|
رد: طليقتي تزوجت
اقتباس:
فكيف تقول (حتى تعرف قيمة الطلاق) الرجل هو اللي طلق تزوج وطلق بسهوله بدون أن يتفق مع شريكته بالقرار وتقول عشان تعرف قيمته! طيب هي فعلاً انكسرت وتبغاها تعرف قيمته! وفوق هذا تقرر تهدم حياة وتطردها من حياتك وبعد تأخذ الأبناء! هذا ظلم ليش تخليها تعاني من قرارك؟ هي ما اختارت الطلاق ولا سعت له لكن لأن الرجل اللي طلق من كيفه فسقان ويبغى يثبت نقطه ليس لها هدف ويكسر ويحطم حياة وحده تخلت عن كل أحلامها من أجله واسندت ظهرها له وأنجبت منه لأنها ظنت الحياة مستقره فجأة يسحب البساط منها ويطرحها ويفوقها من واقع وليس من حلم ويأخذ بنتها عشان ما يتربون عند غريب! والغريب هذا يصير عمهم! يعني هو يأخذهم ويرميهم عن غريبه(اللي هي عمتهم) ويروح الاستراحات ويرجع آخر الليل عشان بس البنت ما يربيها غريب وهو ما ربها أصلاً. الرجل يهدم أسرة ويكسر الأم ويقهرها وينسى إنها راح تستعيد هذا كله بإرادة الله في يوم الحساب. يمكن تكون أنت مظلوم لكن بعد الطلاق فأنت ظالم بأي تصرف يتجاوزه إذا كنت مظلوم فقد رفعت الظلم عنك بالطلاق والله يرفعه عنك مع الأيام لكن تأخذ الأبناء عشان الأم تزوجت ظلم وهي ما عندها استطاعة تأخذ الأبناء منك. حسبي الله ونعم الوكيل على كل ظالم متجبر على ضعاف خلق الله. |
رد: طليقتي تزوجت
اقتباس:
|
رد: طليقتي تزوجت
الرجل زوج امهم ماهو اجنبي
حلله رب العالمين وهذا شرع ربي صار حاله حال ابوهم يكشفون عنده ويسلمون عليه محرم لهم شلون تناقض كلام ربي وتقول اجنبي ثانيا من قال بيصيرون ايتام ابوهم بيزورهم بياخذهم اجازات بيطلعهم بيكلمهم حاله اكيد الله يخليه لهم ماهم حال الايتام او مسجون |
رد: طليقتي تزوجت
احييكم جميعاً .. وأنا قرأت الردود .. وأحترم وجهات النظر .. ولكن قراري واضح وأنا اعرف اللي بيصير . فعلى سبيل المثال اي بنت يوصل عمرها ١٣ سنه تبدأ ملامح الأنوثه وأنا ماارضى يكون بناتي عند زوج امهم بعد يوصلو ١٣ سنه . الحين الولد عمره ١١ ومعروف إذا كبر الولد فهو يخير ياااايكون عند ابوه او عند امه . والبنات وحده الحين عمرها ٧ والثانيه عمرها ٦ . فالأوله اذا صار عمرها ١٣ وأكيد الثانيه راح يصير عمرها ١٢ فأنا راح اسحبهم بالنسبه للبنات اذا كبرو . والولد يخير وعلى كيفه يايبغى عندي او عند امه . فيعلم الله اني حريص كل الحرص على عيالي
ملاحظه/ يقولك رحم الله رجل عرف قدر نفسه . انا الحين مااقدر آخذ عيالي ولعدة اسباب .اولاً/ انا الحين ساكن عزوبي وموظف حكومي. ودوامي شفتات . مره دوامي الصباح ومره يكون دوامي بعد الظهر ومره بعد المغرب ومره اخر الليل حتى الفجر . يعني شفتات . فأسألكم بالله ياناس هل ترضون آخذ اولادي وأنا على هذي الحاله . ثانياً/ كيف آخذ عيالي وعملي شفتات . وكذلك لو اخليهم عند امي فهي عمرها الله يحفظها ٦٠ سنه . والوالد متوفي والله يرحمه . واخواتي مستحيل وألف مستحيل اخليهم عند اخواتي . حتى لو وافقو . فأنا ادرى بعيالي . الأم كفو لتربية اطفالي فحرام احرم عيالي من امهم . لاااااااايصير عناد بيني وبين طليقتي والضحيه هم اطفالي . مستحيل اسوي كذا . فالظلم ضلمات ولاهي علومي . لو امهم ماهي كفو للتربيه او انها غير مطابقه لشروط الحضانه فمستحيل ارضى تربي اطفالي . وكذلك زوج طليقتي . لو كان حق خراب او انسان فاسد فمستحيل ارضى بذلك . وأنا كل اسبوعين آخذ عيالي لمدة يومين عندي امشيهم وينامون عندي . حيث اني عزوبي وساكن لحالي . ومعلومه هامه احب اضيفها وهي راسخه في رآسي .. وهي اذا تزوجت والله رزقني بطفل او طفله فراح اضبط الموضوع مع زوجتي وآخذ اطفالي وبجيب لهم شغاله . ويصير عيالي معاي وكذلك طفلي الجديد معاي وزوجتي الجديده معاي والشغاله معاي والأمور طيبه . وأما الحين فالله يرحم والديكم لاتضغطون علي . اقسم بمن حلل القسم لو كانت طليقتي او زوج طليقتي غير كفو لتربية اطفالي فمستحيل اخلي اطفالي عندهم |
رد: طليقتي تزوجت
الله يوفقك ويجزاك خير وانت اعلم بظروفك واهم شي نفسية عيالك دامك قررت ومصلحة عيالك اهم من كلام الناس.
|
رد: طليقتي تزوجت
دخلت موضوعك لأقرأ مستجداتك اخي الكريم ووجدت نفسي ابكي وابكي و ابكي بحرقة من ردوودك الاخيرة
علما اني امرأة وعانيت من كلام زوجي الكثير انه يريد التعدد وكلام قاسي وجاف وانتقادات فقط دون اي مدح و اخباري اني متعبة ومريضة نفسيا ومعقدة و شيطانة ووووو واضافة الى كل كلامه مواقفه السلبية الحقيرة معي التي لاتمت صلة بالرجولة ... والكرامة جابلي المرض النفسي و تحقير نفسي والانهيار والاكتئاب كان من المفروض انا التي اترك رجل كهذا وليست طليقتك التي تدعي انها عافتك ومتأثرة بكلامك عن التعدد و الكلام الاخر و الله رحمتك يا اخي و امرأة كهذه لايؤسف على فراقها بعد ان ساندتها لاكمال دراستها وفتح مشروعها تخلت عنك بسهولة وكأنك لا تستحقها واسرعت للزواج بمعدد وكانها وجدت من يستحقها اخيرا ومن يعوضها وكأنها كانت تعيش الجحيم معك انا كنت استطيع ان افر بجلدي من الذل الذي عشته مع زوجي واهله لكن خوفي على مصير ابنائي كان يمنعني ومازال يمنعني الحمد لله على كل حال ربي يرحمنا جميعا اخيرا نصيحتي لك اخي الكريم ضبط حالك اقصد امورك المالية و بعد ثلاثة شهور إبدأ في اختيار عروسك حتى لا تبقى وحيدا اكثر فالوحدة قاسية و تجعلك مختلي بنفسك وتجتر الماضي تزوج قريبا و احسم امر اولادك ولتكن واضحا للتي ستتقدم اليها ولاهلها انه معك اولادك ان شاء الله ان كانت طليقتك بقيت من غير زواج فهي اولى باطفالها معها لكن بعد زواجها انت ابوهم الاولى بهم و يزورون امهم كل اسبوع وليس العكس الله ينور طريقك و ينور بصيرتك و يثبتك في قراراتك |
رد: طليقتي تزوجت
اقتباس:
آمين لاتوصون حريص . وبإذن الله ماراح اقصر معاهم بشيئ وهم إذا كبرو ماراح ينسون وقفتي لهم بأني وافقت أن يتربون عند امهم وأزمه بسيطه وبتتعدى على خير وبآخذ عيالي. فأصبرو علي . والله يسهل الأمور |
رد: طليقتي تزوجت
اقتباس:
هذا يدُل على اصلك الطِّيب .. والله يعوضني ويعوضك ويعوض كُل محروم والله أنك جبتيها عالجرح .. هي فعلاً لاتستحقني . فالحمدلله على كُل حال |
رد: طليقتي تزوجت
اخ ساري
ممكن تتوقف عن الكلام السلبي عن نفسك لا تستحقك ام لا هذا صار من الماضي تصالح مع نفسك ثم معها الان لم يعد الامر تستحقك ام لا انظر لها شافت حياتها بعد العده مباشرة لماذا لانها مقتنعه انها عملت اللي عليها و صار الوقت تلتفت لنفسها و تلحق عمرها اقتنع انت الاخر هذا قدرك و نصيبك ارضى به و على كلام الاولين اللي صار انه الخبز بينكم انتهى اما الباقي كله لا يهم ردد هذا بداخلك حتى يستوعبه عقلك |
رد: طليقتي تزوجت
اقتباس:
نصيحتك . تآج على الرآس والعين |
| الساعة الآن 01:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©