|
رد : مارأيكم فيما فعل زوجي
اكيد كذا تمام
يقول الشافعي احترامي للغير يعني. احترامي لنفسي فحينما ابتسم لشخص وامد يدي لمصافحته بعد اسأته لي لا يعني ان الحياه لا تمشي بدونه بل يعني شيئا واحدا انني نشأت على يد رجل عظيم وإمراه عظيمه علموني ان لا ادير ظهري بمن جمعتنا بهم عشره عندما ترتفع سيارف اصدقائك من انت وعندما تسقط ستعرف من هم اصدقائك ولن يضيع الله عملا صالحا كان لوجهه سبحانه وتعالى عندما تتمسكين به فانتي تجعلين من حياة ابو ابنائك افضل وعندما تتركينه تعرفين ما الذي يحدث به الله يحفظكم ويصلح حالكم ويبعد عنكم كل شر |
رد : مارأيكم فيما فعل زوجي
إذا الشي هذا ( يرضي ربنا ) ..
فأنا راضية .. . . و مركز مطمئنة موعدهم مرة بعيد ( 6 أشهر ) بس أفضل من لاشي .. و فيه احتمالية إنها تتقدم .. قالولي فيه حجز بالجوال ( يعني يتصل الدكتور و اشرح له بالجوال .. لكن الموعد بيكون بعد 3 أشهر ) شكلي بأتصل بكرة و احجزه كمان .. . . لكن أي ضربة جديدة ما أتحملها .. لسى ورانا سفر و غربة و تأثيث بيت ، و ما راح ألتفت لأي عوائق بعد كذا .. عشان كذا ، أملي في الله ثم المستشار .. مع إني عمري ما تخيلت إني بأروح لمستشار ؟ لكن بأروح .. حتى لو لوحدي .. بإذن الله .. . . أنا ماني قوية .. لا ورايا أم و لا أب و لاشي .. واقفة وسط الإعصار لوحدي .. قوية بربنا و بس .. ماشية بالحياة ( بثقتي و حسن ظني بالله ) .. . . لو صار شي لا سمح الله .. بنفسي اروح للمحكمة و اخلص كل أموري .. فلا يستهين بيا بعد كذا .. لإنه مو بس أنا اللي صرت أعرفه .. هو كمان صار عارفني .. |
رد : مارأيكم فيما فعل زوجي
روح حبيبتي
لو تيسرت له وظيفة المستشفى , اتركيه يشتغل ولا تعترضي هو كان في بريطانيا في أماكن أسوأ وأسوأ ومع هذا ما انحرف ولله الحمد الله يفرج همك ويسر أمرك الدعاء أكبر حل لمشاكلك قلبي معك وفكري زين باول رد لاختنا الغالية نور الايمان المال منك مقابل العطاء العاطفي والتربوي والزوجي منه لحد ما يتحسن وضعه |
رد : مارأيكم فيما فعل زوجي
ما كنت ناويه ارد على الموضوع
قلبي يوجعني عليكي وطيبتك الزايده الى حد مبالغ فيه قاتلني دائما مواضيعك تبدا قويه ثم تنتهي بولا شيء على قولة اخووانا المصرينن (يطلع يطلع وينزل على مافيش) عشان كذا ما بتنحل مشاكلك من زمان انتي عارفه انه زوجك حرامي ومحتال وشهدتي عليه بكذا موقف من ايام بريطانياا واخرتها مع البنت حقت رمضان ليش استبعدتي انه يسرق منك زي ما سرق من غيرك ؟؟ ايش تفرقي انتي عن اللي انسرق منهم؟؟او اللي كان ناوي يسرق منهم؟ قلتي تبغي تربيه وتبغي توقفي وقفه جامده معاه لكن شوفي اسلوبك كيف بتتكلمي معاه اقتباس قلت له ( و لا يهمك تغيب يومين عن أولادك و بيتك ) قال لي ( ماشاء الله عليك .. عن مية رجال ) قلت له ( لا تقول كذا .. تضايقني ) قال ( إنت طلبتي مني اجلس برة ، لما قلت ما أرجع البيت لحد ما أدبر الفلوس ) (( قلت على بالي نفس اليوم )) قال ( هذا بيتك مو بيتي ) قلت له ( هذا بيتك إنت ) و بعدين سألته ( يعني لو اشتريت بيت ، كل ما زعلت تخرج و تقول بيتك ؟ ) قال ( لا .. بس إنت رضيتي إني اجلس برة و ما قلتي شي ) بعدين قلت له ( و أول مرة أقولها له ) ( ترى حطّ في بالك .. إنه مافي فكّة مني .. و لا في فكّة منك .. كذا ربي كاتبنا لبعض .. و دام فيه 3 دحين .. يعني مافي فكّة مني ) انبسط و تغيرت ملامح وجهه .. ( و قال أخيراً اقتنعتي ؟ ) ايش هذا الاسلوب الرايق الحلو؟؟ انتي قاعده تطبطبي عليه ! مين اللي سرق انتي او هو؟ زوجك نفسه مو عارفلك ساعه تفوري وساعه تصيري هاديه .. ليش التذبذب خليكي قويه وارسيلك على بر واتخذي موقف وانقذي حياتك وحياة اولادك ثانيا موضوع الصلاه الرجل قاعد يصلي عشانك الظاهر والله اعلم عشان يكسب رضاكي وبمجرد ما يصير بينكم شيء تتلخبط الصلاه ... الصلاه من هذا النوع اظن انتي ما تقبلي فيه فما بالك بربك ؟؟ عملتو زي الاهل والمراهقين تلقي مراهق مقتنع بالصلاه يصلي من لحاله ومراهق ثاني اهله طول ماهو قاعد وقايم قوم صل قوم صل وهو يقوم يصلي ولكن اذا جا وقت الصلاه واهله مو موجودين تلاقيه ما صلى لانه صلاته مو من قلبه.. عموما الحل الان انه زوجك يلقى وظيفه سوبرماركت بنده عاملين عروض للي معاهم ثانويه عامه يبدا كاشير واذا التزم بخلال سنه بالكثير ممكن يعينوه مدير قسم وشوي شوي يطور ورواتبهم طيبه وساعات العمل جدا مرنه حتى بيراعو اذا كان طالب وبيدرس يعطوه ساعات تناسب جدوله .. مطعم ماكدونالدز كمان طالبين موظفين والرواتب مش اقل من 4500 ريال وخميس وجمعه اجازه والشغل مش عيب ولكن العيب السلتحه على الحرمه .. خليه يقدم عليهم وانتي ادعيله ولا تصيري طيبه زياده عن اللزوم وكنت ابغى انبهك على حاجه ذكرتي انه زوجك كان ماخذ قرض او شيء من بنك ربوي ببريطانيا وسافر وما سدد اللي عليه يا حبيبتي مارح يفلت منها ..انتبهي زوجك لو عتب ابواب مطار بريطانيا رح يمسكوه هذا اذا ما كان لقيتي اسمه محطوط في قائمة المطلوبين في الجوازات البريطانيه ككمان ما ظن السفاره الامريكيه رح تعطيه فيزا لامريكا لانه الامريكان ما يعطو الفيزا اللي لما يتاكدو انه السجل حق الشخص نظيف وما عليه شكاوي من دول ثانيه .. انا بس حبيت انبهك لانه شكلها فايته عن بالك.. للمره المليون اعتذر منك لو اسلوبي جارح ..السموحه |
رد : مارأيكم فيما فعل زوجي
روح قصتك ماراح تنهتي
يخطي زوجك وتقولين اخر مره وبادبه وبعطيه فرصه اخيره وغيره وكل مره تعطينه فرصه وهو عارف هالشي انتي ماراح تتركينه انتي تحبينه وماشي على مودك تحبينه لانه يمدحك ويغليك ومايخلي احد يغلط عليك ومعطيك حريتك والخيط والمخيط الي بوصل له اتركي سالفه بعطيه فرصه اخيره ولا بسوي وبسوي تذكرين بعد سالفه رمضان قلتي بعطيه اخر فرصه واي خطا بسيط خلاص الفراق وتكرر الخطا انا ماقول تطلقي اقول اقتنعي ان تهديدك لايعني له شي ولا يعني لك شي بعد ولاعاد يعني لنا شي خليه يلقى وظيفه رجال طول وعرض بدون وظيفه ليه ان شاءالله ولا بتقعدي تصرفي على ثلاث اطفال ليه بتجين فتره وبتنهارين لاميزانيتك بتكفي ولا بتقدري تشتري بيت خليه يتوظف تعبنا نقولها يتوظف لو بالف ريال |
رد : مارأيكم فيما فعل زوجي
اقتباس:
اتساءل لماذا وضع الله روح الطير في طريق زوجها؟ لانه يعلم كل العلم بانها قادره على انتشاله من نفسه و تشجيعه و اعادة ثقته بنفسه بعدما تحطمت في مراحل طفولته و صباه و شبابه. انك تعلمين كل العلم بان وراء كل رجل عظيم امراه فعلا هو هكذا كل العظام وقفت بجنبهم امراه بحنانها و رعايتها. و يا فردوستي الغاليه بينهما اطفال!! كيف سيشعر الاولاد حينما يرون اباهم سجينا او يعرفوا فيما بعد ان اباهم له سوابق؟!!! كتبت في السابق ردا على احد الاعضاء و قلت عندما يغير البشر النظام الالهي تبدأ المشاكل. انت اعلم مني بان الرجال قوامون على النساء كيف تكون القوامه بيد الرجل و المراه تنفق على زوجها. و ان قال لي احدهم ان ام المومنين خديجه انفقت اموالها على رسول الله صلوات الله عليه لقلت باعلى صوتي انها انفقت اموالها على دينها و ليس لتصرف على زوجها الامر يختلف كثيرا. اسفه روح ساقول ما في جعبتي و ارجو ان لا يولمك كلامي الاتفاق منذ البدايه على ان المراه تساعد في المصروف يعني بدايه المشاكل بين الزوجين. المال عند الرجل يمثل القوه و ان سلب منه يرى ان قدرته سلبت. اكرر اسفي فردوسه، اختي روح الطير منذ البدايه سدت في وجهه باب الرجوله و يظهر ارضيته مهدت له ليسلم زمام اموره لغيره ففعل. تبادل الادوار بين الرجل و المراه يساوي كارثه و مشاكل لا تعد و لا تحصى. عزيزتي روح زوجك بحاجه الى مساعدتك المعنويه و ليست الماديه. يجب ان يشعر انه رجل و له قيمومته. لا تساليني كيف؟ فانت اعلم مني بهذا. ارجو لك كل الخير |
رد : مارأيكم فيما فعل زوجي
روح إقرأي قصة برود ومطر مع ناعمة الهاشمي ، وجهت هذه القصة للي زوجها نمطه جنوبي غربي وكيف يفكر وكيف تفكر زوجته الشمالية ، انصحك بقرائتها ستفسر لك اشياء كثيرة ، وانصحك ان تقرأيها كاملة لانها في بعض المواقف غير كاملة
ملاحظة القصة موجهة للنساء فقط ولا ينصح بها لغير النساء ولغير المتزوجين اللهم بلغت اللهم فاشهد |
رد : مارأيكم فيما فعل زوجي
ساعديه ووقفي معاه..
وحاولي قد ماتقدرين إنج تكونين سبب في هدايته صدقيني بترتاحين آخر شي..ثقي بالله كل ماتعبتي ألحي على الرحمــــن الهادي بالدعاء له.. ربي مايخيب رجائج..ويكتب لج السعادة في الدنيا والآخرة..,,, |
رد : مارأيكم فيما فعل زوجي
نور الإيمان
ارد على عجلة أنا شخصيتي ( حسب تحليل فاكهة الشتاء ) .. جنوبية شرقية .. مو شمالية زي ما كنت أحسب .. و زوجي جنوبي غربي .. |
رد : مارأيكم فيما فعل زوجي
الله يختارلك الاحسن ويفرج همك امين
|
| الساعة الآن 01:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©