|
مرحبا بكم جميع
ابشركم الامور بدأت تهدأ شوي امس في الدوام قالي المدير هاه وش صار قلتله اللى صار قال تسمح لي اتدخل واساعدكم قلت حياك الله قال عندكم شيء اللى ليله قلت لأ قال خلاص الليلة باجيك انا وام العيال قلت ماشي الله يحيك قال ترى معي ام العيال قلت الله يحيك قال طيب زوجتك تدري اني اننا بزوركم قلت لما اروح البيت اقولها قال هذه اول غلطه منك بحقها لازم تأخذ رأيها , دق عليها جوال الان ورد لي خبر بالمثل اتصلت وكانت مستغربه ليه ليه قلت ما ادري في زيارة وبس قالت ماشي رجعت للمدير وقلت له قال خير نلتقي الليلة دخل البيت قهوة وشاي (زوجته جلسة مع زوجتي وعطتها كم كلمة) وهو جلس معي وعطاني كم كلمة ساعة ساعتين وبعدها مشي الرجال وعياله قال نشوفكم بعد اسبوع بعدها جلسنا مع بعض طول الليل حتى الساعة 3 نتحدث عن اول شهر في حياتنا فقط كما قال المدير وقالت زوجته حصلنا على بعض النقاط بعض التعديلات وبعض الامور سنحاول التغيير لنحقق الافضل في حياتنا احاول ان اقترب من الجدية في الحياة وهي تحاول ان تقترب من اللعب واللهو في الحياة صدقوني بكائها اليومي اللى راحت قطع قلبي |
بوادر انفراج
اليوم لما وصلت الدوام قابلني المدير وقالي كيف الامور قلت تمام قالي اليوم الساعة 9.30او 10 مر علي قلت ماشيء بالمثل مريت عليه قالي رح لزوجتك واطلعوا في السارة فرفرة الى ان تطفشون وتحدث عن مراهقتك وعن حركات الثانوية طبعا زوجة المدير دقت على زوجتى وقال زوجك بيجيك م الدوام بدري اطلعي معاه وتحدثي عن مراهقتك وعن حركات الثانوية تصدقون اليوم اكتشفت اشياء جديده عن زوجتى الحمد لله يارب بدأت تضحك لو ادري كان جبت الثانوية اللى درست فيها وحطيتها جنب المطبخ الحمد لله سواليف وضحك صحيح اننا نتحدث دقيقة ونصمت 5دقايق لكن بدأ هاك تغيير يارب تممها بخير طبعا المدير قالي حاجة ماقلتها لكم قال تبي وضعك يتعدل انسى موضوع الخلفة والبزارين الان |
اقتباس:
الله يكثر من امثال هالمدييير... والخلفة يااخي مهب بيدك ولابيده ...هذا بيد رب العالمين ... ماتدري لو الله رزقها بعد فترة اربعة تؤام(مافية شئ عسير على رب العالمين) وانا اشك ان فية كلمة اثرة على نفسيتها من بداية الزواج...عكست على نفسية زوجتك... واغلب الزوجات تفضل الصمت......ماتفضفض لزوجها كثير لانة بالاخير يقلب الزوج الطاولة عليها.. وتصير هي الغلطانة... الله يسخركم لبعض.... ونسمع خبر حملها هنا بالمنتدى.... وتسمعنا اخبار حلوة عنكم...:17: |
بسم الله ماشاء الله تبارك الله مديرك هاذا مصلح إجتماعي بارك الله فيه بصراحه أنا متابعه موضوعك من البدايه وكنت بكتب مشاركه بس لماشفت إن نظرة بعض الناس للمرأه إللي عمرها من الثلاثين فما فوق دقه قديمه وكبيره على حركات الدلع والرومنسيه فأنا فضلت أمتنع عن المشاركه مؤازرة لنساء الثلاثينيات وأنا وبكل فخر في الثلاثينات والحين لو تكلمت عن النساء إللي بهاذا العمر ماراح أخلص وأخاف يقولوا تمدح فيهم علشان هي في هاذا العمر فانا أفضل الصمت
عن ذلك وبما إن زوجتك تحسنت أوضاعها ونفسيتها فهاذا شئ طيب ودليل إنها تبغاك أنت تخرجها من عزلتها تمشيها تاخذها طلعه على الشاطئ لوعندكم بحر لومافيه خذها بالطعوس وأفرشوا الفرشه وجيبوا الشاي والقهوه والحلا وأجلسوا تونسوا وسولفوا حتى وقت غروب الشمس وشوفو منظرهاوقت الغروب وعبر لها عن مشاعرك أقرأ لها شعر تغزل فيها أمدحها أكتب لها رساله وأرسلها بالجوال والله إن الحرمه تستانس وتنبسط من كلام الحب والغزل وحتى لو ماطلعت ردة فعل بعد فتره بتشوف فيها تغير في أسلوبها تجاهك يا أخي عيش حياتك معاها طلعها الحدائق إلعبوا في الملاهي مع بعض تسابقوا أطلعو تمشوا فرفروبالسياره وقت العصريه مر أقرب كوفي شوب خذ لكم إثنين كبتشينوا لو عندكم بارنيز عندهم كبتشينوا يجنن خذوا إثنين وأطلعوا بالسياره للبر في أي مزرعه وتمشوا فيها على رجولكم إمسك يدها حسسها بوجودك بجانبها قول لها أسعد لحظه في حياتي هاذي اللحظه وأنا جنبك أعزمها في أي مطعم هادئ للعشاء ولاتسمعها إلا الكلمه الحلوه والطيبه قبل ماتروح لدوام الصبح خذ ورقه وقلم وأكتب فيها عباره حلوه وعلقها لها في مكان بارز علشان تشوفها وتقرأها وخل القلم عند الورقه وأكتب لها في أسفل الورقه أ كملي الفراغ التالي أنت حبيبي و فراغ وفراغ عمري وفراغ أتركيها علشان أشوف الإجابه ومره خذ الروج وأكتب لها على مراية التسريحه كلمات وعبارات حب وغزل أنت يا أخي لو حسستها بحبك لها وتمسكك فيها صدقني ماراح تزعل منك فيما بعد لو ناقشتها بشئ بينكم خاص رايحه تتفهمك وأنت لوبغيت النقاش معها حاول تنتقي أجمل الأوقات وأحلى الكلمات إثني عليها وأمدحها و أذكر محاسنها وقول لها ياحياتي بناقشك بشئ إن شفتي كلامي بيضايقك فقولي لي كلامك ماعجبني توقف الآن وإن كان في صدرك وسع بطيبة خاطر أرجوك أسمعيني للآخر طبعا هاذي السوالف بعد ماتتأكد إنك ملكت قلبها وأسرت أحاسيسها ومشاعرها ترى المرأه تحتاج للعاطفه والكلمه الطيبه والحلوه والمعامله الحسنه تجيب رأسها وترى زوجتك وأنت منتم كبار بالعمر مقارنة بللي عمرهم بالأربعينات أنا زوجي عمره بالأربعين وأنا بنص الثلاثين لاكن والله إنا عايشين حياتنا بوناسه وضحك وسعاده نلعب كوره بالبيت كسرنا اللمبات نتسابق بالبر نتصارع باليدين وعيالنا جماهير يلعب معي أونو نطلع الحدائق نتمرجح بالأرجوحه مع بعض ونروح مدينة الألعاب ونركب السفينه الكبيره ومانبقي ولا لعبه إلا ونركبها مع بعض مافيه إلا السوني زوجي ماعرف له كل مالعب كوره هزمته ففضل الإنسحاب بس عيالي ماقصروا أخذوا بثأر أبوهم مني وهزموني شر هزيمه بس مازلت أقاتل وأدافع عن كياني بالنسبه للبسكويتات والشوكلاته ما أتوقع لها علاقه بالعمر لاهيه ولا الفرفشه والضحك لاكن أتوقع كل إنسان له رغبه وذوق ونفس في مايشتهيه أنت جرب جيب لها وشوف هيه وش النوع إللي تحبه جيبه لها معاك بإستمرار صدقني بعد فتره بتطلبك هيه من نفسها وتقول لك جيب لي معاك كذا وكمان خذ في الحسبان بعض الحريم تستحي تطلب من زوجها حتى بعد طولت عمر من العشره لاكن بعضهم عادي عندهم تطلبه منه وحتى بأوقات صعبه تكون البقالات مقفله فيضطر يروح سوبر أربعه وعشرين ساعه علشان يجيبه لها طبعا هاذا لوكان بال زوجها طويل عليها أذكر أنا بأول حمل كل ما أشتهيت شئ أقول لزوجي روح جيبه الحين بساع أخاف يطلع في ولدك يروح مسكين طيران حتى لوكان الساعه 3 بليل أنت أمش على كلام مديرك وأسمع النصائح الزينه وأتبعها وإن شاء الله حياتك بتصير مثل العسل وأحلى كمان ونسأل الله ربنا عزوجل أن يمن عليك ويرزقك الذرية الصالحه التي تقر بها عينك وعليك بالدعاء والصدقه والإستغفار فإن لها مفعول طيب ومبارك بإذن الله تعالى . |
بارك الله في مديرك وجزاه الله كل خير ياأخي كنت متابعة من أول ما طرحت المشكلة لكن ونظرا لعدم فهمي لشخصية زوجتك لم أرد عليك لكن بما أن الأمور بدأت تتصلح بينكما نسأل الله أن يتمم عليكما بخير وييسر أمركما ويشرح قلب زوجتك ويملأه بحبك ويجعلها لك كما تحب ويجعلك لها كما تحب وفقكما الله وجمع بينكما في خير |
ماشاء الله تبارك الله الحمد لله يارب ان الأمور بدت تنحل وتزين الحمد لله الله يوفقك كل مصلح الله يجزا مديرك كل خير ويوفقه ويحفظه لعياله ويحفظك لزوجتك ويحفظها لك أخي الكريم حاول تتغاضى قد المستطاع وكل شي حبه حبه وسوي مثل ماقلت لك والكلام الحلو والطيب ما في احسن منه انا عمري حدود الثلاثين وحرمتي اصغر مني بسنه بس وربي اعاملها معاملة طفله ومدلعها واشوفها زي جوري احيان اذا مارضت تاكل اقوم أحايلها واقولها من فمه قد الجمل :d الحريم حليلين يحبون الكلام الحلو والاسلوب الطفولي جرب وراح تشوف الفرق بنفسك تخيل اذا شريت لجوري جلكسي تتناقر مع بنتها عليه فصرت اشتري للأثنين نفس الشي عشان ماتزعل ام جوري الله يحفظها خذ لها كل اللي نفسك تشوفه عليها وصدقني راح ينكسر هالحاجز وراح تشوف الفرق موفق اخوي الله يتمم لك على خير ويبعد عنك المشاكل |
ماشاء الله
ومديرك وزوجته يستاهلون منكم هدية ماشاء الله أتوقع زوجتك ملقت التثقيف من أهلها بس ربي سخر لها هالناس ماشاء الله عليهم الله يزيدكم يارب |
ما شاء الله تبــارك الله الله يكثر من أمـثال مديرك و زوجـته مـوفق آخـوي |
حاول معها وابدا بشراء لها الملابس والعطور واطلب منها الاهتمام بنظافه جسمها وشوف النتيجه معها اما بالنسبه لزواجك من صغيره في السن فكر طيب عشان فارق السن بينكم كبير وهي في سن المراهقه والمرح وانت في سن النضج وعشان لا تندم زي طليقي كنا انا وهو في سن مناسب لبعض وكنت شياكه واهتمام ومرح مع بعض وحب ونظافه في نفسي وفي بيتي وبعد سبعه شهور تعرف على وحده وتزوجها وفرط فيا بسهوله عشانها وفي اليوم الرابع من الزواج ندم على الزواج منها وانه غلط لانها هي لاشكل ولا لبس ولا اهتمام غير شفط الفلوس منه والان عرفت انه نادم على طلاقي ندم الدنيا حاول معها عشان لا تندم في يوم من الايام
|
اقتباس:
عفوا اختي بنت الحكمي احترم مشاركتك في الموضوع بس يلي مؤشر بالاحمر ما اشوف انه داعي لانك تصفي نفسك وعلاقتك مع زوجك لشخص يرا نقص في زوجته هويريد لحل لزوجته وليس وصف لحياتنا مع ازواجنا وانت اخي صاحب الموضوع الله يسخر لك زوجتك ويجعلها قرة عين لك |
| الساعة الآن 05:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©