|
الله يفرج همك ويصلح مابينكم
لاحول ولاقوة الا بالله |
حبيبتي خليك على كلام زوجك لاتكلمينه ولاترسلين خليه يعيد حساباته
وترى زوجك مافي منه وزي ماوصفته سابقا رجل وشهم وكريم طلاق لاتخافين باين عليه الانصاف ماراح يظلمك ويطلقك لانه زي ماقلتي ماشاف منك شي من كلام امك عليه ولا لوكان على يقين لو بشك ابره ماراح يخليك على ذمته من اول ماطردك لكن كل ماحط كلام امك وقابله بحياتك معاه وحبك وتقديرك تضاربت الصوره عنده خليه الحين بعد ماكلمتي امك قدامه وحلفتيله على المصحف ان شاء الله يخرجه من حيرته ويوزن اموره صح ويرجعلك زي ماكان ويعوضك عن كل الي صار بالله فيه زوج بعد كل الي سمعه وزعلان عليك وقاعد فبيت امه يومين يجي يسالك ليش مارحتي الامتحان وقلبه عليك اجل الله يحفظه ويرده لك ردا جميلا لو سمن على عسل ايش حيسوي كني بديت احسدك عليه ههههههههههههههههههه الله يخليكم لبعض ويهدي سركم خلك فبيتك واسمعي كلام زوجك كلمه كلمه وساعديه عشان يطلع من حيرته وماراح تندمين وهو ماراح يفرط فيك بهالسهوله ولا راح يظلمك خلك على يقين وقو لي ماقولتلك هالكلام ندى لاتهملين صحتك خلي واحد من اخوانك يجيبلك اكل والي تحتاجينه ولا اخت زوجك باين علاقتها حلوه معاك وياليت تجيبلك من الي يسوه فالبيت ويرسلون به زوجك ممكن يساعد في تصفية النفوس عسالله يهدي سركم ويجمع بينكم على خير |
صباح الخير
حبيت اعلمكم وش صار معي امس لاني ماستغني عن نصايحكم الساعه 2ونص الظهر امس اتصل علي ماخفي عليكم خفت مره لما شفت رقمه قلت يمكن ماصدقني وبيقول جهزي عفشك سلم وسال عن حالي صراحه لما سال خفت اكثر مدري ليه قالي عندي دوره بعد اسبوعين في دبي مدتها ثلاث اسابيع تبين تجين معي علشان اكتب بالعايله او بتقولين لا علشان اكتب عزابي قلت انت وش تبي قال انا لو مابيك كان كتبت لحالي بدون ماستشيرك صراحه ماقدر اوصف شعوري ساعتها قلت واخير بدت تنحل مشكلتي طبعا وافقت وقبل اقفل سالته متى بتجي قال ليش تسالين قلى هاه تخربطت معاد عرفت شقول فقلت له علشان اطبخ الغداء قال بس عاد انا مدري غباء فيني او من الفرحه ماعرفت اتكلم قلت ايه ضحك ضحكه غريبه حسيت بغصه من هالضحكه مدري ماعجبتني قال لاتطبخين بجي بعد نص ساعه ونطلع نتغدى برى وقفلت منه خايفه وفرحانه مدري شسالفتي مخربطه جا اخذني وطلعني لما كنى بسياره قالي اسمعي يابنت الناس لما سمعت هالكلمه جاني مغص من الخوف اول مره بحياته يقول هالكلمه قلت اكيد بيقول مالنا نصيب مع بعض قال الي صار كله ابي امحيه من حياتي ولا ابي يوم من الايام تنعاد سالفة حتى لو بالحلم وابي نرجع مثل اول واحسن لاكن بشرط قلت وش شرطك قال امك ماتدخل بيتي لما قال هالكلمه حسيت اني رجعت من اول الطريق لاتلومني هذي امي مهما سوت احبها امي واكيد انتو عارفين احساسي زين قال وش قلتي قلت له انت على عيني وراسي بس لو يكون اخر يوم بحياتي ماقدر اطرد امي من بيتي الي هو بيتك هذي امي وسكتت وبعدها انهرت وقعدت ابكي وهو سكت معاد قال شي ولما هديت ونزلنا المطعم وهو ساكت وانا ساكته وجلسنا وعطاني كيس احمر صغير قالي هذي هديت الحمل ورجعت بكيت مره ثانيه لاني مابي اخسره وشرطه صعب مره وهذي المره هداني وقالي خلاص تجي بيتك بس المهم ماكون انا موجود بالبيت لاتقولين هذي صعبه ووافقت على شرطه الاخير ولما رجعنا البيت حلف ان احضر اختبار بكره الي هو اليوم والوقت متاخر قربنا على العشاء مايمدي اذاكر لاكن هو حلف ومن امس وانا اذكر ومواصله ولا نمت لان الماده طويله والحين اكتب لكم قبل اروح الجامعه اختباري الساعه 8ادعولي مشكلت زوجي وانحلت الحمد لله طبعا صار فيها كلام كثير وتفاهمنا على اشياء كثيره وكان اهمها مالنا علاقه بمشاكل اهلينا بس باقي مشكلت امي الله يهديها |
الحمدلله إن شاءالله آخر الأحزان .. وإنتي احرصي انك تظهري له حبك حتى يحس بطمأنينه ويرجع لك مثل اول .. واشوف ان امك ماتعرف باي شيء بعد اليوم يصير ببيتك .. والله يوفقك في اختبارك ةيسهله لك .. أخوك .. |
ما شاء الله الحمد لله الذي بنعمته تتم الصالحات .. ألف ألف مبارك أختي الصلح والله فرحت لك كثييير .. الله يديم عليكم المحبة والألفة ولا يغير عليكم .. والله يوفقك باختبار الدنيا والآخرة .. :: |
ماقولتلك ياندى زوجك رجل شهم وماراح يظلمك وهذا هو رجعلك
الحمدالله على الاءه خلاص وافقي على شرطه وصدقيني مع الايام راح تغلب عليه انسانيته وهو يستقبل امك و ترجع الحال احسن من اول وزود الله يوفقك بامتحانك ويرزقك بمولود سليم معافا |
اللهم لك الحمد والشكر
الله يخليكم لبعض ويوفقك ويسخره لك ما عليه يا قلبي هذا الشرط من حرقة ما سمع وبكره الايام كفيلة بأن تخليه ينسى اذا والدتك الله يطول بعمرها هدأت شوية وراجعت حساباتها حصني نفسك وزوجك وشغلي سورة البقرة في بيتك ماشاء الله ولا قوة إلا بالله |
:ماشاء الله لااله الا الله...الف مبروك يااختي...:22:وين الاخت قرين نبي زغرووووده:d
شفتي كيف زوجك طيب...ومايستاهل الكلام الي قالته امك.. عموما ..قوليله امي وانا اعرفها لو منعتها من زيارتي راح تسويلنا مشاكل مالها اول ولاتالي واحنا في غنى عنها...وقوليله يخلي الامور طبيعيه تزورك وتزورينها عشان على الاقل تسلمون من حركاتها ولسانها...يعني تعاليله من هالباب..عشان يقتنع.. ثاني شي...يااخت ندى...قرار انه مايبي يكون موجود وقت زيارة امك...صدقيني هذي بس فتره وتعدي يمكن شهر يمكن 6 شهور ويمكن سنه بعدين تلقائي تلقينه نسي كل شي..ويسلم على امك عادي ولاتنسين دوام الحال من المحال....وطبعا هافتره اكيد امك بتسوي مشكله لانه مايبي يكلمها ولايشوفها بس انتي لاتسمعين لها ابدا مهما قالت..واي موضوع يخصك انتي وزوجك لاتسمحين لاي احد يفتحه معك.. ونصيحه خيها مني...لاتطلعين اي موضوع بينك وبين زوجك برا بيتك خصوصا امك..انتبهي انتبهي تقولين لاي احد اي شي يصير بينك وبين زوجك مهما حصل... وياليت تنصحينها تغير اسلوبها..اذا ماتبي تغيره مع باقي الناس بكيفها اهم شي تغير اسلوبها معك ومعاد تفتح لك سيرة ولد خالتك ولاتسمحين لها تجيب طاري زوجك بالشر..وعاتبيها لانها كانت بتسبب في طلاقك وخراب بيتك..يمكن تحس لابينتي لها انك زعلانها منها.. والف مبروك مره ثانيه والله يقومك بالسلامه..,,..ولاتقطعينا..بس نبي اخبار حلوه مو مشاكل.واتمنى لك سفره ممتعه في دبي... |
ماشاء الله الله يسعدكم ويخليكم لبعض
|
أختي الفاضلة ندى تابعت قصتكِ بصمت ودعوت لكِ وأنتِ لا تعلمين بأن الله يصلح الحال والحمد لله الذي بنعمته تتم الصالحات ما شاء الله تبارك الله أخبار حلوة وربي يسعدكِ معه :14: ويحفظكما عن العين وتحصنوا بالأذكار وفعلاً لو خرجت الخلافات خارج أسوار المنزل تتعقد :30: لكن الحمد لله تداركتما الأمر وربي يحفظ لكِ والدكِ ويهدي والدتكِ لما فيه الخير ويوفقكِ بدراستكِ وعقبال ما نفرح بخبر سلامتكِ وتجيبي لنا أحلى بنوتة :15: أو أحلى صبي :15: ترى كلهم حلوين :d دعواتي لكِ بالسعادة الأبدية في الدارين |
| الساعة الآن 04:02 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©