهى على حسب اتفاقنا مشيت معها عادى جدا ولا فى اى شىء هظرت ضحكت اتكلمت احاول انى اضحكها يادوب حاجة بسيطة وعلى كدة وخلاص وقفنا عالنيل قللتلها على فكرة المنظر من هنا جميل بس بيكى طبعا يبقى اجمل فى حاجات ماشية حاجات معدية أسألها هو دا اية وانا عارفة بس عشان تتكلم المهم بقلها هتيجى امتى تتفرجى عالشقة قالت بص بالنسبة للمكالمة بتاعة المرة اللى فاتت قاطعتها مش عايز اعرف اى حاجة عن المكالمة دى انا هنساها اصلاً قالت اصل هو اصلا الموضوع دة بجد مش هينفع يستمر انا سكت من زعلى بعدين قللتلها لية ؟ قالت هظلمك وهظلم نفسى قللتلها انا راضى بظلمك لى انت بقى هتتظلمى لية ..مش عايزك تقوللى الكلمة دى طول ما انا معاكى طول ما انا موجود وحى باذن الله انا مش هسيبك قالت بس بجد بجد مش هينفع قللتلها بقولك اية انت عايزة اية ؟ قالت صراحة ناحل سنة قللتلها خلاص ماشى نأجل سنة حاجة ثانية قالت لاء وبعدين قالت خلاص ماشى قللتلها ايوة فى اية ثانى عايزاة قالت مفيش هو دة بس قللتلها ماشى انتى بقى من يومها بتعمللى كدة عشان أاجل صح (بضحك ) قالت ما هو انت اصلا مش عايز تأجل وانا عارفة انك رافض الفكرة تماما قللتلها لاء يا روح قلبى خشى كليتك وعادى جدا وبعد كدة ربنا ييسر الاحوال قالت خلاص باذن الله بعديها بدأت اهظر معاها ثانى ماشاء الله لا قوة الا بالله انسبحت بعد شوية بقلها تعرفى انتى هتبقى فظيعة (بهظار) قالت لية قللتلها انتى عشان تعوزى حاجة ولا تعمللى حاجة هتعمللى فى كدة دانتى هتبهدلينى المهم روحتها و امها قعدت معاى قالت بص يا فارس انا عارفة انى كنت مخبية عليك الموضوع دة قللتلها لا عادى خلاص الحمد لله قالت والله يا فارس كلة خوف وانا كنت بتحججلك بأى حاجة صغيرة مش عارفة اية بس مش عارفة هى خايفة فعلا تفتح قلبها وتحب فارس عندها قلق ودة بالظبط اللى عندها انا حللت دة انها خايفة تحبنى تقوم تنسى دراستها وعذرتها قالت معلش يا فارس بس بجد هى ماشاء الله ماشاء الله الوجة اللى رجعت به غير اللى خرجت به تماما قللتلها الحمد لله قالت انتوا قلتوا اية ولا عملتوا اية قللتلها خلاص بقى سيبك ضحكت لا بجد قللتلها اجلنا شوية قالت ايوة كويس مش مشكلة ربنا ييسرلكم الامر يا رب \ انا روحت قعدت شوية لقيتها (مها ) بترن على اتصلت عليها فى اية ؟ قالت انتى مبتتصلش تطمنا انك وصلت لية ؟ قللتلها بجد نسيت وكنت هنام قالت طب يلا روح نام المهم اتكلمنا شوية وبعدين قالت بالنسبة لموضوع المكالمة قللتلها اة مالها قالت خلاص يا ريت نقفل عالموضوع دة ومعدناش نفتحة ثانى قللتلها وانا اصلا كنت قايلك اية ؟ قالت انا عارفة انك كنت طالب كدة اصلا قللتلها بس خلاص قللتلها بس قبل ما نقفل الصفحة دى عشان نفتح صفحة جديدة على بياض بقى المهم ضحكت وقالتللى الكشكول خلص المهم قللتلها الكلام اللى انتى كنتى بتقولية ساعتها كان من قلبك يا مها قالت ما خلاص بقى قللتلها لا لا بجد قالت الصراحة اة قللتلها خلاص عموما خلاص طب بس ازاى وموضوع انك كنتى زعلانة لما انا كنت مسافر قالت بص هو انا عموما مع اى حد اى حد مبحبش لحظات الوداع حتى لو شفت اثنين بيودعوا بعض بقعد اعيط جمبهم قللتلها خلاص نقفل على اللى فات باذن الله خلاص خلاص ..... اية التعليق بس قبل اى حاجة بصوا يا جماعة انا جيتلكوا هنا عشان تعرفونى طريقة معاملتها لانى بصراحة مليش فى معاملة الحريم وعمرى بجد ما حبيت قبل كدة بصراحة كنت كثير قوى بتشتت من الافكار وصراحة كنت كثير بطنش بعض الاراء وفى بعض الاحيان كنت بعمل كثير من الاراء بس فى حاجة ممكن انتوا كنتوا بتحكموا عليها من زاوية معينة لان انا كنت بنقلكم الصورة من وجهة نظرى انا كل اللى بطلبة منكم قبل اى شىء الدعاء بعدين تعرفونى ازاى اعامل انثى ازاى اماشيها ازاى احببها فى الانثى بتحب اية وبتكرة اية اطمنها باية اشيل الخوف والقلق اللى عندها دا باية ؟ انا فى انتظاركم جزاكم الله خيرا |
رد : الزوجه العنيده
بسم الله الرحمن الرحيم الحمد لله والصلاة والسلام على رسول الله اللهم صلى وسلم وبارك عليه وعلى آهله وصحبه وسلم اهلا يا فارس ازيك يا حبيبى ان شاء الله تكون فى خير اليك انطباعى عن زيارتك اولا موقف ابوها جيد جدا وشعر ان لك موقف وانه لا يصلح كل اللى كان بيعمله هو وزوجته واشعر انه بدأ يتقى الله فيك فى الحقيقة موقفة طيب شعرت انه والدك وليس حماك واول مرة يعترف بخطأه وخطأ ابنته كذلك البنت اشعر انها اول مرة تكون صادقة وتضع النقاط على الاحرف وتصارحك بكل ما يجول فى نفسها وكما سبق وقلت لك اذا كنت تريد هذه البنت ولا تستطيع ان تعيش من دونها اى انك تعشقها ولن تجد من يسد فراغها فليس امامك الا ان تصبر عليها سنتين او ثلاثة حتى تشعر البنت انها اقتربت من تحقيق طوحها الدارسى ووقتها سيكون لك فى قلبها مكان ويمكن ان تعطى لك ما تريد اما الان فهى كما ذكرت لك تشعر انها لن تعطيك حقك وربما تفشل كزوجة وكذلك تفشل كطالبه وكما يقال لن تطول بلح الشام ولا عنب اليمن واشعر ان امها وابوها كذلك شعروا انهم مهما يفعلوا لن ينجحوا ان فى تمرير هذه الزجية الا اذا كان هنا حب من طرف بنتهم تشعر به انت وتشعر ان البنت تريدك كما تريدها انت لذا تركوا لكم الآمر وهذا فى حد ذاته تطور ايجابى عظيم وخطوة كنا نبحث عنها من زمن وعلى فكرة عندما تشعر البنت انها حرة فى اختيارها ولا يوجد عليها اى ضغط سواء من اهلها او منك عندها سيكون القرار منها ولن يكون قرار الانفصال سهل عليها لانها كما قالت لك انت ما شاء الله اى بنت تتمناك واكيد لك حب فى قلبها ولا لم يصل الى نفس درجة حبها للوصول الى مركز علمى جيد اذن ليس امامك الا استخاره الله عز وجل وان تعلم ان الخيرة فيما سيختاره الله عز وجل وعليك الرضاء بما يقدره الله واعلم يا ابنى الحبيب انه اذا لم يقدر الله عز وجل نصيب انك ستعانى ايام قليلة وبمجرد البدء فى البحث عن فتاه اخرى تسعدك وتشارك احلامك وآمالك ستنى مها وابوا مها وام مها وكل عيلتها هههههههه :D:D:D:D:D بضحكك بس يا فروس ربينا يقدر لك الخير |
رد : الزوجه العنيده
اهلا يا فارس ما شاء الله ما شاء الله تبارك الله على فكرة ردى كان قبل ما اقرأ ردك الآخير والله وشفت انا كنت كاتب لك ان كل المشكلة فى التأجيل وصدق حسى بفضل الله الحمد لله خلاص بقى يا فارس احمد الله ان الموضوع وصل لحد كده والحمد لله اسأل الله ان يكون قد قبل توبتك وببركة هذه التوبة حنن قلبها وصرف عنكم هاجس الانفصال وضياع حبها اللى واضح انه مكلبش فى قليك وطلع كل الكلام اللى قلته لنا انك خلاص مش عاوزها وكل خوفك على المهر والشيك كلام فاضى بتضحك به علينا ههههههههه :):):):):) المهم جدد التوبة واستمر عليها واياك ثم اياك تضعف مرة اخرى وافعل مثلى كلما اشعر بوسوسة ابليس لعنه الله عليه اتذكر انى حينما اعصى الله سأعصيه بنعمه سواء نعمة البصر نسأل الله ان يحفظه لنا او نعمة وجود المال الذى جلعنا نجلب به النت واللاب توب وكل ما نملك واتذكر لو كنت كفيف او لو نزع الله منى نعمة البصر فحينما اشتهى ان انظر لما يغضب الله عز وجل ماذا كنت افعل واتذكر الحديث الذى يقال فيه لما جعلتم الله اهون الناظرين اليكم ومن اكبر الكبائر عبد يظهر امام الناس انه صالح ولكن اذا اختلى بنفسه انتهك حرمات الله عز وجل واخيراً تذكر ان معك بنت طاهرة اعطى الله لها من الشفافيه التى تعلم مدى تقصيرك فى جنب الله فتذكرها وحافظ عليها بشكر انعم الله عليك واهم شىء الفترة التالية ان تشعر البنت ان لك ما يشغلك فلا تكن مدلوق واعطى لها وقت تعيش حياتها لا مانع ابداً من رسالة تطمئن عليها مكالمة سريعة تقول لها بحبك وحشتنى اما المكالمات الطويلة فلا تزيد عن مرة فى الاسبوع وكذلك الزيارات الطويلة خليها هى من تفكر فيك هى من تشعر انها متزوجة رجل مهم مشغول بعمله وتحقيق مستقبله كما هى تسعى لكل تنجح وتحقق مستقبل مبهر بإذن الله تعالى بس يا فروس انا عاوز شوية تفاصيل عن كلام امها معك عندما عدتم لم افهم ماذا كانت تقصد هل كانت تعلم ان كل سبب المشكلة هو طلب البنت التأجيل وهل ابوها ايضا كان يعلم وماذا كانت تقصد من خوفها انها تقول لك وكانت تقول اشياء صغيرة وهل كانت تخاف ان الموضوع ربما ينتهى ولماذا هل بسبب رفضك التأجيل يعنى عاوز شوية تفاصيل يا فروس موفق بإذن الله |
رد : الزوجه العنيده
بسم الله ماشاء الله ربي يسعدكم و يوفقكم و يجمع بينكم على خير و يجعلها الزوجة الصالحة لك
ويجعلك الزوج الصالح لها اخي ماشاء الله طلعتكم و تصرفك معاها وقت الطلعة رائع بسم الله ماشاء الله وموافقتك على التاجيل ايضا قرار موفق بنضري.. وقت ما بتحس بالامان باذن الله بتكون معك اكثر وضوحا و انفتاح طلبت نقولك كيف تتعامل معاها .. واقولك بصدق .. بعد موقفك الاخير انت مش محتاج اي حد يقولك تصرف معها زي ماسويت بالطلعة الاخيرة .. هدوء و احتواء و صبر و باذن الله امورك تتيسر تصرف بطبيعتك معها و لا تنتظر اراء .. الاساسيات تعرفها ... الاحترام و الهدوء و عدم الظن .. و زي ماقلت لك و ارجع اقولك زوجتك صغيرة .نعم في بعمرها متزوجات و عندهم اطفال كمان لكن لكل واحد شخصيته وشخصيتها لازالت في عالم المراهقة والطفولة الجميلة وبراءتها نعمة بحد ذاتها فا استغلها لصالحك و لا تتأفف منها .. ولا تجبرها على امور لا تطيقها و اتركها للزمن .. ابسط مثال زي ماقالت مسز داني .. افلام الكرتون لحالها بتتركها بعد فترة اصدقك القول للان وعمري 28 سنة احيانا اتفرج المحقق كونان و توم و جيري .. عادي مافيها شي :) احسن من المسلسلات التركية فالاشياء الي مامنها ضرر عديها .. والخطوط الحمرا زي الحجاب و اللبس و غيره .. خليك حازم لكن مش عصبي .. يعني تمسك بقرارك طالما هو صح بكل هدوء و لا داعي للصياح و الشكوى و انتي ماتسمعي و انتي ليش و ليش فقط قولها كلمة وحدة انا قلت لا اعطيها السبب .. وانتهينا .. المهم اخي ... ثق بنفسك اكثر .. انت باذن الله على الطريق الصحيح .. ونقطة اخيرة .. زياراتك و تلفوناتك تكون مقنننننننننننة .. مش تزورها سبع ساعات و منتظر منها تقعد معاك طول السبع ساعات مهتمة !!!! خليها ساعة تكفي و يابخت من زار و خفف والمكالمات نفس الشي قلل مدتها الله يوفقكم |
رد : الزوجه العنيده
نسال الله ان يتمم امورك على خير اخي الفاضل
|
رد : الزوجه العنيده
اقتباس:
|
رد : الزوجه العنيده
امها تقصد تصرفاتها القديمة
الصد والرد الرد بطريقة مش كويسة دا انا حتى لماكنت بقلها بحبك تقوللى شكرا ...ماشى اقلها بحبك تقول طيب خلاص ماشى وطبعا ياما حاجات انتوا عارفينها .... على فكرة اخر حاجة انهاردة حصلت دا فى الجديد انا اتصلت عليها الصبح كان تلفونها مغلق المهم اتصلت عليها الظهر لقيتها فتحتة سلمت عليها وصبحت بطريقة كويسة بس كان باين عليها مستعجلة لانها كانت بتقول ...فى حاجة قللتلها اية مالك قالت اصل انا رايحة لاختى قللتلها طيب خللى بالك من نفسك يا روح قلبى ولما ترجعى رنى على قالت هروح من هناك عالدرس قللتلها طب لما تخللصى الدرس رنى على قالت ان شاء الله قللتلها اوعى تنسى يلا سلام وعلى كدة ... هل اتصل انا عليها اعرفها انى زعلان انها متصلتش ولا انسى ولا كأن فى حاجة عشان اعرفها انى مش فاضيلها كل شوية ولا اتصل اقلها حمد لله عالسلامة يا جميل مش كنتى تتصلى تطمنينى .... دايما بكون محتار فى الاوضاع دى |
رد : الزوجه العنيده
فارس خف قوى فى الفتره ده ويجب ان تعلم انه كلما قربت الامتحانات هتكون مشدودة اكتفى برساله وزيارة مرة فى الاسبوع وبلاش تتصل تانى النهارده فارس انت خريج كلية ايه وسنه كام ؟ |
رد : الزوجه العنيده
قلقتنى والله بردك القصير دة
انا معايا ليسانس اداب 2010 بس لية اشمعنا ولية اخف قوى اية قلقتنى بجد هو التصرفات اللى انا عملتها دى فيهاحاجة غلط ولا اى؟ .... ان كان عشان الاحتكاك بالبنات فى الجامعة وكدة دا لانى كنت بخزى جدا ولو بنت كلمتنى كان وشى بيقلب الوان الطيف ومكنتش بعرف اتكلم مع بنت |
رد : الزوجه العنيده
اخي الكريم
سالفة الرنات غريبة شوي كل حركة برنة اعتقد لو.تغض النظر عن هذا..يكون أريح لدماغك .. استبدل ذلك بمكالمة ثلث ساعة ..ومش ضروري كل يوم..لتحفيز عامل الاشتياق انما الرنة ليست دليل تواصل..انما.مراقبة و الله اعلم |
| الساعة الآن 07:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©