|
|
ابنتي الكريمة أنا مو أنا :
الوالد حفظها الله وشفاها وجمع لها وللجميع الأجر والعافية خطها النفسي واضح جداً طفلة تزوجت (12) ولأن المجتمع افترض فيها أن تكون زوجة كانت كذلك ومرت عليها زواجات ومواقف ووفاة وقهر وضغط من ناس يفترض منهم المواساة ولأنها تزوجت طفلة عرفت المسؤولية وأن (المره السنعة) هي كل شي للمجتمع فكانت كذلك ولأنها (سنعة) لم يرى من حولها ما فيها ولم يتعبوا من أجلها ونسو حاجاتها كأنثى وزوجة وأم , وعندما أنهار البدن من قوة النفس أحست بقوة الانكسار الذي كانت تهرب منه بقوة المرأة السنعة فتحاول جاهدة ترميم نفسها وعند محاولتك وغيرك من بناتها اقتحام عقلها الباطن وإخراج ملفات القهر والحزن والقلق لتتعرى نفسيتها أمامها لتنهار وترى نفسها تحمل الجميع ولا يحملها أحد تسعد الجميع ولا يسعدها أحد الكل يأخذ حاجته ولا يسأل عنها وكبرتوا وتزوج من تزوج وترى حجمها ( يصغر بينكم) وتقاوم وتذكركم بانه قمة لا يقهرها إلا الموت كأي جبار . بعد تعليقك نواصل بإذن الله. |
اقتباس:
ابنتي الكريمة : كأب ناصح و أعرف النفسيات أرى بعض الحالات لا تبحث عن علاج والخروج من مأزق البحث عن الذات بل تبحث عن تكييف ما حولها كما ترى نفسها 1- آخر صدمة لكِ عشر صفحات من الردود والنتيجة؟ 2- مواضيعك تدور على ذاتك والنتيجة؟ 3- سبق لحاالات مماثلة اجتهدت وكتبت وتابعت ثم النتيجة أرى الهروب ومتابعة المتعاطفين. 4- تشابه التحليل والنصح لتشابه الحالات مع فروق فردية بسيطة. 5- عندما أطلب من المتواصل معي هنا تحديد نقاط سلبيه لديه وأخرى إيجابيه ليتمكن عقله من دراسة ملفاته بذاته لنتمكن سوياً من البحث عن مخرج بواسطته ولن يجدي أن أقول إفعل ولا تفعل وكن ولا تكن. 6- من قوة ضغط الواقعة التي تركت أثراً نفسياً ( حب الذات) مثلا ووقوعها ممن نحب وهي سلوك سلبي والخوف من كشف ذلك بأنه سيلغي جزء كبير من حياتنا وكره من نحب يجعل إخراج هذه الوقائع مستحيلاً .( لعل هذا واضح) 7- الصحيح أننا نحب من ترك فينا أثرا سلبيا ونكره ذلك الأثر وندعو لمن تسبب به بالرحمة على اجتهاده الخاطيء. 8- ابنتي الكريمة أعامل الجميع كبناتي وأخواتي وأبث النصح للجميع ولا أجاري أحد كما يرى ولو فعلت أكون قد غششته. أقرئي ما كتبت بصوت مسموع مرتين أو أكثر لعلنا بعد ردك نواصل. |
اقتباس:
بعض الأطفال ومنهم أنتي يولد كبير غصب (مولوده عمه وخاله) لناس أكبر منك وتبحثين عن تلك الطفله وعمر الوالد والوالده وقت جيتي ما كان مثل بقية الأطفال ولا كانوا لك كما بقية الاطفال بل تولى كل شيء يخصك أخواتك وبناتهم ( تخيلي تحفظين واترضعين خالتك) هنا الهوية لها وجهين وجهة التدليع منهم لك كطفلة وقيمتك عندهم كخاله وعمه ولما وعيتي وضعك حسيتي أنك مع الكبار كما يجب فأنت أختهم مو بنت وحده فيهم. هل كلامي صحيح أو ترين غيره؟ |
اقتباس:
هذا الكلام مافهمته ابدا |
اقتباس:
كلامك جدا مقنع اممم طيب والحل بالمشاكل الي ذكرتها قبل؟ اتركها بكيفها تقتل نفسها بالسم الي هو السكر ؟ برايفت:o تسعدني بردودك بعدم اقتباسك لكلامي ارتاح نفسيا واكثر شيء اتمناه حاليا احذف ردودي الي قبل الغايه انك تقرأها وخلاص قراتها وجودها ماله اهمية احس فيها تفاصيل بعد ماقرأتها سألت نفسي وين كان عقلي؟ ندمت قد شعر راسي :( |
اخت نوارة ممكن اتلقف:o
لفتتني هالعبارة وخواتي واخواني هم من يعاملوني كابنائهم وبناتهم ويدللوني ويخافوا علي يلبوا كل طلباتي ويسووا كل شي عني # بما اني عشت بوضع ممكن يكون مقارب لوضعك وهو ان اكبر اولاد اخواني بعمري بليييز عيدي الجمله مرره ثانيه راح تكتشفي انك تكذبي على نفسك مهما سوا الاخ او الاخت وربي مايعوضوك عن امك وابوك مهما حاولتي تقنعي نفسك ماراح تقتنعي الاب اب والام ام ومستحيل مهما ادعوا الناس مافي احد يعوضك عنهم ولا راح تحسي ان قيمتك عندهم مثل اولادهم اذا تبي تتعالجي من جد لاتكابري اعترفي بالواقع:d<<تكلمك وتكلم نفسها:d وفي شيء حابه اذكرك فيه اول ماسجلت بالمنتدى قرأت لك جملة ماانساها لانها كانت تعبر عن حالتي او بالاصح ماانسى معنى الجملة الي هي بما معناه ان الاشياء المحرمة عليك مسموحة لااولادهم اانتي هنا تناقضي نفسك كيف يعاملوك زي ابنائهم؟ اذكر بدايتي بالمنتدى قرأت قصتك ومااخفيك اني تعاطفت معك بالبدايه بس بس بعد ماقرأت موضوعك شفت تناقضات يشيب لها الرأس تلاشت الشفقه :d عارفه ايش ودي اسوي:d من باب المساعده بس:o ودي اجمع كل ردودك واسوي جدول من خانتين الجملة وعكسها بس للآىسف ماعندي وقت ولا والله لوعندي وقت كان سويته بدون مااقول لك ورسلته لك عشان اوريك حقيقة نفسك امام نفسك:o عن تجربة مافي شيء يعالجك زي الاعتراف بالمشكله وتقبل حقيقة نفسك انتي كلامك يدور بحلقة مفرغه ولو عندي وقت كان فصلت لك ردي ولو صار لي الي صار لك راح اوقف من جديد واحاول اثبت مدى قوتي مو عشانهم عشان نفسي اذا فشلت حياتك الزوجيه او الاجتماعية او الاسريه في جانب لاتنسيه الجانب العملي يثبت لك ذاتك صراحة اسوء شيء فيك تحاولي تبيني للكل انك انتي المضلومة وانتي الطيبه وكل شيء عن نفسك وتبدأي تعددي صفاتك ومهاراتك ترى حلو ان هم يكتشفوا الي فيك مو انتي الي تقوليها لهم (لاتشكي للناس جرحا انت صاحبه لايألم الجرح الا من به ألم) وتوقفي تدوري عن حب الناس لك من خلال انهم يشفقوا عليك من خلال ماسأتك الي بيحبك يحبك لشخصك ولا لايحبك كلامي ممكن يكون خطأ بس هذي الفكرة الي كونتها عنك من خلال تفكيري المحدود وحبيت انك تعرفيها ولو قلتي لي الفكرة الي كونتيها عني ماراح ازعل بالعكس يسعدني راح اخذ الصح واترك الغلط ماراح اتأثر فيه بالعربي لو شفتي كلامي غلط لاتتأثري معناها انا غلطانه:d اخيرا هاتي اذنك بقو ل لك سر:o بمجلس الامهات بالابتدائي ماكنت ابغى ماما تجي عشان مايشوفوها صحباتي لان كل امهاتهم مدرسات واصغر من ماما خصوصا بنت اخوي كانت بنفس فصلي والبنات لما يشوفوا امها يقولوا لها امك حلوة مو زي امها:d ماتتصوري كيف هذا الشيء اثر فيني الين مره من المرات بمجلس الامهات كان في مسابقه اسئلة للامهات وماما حلت 4 اسئلة وفازت عليهم رحت انا شلت الهدايا عنها واحت وريها صحباتي اقول ماما اذكى من امهاتكم كلهم وصرت اتفاخر عليهم واقول على امهاتهم اغبياء:d وانا متفوقه بالمدرسة كنت اقول طالعه لماما ذكية:d الشيء االي حافظت عليه الى الثانوي هو تفوقي كنت يالاولى يالثانية دائما وكنت الطالبة الخلوقة المثاليه صارت ماما لما تجي يكرموها :) احساس النقص الي حسيته عوضته من ناحية ثانية ماخليت احد ينظر لماما على انها كبيره ينظروا لها على انها ام الطالبة المثالية بكذا اتغلبت على مشكلة احساس ان ماما مختلفة عن باقي الامهات انا خليتها بنظري وبنظرهم ماما احسن من امهاتهم وهي فعلا كذا:22: وكل مااتذكرتها احس بمدا غبائي مع اني كنت رابع ابتدائي مدري ايش الحكمة من قصتي :dبس مدري حبيت اقولها لك انتي بالذات :d |
السلام عليكم ..الأخ الفاضل : رجل الرجال ..
أنا أعاني أعآآآآآآآني في ديني كثييييييير .. والشي مسبب لي ضيييق ...غير ملتزمة بالصلاة في وقتها ..ماكنت كذا ..ولكن دايما صلاتي ماأدري إلا وأنا مخلصة ..يعني خشوع زيرو .. هذا غير السهو ..والنقص والزيادة .. عندي إيمان إن الله مايتقبل صلاتي ويتردد هالشي كثيرر في راسي ..إلى أن قررت ترك الصلاة مره وحدة ..!! أنا أموت من هالتفكير ..! القران مافتحتته يمكن من سنة ..وانا مو مبسوطة كذا والله أتعذذذب .. ماادري وش قصتي .....؟! ماعندي حلول خلاص أبغى حل ..!!فكرت أسجل بدار ..بس خفت لأنها أول مره وأخاف مايعجبني الوضع ...؟! أنا الآن أم وهالشي محسسني بتأنيب الضمير أخاف تسير بنتي مثلي ... أخاف من النار وإن الله يصيبني بمصيبة ..أنت أول حل ألجأ إلية ...ساعدني بالحلول أي شي أنا حاضرة ..!! |
رد عاجل
ابنتي الكريمة nana70: اسأل الله العلي القدير أن يردك لدينه وان يبعد عنك شياطين الجن والإنس وان يعصمك من إبليس وجنده. في البداية الحمد لله الذي وضع فيكش الخوف منه ورجاء ما عنده وجعلك تحسين بتأنيب الضمير (حرارة الذنب9 بشكل عاجل ما أنتِ فيه نتيجة أمور كثيرة وقعت تركت آثاراً نفسية وليس ما يحدث فجأةً بلا مقدمات أكتبي لي هنا بفقرات مرقمة كل ما حدث لك من وقائع تركت أثراً نفسياً عليك من الطفولة حتى الآن أكتبي ما ترين أنه يفيد هنا من حياتك ومن حولك وظروفك. بشكل عاجل أكتبي الآن جدول لمواقيت صلاتك وقراءة القرآن بدابلقيقة والساعة وأجلسي في مصلاكِ قبل الصلاة عشر دقائق وأذكري الله فيها لتهدأ جوارحك للقاء الله وخلال جلوسك لا تلتفتي لغير الله لا جوال ولا هاتف ولا شيء. وطبقي هذا التمرين لمدة يومين ونرى النتيجة هنا بإذن الله. ومن ثم نتابع |
السلام عليكم انا عندي نفس مشكله الاخت بس ما عندي فقرات كثير هي فقره واحده وكلمه واحده هي (امي)
ما اتذكر انها كانت بيوم من الايام تنصحني مثل ما تعمل كل الامهات وما كانت تهتم فيني وكانت كل ما يعصبها احد تجي وتفش غليلها فيني انا تعبت منها كثير كل ما اقرب منها خطوه تبعد عني خطوتين جابتلي عقده نفسيه اجلس ابكي لما وحده من زميلاتي بالمدرسه تتكلم عن امها ولم يسألوني ليش تبكي ابعد منهم فتره علشان ينسو الموضوع باختصاااار امي السبب بأي مصيبه حلت لي احملها مسؤوليه اي شي حصل لي دائما اقول الله يهديها |
والدي رجل الرجال جئت لاستشيرك في امر
تقدم لخطبتي رجل يكبرني 14 عام رجل مستقيم الان ترودني أفكار بعدم الزواج خوف على ابنتي افكر ان الترك الزواج والا انشغل عنها أحيانا أقول أقدم وتوكلي على الله اخشى ان يمر العمر وأندم خائفه من تجربه أخرى |
| الساعة الآن 08:35 AM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©