رد : زوجتي لاتهتم فيني
السلام عليكم
انا مع الاخت مبتعثة وبيتا في ردها الاخير صدقني اخوي انا ما اعرفك ولا اعرفك لكن اعرف حالة مشابهة تماما لحالتك ولحالة زوجتك مع الاختلاف البسيط ونفس فكرة الطلب ( سفرة ... بيت ) .. سبحان الله احنا الحريم نفس الشي انا ما اقول اهي مب غلطانة بس قعد اعطيك الاسباب ... الموضوع كله عدم ثقة... .تراكمات . ... عدم الامان انت بنفسك قلت ان زوجتك كانت نعم الزوجة قبل 4 سنين وانها ما تغيرت الا عقب الطلاق وانك ما رجعتها الا بعد تدخل اهلها وشكلها شالت عليك كل هالفترة ويمكن وصلت لمرحلة انها بايعتك اعذرني اقول هالكلام بس هاي الحقيقة وفي اشياء انت ما تكلمت فيها مثل كيف رجعتها ؟ بعد الطلاق مباشرة كيف تعاملك معها ؟ حاول تصلح الوضع مب عشانها عشااان عيالك .................... اما بالنسبة للاعضاء اللي يتهمونا بانه احنا نوقف مع المراة في كل الحالات اذكركم بموضوع اختنا معالي الوزيرة في قسم المطلقات اتمنى الكل يرجع للموضوع ويشوف راي اختنا مبتعثة وملكة الاحساس ...الخ وردهم على اختنا الوزيرة وردهم في هذا الموضوع الغرض هو * الاصلااااح** لو كانت زوجته اهي اللي تكتب لتغيرت ردودنا وعاتبناها ............... نقطة اخيرة : بالنسبة لاتهامها لزوجها بالزنا ... زوجها قال انها من النوع اللي توسوس (بهالمعنى) ربما تكون مصابة بالوسواس القهري ارجوكم اللي ما يعرف المرض لا يتكلم ( انا مريضة سابقا) المصاب بالوسواس تغلب عليها الافكار المريضة رغم سخافتها وتقهر المريض مثل الشك .... على كل حال : نسب الخطا في تحليلي واردة .... ولكن بما ان زوجتك كانت زوجة رائعة .. فالاكيد انها ممكن ان تعود كما كانت الله يوفقكم .... |
رد : زوجتي لاتهتم فيني
السؤال ..ليش هاجرها شهرين ؟
وهي عاجبها الوضع ؟ ليش ماستنكرت الشئ الثاني ... هي حاطه ببالها انك تخونها وعلشان كذا قننت اهتمامها بك واصبحت معك جسد بلا روح ان صح التعبير |
رد : زوجتي لاتهتم فيني
اقتباس:
بالعكس كانت تتكلم وتقاطعني وتحاول تطلع عن الموضوع يعني مثلا قالت خواتك مايبوني كذا بدون مقدمات ولاجبنا سيرة خواتي اصلا وجلست تتكلم فـ حسيت انها راح تتجاوز وقطعتها وطلبت اننا نركز في الموضوع لان خواتي كل وحده ببيتها ماهن ساكنات عندنا وطبعا كلامي كان لها بهدوء بدون انفعال وبعدين برضو بدون مقدمات قالت لي اصلا لو يرجع الزمن ماكان تزوجتك انا استعجلت قلت ليه قالت لان صارت مشاكل قبل الزواج واعتقد انه كانت رساله لكن ماانتبهت لها هذا كلامها وتقصد بالمشاكل اللي قبل الزواج هي اني لما تقدمت لها وافقوا وبعدين جتهم عجوز من جمعتنا وقالت لهم مايجوز هالزواج لان خالتها راضعه مع فلان وتقصدني المهم شغله طويله بخصوص الرضاعه ومن هالسوالف واتضح انه فعلا فيه رضاعه لكن رضعه وحده فـ الشيخ قال لا هذي ماتحرم المهم لما راح السبب اللي يمنع اتصل علي اخوها وقالي بكره تعال بعد المغرب عشان نملك وفعلا جيت وحصل الزواج. المهم بخصوص كلامها هي مثل ماقلت لك تحاول تشتت المواضيع بكلمه من هنا وهناك الين قدرت اني اخليها تركز على موضوعنا الحالي وبس ووضعنا الحالي وجلست اتكلم وهي تسمع الين جبت الورقه والقلم اما عن طلاقنا انا ذكرت القصه لكم ووضعها انه جا اخوها من بكره وقال ابي اخذها لفندق قلت له لا تطلعها من بيتها انا اطلع لفندق وهي خله انا رجال ادبر نفسي واصر انه ياخذها ويوديها فندق واخذها وحطها بفندق ودفع الفلوس وجاب لها اغراض وسافر للمنطقه اللي يعمل فيها ومن نفس الليله اخوانها يتصلون لمحاولة الاصلاح المهم قالوا الاسبوع الجاي حنا ضيوفك قلت حياكم الله وفعلا جو بعد اسبوع وقالوا فلانه تبي ترجع وندري انها غلطانه وحنا غلطناها ومن هالكلام ونبيك ترجعون لبعض المهم قالوا كلام كثير ماني ذاكر بالضبط ايش قالوا قلت اوك قال اخوها الكبير ابي منك طلب وحنا ضيوفك قلت ابشر قال انك تروح معنا الحين للفندق وتجلسون وتتفاهمون وفعلا رحت معهم ولما دخلت لقيتها كاتبه ورقه طويله عريضه بطلبات عشان ترجع قالت انا عشان ارجع عندي شروط فـ على طول قمت انا ابي اطلع قلت غلطانه وتتشرط بعد المهم هدو الوضع اخوانها وقالوا اسمعها قلت قولي المهم صارت تقول شروطها والله يااخوان ثلاث ارباع شروطها ماديه يعني مثلا تعطيني مصروف شهريا وتعطيني مصروف لعيالي شهريا وطبعا محدده المبالغ وابي سواق وشغاله وبالنسبه للشغالات كنت اجيب شغاله تجلس كم شهر وتجيني وتقول ماابيها سفرها وتعرفون وضع التقديم انتم وشلون مايحتاج اشرح لكم مابقى جنسيه الا جبتها كم شهر وتقول ماابيها المهم نرجع للموضوع فـ رفضت بالاول واخوانها خاصه اخوها الكبير رجال رزين وتكلم معي ووافقت على الشروط ورجعت هذي قصة الطلاق والرجعه |
رد : زوجتي لاتهتم فيني
سؤال اخي الوحيد :
قبل الطلاق : زوجتك كانت موظفة ؟ زوجتك كيف كانت متتطلباتها *قبل حادثة الطلاق*؟ هل هناك شروط مادية غير المصروف والشغالة والسواق؟؟؟ |
رد : زوجتي لاتهتم فيني
خلها تقول الي تبي خواتك مايبوني والخ يمكن هالشي هو اللي رادها عنك
وانت ماشاء الله عليك تقاطعها وتبيها بس تتكلم عن ماتبي انت وهو ليش ماتتزينين لي خلها تقول اللي بقلبها حلوه ذي قاطعتها خواتك ببيوتهم طيب اسمع لها يمكن احد رامي عليها كلمه ! |
رد : زوجتي لاتهتم فيني
اقتباس:
مااحب اذكرها بصراحه لانها بعض تمس الجيران وبعضهن تمس زميلاتها بمدرسه كانت فيها سابقا غير اللي بالاسواق اسمحيلي عدم ذكرها بالتفصيل كانت قبل الطلاق وبعده |
رد : زوجتي لاتهتم فيني
اقتباس:
لكن كيف ازعزع ثقتها فيهم؟ |
رد : زوجتي لاتهتم فيني
اقتباس:
ليه بعض الحريم عندهم معتقد ان دائما الرجل هو الخائن الكذاب الخ من هالصفات وان الحريم هن الحساسات والحنونات الخ ترى كل الصفات الحلوه والشينه ممكن تكون بالجنسين وحتى الرجل ترى عنده احساس مو حجر هو انسان مثله مثلها |
رد : زوجتي لاتهتم فيني
اقتباس:
الأخوات في حالة فقدان الوالدين يشدون عضدهم بإخوانهم الشباب ، وليس لهم بعد الله عون غيرهم . فإياك أن تجعل أي قوة في الأرض تقطعك عن أخواتك ، ونصيحة تواصل معهن بمفردك ولا يفقدن وجودك في حياتهن. أما البيت فلا تسجله باسم غير اسمك ما حييت ، أنت لم تعمر البيت بمشاركتها ودعمها المالي حتى يقال لها الحق في ذلك . وأنا نصيحتي لك بعيدا عن حياتكما أخبرها أن منزلك خارج حياتكما ، ولا تقبل في ذلك المساومة وإن كنت في قمة الرضا . أنت رجل والبيت عندما يكون باسمك فأنت تستطيع التصرف فيه ما شئت ، وإن تعرضت إحدى أخواتك لموقف لا قدر الله فأنت تستطيع مساعدتها ، أما عندما يكون بغير اسمك فليس لديك صلاحية في ذلك ، ثم ما الضمان لك إن سجلت لها البيت وخلعتك ؟! أنا لا أقدم الشر على الخير ولكن هذا واقع ، وما قلته لك أقوله لأخي ابن أمي وأبي . أسأل الله أن يعوضك خيرا |
رد : زوجتي لاتهتم فيني
اقتباس:
كانت عاديه ماني متذكر والله اذا فيه شروط ماديه ثانيه والا لا لان الموضوع قديم |
الساعة الآن 12:18 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©