|
رد : ممكن أكتب شيء
وينك حبيبتي لجين ؟؟
أول شي كل عام وانتِ بخير :) هل علينا رمضان ربي يبارك لك فيه ويجعله فال خير كنت أنتظر أخبارك بس بما أنها أول ليلة رمضان يمكن تحبي تطمنيني عليك بعد السحور أو بعد الفجر .. اللي يريحك خاله .. بس طمنيني عليك حبيبتي |
رد : ممكن أكتب شيء
شهرك مبارك اخوي البليغ ..وخاله بيتا ..
لجين ..شهرك مبارك انتي وابو خليفه .. اتمنى اختي لجين ..انك تضغطين على نفسك شويتين بس .. وتاكدي ان التواصل العاطفي بينك وبين ابو خليفه ..يغيض الشيطان .. واعتبري صبرك ..ليتم الاعفاف لزوجك ..فيه الاجر العظيم بهالشهر المبارك .. خطوات خاله بيتا اكثر من راااااااااااائعه .. |
رد : ممكن أكتب شيء
كل عام وأنتي بخير خاله بيتا خاله بيتا أنا اليوم طلبت منهم يسون العشاء وانا الي اخترت شو يسون حتى يا خاله بيتا رحت عند خالتي عشان نسلم عليها ونبارج لها برمضان وكان خالد وايد مستانس وطلبت منه نسافر عند أبوي بالعيد وافق لان أبوي ما كلمني من سافر ولا سمعت صوته وايد اشتقت له في خاطري أعلمه أنا شو سويت اليوم بس ما يرد عليا ولحين أنا رديت البيت بس خالد تم بيت خالتي أحبج واايد يا خاله بيتا |
رد : ممكن أكتب شيء
ماشاء الله...موفقة أختي لجين
الله يسعدك انت وزوجك في الدنيا والآخرة مبااارك عليكم شهر رمضان وفقنا الله وإياكم لصيامه وقيامه إيمانا واحتسابا |
رد : ممكن أكتب شيء
شـآيفه يالجين قد أيش الحيـآة تكون حلوه لما نتوآصل مع أقرب النـآس لنـآ ..
.. فقـط خففي من الحوآجز التي بدآخلك .. |
رد : ممكن أكتب شيء
اقتباس:
حتى خالتي وعمي كانوا وايد مستانسين يوم شافوني وخالتي طلبت مني أفطر عندهم باجر بس رفضت قلت لها ما أحب قالت عادي على راحتج متى ما تحبين تعالي |
رد : ممكن أكتب شيء
اقتباس:
وخالد رآح يكون مبسوط أكثر .. .. كلما شـآركتيهم بجلستهم رآح تكونين أنتي مبسوطه أكثر .. .. عندك سبب بكره عشـآن ماتفطرين معـآهم ..؟ |
رد : ممكن أكتب شيء
اقتباس:
أنا ما أحب عشان كلهم بيجتمعون بس أبوي مب موجود عشان جذي ما أحب أروح عند أحد وأبوي مب موجود وعشان عمتي بتكون موجوده وأنا ما أحبها لانها تكرهني وما تحبني وتحب تغلط وتصرخ عليا جدامهم وأخت خالد لسانه شوي طويل اسفه خالد بس هي والله جذي تحب تتكلم كثير وتسألني كثير في أشياء ما تخصها |
رد : ممكن أكتب شيء
لجين ..
أنتي الآن سعيــده ويـآرب دوم .. ليش .. لأنك بدأتي بأخرآج نفسك من دآئره مغلقه ليس بهـآ أي توآصل مع من حولك سوآ الوالد ربي يحفظه لك .. .. تعرفي حاجه .. كلمـآ عززتي توآصلك مع أهل خالد وبنات عآئـلتكم كلمـآ زآد بدآخلك حب الحيـآة أكثر .. لانه يوجد نمـآذج في حيـآتنا تضيف لنـآ نكهـه تجمل الحيـآة في أعيننـآ وتسعدنـآ أكثر .. |
رد : ممكن أكتب شيء
اقتباس:
أنتي قويـه وتقدرين توآجهين حتى اللي يغلطون عليك بس بأدب . يعني لما تجلسي في مكان وفيه أحد يضايقك لاتعطينيه أكبر من حجمه .. أعتبريهـآ كأنها مو موجوده .. وبنفس الوقت لاتخلين هالشخصيه تحرمك من الأجتماع مع أحبابك .. .. والوآلد رآح يكون مبسوط لما تجتمعي مع أعمامك هم بنفسهم رآح يقولون له لجين زآرتنا .. ولما الوالد يسمع هالخبر رآح يفتخر فيك كثير وينبسط أكثر.. |
رد : ممكن أكتب شيء
اقتباس:
لالا ما أحب خلاص هي عصبيه وتحب تغلط حتى لو أنا ما رمستها في مره يوم شفتها في المجلس ما رمستها ولا سلمت عليها بس رحت سلمت على خالتي وقعدت عدالها قامت عمتي وسحبتني جدامهم كلهم وقالت أبوج ما علمج تسلمين ومسكت أيدي وخلتني أسلم على الكل ومافي أحد دافع عني بس أبوي يوم يعرف هاوشها جدامهم كلهم عشان جذي هي ما تحبني |
رد : ممكن أكتب شيء
بس خلاص أنا مب سايره عند أحد لغاية ما يرد أبوي |
رد : ممكن أكتب شيء
اقتباس:
أنك ماتسمحين لأحد يطلع عليك أي خطـأ .. يعني لما تدخلي المجلس تكونين مبتسمه وتسلمين على كل الحضور .. ومو ضروري تسولفين معـآهم .. أهم شي تـسوين الشي اللي الوالد ربـاك عليه .. عشان محد يغلط عليك ولا على الوآالد .. أنا مابي أضغط عليك وأقول لك بكره لازم تفطرين معاهم .. بس أقولك كذا .. عشـآن لما تحضرين أي منـآسبه بعدين تتعاملين مع اللي يغلطون عليك في هالأسلوب .. .. |
رد : ممكن أكتب شيء
اقتباس:
لسانهم متوذي منهم.. لجين ..خلي هالقاعده قدام عيونك لما تتعاملين مع الحموله.. خذ العرف ..وأمر بالمعروف ..واعرض عن الجاهلين.. لا تحرمين نفسك صلة الرحم عشانهم.. وانا عني اقول روحي عشان تذكرينهم يدعون للوالد..عالفطور .. ادعيله قدامهم وبصوت مسموع .. |
رد : ممكن أكتب شيء
اقتباس:
لا والله ما أقدر ما أحب وخالد مب زعلان مني لاني ما أسير عندهم |
رد : ممكن أكتب شيء
اقتباس:
[align=center] شكرا لك اخي / البليغ حقيقه هي نحن نشكرك وشهادتي فيك مجروحه,, وايضا في الخاله بيتا شهادتي بها مجروحه ,, بارك الله فيكم بووركتم [/align] |
رد : ممكن أكتب شيء
اسمحي لي لجين..
لما تتجاهلين عمتك وماتسلمين عهليها ..خطأ وكبير بعد .. مو كذا نصحح الاخطاء ونعلم الناس يحترموننا .. حبيبتي لجين ..اي كلام يوصل لابوك عنك ..فيه مدح لشخصك وتغيرك الايجابي .. يرفع راسه ويحسن معنويته ..ومناعة الجسم ضد المرض.. |
رد : ممكن أكتب شيء
اقتباس:
هي بس تزعل لان خالتي اذا ما سلمت عليها ما تصارخ وشوي تزعل بس تنسى |
رد : ممكن أكتب شيء
في يوم تكون فيه خالتك لوحدها بدون عمتك اللي تضـآيقك أطلبي من خالد تفطرون عند خالتك ..
وتنبسطين معـآها أكثر .. .. والوآالد رآح يرجع قريب بالسـلامه .. بس مو الأحسـن أنك تخلينه يرجع.. ويشوف لجين صـآرت أفضل وأسعد من قبل .. وتزور أهل خـآلد وتشـآركهم .. .. صــدقيني .. الوآلد كلمـآ شـآفك مبسوطه رآح يكون هو بعد مبسوط .. |
رد : ممكن أكتب شيء
ماشاء الله ماشاء الله اختي لجين تطور واضح وجميل حقيقه,, انا اووئيد ما قيل بشده انك تروحي وما تعطي احد يطلع عليك خطء لو صغير,,, ومثل ما قالت الاخوات واختي توفي,, جميل عند ما يكلمون ابوك ويمدحون فيك قدامه وخاصه هو فترة علاج راح يفرح كثييييييييير لنك ما قطعتي العلاقه الي ابوك معودك عليها صدقيني راح تشوفين الفرحه بعيون ابوك لمن يخبرونه انك جيتي راح تسعدينه وانتي تحبين ابوك وتبين تسعدينه صح مثل ما هو يسعدج,, واشكرج اختي على تجاوبج وعلى التطور الملحوظ حقيقه بارك الله فيك شكرااا استمري يا لجين,, |
رد : ممكن أكتب شيء
فيـه فكره رآح تخليــك مبسوطه أكثر ..
أيش رآيك تحددين موعد زيـآرة لدآر الأيتــآم وتـأخذين لهم معـأك هدآيا حلوه من أختيـآرك .. .. وأحتسبي أجر هالزيـآره بنيـة شفـآء الوآلــد .. رآح يحبونك البنات اللي في الدآر وتنبطسين معــآهم .. .. وهذي فرصــه حلوه في هالشهـر الكريم .. .. أيش رأيـك .. ؟ |
رد : ممكن أكتب شيء
اقتباس:
و تحسبي كل أخوات الزوح حبوبات :d كلنا مثلك لكن لازم و ظروري تتواصلي معهم و لو بشكل سطحي و كلها سلام بس و كم كلمة تسولفيها معهم و خلاص :d الموضوع بسييييط و مرة ثانية اذا دخلتي ما يصير تتجاهلي الناس الموجودين و لا تسلمي كذا يأخذوا عنك فكرة مو حلوه مو شرط نحب كل الناس بس مو معناه ما نسلم عليهم أختي للضرورة أحكام :) |
رد : ممكن أكتب شيء
اقتباس:
عفواً أنا أحب أبوي أكثر شيء بس هو كان ما يخليني أسير مكان بروحي لازم هو وياي واذا رحت بروحي كان يقولي اذا أحد غلط بكلمه لا تردين أنتي بس خبريني وهو كان يهاوشهم بس لحين لا هو راح وخلاني بروحي هني عشان جذي أنا بسافر عنده |
رد : ممكن أكتب شيء
اقتباس:
|
رد : ممكن أكتب شيء
اقتباس:
الله بيرده بالسلامه يارب ولكن لجين اخيتي ابوك كان معودك هالشي صح ويروح وياك انا رجال واعرف الرجال اذا بنته قالت له ترا تواصلت ويا خواتك وزرتهم وفطرت ترا راحح يفررررررررررررح كثير وراح يرتاح قلبه ومحد بيغلط صدقيني انتي شرايك جري بكره :17: راح تنبسطين وراح تسوين شي حق ابوك وينبسط ولنا ننبسط يله يله تشجعي لجين:14: ها خلاص نعتمد انك تروحين بكره عشان ننتظر الكلام الطيب بكره:22: وخلاص دام خالد رضه تروحون حق ابوك وايد زين معناته راضي:17: يله لجين اختي ننتظر الموافقه كلنا منك نعتمد تروحين لهم بكره,, |
رد : ممكن أكتب شيء
اقتباس:
كنـآ نخــآف نكون لوحدنـآ بدونه . بس لمـآ كبرنـآ أعتمدنـآ على أنفسنـآ .. علشـآن نثبت للوالد أنو أحنـآ نقدر نروح لأي مكان بدون خوف .. ونقدر نجلس مع كل اقـآربنا بدونه.. لأننـآ صرنـآ نعرف كيف نوآجه كل النـآس ونتكلم معـآهم.. وكـآن الوآلد يفرح كثير لأنـه بعد كـذا مارآح يخـآف علينـآ .. .. |
رد : ممكن أكتب شيء
اقتباس:
اسفه لا لا |
رد : ممكن أكتب شيء
اقتباس:
عشـآن نعتبره صـدقه لشفـآء الوآلد .. ومـآرآح يرفض أبـدا .. .. عـآرفه لمـآ ترجعين من عندهم بتحسيـن بسعـآده .. لأنك قدمتي الخير لنـآس محتـآجه .. والبنـآت اللي في الدآر مــره حبوبـآت ورآح يحبـــونك كثيـــــــر ,, |
رد : ممكن أكتب شيء
اقتباس:
طيب انت فكري فيها وفكري انك راح تسعدين ابــــــــــــــــــــوك لين عرف انك من نفسك رحتي ومن حولك...... واذا حسيتي براحه روحي الله يسعدك يارب |
رد : ممكن أكتب شيء
اقتباس:
حاضر شكرا |
رد : ممكن أكتب شيء
اقتباس:
شكرا |
رد : ممكن أكتب شيء
اقتباس:
وأنا أحبك ... ما شاء الله عليك .. لو كل البنات بطيبة قلبك ما كنا تعبنا مع أحد :) حبيبة قلبي انتِ فرحت كثير باللي سويتيه .. وفرحت أكثر لأنك مو بس تنفذي خطوات بدون ما تفهمي .. لا .. عرفتِ المقصود من الخطوات وعملتِ من عندك اللي يحقق هدفنا بتقريب القلوب . كملي حبيبتي الله يرضى عليك ... شنو بتسوي لنا للفطور ؟ أنا أتعب كل يوم وأنا أفكر أختار الغدا أو فطور رمضان .. أحس بملل وما تجيني أفكار ... ان شاء الله ما تكون عندك مشكلتي تطمنتي على خالد اليوم ؟؟ كويس انك بتزوري الوالد بالعيد .. نكون وقتها تقدمنا وبتفرحيه بأخبارك لأنه بصراحة أتوقع انه سبب عدم اتصاله لأنه زعلان وتعبان ... شايل همك لأنه كل أم وأب يحبوا يتطمنوا على أولادهم وانه حياتهم طبيعية وانهم تعلموا منهم كيف يدبروا أمورهم ... والوالد حس انه ما جهزك تماما وما قدر يعلمك تعتمدي على نفسك بسبب المشكلة اللي صارت قبل ما يسافر فصار شايل همك وقلقان عليك ... بس عموما هذا مؤقت وأكيد بيرتاح لما يشوفك بالعيد :) بغيت أسألك لجين حبيبتي ... مدة الشهرين متى بدت ؟؟ يعني كم باقي منها ؟؟ لأنه الأعضاء حيروني بردودهم وبدي أرتب مخططنا صح وعلى حسب الوقت اللي باقي عشان ما يروح علينا الوقت وما نستعجل |
رد : ممكن أكتب شيء
اقتباس:
إذا قلنا ما شفتي ردي عن المده :(:(:( ولانه رمضان بخلي نوايا طيبه :d:d بدات المهله بثاني أسبوع بشعبان وبتنتهي بأول أسبوع بشوال :26::26::26: حاسبها باليوم وبساعه وبدقيقه :30::30: |
رد : ممكن أكتب شيء
اقتباس:
اقتباس:
|
رد : ممكن أكتب شيء
اقتباس:
خالد بيسافر يوم الاثنين مع انه هو وعدني يا خاله أنه ما يسافر ويخليني بروحي |
رد : ممكن أكتب شيء
اقتباس:
|
رد : ممكن أكتب شيء
اقتباس:
ما وافق لانه قال بيسافر ويا أخوي العود واثنين من عيال أعمامي |
رد : ممكن أكتب شيء
أختي الكريمة/ لجين
شهركم مبارك. وأسأل الله أن يشفي والدك الرجل الشهم الطيب، ويعيده بالسلامة. هل تسمحين لي بالحديث معك والنقاش السريع هنا؟ |
رد : ممكن أكتب شيء
اقتباس:
|
رد : ممكن أكتب شيء
اقتباس:
تفضل |
| الساعة الآن 01:25 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©