|
اقتباس:
أختي الكريمة من رأيي أن الله ستر عليه فلاتفضحيه قدام أبوك وأبوه ولذلك لمحي من بعيد وقولي ، ما أبغى شخص ما يؤدي حقوق زوجته الشرعية ، أو يشبع نفسه بغير زوجته ، إلا بوعد منه أنه راح يحقق شرطي هذا وهم راح يفهموها من بعيد عموماً الحق معك و حاولي قدر المستطاع أن تعالجي سبب إدمانه على هالأمور بعد رجوعك لك ن وحاولي تساعديه |
حبيت اشارك
السلام عليكم ورحمة الله اختي الفاضله اولا تابعت موضوعج من البدايه وكنت متابعه لردود الاعضاء وماشاركت في منتداكم الا بغرض النصح لو انتي تبينه وتعرفين انج تقدرين تغيرينه حاولي ترجعين له كلمي ابوج قوليله اجمعني فيه وخلني اتفاهم معاه لان في مواضيع خاصه مااقدر اقولها واذا تفاهمنا بعدها اقعد انت وابوه وهو وقوله اللي تبي وفي حال جمعكم بهدوء تناقشي معاه بدون ماتعلين صوتج او تحرجينه وتقوليله ان هلج مايعرفون عن سبب الزعل وانج ماقلتي ولابتقولين بيني له انج شاريته وانج تحبينه وقولي اش اللي يضايقج وانج تبينه يتغير واخذي منه وعد انه يتغير ولازم تحطين فبالج هالشي يبيله وقت عشان يبعد عنه مش سهل يترك هالشي يعني لازم تصبرين وتتحملين لان كله فميزان حسناتج بيني له انج تبينه وماتقدرين على فراقه بس بطريقه غير مباشره وفي حال تفاهمتوا خلي الوالد بعدين يتفاهم معاه بصراحه لو انا منج وابيه والله بكلم ابوي وبوصله كلام بطريقه غير مباشره اني ابي ارجعله مع اخته الحمدلله بعد اخته وامه يحبونج واذا مثلا عزم يطلق مع اني مااعتقد اشكري ربج واحمديه ماتدرين وين الخير الله يصلح من بينكم ونسمع خبر رجوعج ويكون لج مثل ماتتمنين واسمحيلي على الاطاله |
يا هلا وغلا بعبدالعزيز واركيد قطر تسلمين حبيبتي على اهتمامك ويارب يسعدك ويكتبلك الخير وين ماقبلتي
اما انتا ياعبدالعزيز والله انك ماقصرت وما تقصر يارب يكتبلك كل ماتمنيته بهالدنيا |
اقتباس:
لانها مو من المشاكل اللي تناقش بوجود الأهل اذكر ان لم تخني الذاكره انك اشتكيتي لأبوه قبل ؟ بأحد الردود قريتها والحين بتلمحين لأبوك بالله كيف راح يكون وجهه وانتي تتكلمين بهالمواضيع خلي هالمواضيع بينكم احسن لما ترجعين له قولي له اساس المشكله كذا وكذا |
اقتباس:
هو يشبع نفسه بافلام وعادة سريه ممكن تفهم انه يخونها مع امرأه ويشبع نفسه بغير زوجته وقتها ابوك بيعرف بالظبط كيف يشبع نفسه بغيرك ولازم تبررين الموقف وبترجعين لنفس نقطة الاحراج حطي نفسك مكانه زوجك يمشي ويفضحك عند اهلك واهله استري يا بنت الحلال والله يوفقك ويسهل امرك |
عاشق جواهر....صح كلامك وانا معاك بس عندي شروط والشروط لازم ابوي وابوه يسمعونها وبعض هالشروط تتطرق لهالامرين مثل حذف معض القنوات المشبوهه وغيره
|
ياحبيبتي
طولت السالفه موضوعكم خااااص جدا وفيه فضيحه لزوجك يعني كلام ماينقال والله فشله ليش ماتفاهمين وياه راس براس وتريحين راسج او عالاقل بالمسج لاتزيد الفجوه والبعد لان الواحد بيزهق والبعيد عن العين بعيد عن القلب |
اقتباس:
أخي الكريم أنا فاهم الموضوع ، وكلامك صحيح ، يعني ممكن يظن أبوه أو أبوها بمثل ما ذكرت في كلامك ، ولذلك قصدي الأفلام والعادة السرية فقط ويا ليت لو توضح أختي أبي رضاه الموضوع أكثر في موعد الإجتماع حتى ما يصير لبس وظن ثاني مثل ما ذكر أخوي عاشق الجواهر |
كلامكم على العين والراس ... حجلس معاه لوحدنا ونحكي بكل المواضيع وبعدين حبين لابوي و ابوه شروطي من غير ماادخل بالتفاصيل .................................................. .................................... ان شاء الله خير الاربعاء هذا تنتهي مدة هالاسبوعين اللي ذكرها لابوي برسالته ننتظر جيتهم حشوف وش عنده وكيف حيتعامل مع غلطته بحقي وحق ابوي(مدى اسفه) ووشلون تنحل امورنا .................................................. ...................................... احساسي الان غريب (جفوة قلب قتلتني) مع انو جالسه اجهز نفسي على اساس يجي نتصالح وامشي معاه 50%من احساسي يقول بتزين الامور وترجع المياه لمجاريها و50%تقول لا وحيتم الانفصال بعدين ارجع اقول واذا رجعتلوا كيف حقدر اسامحوا على الغدر والكذب والله اني بحيره لا يعلم بها الا الله....يارب فرج من عندك |
إصبري وتذكري أن الله راح يكتب لك الخير إما معه أو بدونه ولذلك لاتشغلي نفسك ووطني نفسك على تقبل الواقع ، وبحمد الله أنت في خير وعافية ومعززة ومكرمة وأكبر دليل ترددك بين أن تكوني معه وبين أن تكوني عند أهلك ، ولذلك إستخيري ، وبإذن الله راح يكتب لك الخير ويشرح صدرك لك بس لاتفكري وتشغلي خاطرك حتى تكوني متفائلة وقوية |
| الساعة الآن 01:55 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©