المشاركة الأصلية كتبت بواسطة ليتني اسلى (المشاركة 1862044)

ام فهد انت ودك يرسل ورقتك لك ؟

خليني أقول 70% .... إيه !

اذا ودك فخليك على ماانت عليه ياقلبي

اذا ماودك

فتخيلي دق الباب الان وفتحتي ووجدتي ظرف ابيض وفتحتيه واذا به مكتوب طااااااالق بالثلاث

قضاء الله وقدره ... وخيره من رب العالمين ...

احب اذكرك ان هناك جاره وهي ساس البلا

والله مدري ؟؟ ..... اللي أقدر أقوله الله يعطيها على قد نيتها ان خيرا ً فخير ... وان شرا ً فشر

حطيها ببالك عمر الجاره ماتكون اخت مجربه وحده فوقي ووحده تحتي

ما يحتاج .... أخذت درس وجاااااامد ... وتوبه !

اذا تبين اقص عليك بعض مكرهن تفضلي بالخاص اقهويك هناك

والله ياليت .... ولي الشرف أتعلم منك!

ام فهد فتشي عن السبب ليش يصرف على زوجته الاخرى وانت لا

لأني موظفه وهي لأ ...
لأنه طلب مني آخذ له قرض وبدون ضمانات ... ورفضت!
لأني قلت له أنا لو أخذت قرض ماراح آخذه حتى لنفسي .. أنا راح آخذه لأمي لأنها بحاجه لزراعة كليه(عندها فشل كلوي) ومع ذلك ماقدر .. ماأكبر هذا في نفسه بل على العكس ... بكل وقاحه حاول يضحك علي..وقالي: خوذي لي القرض وأمك اذا إحتاجت خوذي سيارة وبيعيها .. واعطيها فلوسها !!
والحمد لله اني كنت أعرف انه مستحيل اسوي كذا !
قلت له :أختك لما احتجتوا اخذت لكم قرض ماأخذت لزوجها ... بكل برود قال ليتك تجين ربع أختي ولو سمحتي لاتقارنين نفسك فيها !!!!!!!!!!!

ربما سمعك بالهاتف قلتي شي او ربما فتحتي قلبك لوحده توقعتيها اخت وهي الله العالم

ماأتوقع ... ولو فيه ... مافيه غير زوجته!

في جرح بداخل زوجك من خلاله يعاملك بهالطريقه

أتوقع سالفة القرض ... هو سيء لفي تعامله من الأول بس بعدها تعامله صار أسوأ !!!

بعدين ذكرت انه يعدل بينكم بمعنى انه كما ضربك فقد ضربها يعني مو هي معززه وانت لا

ياحبي لك ... والله ضحكتيني الله يسعدك !
طيب ولأمور الثانيه ؟؟؟ أغفلتيها؟؟
عموماً ..انا ضربني مرة وحده ... وهي يضربها دائما ً الشهاده لله .... بس مع ذلك ماخذه حقها ..
تسبه وتلعن أهله .. وصلت فيها انها تجي من السفر وتمشي قدامهم بدون ماتسلم عليهم ومع ذلك يزعل منها فترة وبعدين يراضيها...

وأنا اللي عمري ماقلتله لا ... والله وربي يشهد على كلامي ان أمه وخواته حاطتهم فوق راسي وعازتهم ومع ذلك ماأشوف منه تقدير لهالشيء ...!!

يعني هي برغم انها تسبه وتسب أهله ومواقفها معاهم ينسى لها الشينه ... وأنا تقعد في راسه ويذكرني بها ... وما يموتني قهر الا إذا قالي : أنا راح أندمك على الحركه الفلانيه ... أو أنا راح أأدبك على اللي سويتيه .... وكأني ماأعرف الأدب أو ماني متربيه !
كأني طفله صغيره توها تتعلم أصول المعامله والذوق؟!!!

تقولين دمعته نزلت لانكم بالشهور الاولى

طب ياقلبي اللي يبكي زوجته باول يوم تدخل بيتها فيه يقوله تزوجتك علشان ابغى الخلفه وحطي الكلام هذا في بالك .

الله يعينك بصراحه ..... وقلبي معاك .... عسى ربي يلهمك الصبر ونسيان كل ماعانيتيه مع زوجك..

انت يا ام فهد ماتبين تستسلمين وتسلمين لكل شي عندك له تفسير مغاير

يعني تتعرفين انه يحبك لكن دموعه مو محبه

كااااااااااانت محبه!! ... هو بنفسه قالي معد أحبك مثل أول وبسبب تصرفاتي اللي في نظره شينه! يعني ليه يسبني وأزعل .. ليه أنسى أحط غرض كان يبيه؟ ..و.. أشياء سخيفه... واللي يشهد علي ربي اني ماسويت شيء كبير .... اذا حقي مقدر أطالب فيه !!

طيب انت استخرتي الله وتستغفرين وتقومين بالثلث الاخير تدعين الله والا لا ؟

انا قبل ماأجي لأهلي كنت أقرأ سورة البقره كامله وبعدها أستخير ... هذا لمدة شهر كامل
لما جيت وقفت الأستخاره لأني توكلت على الله وقررت ...
الدعاء ... إي والله أدعي ... بس مو له ولا عليه !
أدعي ان الله يدبرأمري من عنده لأنه هو وحده عالم بضعف قوتي وقلة حيلتي ..
أدعي ان الله يكفيني شره بما شاء..
أدعي ان الله يحفظ لي عيالي وما يفرق بينّا أبد ..أبد
والحمد لله الوتر من قبل ماأتزوج وأنا حريصه عليه ...سؤال يا حياتي

يعني تتوقعين ايش يسوي اذا ارسلتي له مسج ؟

المشاركة الأصلية كتبت بواسطة cutiepie (المشاركة 1862075)

اختي ام فهد من كلامك لاختي ليتني اسلى..

اكتشفت ان زوجك يحط فيك حرته من زوجته الاولى..كمثل اسد علىَ و في الحروب نعامة..(اعذريني على المثل لكن هذا الذي ورد الى ذهني)

و يمكن من النوع اللي يحب انه تكون فيه مشاكل بينك و بين ضرتك.. و الله اعلم..

و عندي سؤال هل كان غرضة من الزواج بك مادي اي لمساعدة من الناحية المادية ؟؟ (لست مضطرة للاجابة عليه اذا لم تريدي الاجابة)


و فرج الله همك..و اسعدك..وحنن قلبه عليكم..و قر عينك بصلاح فهد و اخوه

و اسعدك الله اختي ليتني اسلى ..و جعلك قرة عين لزوجك..و يسر لك امرك..و كفاكم شر الحاسدين

و اعذريني اذا كانت مشاركتي ثقيله عليك..و لكن و الله حبا فيك..ومحاولة اصلاح ما يمكن اصلاحه..و ايجاد السبل..كي لا يكون للندم طريق..

المشاركة الأصلية كتبت بواسطة cutiepie (المشاركة 1862075)

اختي ام فهد من كلامك لاختي ليتني اسلى..

اكتشفت ان زوجك يحط فيك حرته من زوجته الاولى..

لا حبيبتي ... أنا كما وضحت سابقا ً .... إذا زعل من زوجتة الأولى جاني وكله حنان وحب ومشاعر والعكس صحيح ...

كمثل اسد علىَ و في الحروب نعامة..(اعذريني على المثل لكن هذا الذي ورد الى ذهني)

ساعات أحس هالمثل صحيح ... لأنه ينفذ اللي تبيه ... صحيح بعد ما يضربها ويهينها ...

بس المهم انه يسوي اللي هي تبيه ... أما انا الله يعيني ... يمكن لأنه مايفرغ شحنة الغضب تجاهي

بالتالي يتجاهلني!

و يمكن من النوع اللي يحب انه تكون فيه مشاكل بينك و بين ضرتك.. و الله اعلم..

لا بالعكس ... شوفي .. زوجي تركيبته النفسيه غريبه جدا ً ... ساعات أحسه مريض!!

والله اني عمري بحياتي شخص مثله ... حتى خواتي وأبوي يقولون نفس الشيئ عنه !!

هو يبينا نفس الخوات ...حاولت اننا مانتقابل ورفض... انا اذا جا طاريها في هواشه او نقاش ... طبعا ً هو

اللي يجيبه .. تحسينه يدافع عنها ... مدري اذا يصير نفس الشيء معاها ...؟؟؟

و عندي سؤال هل كان غرضة من الزواج بك مادي اي لمساعدة من الناحية المادية ؟؟ (لست مضطرة للاجابة عليه اذا لم تريدي الاجابة)

أبدا ً ... هو خطبني بعد زواجه بسنه ونص ...بسبب انه مو مرتاااح أبداً مع زوجته ... هذا الكلام قالته

امه ... وماأخفيك .. هو يموووت فيني بس بجلافة وغباء وغرور...وبدون تقدير او عطاء لو 1%

ومرتاح معاي ... بصراحع وماأزكي نفسي .. أنا مدلعته آخر دلع ... هو بنفسه قالي بعد أول هواشه لنا

(انتي تسوين لي اللي مايسونه الحريم لرجالهم) ...اما مع زوجته هذيك دايم هواش ... مع انها تغيرت كثير

بعد ماجيت ... صارت تقلدني في كل شيء ...

بالنسبه للمادة ..

زوجي غير راتبه اللي يوصل ل12ألف عنده تجاره خارجيه ... يعني مو محتاج أبدا ً ... وعمر الماده ماكانت

عائق بيننا ...

زمان ... لما كنت أطلبه نتعشى بمطعم أو نتغدى وعلى حسابي ... كان يرفض ويقول مو ناقص الا حرمه

تصرف علي!!

حتى لما نوقف عند محطه وما يكون معاه صرف أحاول معاه ياخذ مني ويرفض ...

الحين لأ !! .... كل هذا تغير وبشكل قوي !! وانا عارفه ان صحبته لها دور ... لانه قالي وإحنا في معمعة

مشكلة القرض شوفي فلان .. واحد من اصحابه(وحسبي الله عليه هو اللي جرّ زوجي للسفر وعبأ راسه

بفكرة القرض) زوجته أخذت له قرض .. لأنهاتحبه وانتي لا ... واثبتي لي انك ماتحبيني ... قلت له مو كل

شيء الفلوس ... بعدين انا قلت لك أعطيك 40 والباقي 60 لأمي إذا بغت تسوي زراعه ... ورفض ... يا

المبلغ كامل او لا !!!

ام هل المادة تلعب دورا اساسيا في حياتكم..

لا ...احنا متفقين ( غصب عني) ان مصاريفي والشغاله وجوالي علي !

و فرج الله همك..و اسعدك..وحنن قلبه عليكم..و قر عينك بصلاح فهد و اخوه

آآآآمين حبيبتي ... وانت بعد الله يرجعكم بالسلامه عاجلا ً غير آجل ياااارب

و اسعدك الله اختي ليتني اسلى ..و جعلك قرة عين لزوجك..و يسر لك امرك..و كفاكم شر الحاسدين

آآآآآمين يارب العالمين ...

و اعذريني اذا كانت مشاركتي ثقيله عليك..و لكن و الله حبا فيك..ومحاولة اصلاح ما يمكن اصلاحه..و ايجاد السبل..كي لا يكون للندم طريق..

المشاركة الأصلية كتبت بواسطة ليتني اسلى (المشاركة 1862096)

احسنتي كيوتي هذا هو بالفعل

رغم اني الاولى الان لكن زوجي يحط حرته من زوجته الثانيه فيني

وانت يالحبيبه ام فهد حرمته منكده عليه بسبتك واكيد تعايره فيك وحاسه بحبه لك بل وترى الفرق في

يمكن ... بالتالي يصير شين معي لاشعوريا ً!! مع انه بدون زوجته تقريبا ً نفس التصرفات ... يمكن تخف شوي..

تعاملك له ولنا باخوة يوسف عليه السلام عبر

فيقوم بفعل ما قالت الحبيبه كيوتي عنه

كيوتي لك كل التقدير يالحبيبه

الله يقر عينك بالذريه الصالحه عاجلا غير اجلا وينولك كل ماتتمنينه

ويسعدك دنيا واخره

آآآآمين يارب العالمين ..

ام فهد ورااااااك والزمن طويل

المشاركة الأصلية كتبت بواسطة cutiepie (المشاركة 1862854)

حبيبتي ام فهد..و الgه اني معك..(مو تقولين لزقة) لكن حاسة فيك..

هل تحسين انه حس بغيابك..و انت في بيت اهلك..

او زي اللي مو فارقة معه ؟؟



و الله يسعدك دنيا و اخره

المشاركة الأصلية كتبت بواسطة saapna81 (المشاركة 1862924)

أم فهد حبابه استخيري ثم استخيري ثم استخيري.. ادرسي وضعك من والى..واجعلي فتره البعد فتره راحه واسترخاء واعاده لدراسه حياتك معه من جميع الزوايا ..وان شاء الله موفقه فيما تختارين.. ويخلي لك فهد وأخوه..