|
رد: طليقتي تزوجت
مساء الخير حبايبي . اعود لكم بعد غياب
وأعطيكم آخر المستجدات . النفسيه ٨٥ في الميه مرتااااح والحمدلله وتقدرون تقولون ١٥ في الميه ذكريات موجعه . وين مااروح هنا وهنا اتذكر ايامنا الحلوه . صحيح كرهتا كره ونزلت من عيني . لكن الحمدلله هي اقدار والله كاتبها ولو فيها خير لأبقاها الله لي . ولكن شاءت الاقدار ان نفترق والحمدلله . يمكن خيره . والخيره فيما اختاره الله ولانقول . إلّا الحمدلله على كل حال المستجدات هي كالتالي وعندي سؤال ١/اوقفت الواتس مؤقتاً بجوالي الاول وماراح افتح الواتس إلّا بعد زواجي وأخذت لي رقم ثاني مسجل فيه الواتس واعطيته جميع زملائي واقاربي . وبالنسبه للطليقه وأهلها كلهم محد يعرف رقمي الجديد ابد . وهدفي من الموضوع هو ان افتح صفحه جديده مع نفسي وأبدأ حياتي والماضي ودعته بخيره وشره . وهدفي الاساسي انه ماابغى شيئ قديم يذكرني بالماضي . حذفت صورها . وغيرت شقتي . ومااعطيتهم خبر بشقتي الجديده اللي استأجرتها ولاراح اصلاً اقول لهم وين ساكن . سألني اخوها وابوها وين ساكن . قلت قريب ماني بعيد وفهموها وهي طايره بأن هذا شي خاص فيني .وساكن عزوبي . والحمدلله حذفت كل شي يذكرني بها ومعاد شي ابد يذكرني فيها . سوى الاماكن زي مايقول محمد عبده . وفعلا وين مااروح بعض الاماكن اقسم بالله قلبي يحن . عشرة عمر . لكن كرهي لها ساعدني ان اتخطى ذكرياتها . وتبقى ذكريات موجعه . وسبق وقلت لجميع اقاربي واهلي رجاء لااحد يجيب لي سيرتها قدامي . لان ضروري لازم اسوي لنفسي تحديث والنفسيه لازم تتحدث اذا انا ماوقفت على رجلي وساعدت نفسي ان اتخطى هذا التعثر . فراح ابقى زي ماانا وماراح اتزوج . خلاص الدنيا ماتوقف عشانها . طيحت من كرامتي لعيون اطفالي هذيك الايام . ولاموني كثير من الاعضاء وأنا كأني امشي بطريق ماله نهايه وبدون هدف . خجلت من نفسي . هذيك الايام نحفت . انهلكت . اصبح وجهي اسمر . جالس وحدي مهموم . انقطعت شهيتي . معاد لي نفس . فراق الاطفال كسر ظهر مايعرفه الا من عاش مثلي . وجاء الوقت المناسب وقررت انه الدنيا ماتوقف عشانها . لازلت شباب . والدنيا ماتوقف عشانها . اقسم بالله لو فيها خير لأبقاها الله وجمع بيننا حتى نموت . لكن المسلم يؤمن بالقدر بخيره وشره والحمدلله راضي بما كتبه الله لنا . ويمكن خيره . وحالياً وضعي اصبح بنسبه كبيره مرتاح .وبعد سنه ان شاء الله اعطيكم الاخبار اللي تسركم ٢/ابو الطليقه وأخوها الكبير . قالو اذا جيت تآخذ اطفالك عطنا خبر واحنا نجيبهم من عند امهم وتعال استلمهم من عندنا وقصدهم من بيت ابوها . وقال لي اخوها الكبير بأنه كان بينك وبين اختي علاقه زوجيه وهذا شرع الله ولكن مانبغاك تجي الشقه الجديده حقت زوجها وتستلم اطفالك من عند اختي لان زوجها اشترط بذلك. وقال انت مالك الا اطفالك ولو تبغاني اجيبهم لبيتك او تبغى تستلمهم من عندي ابوي او اجيبهم لك بالمكان اللي يناسبك ولكن ماتجي عند شقت اختي لان كان بينكم علاقه سابقه واللي مضى مضى . قلت له ابيض وجه . انا اهم شي اطفالي ومالي صلاح بأي شي آخر ولايعنيلي شي شقتهم او غيرها . اذا اتصلت بك جهز اطفالي . ولالي تواصل مع الطليقه ابد ابد ولاابغاها تتواصل معي مستقبلاً عشان اطفالي . عندها شي بخصوص اطفالي هي تكلمك وانت رد مني . ومع العلم يااعضاء مصروفهم يمشي شهريا والولد ١٠ سنوات والبنت ٧ والبنت ٦ وساكنين مع امهم بشقه مستقله وزوجها متزوج الاوله وهي لازالت معاه وعنده خمس اطفال وكل وحده بشقه . واطفالي ابلغوني بان عمهم طيب معاهم . قلت هذا اللي ابيه .وايضا ابلغوني اهل الطليقه ان زوجها ملتزم ويعدل . قلت كل هذا الكلام مايعنيلي شي . ان وصلني خبر انه ضرب اطفالي لأحرقته وهي حي . والحمدلله اطفالي يقولون انه دايم يشتري لهم من البقاله ويلعب معاهم فأنا فرحت بذلك . والحمدلله كلها ان شاء الله سنوات قليله جدا وبآخذ اطفالي ولاني زعلان . هذي اقدار والحمدلله. ولو شاءت الاقدار ومثلا تزوجت مطلقه وعندها اطفال . راح يكون اول شرطي بأن ابو الاطفال لايجي شقتي ابد . والحق ماينزعل منه ٣/عندي سؤال اذا جيت اخطب هل تنصحوني اعطي خبر لأهل المخطوبه بأن عندي اطفال وراح اسحبهم بعد ٧ سنوات اذا وصلو سن البلوغ او تنصحوني اعطيهم خبر بأن عندي اطفال ولكن ماراح اقول لهم اني راح اسحبهم اذا وصلو سن البلوغ . لان في بالي اذا وصلو سن البلوغ اكلم الزوحه الجديده بأسلوب حلو واقول لها بسحب اطفالي وبجيب لهم شغاله واخاف ماتوافق وهذا من حقها لكن هل تأيدوني اذا جيت اخطب اني اشرط عليهم باني راح اسحب اطفالي اذا وصلو سن البلوغ واذكر هذا الشرط بالعقد هل تأيدوني . اعطوني ارائكم |
رد: طليقتي تزوجت
أسأل الله أن يعوضك خيرا وان يرزقك الزوجة الصالحة..
أرى انك لا بد من ان تكون واضحا صريحا معها ومع أهلهامن البداية حتى لا تجني المشاكل فيما بعد .. بما أنك عازم على استرجاع أبنائك فمن حق الفتاة ان تعلم مسبقا لتكون على بينة وتهيئ نفسها لهذا الأمر .. وفقك الله لكل خير |
رد: طليقتي تزوجت
الله يعوضك كل خير
سبحان الله مستغربه كيف رضت ع نفسها بمعدد ومع عيالها مافي مثل الاب السوي لعياله لا خال ولا عم ولازوج ام الله يستر عليها اللي مستغربته اذا انت حاليا راضي بالوضع انو يكونوا مع امهم ليه تفكر تسحبهم بعد عمر محدده ي قلبي عليهم ليه تعيشهم هالصدمات صدمة طلاقكم وزواجها وفراقك وبعدو فراق امهم وزواجك ومعيشتهم عندك عند زوجة ابوهم خلاص خليهم العمر كلو |
رد: طليقتي تزوجت
تخاف ماتوافق ؟؟
. . وتترجاها ليه وتكتبو شروووط ؟ اخوي هذول اطفالك الله يرضى عليك لا مو من حقها ترفض ان اطفالك يتربو ببيتك وتحت جناحك ؟ لكن من حقك تحضن اطفالك وبدون اذن احد الا والدتهم ؟ . . المعذره لكن والله مستغربه تارك اطفالك ببيت زوج امهم ؟ وكمان تبي تتزوج وانت حاس ان هالاطفال بيكونو عبء ولازم شغاله وموافقه من المدام وشرووط ؟ لاحول ولا قوة الا بالله . . . لو واحد من اخواني مر بلي انت مريت فيه الله لايقولها والله لااقوله هات اولادك اربيهم مع اولادي ولا تخلي الغريب يربيهم لنا ، ، بكل ردودك شايل هم الزواج والبدء من جديد اكثر من هم اطفالك ؟ . . وسالفة انك تقطع اي تواصل مع والدتهم وهي الي مسئوله عنهم الان غلط ؟ والمصروف الي انت تعطيه اياهم ترى مو اهم شي ، ؟ . . لاتسرقو طفولة اولادكم وتضيعوها ؟ بكرره اولاد الجديده يتربو بحضنك وببيتك ، واولادك لازم موافقة ورضا الجديده عشان يتربو عندك . . . اخوي دور لك وحده ترضى بااولادك وبدون شروووط بنت حلال مستوره وقلبها طيب . اولادك مافي احد له حق يقرر وجودهم عندك من عدمه غيرك انت ؟ . . . |
رد: طليقتي تزوجت
اخوي قريت قصتك والله يفرج همك
سبب الطلاق غريب !! يعني شو السبب الي يستاهل يشتت اسره !! هل هي الانانية من طرفها ؟ يعني ما فكرت فيك وفي الاطفال الاطفال المفروض تطالب بهم بعد زواجها لانه بعد 6 اشهر من الزواج اعتقد ما بيكون لك الحق في سحب اطفالك حسب دولتك القانون معنا يشترط على الحاظنه الخلو من زوج اجنبي يعني اذا تزوجة تسقط الحضانه بطلب منك اما اذا عدة 6 اشهر يقولو ابوهم مب سال عنهم وفي حال عدم الزواج تسقط الحضانه بسن البلوغ ويتم تخير الاطفال اما فترت اقل من البلوغ لا يجوز التنازل عن الاطفال حتا من قبل الام لحق المحضون في الاخير هي الي تبا الفراق الله يسهل عليها واولادك من حقك |
رد: طليقتي تزوجت
تصرفك سليم بترك الاطفال و هم في هذا السن الصغير و هم احوج لوالدتهم
وطبعا لازم تخبر الخطيبة واهلها ان العيال. سينتقلوا للمعيشة معك في سن معين و اصلا هذا الامر بديهي. ما يحتاج توضيح. بس قول للإيضاح و التذكير. |
رد: طليقتي تزوجت
الزوجة الجديدة لازم تكون على بينة
عن مخططاتك المستقبلية عشان تكون متجهزة نفسياً لأطفالك... وما احد يتهمك بالغش والخداع... وتكون راضية فيك عن قناعة... |
رد: طليقتي تزوجت
اقتباس:
+1 |
رد: طليقتي تزوجت
اشكركم جميع وبدون استثناء على مروركم العطر . وخلاص وعلى بركة الله .. اذا قررت عالزواج وجيت اخطب راح اقول شرطي . وراح اسحبهم بعد سن البلوغ . يعني بعد ٧ سنوات . والبنت اللي عمرها ٧ بيصبح عمرها ١٣ واللي عمرها ٦ بيصبح عمرها ١٢ وعلى ذلك تظهر مظاهر الانوثه في البنات عند سن البلوغ . والجميع يفهم قصدي وماارضى اخليهم ساكنات عند زوج طليقتي والولد بيصبح عمره ١٦ سنه والله يحفظهم ويحفظ عيالكم ويحفظ الجميع يآرب من كل شر . وأما الحين فهم بحاجه كبيره لأمهم . لانهم لازالو صغار . ولاهو أنا اللي اسحبهم من امهم وأحرمهم منها .. انا اسمع كثير بأن بعض الرجال وهم قليلين والحمدلله اذا طلق زوجته سحب اطفاله وهم بسن صغير ليقهر امهم ويحرق قلبها . لاااااياجماعة الخير . احنا مسلمين وماتربينا بهذي الطريقه .والظلم ضلمات والضحيه هم الاطفال . وبهذي الطريقه انت ضلمت اطفالك وهم لاحول لهم ولاقوه . خليهم اقل شي يكبرون عند امهم ويصلون سن البلوغ . ويمديه الواحد يسحبهم . والدنيا ماهي طايره . والله اني اضحي لعيون اطفالي . وهذا اكبر دليل بأنهم في راحه مع امهم .
ياناس . مااااااااااااااااااااااااااااااااااااااااافي أعز من الأم |
رد: طليقتي تزوجت
كملك الله بعقلك واحييك على صفاء سريرتك التي قلما نجدها اليوم
صح الام هي الي تتابع اولادها ودراستهم وتربيتهم في من الاباء ما يعرف حتى اولاده في اي صف وزوجة الاب حتى لو كانت طيبة لن تحل محل الام خخاصة اذا رزقت باولاد والشواهد كثيرة |
| الساعة الآن 06:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©