|
الله يسهل..
اليوم رحت سالت ملازم اول يعرف في القانون.. وقال لي الطلاق ابغض الحلال .. لكن اذا انتي اتشوفين حياتج بعد الطلاق بتصير احسن فتوكلي على الله .. وقال لي اني ماصبر اكثر.. الجأ للمحكمة احسن لان في وضعي زوجي مقصر ومهمل في كثير من الاشياء وكل ماطالت المدة كل ماتعقدت الامور.. بصلي استخارة بخصوص هالموضوع .. وان شاء الله خير |
السلام عليكم ورحمة الله وبركاته
اخر الاخبار امس كانت لي طلعه مع بنات عم زوجي... وكان بيننا حديث طويل كله عن زواجي الفاشل.. وحاولو يقنعوني اعدل عن قراري... والي هو الطلاق.. وقالو لي ان زوجي يحبني وشاريني.. وانه ماقال انه مايبيني.. وان في صار لخبطة في الحديث.. وانا صحيح احن له .. ويمكن بعدني احبه .. لاني بمجرد ماتخيل انه بيروح لوحدة غيري .. اتعب نفسيا لكن .. من افترقنا وانا احس بالراحة .. واني مو شايله هم .. واني بسهولة ممكن انقبل في اي جامعه انا اختارها .. واكمل دراستي.. لكني محتارة .. ووحدة منهم قالت لي امس... ليش ماتصير بينكم جلسة مصارحة .. انا وزوجي.. بروحنا.. وانطلع كل الي في خاطرنا... وانشوف شو الي ممكن يحصل بعدين .. وقالتلي انه انسال لو يبي الطلاق.. قال لا انا ابيها وماراح اطلق حتى لو هي بغت الطلاق!! وانا مادري شو اسوي.. كل الي قلته عطوني فرصة افكر.. لاني مو مستعدة اشوفه ... ولا ابي اشوفه ... وبينت لهم ان انا ضايق خاطري منه .. والصراحة محتارة ماعرف شو اسوي |
افضل تسمعين رأي بنات عم زوجك وتقعدين انت وزوجك جلسه محاوره بمكان وحدكم بعيد عن اهلك واهله
مكان مثل مطعم او متنزه افضل شيْء والبسي افضل ما عندك حتى تثبتين له انه انت بتمام الصحه والعافيه(ان شاء الله اكيد ودائما)وانك سعيده ومرتاحه بأذن الله وحاولي تمسكي اعصابك بدون دموع وان شاء الله يحس على نفسه:29: ويفكر كيف هو غلط بحقك وحق بنتكم وان شاء الله ترجع الامور احسن من الاول والي بي الخير ان شاء الله يصير:22: |
يا أختي
زوجك يريدك و انتي تريديه اعتقد شخصيته غير ناضجة نوعا قد يكون ذلك بسبب السن الزمن كفيل بتغيير أطباع الناس حاولي ان توسطي أهل الخير حتي يمكن الأصلاح حاولي ان تتنازلي بقدر المستطاع |
الطلاق سهل؟؟؟؟؟؟؟؟؟؟؟؟؟؟؟؟؟؟؟؟؟؟؟
تعوذى من الشيطان توكم متزوجين شئ طبيعى انكم ماتتفاهمون لكن الصبر زين وله ثماره وانتى مخرب حياتكم غير تدخلات امك وام زوجك ابتعدووو وانتو قرررو ومال احد دخل انتى اللى بتتضررين وبنتك وزوجك وبيتك اختى انتى لك مملكه لازم تحافظين عليها من كل شر والله يصلح بينكم يارب |
[ام الحسين و عمر]لا حول و لا قوة الا بالله
اختي استخيري و ان شاء الله فى حل حاولي فى زوجج اكثر و ان شاء الله ربي يفرحها[/ |
اختي ام وداد
الله يسهل عليك حبيبتي بس انا من رايي انك اشوي تستنين وتبتعدين عن الاهل علشان يصفالك الجو مع زوجك وتتفاهمون وتوصلون لقرار وانا اضم صوتي للاخت الي قالت انكم توكم في بدايه المشوار ولازم هاالمشاكل والله يهدي زوجك ويحن عليك |
فعلا ... اجلسي معاه لوحدكم حتى يكون مافيه اي تأثير سواء من اهله و اهلك .. وشوفي وش يصير معك
وخبرينا ... الله يسعدك يارب ... هموووم |
زوجك توه صغير ومراهق ولسا مايعرف يتخذ قراراته
وشكل امه مسيطرة عليه جدا وانا بقولك هالشي ويمكن محد قالك قبل والله اني اعرف كيف الطلاق وكيف البعد عن الزوج خصوصا اذا تحبينه وكيف بتكون بنتك خصوصا اذا بغوا ياخذونها منك بس نصيحه استخيري كل يوم وكذا مرة باليوم والاهم لاحظي الاهممممممممممممممممم اقري سورة البقرة 40 يوم لا تقولين طويله بالعكس اقريها يوميا وان شاء الله تبارك لك حياتك وتسهل لك امورك وتنحل مشاكلك هذي نصيحتي لك لاتقرينها وبس والا تقولين ان شاء الله لا قومي واتوضي واقريها وسكري النت ولا يلعب عليك الشيطان ترا اذا فات الفوت ما ينفع الصوت وحطي في بالك انك تقرينها عشان ربي يسهل امورك بزواجك ودايما ادعي وما تدرين يمكن الطلاق احسن لك عشان تلحقين عمرك وتتزوجين بشخص اخر يعوضك وفيه نقطه مهمه اذا زوجك مطنشك طنشيه ترا حتى لو كان يبغاك ما راح يجيك او يدق عليك تدرين ليش لانه متعود انتي الي تجينه وهو مبسوط ويقول متى ما طاح الي في راسها بترجع لي واهم نقطه انتبهي انتبهي تعطينه شي او على قولتك ياخذ حقوقه ترا يبرد ويطنشك لان حتى الطلاق ما يقع اذا كان الزوج توه منتهي من مجامعه زوجته لانه في تلك اللحظه يرخص زوجته والله والله والله ان قصدي النصيحه وقلبي عورني عليك اول شي استخيري واقري سورة البقرة يوميا وانقطعي عن زوجك عشان يدري انك ماخذه موقف وماراح تتراجعين |
اختي اعانك الله و اسفة انني لم ارى موضوعك قبل الان و اعتقد انه من الصواب ان تستمعي الى راي بنات عم زوجك و اجلسي معاه جلسة صفاء وكل واحد منكم يقول اللي في خاطره من دون غضب و عصبية و ربنا يعينك و يوفقك و يفرج همك في القريب العاجل ءاميييييييييييييين
|
| الساعة الآن 07:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©