|
رد: زوجي والهدية تم الصلح الرد 119
عيد مبارك كنوفه
ما اشوف ردة فعلش تمثيل ! اعتبرها ليونه ومرونه في التعامل ... تعاملش مع البشر المفروض يتغير مع طباع الشخص ,,, عشان الحياه تكون سهله من غير تصادم يعني يا كنافه قاعده تدورين للحل الصعب والطويل ورافضه تتنازلين عن شوية كبرياء على العموم لا تعتبرين تصرفاتش تمثيل ابدا .... هل بريستيجج يسمح بذلك ! زوجش يناسبه نظام وخز الضمير |
رد: زوجي والهدية تم الصلح الرد 119
كل عام وانتم بخير
ومشكورين على نصايحكم وتفاعلكم الله يسعدكم ويبعد المشاكل عنكم |
رد: زوجي والهدية تم الصلح الرد 119
كيف التمثيل معك الى الان؟
|
رد: زوجي والهدية تم الصلح الرد 119
زوجي سافر يا لماذا نتزوج
اذا رجع بالسلامة برجع لدور العبيطه المسكينه |
رد: زوجي والهدية تم الصلح الرد 119
اقتباس:
يعني عندنا وقت نتناقش او بالأحرى نسولف بهدوء ايوه يااختي كنافة اوصفي لي لماذا تشعرين عندما تصلين لما تريدين من زوجك باستخدام طرق مشروعة ( بل قد تكون محمودة او واجبة مثلاً) بأنك عبيطة ومسكينة ؟ |
رد: زوجي والهدية تم الصلح الرد 119
بالله مين العبيط والمسكين :
1- احطي راسي براسه + نكد ومراددة + كلمات جارحة + التذكير بجروح الماضي والحاضر = لاينفذ طلبي 2- احطي راسي براسي + مرونة في جعل الموجة تعدي واركز في تحقيق هدفي + اظهار المشاعر الحقيقية ( نعم انا حزينة (بدلع) لانك ماتذكرت طلبي بخصوص صينية الحلاوة + عدم الضغط عليه = نفذ طلبي |
رد: زوجي والهدية تم الصلح الرد 119
انا عارف انك تبغي تكوني على طبيعتك العاديه ( تبغي تمشي على هواكي (مو شرط خطأ) بدون ماتفكري او تتكلفي او تتعبي، وتبغي زوجك هو اللي يمشي على مااتعودتي عليه واتربيتي عليه
صح؟ ان كان صح فايش اللي يمنع ان هو كمان يبي نفس الشي! طيب هو يبي وانتي تبين اجل مين اللي ينفّذ؟ انا اشوف انك انتي احسن منه في حكاية انجاح حياتكم الزوجيه لذا اكملي جميلك انتي تمتلكين المهارة لكن لاتمتلكين القناعه فخلينا نشوف ايش قناعاتك ماهي قناعاتك الداخليه حيال مايجري بينك وبين زوجك والعباطة والمسكنة؟ |
رد: زوجي والهدية تم الصلح الرد 119
كلامك صحيح ومنطقي ومقنع جدا
لكن المسأله بالنسبه لي: تكلف وتمثيل والعيش مع انسان يشاركك حياتك وتنام معه وتاكل معه وتجلس معه وانت مقيد بالتكلف والتصنع.. شي صعب لكن هذا ابدا مو حجه المفروض اقدم المصلحة العامه واجبر نفسي عالتغيير انا معك تماما على سبيل المثال انا تعلمت وتربيت 26 سنه (قبل زواجي) اذا بغيت شي.. اقول ابغى كذا بوضوح وصراحه وابتسامه ثقه زوجي ماينفع معه هالاسلوب لازم احط عيني على الشي وامدحه واتغزل فيه وكيف لو هو عندي بكون سعيده بعدين اصير حزينه ومكسوره واقول: حبيبي اذا ماتقدر عاذرتك مو مشكله اهم شي انت بالدنيا الخ يقوم ينقز يسوي هالشي عشاني لفه طويله عريضه مثال ثاني اهله عازميني وانا مرتبطه تتصل امه علي بطبيعتي بقول: اسفه ياخاله اعذريني لكن زوجي يبغى اقول طيب ابشري واذا قفلت السماعه اتبكبك وكيف ما ابغى ازعل خالتي حبيبتي بس بلغي ارتباطي لعيون اهله يقوم هو يقول لا لاتضغطي نفسك انا بكلمهم واتعذر لك او اقول ماسمحت لها انا جربت مع زوجي الطريقتين دايما الخطه الثانيه تمشي زي العسل بس يبي لها تخطيط وتمطيط وتمثيل دور البراءه.. يعني اسوق العبط حياه من هالنوع ماتعجبني وهالدراما كله مالي فيه بدليل اني اذا خرجت عن النص قلب علي ويالله هاتك طبطبه وترقيع ومدارة انا اتكلم عن تجربه 5 سنين وهذا اللي وصلت له من عشرتي معه عشان كذا عقلي الباطن مقتنع اني صح وان اسلوبي فيه نوع من احترام لشخصيته بس هو يبي لسان الحيه والكيد استغرب انسان بنفسه يفضل هالشي طبعا ماصرح ابدا بهالشي لكن ردات فعله تنطق انا ارد على استفساراتك اخوي لماذا نتزوج لاني مقتنعه بكلامك لكن حبيت اوضح وجهك نظري |
رد: زوجي والهدية تم الصلح الرد 119
الله يكون بعونك كنافه
|
رد: زوجي والهدية تم الصلح الرد 119
كنافه ياعسل ... اسلوب التمثيل ... هدا اسلوبي مع زوجي ... وصدقيني كل شي ابغاه ماشي زي العسل ... اخر مرا كان رافض بشكل متعصب اني افتح محل واتعامل مع عماله ... لكن بالاخر هوا فتحه باسمي وعلى حسابه وبكل رضا 😍😍
طبعا انا مااحس بالضعف والتمثيل لان هذا اسلوبي من وانا صغيره مع اخواني 😔 |
| الساعة الآن 01:36 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©