|
اقتباس:
إذا شايفة ردودي بإنها منطقية و عقلانية ، فأنا كذلك بالفعل في حياتي .. و شكرا لإنك انتبهتي .. أما إني ( أخالف حتى أنعرف ؟ ) فهذه مرررررة جديدة علي ،، لإني من جد ماني بحاجة .. و مو أنا اللي أعمل كذا .. عالعموم ،، االلي مو قد التعدد لا يعدد ،. و اللي ماهي قد الزواج من شخص متزوج لا تتزوج ( أظنها معادلة صائبة كذا )|!!|!|؟ يعني تبغي اللي يعدد ، يظلم زوجته الأولى علشان يرضي الثانية .. و يعيش الثانية مثل حياة أي وحدة متزوجة عزوبي ؟ عالعموم ، أظن إني كتبت في ردي للأخت صابرة .. إنه الحياة اللي هي تحلم بها ، تنفع مع زوج غير معدد .. و نصحتها بالنقطة هذه و ماني حابة أخرج عن الموضوع ،. إنت عارضتي ردي في البداية و أنا وضحت بشكل أكثر تفصيلا - لا غير - و أظن الأخت صابرة ، كافي اللي فيها و ما أحب أدخل في نقاشات لا هدف منها |
اقتباس:
|
السلام عليكم انا متابعه لكم من زمان وسجلت بس عشان هالموضووع
ياخ مطررر اتق الله في زوجتك ليه تحسسها انها على الهامش وربي لو زوجي الله يحفظه بيومي يروح عندها اظن اموووت مو بس ينخفض ضغطي قهرررر صح مو مشكله بيومي يمر عياله جاء ضيف ظرف طاري يروح لهم وبرضاي اما اتهاوش معاه ويروح ينام في بيته الثاني كأنه يقول ترى انتي ولاشئ وانا عندي بيت ومو محتاج لك شئ يقهررررررررررررر بعدين ياختي صابره ليه ما تطلبين من زوجك يكون عندك جزء من ملابسه جزء من عطوراته حسسيه انه هذا كمان بيتك لازم وجبات تجمعكم حااااااااااااااااااااولي تتركي السفر واهتمي ببيتك يومك لك غدا عشا فطور بيمر عليهم مو مشكله بس اذا مر يمر عليك انتي كمان بيومهم اتركي عنك العصبيه والهوواش الكلمه الطبيه مع الرجل الطيب تفعل العجايب مسأله النظر للحريم والمغازل ربي يحاسبه مو انتي خلي زعلك بدلع وانوثه وبدووووون تنازل عن يومك ترى السنه الاولى للمعدد صعبه واحيانا يسوي اشياء وما ينتبه انها غلط او ما يدري انها تأثر على زوجته كوونه تعود على نمط معين وعلى اسره معينه بس انتي اصبري وتفاهمي مع زوجك بهدووووء مع الايام يتعود عليك وتتحسن الامور انا السنه الاولى من حياااااااااتي عذاب لدرجه كان يتغدا معاهم ثم يرجع يتغدا معي ههههه الحين الحمدلله الاوضاع احسن بكثيييييييير بس عليك بالصبر مع العقل والهدوووء واتركي عنك النكد والله يوفقك ويسعدك ويجمع بينكم على خير واذا رجوعك له شر يبعده عنك |
روح الطير انا كان قصدي ان بردودك تحاولين تجين بجانب الرجل دائما
اما بالنسبة للأخ انا ما قلت يظلم زوجته لو انتبهتي لتصرفاته ودققتي فيها لعرفتي انه ظالم للأخت صابره وليس العكس.. |
اقتباس:
شوفي حبيبتي انتي ربما نفس وضعي راح تفهميني اكثر مسالة انه يحط هدومه عندي انا قلت له وحتى لو حط بعضها بمجرد ماسافر يشيل كل شى لما يجيني عند اهلي احاول اني احسسه كانه في بيته واطبق هدومه بدلابي واحط عطورتها على التسريحة واعيشه جو الاستقرار حتى شنطه حقت السفر اخفيها من قدامه ارافقه بكل مكان واعتني فيه لانه في بيت اهلي عندي المعدات والمقومات تساعدني على الانجاز اتجاهه ولكن هنا البيت هذا مجرد انه يلمنا بدل الفنادق ماهو عاجبني خير شر اول مثلا يمر بيته الاول يصكها نومة ويقيل واحيانا يطلع قبل وقت انتهاء دوامه مرة من المرات قالي بمرهم واجيك الا وجلس حول الساعتين ادق على الرجال احصله نااااااااااااايم ويرد علي بكل برود نايم قلت طيب اليوم يومي ورى ماتجي تنوم عندي ليه ماعندي سرير؟؟ حتى بيوم مرض راح بيته الاول الله ونام ؟؟ قلت ليه تمرض هناك برضه اليوم يومي قالي كنت تعبان ووصلت للموت الله يطول بعمره وترى لو انتي ماتتحملين وااااااااااااااعجباااااااااااااااااه ليه ماتحمل قلت له ياخي وش شايفني مقدر اشيلك وانت تعبان؟؟ برميك يعني ولا بتفرج فيك طبعا تاثرت كثير يعني زوجتك الاولى بتخاف عليك وتراعيك وانا لالالا؟؟ وانا والله اني لا شفته مريض تنزل دمعتي واحزن عليه واحن عليه كما لو انه ابني مو زوجي والله اني اخاف عليه من نسمة الهوى وقد لمس فيني هو هالشى بالاخيررررررررر عشان شوية مشاكل بخرررررر لي كل شى قمة القهر وربي... |
اقتباس:
انتي تهاجمين لانك زوجة اولى وتحطين نفسك مكانه وترمين كلام لمجرد الحقد على الزوجة الثانية مع احترامي لك...انتبهي ترى الزمن دوار اللهم لا شماتة الي ينحط في فقص الاتهام الزوج مو الضرة لان الضرة مالها ذنب وان تزوجت من رجل متزوج الرجل اذا حط براسه يتزوج ثانية تراه يطبق لو زوجته الاولى اطلق وحدة ولا منها قصور مجرد ماتحتويه فكرة الزواج من ثانية يبدا في البحث ومن ثما يطبق الضرة ماسحبته على خشته بالقوة وقالت له خذني هو الي دور ولو ماتزوجها بيتزوج غيرها بعض الردود قد تكون خراب للبيوت ووتكون العلاقة على وشك الانهيار وبعضها ينقد برده هذا الانهيار اتمنى من كل زوجة اولى او وحيدة زوجها الا تهاجمني وتحطني في قفص الاتهام وترى انني شبح مخيف وتبدا ترميني بالكلام الجارح لمجرد انها تتخيل ان زوجها بيتزوج عليها وتعيش على حسابي الدور تحياتي لك اختي وتقبلي نقدي بسعة صدرررر |
اقتباس:
لكن تدخلين في مسالة ظلم وغيبيات وانتي لا تعلمين من فينا المظلوم فهذا خطر ..انتبهي فالكلمة الطيبة لها اثر على حياتي مع زوجي ان استمرت الحياة بينا ولا اقبل الظلم على نفسي ولها لا اله الا الله سبحانك اني كنت من الظالمين بكفر مجلسي معك دمنتي بخير عزيزتي |
اختي
كان الله في عونك ولكن الواضح كل الوضوح انك بحاجة الى مساعدة نفسية من شخص متخصص ردود افعالك مو طبيعية ابدا وزوجك مو مسؤول عن ماضيك و معاناتك مع اهلك هو تزوج عشان يرتاح مو عشان يعالج مشاكلك مع اهلك لا تقولي اليوم انا ما سبيته ولا شتمتة .. هذا غير كافي ابدا ابدا ابدا انت حتى لو قلتي انا تغيرت ...هذا غير كافي عشان يثق بك مرة ثانية انت فعلا محتاجة لعلاج نفسي خاصة للسيطرة على غضبك الله يعينك على نفسك |
لاحول ولا قوة الا بالله
أختي اعذريني وربي رحمتك واشفقت عليك الاعضاء ينصحونك ماقصروا واعطوكي حلول وانتي اذن من طين واذن من عجين الحقي على نفسك لاتدخلي مستشفى المجانين بسبب تعلقك الزائد التجأي الى الله التجأي الى الله التجأي الى الله خلااااص انتهى كل الكلام وانتهت كل الحلول والتكمله عندك 000 اسأل الله لك الصبر والقوة والهدايه |
1_من المفترض انكم تبعدون فترة نقاهه عن بعض مؤقته والكل يعيد حساباته مع نفسه ويحاول يكون منصف
2_قريت المشكله وتبين لى الاتى الكل غلطان الزوج والزوجه اولا المفترض مشاكلكم تحلونها مع بعض قد ماتقدرون ماتطلع برا انتم اخبر بظروفكم ونفسياتكم 3_الواضح لى اختلاف الشخصيات فضلا على ان تركيبه الرجل تختلف عن المراءة يعنى هى حارة وعجوله وانفعاليه ومندفعه وهو بارد وصامت وهالشى يزيدها انفعال وتتصرف تصرفات فيها حمق غصب عنها من برودة وترجع تندم وهو يجمع وينفجر بصمت وحله الطلاق 4_المشكله مازالت ماعةلجت من جذورها لازم تفهمون طبايع وشخصيات بعضكم وتتقبلونها وتعرفون تتعاملون مع الاختلاف الى بينكم بدون ماحد يغير الثانى 5_لازم الاحترام وافتراض حسن الظن ويا اختى اذ عصبتى وانفعلتى اطلعى من الغرفه توضى صلى عشان ماتفقدين اعصابك وانت ايها الزوج حاول تعطيها جوها وعطها كلام واهتمام مايظرك 6_وياختى برضو لاتتبعين وراة ربى يحاسبه وحاولى تشغلين نفسك باشياء ثانيه واقرى كتب الرجال من المريخ والنساء من الزهرة وغيرها تنفع تفهمون بعض شوى 7_اذ كل الحلول ماناسبت مايمنع تروحون اخصائى يحل مشاكلكم بدون تحيز واهم شى لاتدخلون الاهل 8_هذا اجتهاد منى لعل الله ينفع به ووممكن صح وممكن خطا وماملك الا الدعاء بان يوفق بينكم ربى ويسخر لكم لبعض ويفرج همنا وهمكم والله المستعان واكثرو من الدعاء والاستغفار |
| الساعة الآن 05:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©