رد: على مشارف الطلاق..دعواتكم
 

المعذرة ما طرحت المشكلة مو عشان ما تلوموني وانما لسببين
1. لاني ما ابحث عن حل ... خلاص انتهت .. والطلاق مو بس بسبب هالمشكلة وانما نتسجة تراكمات .. زوجي تزوجني بعد مشاكل طاحنه سنين مع زوجته
. تزوجني وهو انتهى صبره واستعداده النفسي لتقبل اي مشاكل من اي نوع
تزوجته وهو مشحون...

2. لان المشكلة الاخيرة ما يستدعي الطلاق بشهادة لماذا نتزوج و بشهادة دودو
فالكتابة عنها تجرحني
قرئت بعض الردود اللي تتهم زوجي بأمور معينة وتدرون ان رغم كل شيء قلبي يعورني لما احد يتكلم عنه....
هذا وهم ما يعرفون المشكلة .. عيل شلون لو عرفوها

.


حبايبي احبكم وايد

ياريت كا تدخلون زوجته الاولى في الامر
لان كلش ما لها خص بالمشكلة كلش كلش

.


يا ريت تدعون لي
.

رد: على مشارف الطلاق..دعواتكم
 

رغم أني ماقريت الموضوع بشكل مفصل، إلا أنني أقول أنه إذا وقع الطلاق فيجب ألا يأخذ أكبر من حجمه، فهو جزء من الحياة، ويجب أن يتم التعامل معه ببساطة وتخفيف أي تأثيرات لو وجدت، فالحياة يجب ألا تسخر لفرد أو لمشكلة إنما لأنفسنا وصحتها.

رد: على مشارف الطلاق..دعواتكم
 

زين طمنينا😢 عن صحتك

بالنسبت لزوجك
تمسكه بزوجته السنين هذي كلنا رغم خلافهم هذا مايعطيك شعور بالراحه؟؟
انه مجرد قسوة ع حبيبته ومارح يتخلى عنها

ريحي بالك زين مارح يطلق باذن الله ولو لاقدر الله حصل بيرجعك شوفي منفرده الله يسعدها مشاكلها قريبه من مشاكلك وكل الي سواه انه قاعد يأدبها لكن ماتخلى نهائي عنها
وانتي خففي ع زوجك اذا تصالحتو
ولازم تفهمي انه زوجك تزوجك عشان يرتاح

رد: على مشارف الطلاق..دعواتكم
 

صحتي الحمدلله
ضغطي لازال مرتفع رغم ان صار لي تقريبا 3 ايام اكلت وجبة وحدة .. ما فيه سبب يرتفع... وايضا الحرارة
الحمدلله .. ولعل الخير فيما وقع

.

زوجي يا متفائلة يخاف من موضوع الطلاق جدا
يحسب حساب كل شيء..
سمعته .. سمعة الطرف الاخر
العيال " لو فيه " ..
وضعه الاجتماعي..
ينجرح لما احد يقول له ياريتنا شجعان مثلك عددنا
يجي متضايق ومكتئب ..
يقول عبالهم عددت ترف..
يدري ان اذا طلقني 99% ما بيرجع يتزوج خوفا من كلام الناس
تعقد من ابوه .. ابوه تزوج حوالي 6 مرات
وجده تزوج حوالي 7 مرات
متعقد من كلام الناس عن هالموضوع
ما يبيهم يقولون عنه : مثل ابوه تزوج وطلق
لو عندي عيال بيكون خوفه من الطلاق مضاعف
لان اذبحيه ولا يصير بعياله شيء
اذبحيه ولا ان احد من عياله يتضايق
و يدري ان اذا طلقني بيفقد مستوى معين من حياته
انه كلمت اخوه توني.. قال لي تطمني 99% ما راح يطلق
قال لي باقول لج اشياء لا تقولينها حق ريلج...
قال لي يجوز ما تعرفين الشيء الكثير عن وضعه الحالي مع ام عياله
بس عايشين ومو عايشين... وكلام وايد مو مهم ذكره
فإذا طلقج بيفقد جزء يحتاجه في حياته الزوجية
ولما تزوجج تغيرت امور وايد ... هم مو مهم ذكرها الان
رغم ذلك اخاف منه ومن قراراته الحاسمة واغلبها ما يتراجع عنها

مشتته .. ساعات اقول ياريت ياخذ قراره بسرعة مهما كان هالقرار
ولا العذاب النفسي.. والجسدي اللي اعيشه
ساعات يرخي ويلين.. واحس بس وده يقرب
واغلب وقته ساكت .. بروده قاسي جدا

رد: على مشارف الطلاق..دعواتكم
 

الله يرزقك راحة البال .. ازمة و تتعدي ان شاء الله

رد: على مشارف الطلاق..دعواتكم
 

الله يفرج همك يا زين
قلبي وجعني عليك ان شاء الله الغيمة هذه بتمر بسرعة
الله يريح بالك ويرزقك الصبر

رد: على مشارف الطلاق..دعواتكم
 

السلام عليكم ورحمة الله وبركاته.


اخواتي .. امر الطلاق و حكمه بيد زوجها فقط
زين ما تقدر تسوي شي ... و كلامكم و و اسئلتكم و لومها
لا يقدم و لا ياخر
و ياليت محد يذكر زوجها بسوء

اولا زوجها انسان محترم و ما يجوز ان يطاله اي سوء
و ثانيا زين نفسها مهما حصل بينها و بينه
ما ترضى و لا يهون عليها هالكلام و لا الاسلوب الي تجيبون سيرة زوجها فيها


ان كنتوا حابين تساعدوها ادعوا لها فقط .... فقط
بدون اساءه لها وله


خصوصا ان ها طرحت الموضوع هنا طلبا للدعاء .... فقط

مو قسم المتزوجين ... تبحث عن حل لمشكلتها



يليت اولا احترام رغبه اختكم زين
و ثانياقوانين المنتدى




ي

رد: على مشارف الطلاق..دعواتكم
 

زين ... انتي عديتي رهبه الامر الحين



كوني اقوى
و متقبله لما قد يحدث

رد: على مشارف الطلاق..دعواتكم
 

اذا احنا توترنا وايد وعشنا هاليومين لحظات قلق ورعب وخوف من المجهول ..
فشلون انتي يا زين ..؟
اكيد بتمرضين وهذا اقل شي ..
روحي المستشفى لا تهملين نفسج ..
او على الاقل صبي عليج ماي بارد خلي حرارتج تخف ..
وسويلج شي اكليه او طلبي من مطعم اذا تعبانة تطبخين .. خلي عافيتج ترجع ..
وبس ارحمي حالج لا تسوين في روحج جذي ..
شفتي لما تركتي الامر له يقرر ويسوي اللي يشوفه .. قال لج للحين اقلب الموضوع بمخي .. مع ان قبلها قلتي انه مصر وحلف انه يبي يطلق ..
انتي بس تجاهلي تهديداته وحاولي تكونين طبيعية وهو بعد ماراح يفتح الموضوع ان شاء الله ..

شي اخير يا زين . انتي قلتيلنا انج تحاتين من نقطة لو رجعتي بيت اهلج وعندج اخوة ذات احتياجات خاصة .. يعني كأنج خايفة ترجعين وتزيدين على اهلج ثقل .. هالكلام حاااذري حااذري ان زوجج يحس فيه ..
بالعكس دايما بيني له بشكل غير مباشر ان اهلج مب عيزانين عنج وبيحطونج في عيونهم ..


ياليتني عندج زيون والله لا اييج واغير لج جوج 💓.. الا اذا انتي ماتبيني .. 😪

رد: على مشارف الطلاق..دعواتكم
 

دعواتي ترافقك زينو
وخلي ثقتك وأملك بالله كبير ورح تحسي بالاستقرار النفسي والجسدي كمان
وان شاءالله متل ما سبق وقلتلك القادم اجمل بإذنه تعالى
والخوف من الطلاق اقتلعيه من جذوره

اسأل الله ان يبدل حالك الى افضل حال 🌷🌷🌷🌷🌷