|
رد : تمرجحي يـا طفلة الصبح ~ بـشويـش
اقتباس:
انا كنت سابقا كذا .. لان كانت عندي مثل نظرتك ما اتكلم غير عن مواضيع الزواج لكن اكتشفت حاجات كثير حلوة بالمنتدى مما دفعني ادلي بدلولي كلها >ههههههههه مبتعثة بسألك .. تحبين القراءة ؟ و اذا كان ايه وش نوع قراءاتك ؟ و اذا كان لا ... ليه ؟ |
رد : تمرجحي يـا طفلة الصبح ~ بـشويـش
اقتباس:
أقبلت اسماء و يامحلاها انا احبك و ودي اقول معك لكن للاسف انا منيب معك الزواج يجنن :) هاذي فطرتنا صدق بنات انا اتمنى اتزوج مثل مبتعثة لكن ما لقيت احد مزبوط عشان كذا شلته من بالي و ﻻ وش حﻻتها ادمي يوقف جنبك و يسندك و يهتم بك الزواج حلو و حاجتنا له ما نقدر نتغاضى عنها لكن ربنا ما اراد لنا لسه ايش اسوي عشان ما تزوجت .. امسك لي زاوية و اصيح ! ﻻ طبعا العقل ما يقول كذا بس القلب اهبل و ثرثار على قولة انليمتد و مفروض ما نهتم لثرثرته احنا مشكلتنا اننا طحنا برجال ماهي كويسة و هذا مو دليل على ان كل الرجال كذا و ﻻ كيف يا اقحوانة ؟ |
رد : تمرجحي يـا طفلة الصبح ~ بـشويـش
اقتباس:
ليش احنا نجيب الغثا لنفسنا :( انا مثلك فيني عيب قوي اقعد اركز على حاجات تضايقني مثلا انتي عارفه انك بحاجة هالشي .. ليش تترقبينه و تفكرين فيه مااادري تدرين مبتعثة بقولك موقف جدا اثر بي قبل فترة بنتي قالت لي ان زوجة ابوها تتخدم بولدي و خلته يغسل المواعين عندها انا مو بس حقدت يا شيخه لو الموت بيدي فلته عليهم ذاك اليوم و جيت بسأله و ولدي يقهر من النوع السكوتي يعني اذا سالته بطريقة مباشرة ماراح يعلمني بعدها بوقت رحت غسلت المواعين و ناديته يجي يساعدني قال يووه ماما اكره المواعين سالته قال اني كنت في بيت بابا خاله تخليني اغسل المواعين و تعطيني فلوس و بابا يدري قال ايوه هي صورتني بجوالها و انا اغسل و بابا شافها و جلس يضحك قال شاطر ساعد خاله مرة عطتني عشرين و اللي بعدها ثﻻثين و ماادري كم .. اخر شي طفشت قلت لها لو تعطيني مليون ماراح اغسل بعدين سابتني خلاص ...! الله يسامحها بس والله اني متأكدة لو كان ولدها ما تخليه يمسك ملعقة لكن الإحساس معدوم في ولد الزوج و ابوه كمان يقهر كان ﻻزم يهتم لولده شوي لكن الله يسامحهم مهما كانت النوايا حتى لو كانوا يبغون يغرسون فيه حب التعاون و المسئولية مو بالطريقة هاذي ابدا هذا ولد مو بنت لكن حسبي الله فيهم اثنينهم انا ارتحت ان ولدي اتخذ قراره بنفسه و اعترض اخر شي بس بعد ايش كان مفروض من البداية يقول لا انا ولد ماني بنت تشغليني بالمطبخ هالموقف لفت نظري على شخصية ولدي و خﻻني افكر فيه بشكل اكبر و اني ﻻزم اقوي شخصيته و اهتم بها اكثر هم لسه على وضعهم يجوني بالاسبوع مرة و احيانا حسب المزاج |
رد : تمرجحي يـا طفلة الصبح ~ بـشويـش
اقتباس:
الزواج لا غنى عنه مثل السمكة اذا خرجت من البحر تموت لكنها تظل تنط و ترجع له و تنط و ترجع وش رايك بالتشبيه :d سعيدة بك اوراااق |
رد : تمرجحي يـا طفلة الصبح ~ بـشويـش
قبل فترة نزلت جرير اشتريت لي مجموعه كتب متنوعه
مريحه نفسي الفترة هاذي بالقراءة سبحان الله تعطيك هدوء و رااحه ، صح ان الواحد ما يقدر يركز و هو متضايق أو مشغول ذهنيا لكن لما رتبت نومي و صرت انام بدري و اصحى بدري لقيت ان بالي احسن و مزاجي طول النهار حلو و رايق .. عندي استعداد اقرأ جزء كبير مو مثل لما اكون ملخبطة نومي للي ما جرب لذة النوم بكير يجربها و يشوف الفرق بس القيلولة اللي عجزت اتعودها نوم ابو ساعه ساعتين مررة ما يخارج معي زمان قرأت ان القيلولة تساعد على قيام الليل بس ما فهمت كيف لما انام ربع ساعه قبل العصر بالقوة اصحى و ان صحيت اظل متنكدة ليين يجي الليل و اشبع نوم يا ليت المجربات القيلولة يحكو لي كيف تعودوها |
رد : تمرجحي يـا طفلة الصبح ~ بـشويـش
اقتباس:
أكيد مو كلهم كذا في الصالح وفي الطالح مشكلتي انا من الأساس ان الزواج ما هو براسي من زماااااااان بس جت بالزحلقه والأقناع وهالحركات وحتى اللحين ماهو من اولوياتي ولا يحتل حتى نص ٪ من تفكيري أحس باقي دشره براسي ما قد طلعتها طبعا دشره وفق الشريعه الأسلاميه معروف الزواج مو كله مثل الاحلام الورديه فيه مشاكل وبياخه زايده وانا اللحين مرتاحه من ذا كله وطبعي ما احب المشاكل مهما كانت وفي بيت اهلي ما اعرفها وحتى وان صارت م اكون طرف فيها وزيادة أشوف انه محد محل ثقه أقدر أعتمد عليه بشكل كامل غير أخواني هما الدنيا كلللها بعيوني صح ما نجلس مع بعض وممكن تمر أسابيع ما نتقابل وان تقابلنا نجلس ساعه بالكثير مع ذالك ما أحس بالأمان إلا معهم في أشياء گثييير بالحياة حلوه وممتعه غير سالفة الزواج ذي :( |
رد : تمرجحي يـا طفلة الصبح ~ بـشويـش
اقتباس:
آه من القيلوله راح عمري كله بالقيلوله أقول بنام شوي وأطقها أربع خمس ساعات م عندي حلول وسط أبداً وي لبيه يالقراءة أزين شي بالحياه ولها فوائد منتاره ما انطلق المارد حقي الا من بعدها :22: يختي تطير بك لعالم ثااااني |
رد : تمرجحي يـا طفلة الصبح ~ بـشويـش
فيه شي أول مرة اعترف به لنفسي
انا لو كنت اعرف المنتدى هذا قبل الزواج ما كان فكرت بالطﻻق كان حاولت اتأقلم مع وضعي بحياتي الزوجية اكثر مو معناته ان الغلط مني .. ﻻ انا متاكده اني ما غلطت ، لكن بمعنى أدق كان أجلت قرار الطﻻق كم سنة لغايه ما يكبرون اوﻻدي لان بالفعل زواجي ما كان فيه تكافؤ ..! هو كويس و انا كويسة لكن مو مناسبين لبعض .. هذا الشي اللي اهلي ما قدروا يستوعبونه الى الان مجتمعنا غريييب العادات تحكمهم اكثر من الدين للاسف الدين يقول الطﻻق ابغض الحلال و عاداتنا تقول محد يشيل همك اﻻ ولد عمك و مايريح بالك اﻻ ولد خالك و انا مزهرية بينهم انتظر لين احد يتقدم و اوافق حتى لو اضطريت اعيش باقي حياتي بتعاسة معاه دايم الوم اخوي اقول لنفسي وش كان خسر لو تحرك زمااان لما قلت له طلقوني منه وش معنى وقف معي بعد ثمان سنوات بعد ما خلفت لو كان الرجال اللي يعاني كان صبر على نفسه ..! ما اتوقع دام باب التعدد متاح ، لكن احنا لنا الله لكن احمد الله ان الطﻻق ما اثر علي و ما انسدت نفسي عن الزواج لاني شايفه ان فيه امل بالله و ربي قاادر يعوضني ان شالله عن كل شي يعني ممكن ارتبط لكن قرار مؤجل هذي الفترة لان يهمني بالمقام الاول اوﻻدي و الحمدلله ان فكرة الزواج ماهي طاغية على تفكيري مثل ما كنت في السابق |
رد : تمرجحي يـا طفلة الصبح ~ بـشويـش
اقتباس:
تكفين ﻻ عاد تقيلين انتي :d لما كنت بالثانوية كنت احب القراءة و عندي كتب كثير بس من تزوجت ماتت هالرغبة في الكتب الحين رجعت لها شوي شوي .. صدق عالم ثاني يكفي اني اثقف نفسي و احرك هالكم مليون خلية اللي نايمة بعقلي |
رد : تمرجحي يـا طفلة الصبح ~ بـشويـش
وأنا أقول ياربي من أم خالد
حياك الله يالغالية والله لك وحشة وين هالغيبة طول الفترة الماضية وانت ببالي اقول ياربي ليه مالها حس اهم شي انك بخير وعافية الله يسعدك ويحقق لك كل امانيك يارب |
| الساعة الآن 01:31 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©