|
رد: زوجي والهدية
اقتباس:
انت غلطانة هنا .. الرجال بيمزح معاك ، و يتغلى عليك .. كان ممكن وقتها تتصرفي بطريقة ( تكون لصالحك ) شيلي موضوع الكرامة بينك و بين زوجك ، و بترتاحي و يرتاح .. , , مشكور اخوي محب السنة على رأيك .. اول مرة اعرف اني كذا fgf |
رد: زوجي والهدية
اقتباس:
لكن ما تكتبي النص الأول .. و ما تقولي انت ايش عملتي ، و خلاه يقول و يعمل و يفعل كذا ؟ مثل موقف الفطور ، كتبتي فوق اليوم سويت الفطور كالمعتاد .. و ما أكل و لا لقمة مع انك ما سويتي الفطور كالمعتاد .. تركتيه يفطر لوحده كأنه ( سواق و لا عامل و لا شغالة ) و رحتي تفطري انت و بنتك مع بعض ؟ |
رد: زوجي والهدية تم الصلح الرد 119
كنافة حبيبتي
زوجك مو طاهر ولا بريء بس لازم تعترفين أن أغلب نقاشاتكم الحادة تبدأ بتلطيشة منه وتردين ويتصاعد الموقف.. مع أنه لو أنك من البداية ململمة السالفة كان ماامتدت بهالشكل.. شوفي انا من سمعت حديث 2من الصحابة كانت بينهم خصومة واحد يتكلم والثاني ساكت اللي هو أبو بكر.. وكان الرسول صلى الله عليه وسلم يسمعهم ويتبسم فلما تكلم أبو بكر تغير وجه الرسول ففسرها انه لما كان ساكت كان الملك يدافع عنه لما تكلم صار يدافع عن نفسه.. من سمعتها واذا عصب زوجي أسكت والله العظيم ماياخذ الموقف اكثر من 10د بعدين هو يحاول يغطي على كلامه.. المشكلة ياكنافة مثل ماقالت وحدة من العضوات ان الميانة طايحة بينكم وبكل نقاش بتطيح أكثر وأكثر وهذا مو من صالحك.. كنافة زوجك بحبك بس حبيبتي من انفجاراتك وكلامك له يحسسه أنك فعلا مغرورة وشايفة نفسك.. شفتي اعتزازك بنفسك جداا جميل ولو هو بعيد نظر شوي حلو أم العيال تكون بمستوى ثقة عالي.. بس مثل ماقلتي مو هذا مفتاحه.. أقسم ياكنافة لو تجيه ثعبان تلحس مخه ماراح يتضرر الا أنت وعيالك.. مو دائما مفهوم القوة بالوضوح والتلقائية ومو دائما الذكاء بردود الأفعال المباشرة.. ماأقولك خليك ساذجة والا انهزمي قدامه بس خليك واثقة وقوية وكله تحت جناحه.. ولاتتضاقين ترا عمر زواجكم فترة الاهتزازات مجرد مايثق زوجك أنك تحبينه وتقدرينه وتشوفينه رقم 1 بيخف كثير ويهدأ إن شاء الله.. |
رد: زوجي والهدية تم الصلح الرد 119
انا كنت اسايره وهو يتمادى
باخر يومين انفجرت بوجهه بعدها بنفسي لميت الموضوع ادري الحكمة بالتجاهل بس كانت تصرفاته فوق طاقتي بعضكم فهمني غلط والبعض انصفني بالحالتين انا شاكرة كلامكم مره كنت اتناقش مع اختي قلت لها لماكنا صغار انا اتأثر بكلام اهلي وانتي عادي يهاوشونك وتكملين لعب وانا اقفل باب الغرفه وابكي طول اليوم قالت: انتي تصدقين بزياده وتعطينهم وجه هذا كلام اكثر وحده عاشرتني وترى ما اكون كذا الا مع اللي احبهم اللي مايعنون لي لو يسبوني من هنا لبكرا عادي بس مو معنى كذا اني حساسه لا ابدا انا مو حساسه.. صبوره بس يبدا يشتغل العداد ومحد داري 1 2 3 4 بالتدريج لما اوصل 10 انفجر فجأه بحاول اضبط ردات فعلي الله ينزل السكينه على قلبي |
رد: زوجي والهدية تم الصلح الرد 119
كنافة
كنت مثلك و تعجبني شخصية الرجل العملي و الوقور و الثقيل ووو الخ بس خلاص زوجك كذا ( تقبليييييه كذا ) مرة شفت فيلم اجنبي و وحدة تنصح وحدة .. لو تبغى الرجال يحبها : - ابتسمي دايما - لا تنتقدني ابدا و لا تنصحي - اضحكي له دائماً على اي تعليق حتى ( لو بايخ ) |
رد: زوجي والهدية تم الصلح الرد 119
اقتباس:
افتحي المنبه بدلاً من الصامت اللي قدامك مهو شايف الا 1 وبعدها انفجاااااااار من 2-10 كانت مخفيه عليه وهو لايلام ( اللي قدامك ) لانه واضع لنفسه استراتيجيات عند كل مرحلة لكنه لم يستخدمها لانه شايفك على مرحلة رقم 1 |
رد: زوجي والهدية تم الصلح الرد 119
مبروك الصلح وان شاء الله اخر المشاكل
كنافة الحلوة ارى انك على اطلاع بانماط الشخصيات لو تساعديني في تحديد نمط زوجي اكون شاكرة |
رد: زوجي والهدية تم الصلح الرد 119
بس حبيت اضيف نقطة لا تنسيها ابد مستقبلا...
لا تغلطي على زوجك ولو غلط عليك.. لا تجرحي رجولته وكرامته.. لان الرجال ما ينسوها ابد ابد.. صح بنفكر هو قالي انتي مو مرأة.. وانا قلتلو انت مو رجال.. نفس الشي... المشكلة انه في الواقع حبينا ام كرهنا مو نفس الشي..المرأة بتنسى وتسامح.. ولا كأنها سمعت هالكلمة. الرجل لااااا.. يتسكر الموضوع وتمر ايام وشهور وسنين وهو لسه الكلمة بقلبو.. وراح يفتعل مشاكل عالفاضي اذا تذكرها.. ماراح يصلرحلك انو بيعذبك بسبب كلمة قلتيها زماان انتبهي .. الله اعلم زوجك لسه كل فترة بيضايقك لانو ما نسى كلام انو مو رجال.. وهلا كمان حكيتي كم شغلة غلط في وقت الغضب... راح يعذبك بعد وانتي راح تفتكري انو بيختلق المشاكل من ولا شي... بس هو انتقام.. الله يسخركم لبعض |
رد: زوجي والهدية تم الصلح الرد 119
نصايحكم على عيني وراسي
ربي لا يحرمكم الاجر وفاء حبيبتي انا لو خبيره ماكثرت مشاكلي احلل واقرا وافهم بس مصيبتي ما انفذ وتامري امري يا الغالية دامكم شجعتوني امثل حسيت نفسي انجلينا جولي هههه اليوم قلت لزوجي لاتنسى صواني الحلا راح ورجع ما معه شي وانا فهمت انه شرى الحلا ونزله بيت اهله بس تغيبيت وقلت بهباله: حبيبي ماشريت حلا؟ قال الا بس نزلته بيت اهلي عطيته نظره حزن وتفاجئ وقلت: يستاهلون عليهم بألف عافيه قال: تبين اشتري لاهلك صينيه شوكلاته؟ قلت لا ياقلبي لاتتعب نفسك قال: اسف والله نسيت مع الزحمه قلت: ادري حبيبي مومشكله قال: لا لا بقوم الحين اخذ المفتاح ورجع لباتشي وجاب صينيه فخمه وشكرته لو اني ماتغيبيت وتمسكنت ماجاني شي بس بحاول امشي الحياه معه كذا ولا ودي اشغلكم اكثر عشان مايصير الموضوع يوميات :) بس فعلا الجنوبي الشرقي يبي له صبررررر |
رد: زوجي والهدية تم الصلح الرد 119
وش صبررررره وهو خاتم باصباعك
تستهبلين على العيد ياكنافة!!!!!! الله اعطاكي قدرة وفرت عليكي سنين ضوئية وتقولين لا ماااابي! |
| الساعة الآن 04:08 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©