|
رد : محبتكم روح الطير..محتاجتكم [ مستجدات بالرد 30 - 31 - 34 - 288]
أستاذة/ روح
هل لديك شيء في داخلك تودين إخراجه أيضاً؟ هل تضمنين لنا عدم دخول زوجك هنا؟ ما الذي يدور في عقلك؟ ما الذي يدور في قلبك؟ ::: أسأل الله أن يفرج همك عاجلاً. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
[QUOTE=البليغ;2849476]1) العمرة عمل عظيم فهي كفارة لما بينهما.. ومع العمرة تستطيع قيام الليل في المسجد الحرام خصوصاً لو كان أداء وقت العمرة ليلاً.. فهي ستجمع عملين خيّريْن مع بعض.. إضافة إلى أن الصلاة في الحرم المكي تعد بـ 100000 صلاة في غيرها.. إضافة إلى أن الأخت روح تسكن في منطقة ليست بعيدة عن مكة المكرمة فالأولى أن تستغل هذا الأمر.
2) ليس للزمن المذكور أعلاه خاصية معينة.. إنما هذا الأوقات عادة يكون الزحام فيها خفيفاً بعض الشيء خصوصاً أيام العمل الرسمي والمدارس وفي غير المواسم.. وهذا اقتراح وليس حكم شرعي. 3) شعور جميل حينما يصل الإنسان للكعبة ويقبل الحجر الأسود ويمسح الركن اليماني ويدعو وهو قائم على جدار الملتزم من الكعبة فإنه من الأمكنة التي يستجاب فيها الدعاء كما أشار لذلك ابن تيمية إن لم أكن متوهماً. [/QUOT شكرا جزيلا على المعلومات اللي راح استفيد منها انشالله |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
أول شي ، كلمة ( أستاذة ) تضايقني ..
أحس حالي لابسة ثوب أكبر مني .. أخت أحسه أفضل .. . . بالنسبة لزوجي ، الصراحة من معرفتي لزوجي و كم سنة صار لي بالمنتدى .. أعرف إنه ما يهتم .. بس أخوي دراما شككني أمس بردّه .. و إذا زوجي دخل ، بيبحث عن ( ردي ) فقط و مستحيل يقرا كل الردود .. و لو لقي رد لي طويل ، بيقفل و يطفش و يروح .. يعني كنت ضامنته ، بس رد أخوي دراما شككني أمس |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
السلام عليكم ورحمة الله و بركاته ..
مادريت اكتب لك ردي عالايميل و لا هنا .. بس فضلت اكتبه هنا على اساس لو فيه شي غلط او ممكن يضرك .. فا اخونا البليغ او احد حكماءنا يتدخل و يلحق :) بصراحة ياروح كنت داخلة و مشمرة ناوية الومك على زيادة جرعة الاهتمام بدل معاقبته لكن شفت ماشاء الله ماقصروا :( فقلت يكفي .. النقطة الي فعلا مضايقاني كنت متوقعة اني القى موضوع له هنا يقول كيف اخليها تسامحني او تكوني انتي تتفرجي التلفزيون و تهزي رجلك وهو يدوووور كيف يرضيك .. لكن الي اشوفه العكس ههو الي غلط و انتي الي تدوري له كيف يرضيك ؟؟؟ ادري بتقولي مش قلنا بلا لوم و عتاب ... بس ياختي جملة وواقفة بزوووري صدقيني سبب اللخبطة الي انتي فيها انك مااخذتي وقتك مضبوط من الصدمة على طول حاولتي تطلعي نفسك منها و رجع البيت (اعرف لك اسبابك و اجتمعت ظروف) بس هذه حطيها ببالك .. اي جرح محتاج وقت عشان يبرأ .. وانتي مختاااااجة هذا الوقت ,, فلا تتصرفي فوق طااااقتك خذي وقتك .. وحتى لو هذا الوقت معناه انه هو فيها بيتعب و يتنكد و يشيل هم بشوفتك مهمومة عادي وايش يعني خليه يعرف مقدار غلطته ... و يعرف كم المك و جرحك (ومقدار الالم مايعرفه بالكلام و الحوار.. لانه بيمل من سماع نفس الاسطوانة ) وانما بشوفة نتيجة فعله عليك من الم و قهر وحزن قلت لك انه عندي اخ شبه زوجججك سبحان الله و اشوف هذه الشي بتعامله مع امي وقت ماتحشره ومايعرف يرد .. يقوم يعصب و يجرح فيها .. الله يسامحه و يهديه واذا رجعت تكلمه عادي .. يرجع يكلمها و لا كانه حصل شي اذا لامته و عاتبته انه حرام تكلمني كدا و انا امك .. يسمع قليل و بعدها يمل و يرجع يعصب و يطلع واذا شدت عليه و ماكلمته و طنششششششششته تلاقيه عند رجولها عشان ترضى عنه !!!!! لا تخافي من الحزم عليه قدر اللوم ..... فتح الموضوع كل شوي و اعادة نفس الكلام بيخليه ينسى مشكلته الاساسية و يقلب الطاولة عليك انك نكدية و ماتقدري و قالك اسف و ايش تبغي طاالما انك بديتي بحل المشكلة و ماخليتيها عليه... كمليها باعطاءه خطوات يمشي عليها ليثبت تغيره ان مشى عليها كان بها و ان مامشى فا انتي مش ملزوومة تكملي معاه الحين.. مختصر الموضوع .. لا للطلاق.. نعم لاستغلال الفرصة و محاول اصلاحه (وهذا هو العقاب له * **تقوية الوازع الديني **اصلاحه ليكون شخص فعال في المجتمع .. يلقى وظيفة او يكمل تعليمه **اصلاح علاقته كا اب مع اولاده **اصلاح علاقته فيك كازوج .. فتعيشو حياة طبيعية .. قوامتها عليه بالاساس و انتي مجرد مساعدة له تكوني فيها تحت جناحه ماديا و عاطفيا يومين و لا 3 و التزمي الصمت و الرسمية الشديدة معاااه .. وبعدها لاخر مرة اطلبي منه انكم تتجلسو للكلام .. بالبداية اثني علا مواقفه معاك عشان تضمني انتباه و تركيزه وبعدها اذكري لها ان مواقفه كويسة و تمام و مقابلها كان فيه منه اشياء سيئئة عددي منها كم طبع بس لا تزودي وبيني له بشدددة ان الخيانة ماهي الا القشة الاخيرة .. وانك ماتبغي ضمان انه مايخون .. لا بل انك تدور زوج يعتمد عليه و اب ناجح وحياة زوجية متكاملة والا ليش بتتحملي ؟؟ فالمشاعر الي بقلبك له انتهت اصلا ورجوعه كارجل بشخصية مستقلة قوية و زوج محب .. هذا الشي الوحيد الي ممكن يرجع عواطفك له ويرجع روح القديمة .. هذا الشي ضروري يفههههمه (عشان مايفكر انه بس بمجرد ماعطاك عهد بالوفاء.. فاخلاص هو انهى الموضوع ) ... وبتعطيه النقاط الي حاباه يطور نفسه فيها و ان احتاج مساعدة فا انتي موجودة .. * يداوم على الصلاة باوقااتها ..ووقت مايصليها بالبيت خليه يؤم بك و بابنك .. * اشركيه بجانب الصدقات .. مية ريال من راتبه يكون يتصدق فيه و ياخذ عهد على نفسه او حتى 50 .. المهم يحححس بموضوع الصدقة .. افضل لو تاخذي من مواضيع لمني الله يجزاها الخير و تطبقيها زي زيارات الايتام و اطباق الخير و غيرها ... باذن الله بيكون وقعها ايجابي عليه ,, وتكون شهرية مثلا **كل فترة و فترة ياخذك معه عمرة **يقرر من الان مستقبله و يبدا يسعى .. مش معققول تظلو على راتبه و هو عنده فرص يتطور اما يكمل دراسته (يطلع معاك لبرا ) او انتساب .. ويشوف مجال هو يحبه وممكن تساعديه .. مثلا اذا يحب العاب الفيديو و الالكترونيات .. ممكن يدخل game design كورس 3 سنين و بيكون ممتع له ,, اقعدو سوا وشوفي اي هواياته و دوري مجال دراسة قريب **على بال ما يسجل بكورس ويبدا .. يلتزم بوظيفته و بدوامه .. ** اوقات السهر محددة .. فابالنهاية انتي مش حابة تحبسيه او تفرضي رايك وانما كل شي بالمعقول .. يحدد ايام او اقات للسهر و بقية الوقت يقضيه مع اولاده فهم اولى .. ** يساعدك بالاعتناء باولاده .. حطي عليه مسؤليات .. ولا تخافي صح بالبداية بيلخبط بس بالنهاية بيتعلم . اذا كان احنا الامهات بالبداية عملنا عمايل :) .. فعادي بيغلط لكن بيتعلم ... ** لا ينتظر منك اي رد فعل ايجابي تجاهه حاليا .. الا بعد ست اشهر .. بعد ان يمشي بالي قلتي له عليه وفعلا يلتزززم و تشوفي انتي بنفسك مدى التزامه و تغييره للافضل اما كدا او كل واحد يروح بطريق فلا تعذبيه و لا يخليك بهم و نكد طول عمرك.. شوفي اذا كمان حابة تكملي نقاط من عندك .. اخيرا .. **اكرر عليك ياروح واااازني بين الحزم و العتاب و اللوم .. لا تكثري من العتاب و فتح الموضوع واعادة نفس الكلام ** ذكرتي انك ماعاد تشوفيه امان .. بصراحة يااا روح ..مافي امان .. الامان بيد رب العالمين وحده سبحانه و تعالى البشر متغيرررين .. الزوج مو بس زوجك اي زوج .. ممكن يتغير و نفس الشي الزوجة و حتى الابناء للاسف صرنا بزمن ماعاد تضمني حتى ان كان ابناءنا بيقومو بنا بكبرنا ولا لا !! فالا تعيشي وانتي متوقعة الكثير من الي حوليك .. اعطي لهم و ساعدي و عاوني (ابتغاء الاجر فقط) ان جاء شي منهم كويس خير و بركة و ان ماجاء الحمدلله ربي معاك و مابيخلي حد .. انتي بتصلحي زوجك عشان تسعدي معاه الان .. اما بكرة بيد الغيب ياعالم مين بيموت قبل مين الله يعطيكم طولة العمر هذا الي جا براسي حبييتي . اتمنى اكون افدتك ولو بالقليل وياارب تنجلي هالسحابة و تكون باذن الله عطفة مهمة بحياتكم تذكروها بانها فاتحة خير عليكم وبداية تغيره لانسان يعتمد عليه .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
روح توني اقرا ردك الاخير . لو حابة الحين بمسح الرد
او ممكن تدخلي لابتوبه و تسوي بلوك على المنتدا :) |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
هل لديك شيء في داخلك تودين إخراجه أيضاً؟
أمس خرجنا بالسيارة شوي ، و نحن بالطريق عدينا من قدام ( فندق ) .. قلت لزوجي ، تقدر توقف قدام الفندق ؟؟ قال لي طيب .. بس ليه ؟ قلت له .. بس كذا ، شوي .. وجهه انقلب و فهم قصدي قال لي .. احنا مو قلنا ما نبغى نسمع السيرة هذه من جديد ؟ قلت له .. ما طلبت شي بس توقف عند الفندق .. جلس يسأل و ليه طيب ؟ قلت له .. عادي بس كذا .. . . المهم ، وقف قدام الفندق .. حاولت أخد رقم الفندق ، مو مكتوب من برة .. قلت له ، كنت أبغى الرقم لإنه الإستعلامات ما عندهم .. قال لي ، أنا أجيب لكم الرقم بكرة .. بس مو معقولة كذا كل مرة تفتحي السيرة ، خلاص أنا ما أتحمل .. و راح أجيب رقم الفندق و أسألي .. بس إنت الصبح و إنت تسألي أسئلة .. كفاية ما أتحمل .. قلت له ، لا تزعل .. أنا صدقتك بكل شي قلته ، لإنه متوافق مع نفس كلام هذيك ما عدا الفندق .. بأعرف ، صح أخدت غرفة ؟ و ليه ؟ إيش الهدف ؟ قال لي / جاوبتك و قلت لك .. بينت لها إني منفصل و جالس بالفندق ، و إني ما يهمني السعر .. و لو بأخد فندق (من جد) ، فيه غرف كثير فاضية بالفندق اللي اشتغل فيه .. و ضغطه ارتفع .. عيونه تحمر لما ضغطه يرتفع .. سكتت .. بعدين قلت له : طيب ليه بتضايق ، إيش السبب ؟؟؟ قال لي و بالقوة طلعها من فمه : ( أحس حالي حقير ) و إنت كل مرة تفكريني و أنا ما خبيت عليك شي .. بس خلاص لا تفكريني كل مرة .. و بأجيب لك رقم الفندق بس قفلي خلاص . . قلت له طيب خلاص .. ما راح أفتح السيرة و لا راح أضايقك ،، بس بأكتم بنفسي ،. و بيجلس الجرح مفتوح .. . . المهم ، إنه مرة تضايق و طفش .. يقول لا تفكريني كل مرة ، ما أقدر أتحمل كذا و لا أقدر كل يوم تفكريني بالموضوع . . نمت بالصالة لوحدي ،، قبل لا أنام رحت و قلت له .. لا تزعل مني ، بس لو بيدك جرح مثلا ، ما يحتاج تهتم فيه و تحط له معقم و شاش و كذا ؟ و لو راح الجرح ، مو تبقى أثار له ؟؟؟ و لو اهملت الجرح إيش بيصير فيه ؟؟؟ قال لي : ما يروح .. قلت له : و ممكن يلتهب كمان .. . . بس تركته و رحت نمت .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
نورة
هو جواله جالكسي ، كيف أعمل بلوك ؟ ما عنده ( لاب توب ) .. مع إنه جواله جنبي دحين و من يوم وعدني ما يدخل ، ما دخل .. و أمس حتى من كثر ما أتضايق إني رجعت أسأله أسئلة .. قال لي ( خلي المنتدى حقتك يفيدك ) .. . . قلت له : إيوة ترى مرة استفدت .. تخيل إني اكتشفت البنت هذه ( خبيثة ) و إنها تحاول تمدح في حالها ، و حاقدة علي .. قلت له : المشكلة إنه صوتها ( يخرّع ) ، و خشن .. ؟؟؟؟ على إيش كنت تكلمها ؟ كان مررررررة معصب ، مات من الضحك فجأة .. و قال ( مادري و الله ؟؟؟؟؟ ) طالعت فيه .. و ما ضحكت له .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
ما الذي يدور في عقلك؟
عقلي يقول ( عاقبيه ) ،، و انتقمي لكرامتك .. ذوّقيه نفس الكاس .. إيش يضمن لك ؟ و أسألة كثيرة .. كيف كذا ترجعي بسهولة .. ما الذي يدور في قلبك؟ قلبي يقول ( سامحيه ) ،، قلبي يقول ( ما أعطيتيني فرصة لسى إني أظهر له كل شي ) .. قلبي يقول ( إنت كتمتيني عشان ما تظهري ضعفك ، لو ما أظهرتيه لزوجك بتظهريه لمين ؟ ) قلبي يقول ( زوجك عمره ما بخل عليك بأي عاطفة ، خليه يشوف كيف عاطفتك تغلبه أضعاف ) . . |
وقت قال لي ( خلي المنتدى حقتك يفيدك ) ..
. . مو معناه إنه دخل قري ، أو بيقرا .. هو كذا طبعه ، يعني مثلا زرت أختي .. أو كلمت صحبتي .. و صدفة نفس اليوم صار شي بيني و بينه أي موقف .. ( يقول لي .. خلي صحبتك تفيدك ) يحسب إنها هي اللي قلبتني عليه .. . . من معرفتي له ، و من استمراري بالمنتدى أكثر من سنة .. ما أشوفه يدخل ، و لو دخل .. يقرى رد ، ردين ،، و يطفش و يقفل .. . . نورة .. كل اللي قلتيه ، بأعمله و ماشي التنفيذ .. تعالي نبدل الأدوار ، عشان نلبس قبعة الإخفاء .. ; ) . . فيه شي بأقوله ، بس احراج .. اليوم ما جاني نوم ، عشان نمت بالصالة لوحدي .. ماني متعودة .. قلبي يوجعني صار .. أخاف ( يتعوّد ) خلاص .. . . بس ( عقلي ) مرتااااااااااااااااااااااااااااااااااااااااااااااا اااااااااااح .. و أقول أحسسسسسن ،، عشان يحس إنه فيه شي .. يوم كمان و يومين ، و هو راح يحسسس .. . . بس لو طلب مني أرجع لغرفتي ، إيش أقول له ؟ سيدة ردي علي .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
مداخلة بسيطة :
أختي روح بعد كل ما قرأت هناك قرار واضح اتخذتيه ومنه تبدأ تتوضح لك الأمور الثانيه.. - انك باقيه على زوجك وما تفكري بالطلاق يمكن القرار هذا اكيد هو الي اتخذتيه من كلامك لكن اشعر الى الآن انك لم تستوعبيه جيداً اذاً هو زوجك وانتي تحاولي تعالجي ما حدث من جرحه لك بابتعادك عنه اذا استقر الكلام هذا في نفسك ستهدأين كثيرا وتعرفين اين تقفي والى أين خطوتك القادمه واوافق الاخت نورا انتي محتاجه لوقت لمعالجة جرحك |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
:* |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
:* |
اقتباس:
. *. يمكن اللي عاشت من غير ( أب ) .. تحس باللي راح أقوله .. أنا أبويا مات الله يرحمه ، و ما كان محسسنا أبدا بأي شي بوجوده .. كل شي موفره لنا ، كريم جدا و ما يحسسنا بأي نقص .. عيشنا أحلى عيشة ، بفلّة و سيارات وووو إلخ .. يعني الحمد لله ( عيوننا شبعانة ) .. لا الدلال المفرط و لا الحرمان الشديد .. . . وقت مات الله يرحمه ، كل شي تغير فجأة .. أخواني ما أقدر اطلب منهم شي ، استحي اطلب منهم شي ،، لو طلبت مثلا ، أمي كانت ( تمنعنا ) .. عشان أمي الله يرحمها ( تقدّس ) الأولاد و ما تحب تتعبهم .. مع إنه أبوي الله يرحمه كان ( مربي أخواني ) إنه ما يقصروا معانا .. عشان كذا الكبير ما قصر ماشاء الله أبدا .. بس أمي كانت ما تخلينا نطلب شي .. عشان لا تتعبه زيادة .. و الصغار تربوا خلاص ( عالدلع ) .. و لو طلبت شي ( أحس بالذلّ ) .. . . خلاص تعودت إني ( ما أطلب ) .. و إني أمشي حياتي ( بعصامية ) .. و حتى لو احتجت شي مرات لنفسي ، كانوا أخواني ( ما ينفذوه لي ) .. يحسبوني أبغى ( أتفشخر ) .. حتى لو من مكافأتي .. افتكر كنت أدرس مادة أساسية و نحتاج نستخدم الكمبيوتر ضروري جدا .. أخوي ترم كامل رفض إني اشتري كمبيوتر ، و قال ( تبغى تتفشخر و ماله داعي ) .. و صرت اسكت ( عشان لا أزعله و لا أحس حالي ثقيلة عليه و لا أزعل أمي ) .. فيه مادة كنت محتاجة لمصادر مهمة و أساسية بالمادة .. كان أخوي يقول لي ( معليه ، لو تجيبي بس درجة النجاح ) .. و بالفعل ، جبت 60 لأول مرة في حياتي بالمادة هذه ( بس عشان أرضي أخوي و ما أزعل أمي ) و كنت طوال الترم هذاك أردد ( لاإله إلا أنت سبحانك إني كنت من الظالمين ) و الحمد لله ، تخرجت و توظفت مباشرة مع إنه المعدل ( نزل ) بسبب خارج عن إرادتي .. لكن ربي اللي عارف و شايف ،، و المادة نفسها هذه ، هي اللي اخترتها بالذات ( عشان أتخصص فيها بالماجستير ) .. و أتحدى حالي .. و هو تخصص شبه نادر بالسعودية و صعب .. . . المهم ، تعودت إني ما أطلب شي ( لو اتقطّع أوصال ) .. لإنه اللي ماله أب ، رحمتك يارب .. و تعلمت إنه الشي اللي أبغاه ( أحصل عليه بـ عصاميّة و تحدي مع نفسي ) .. مرّت علي أيام ( ما معاي ريال واحد ) .. و ما أطلب من أمي .. و هي ما تقصر أبدا معاي .. عندهم فلوس أهلي و الحمد لله ( بس أنا ما أطلب أبدا لو أموت ) .. حتى افتكر إني كنت أحكي لأمي عن هذيك الأيام ،، ماهي مصدقة .. تقول لي ( معقول ؟ و ما كنت تتكلمي ؟ ) طلبت مرة وحدة منها فلوس ، عشان اشتري لاب توب .. ( على أساس إنه دين و ارجعه لها ) .. و بعدين أمي اعطتني مبلغ اشتري فيه ملابس لنفسي .. أختي المتزوجة و حالة زوجها المادية ممتازة ماشاء الله .. قالت بصوت عالي وسط الكل ، تبغى تذلني ( أول شي سددي الديون اللي عليك لأمك ، و بعد كذا خذي منها فلوس ) .. . . سكتت و ما رديت عليها ، كنت أحط حرّتي بالمنتدى اللي كنت مشتركة فيه .. و أشارك بمواضيع اسلامية .. عشان كذا ، ربي عوضني الحمد لله بوظيفتي الآن .. و اللي كانوا يذلوا فيا ، دحين حالتي المادية و الحمد لله أفضل بكثير .. . . المهم .. تعلمت أعيش ( بقناعة ) .. ( ما أطلب فلوس لنفسي ) .. ( عزّة نفس كبيرة جداً ) .. ( أكون عصامية بحياتي ، مو عظامية أبدا ) .. . . عشان كذا ،، اللي كانوا يتقدموا لي .. كانت حالتهم المادية كلهم ( ممتازة جدا ) .. . . بس ما كنت أبحث عن الشي هذا أبدا .. كنت أدور عن الشي اللي افتقدته بموت أبوي الله يرحمه .. الصراحة ، زوجي معيشني ( بدلال مفرط ) .. . . كنت أبغى شخص يبغاني ( لنفسي ) .. زوجي تقدم لي ، و ما كانت وظيفتي رسمية .. تقدم و ما كانت عينه عالوظيفة ، عشان كذا قبلت فيه .. بس بداية الزواج ، أمه كانت تزنّ فوق راسه ياخد فلوسي .. و وقت سافرنا برة ، وعدني إنه يتغير و ما يمد يده .. و إنه أهله فهموه بعد الزواج ، إنه من واجب الزوجة تعطي راتبها لزوجها .. أمه ( كانت عينها عالوظيفة ) .. . . وقت تقدم ، كنت أنا اللي أنصح دايما صحباتي إنه أهم شي ( الأخلاق و الدين ) .. لإنه ( الفلوس ) تختفي .. لإني شفت كيف حالة أبوي الله يرحمه كان و كيف عشنا .. و كيف كل شي تغير بلحظة .. فقلت بداخلي ( إنت تنصحي غيرك بإنه أهم شي الأخلاق و الدين .. و لازم تطبقي الشي هذا بنفسك قبل لا تنصحي أحد .. و قبلت فيه على دا الأساس ) .. كانت نظرتي ( مثالية جداً ) .. عايشة بعالم مثالي جدا صنعته لنفسي .. ملاحظة / كنت أطلع المثالية عالمدرسة في الصفوف الإبتدائية .. و أمي كرموها مرة و نادوها و أعطوها شهادة ( الوالدة المثالية ) .. يمكن الشي هذا ( أثر فيا ) .. . . بس دحين لأ .. زوجي كرهني بشي اسمه ( مثالية ) .. و تعلمت أكون ( واقعية ) من يوم تزوجته و انصدمت بالحياة .. . . تزوجت ، و كل مرة أقول ( يا بنت .. خليك مثالية ) و أروح أقرأ في النت و في الكتب ( كيف الوحدة تكون زوجة صالحة ؟ ) لإني ما كنت أبدا أفكر إني أتزوج ، و ما كنت مهيأة نفسيا إني أكون ( زوجة ) .. . . كل مرة ما أحب أطلب شي من زوجي ، ما أحب أثقل عليه ، لإني كذا كنت مع أخواني بالبيت ،، ما أطلب شي منهم .. . . لحد ما جبت ولدي ، و بدأ يظهر تقصير زوجي .. يعني أنا مستحيل اطلب شي من زوجي ، فكنت عادي ممشية حياتي .. لكن انتبهت لتقصيره الشديد ، مع ولده .. شفت إنه ( كذا غلط ) .. . . و وقتها دخلت لعالم الإستشارة الخاصة .. و الله يجزاها خير الصائمة لله ، و أم عبيد الله أظن كذا اسمها .. علموني كيف أتعامل معاه .. ما كنت أعرف إيش اللي له و إيش اللي عليه ؟؟؟ . . يمكن هي هذه الأسباب كلها ؟؟؟ . . حتى أمي الله يرحمها كانت مربيتنا إننا ( نقبل بأقل شي ) .. أمي كانت ( زاهدة بالحياة ) .. ما عمرها تحب تلبس و تجمع و تتفشخر .. كانت تحب تساعد الفقرا ،، كانت تحب كل مرة و مرة تخرج الملابس الزايدة و تتصدق بها .. كان عندها لبس ( بعدد محدد ) .. و تقول أخاف أقابل ربنا و يحاسبني .. . . ما أعرف أرتب كلامي .. بس أتوقع هي هذه الأسباب .. . . بس مو إني أساعده و أخفف عنه ( عشان يحبني ؟ ) .. هذه مو أنا .. نسيت أقول .. أغلب مشاكلنا بدأت تظهر ، من يوم أخدت ولدي من عند أمي .. زوجي كان رافض تماما ، بس أنا وقتها اللي ( مشاعر الأمومة ) عندي .. غلبت كل شي .. اشترط زوجي علي إني لو أخد ولدي ، إني أنا اتحمل مصاريفه و هو ماله دخل .. قبلت بكل شروطه ، بس المهم ( يعيش ولدي بيننا ، و في حضني ) .. جبت ولدي و الحمد لله ،، كان ولدي يكرهني و ما يبغاني ،، مع إني أنا اللي حاربت عشانه .. و كان ولدي يحب أبوه و يموت في أبوه .. طبعا احساس صعب .. . . كان ولدي ياخد يد الشغالة و يسحبها ، يبغاها تجلس جنب زوجي .. و يمسك يدي يبغاني اطلع برة .. . . المهم .. زاد اهمال زوجي لولده و لمصاريف ولده .. لإنه قبل لا يجي ولدي ، و وقت كنا برة .. كان خلاص زوجي معاه راتبه و أنا معاي راتبي .. و كل واحد شبه مسئول عن نفسه .. و أكلنا كله برة و لا في المعهد .. و نخرج ايجار البيت و الفواتير من الراتب ،، و الباقي نتقاسمه .. بس يوم جاء ولدي ، طبعا الحياة تغيرت و المسئوليات كثرت .. . . هذه كلها أثرت ،، و صرت كل فترة و فترة أمسكه مسئولية شي .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
روح اختي ..\\
احنا هنا غير بريطانيا ..\\ الزوج هو الي يتقضى للبيت ...\ روح فهميه ..\\ ان اولاده استثماره لبكره .. اذا يبي اولاده ييييييحبوه يغذيهم بالحب من الحين .. لان كل اناء بما فيه ..ينضح .. واسمحيلي اقول لك ..خلي اطفالك اساسيات بحياتك .. عمرك ماتحسيين زوجك ان اولادك شغله جانبيه .. اولادك من اساسيات هالبيت .. روح علمي اولادك حب ابوهم .. لما يكون برا ..قولي لهم بابا يحبكم ويشتاق لكم ,,,,,ووووووو اول مايجي عطوه كنه ..كبيره ..كنه =حضن انتي غذي عقولهم الصغيره بحب ابيهم .. عشان لما يجي الاب الاطفال ينطلقون له بعفويه ..وبكذا يتعلق فيهم .. تدرين ياروح شخصية زوجك تشبه شخصية زوجك .. وابيك يشبه ابي .. وبداية زواجي ماكنت اقدر اطلب منه ريال .. لكن المواقف كونت مني امراه اخرى والحمد لله .. اختي الغاليه روح .. زوج كان محروم حنااااااااااااااااان زي زوجك .. وكنت اعطيه بس اخطات ..اني كنت اسوي شوبنق بداله ..واتقمص الرجل والزوجه والام بات الوقت ..\ مما اعطاني كم سنه زياده فوق عمري .. لكن الان ..اتوب ان اتقمص اي دور ذكوري مهما دعتني الحاجه اليه .. مدام لدي ذكر ..ولابد من اداء هذه الادوار ولو اضطررت ان نجلس سنه كامله واللمبات محروقه ..والبزابيز خربانه ..لن ولن اصلحها .. لاني انثى وهي مهمته .. زوجي يكره القراءه مثل زوجك .. ويوهمني انه مطلع على المنتدى ..وانا متاكده انه لاتستهويه لغة المنتدى وطريقة شرح المشاكل .. الا بعد مااشرحها له بطريقه عفويه وقصصيه .. تدرين اختي روح .. زوجي بفتره من حياته كان عاطل ولكن انا هددته وقلت له لن اجلس ببيتك لحظه وحده ان كنت عاطل .. لاني تزوجتك على اساس انك رجل نتج وانسى اني ارضى اعيش مع عاله ؟؟؟؟؟؟؟؟؟؟؟؟ صحيح انصدم من ردي .. ولكن خليتها حلق باذنه اني ارفض الكسل .. واهوى الرجل الطموح .. ولكن لكل قاعده شواذ .. وانا مثلك امر بمطبات صناعيه .. واسال الله العلي العظيم اني اتجاوزها بقوووووووووه وبدون اضرار جانبيه .. وبنجاح منقطع النظير يارب ..تكون معي .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
برضك ترجعي تحوري المساله وتسقطي الغلط على نفسك مارح استغرب بعد شويه تجي وتقولي انا السبب انا اللي خليته يخوني لاني كنت مشغوله بالاولاد وامي كانت مريضه وووو وتلبسي نفسك الذنب وتطلعيه هو منها .. هذي مشكلتك صدقيني هذي مشكلتك ترى اغلب العالم عندها عيال وامهاتهم مرضى ويمرو بحمل وولاده عمره ما يعتبر هذا سبب انه تسقطي الذنب على نفسك .. هو غلطان ميه بالميه وانتي مالك ذنب مااااااااااالك ذنب فوووقي يا بنتي ايشبك انتي بعدين ايش قصة اقوم اجيبله المويه واعيشه ملك الظاهر الايه انقلبت وهو اللي علمك الدرس مو انتي اللي علمتيه يخون وتكافئيه بمعاملة الملوك ما يصرف عليك اتكالي وتكافئيه بمعاملة الملوك يبغى يتملص من تربية اولاده وحجته ولدي ما حسيت بيه امك اللي ربته ..حسب علمي انه امك اخذته منكم الين كمل سنه فقط او حتى سنتين هذاااااااا مش عذر ابدااااااااا كيف انتي قابله العذر هذا؟؟!! اجل المسساكين العامله المنزليه والسواق اللي يغيبو بال 4 سنوات عن عيالهم يرجعو يقولو اسفين محنا متعودين نربي عيالنا غبنا عنهم سنين !! هذا مش منطق ابدا انا بحاول افتح عيونك عشان تستغلي الفرصه هذي في تحسين وضعك ووضع اسرتك اخاف انها تمر مرور المطر سريعا من دون ما تستفيدي منها والسبب اختلاقك وتصديقك لاعذار لالالايمكن تكون مقبوله .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اللهم لك الحمد حتى ترضى ولك الحمد اذا رضيت ولك الحمد بعد الرضى لا اعلم لماذا نزلت دموعي الان |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
كريستالة ..
( كان مجرد كلام ) .. لكن ما طبقته ،. أصلا حاولت أطبقه، بس الصراحة ( نفسي ما سمحت لي ) .. ( حسيت شكلي زي أفلام توم و جيري ، لما راس توم يتحول لراس - حمار - .. حسيت حالي كذا ) عشان كذا ما طبقته .. و أنا بسبب اللخبطة النفسية اللي عشتها ، جيت لجأت لكم .. . . حاليا حاسة حالي مستقرة نفسيا .. و أتعامل معاه بطريقة رسمية و هادية جدااااااااااااااااااااااااااااااا ، مو تكشيرة و مادري إيش .. أصلا كل ما أستوعب الموضوع أكثر و اللي حصل ، و أتخيله .. الصراحة ، كل ما أحس إني عايشة مع شخص ( بمستوى صعب أوصفه ) .. . . مرتاحة الصراحة في نومي بغرفة ثانية بعيد عنه .. مرتاحة ، لصمتي و هدوئي الحالي .. و يمكن استمر بطريقتي هذه ( بحياتي معاه للأبد ) .. لإنها مريحة نفسيا .. . . كريستالة ، إيش اعمل ؟؟؟ وقت قسيت عليه ، شفتي اللي صار .. ( لازم ) أمشي معاه حبة حبة .. . . هو مو طفل ، هو رجال .. بس هو يشوف نفسه ( طفل ) .. يعني مثلا راتبه ( خلص دحين ) .. و بيستلم راتبه بعد أسبوع يمكن .. إيش الحل ..؟؟؟؟؟ أقول له جيب المقاضي غصب عنك ، تصرف إنت رجال البيت ؟ هذا اللي عملته فترة من الفترات .. و راح تدين من أصحابه و جاء و جاب المقاضي .. ( ما ينفع كذا ) .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
الموضوع هذاك وعدته ما عاد أفتحه ، لكن الجرح بيظل مفتوح ..
و ما عندي الإستطاعة إني أقدم أي شي .. قال لي ، لا تشيلي هم .. أنا راح أنسيك كل شي .. . . everything .. ليه ؟ هل افتكرت شي ؟ |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
توفي و فيصل ..
هذه هي الطريقة اللي أعملها مع الأولاد .. و عشان كذا متعلقين فيه .. . . و إذا قلت له مثل ما قلتي إنه هذولا بكرة كذا كذا إن شاء الله .. يقول لي ( يا شيخة فكيني منهم ، زوجيهم من دحين ) .. هو ما يعرف قيمة أي شي أقوله له ، غير بعد سنوات .. . . يعني مثلا من 4 سنوات ، كنت دايم أقول له .. إذا أخدت دين من شخص ، سجله بورقة .. و دايما أقول له إيش عقوبة ( عدم رد الدين ) .. كان يطنشني و مو مقتنع بكلامي .. . . أمس واحد من أصحابه ( مات الله يرحمه ) .. و كان مستدين من زوجي مبلغ .. و أهله يدوروا عند الناس و يسألوا إذا كان ولدهم مستدين منهم و لا لأ ؟ اليوم قال لي زوجي .. ( تصدقي إنه كلامك - جواهر - ؟؟؟ توي اللي عرفت فايدة كتابة الدين بورقة و حكى لي عن صاحبه ) يسمع بس ما يعرف قيمة اللي تقوليه له ، غير بعدين .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
سيدة بس سؤال ..
( لمتى ) ؟ لإني بجد ما أعرف ،. . . و الموضوع هذاك قفلته خلاص ، و ما عاد أسأله .. بس مرات غصب ( أرمي كلمة ) أحسسه الفرق بين زوجته الطاهرة و العفيفة و بين البنات الوسخات و الرخيصات .. هو طبعا مذنب كمان .. . . و بالنسبة للغرفة ، فهي مو صالة صالة .. غرفي كبيرة مرة ، بس قليلة .. غرفة ولدي تنام فيه الشغالة ،، و غرفة نومي ،، و غرفة المجلس أو التلفزيون و له ( باب ) .. و الممر .. أنا أنام بغرفة التلفزيون و فيه باب له .. . . و بجد كنت محتاجة لنصيحتك ،، لإنها تريحني و ترضيني جداً .. اليوم قال لي ، ما حسيتي بيا جيت سلمت عليك عالساعة 10 الصبح و إنت نايمة ؟ قلت له ( لأ ) .. وقت كنت أنام معاه بعد المشكلة ،، كنت أنا غبية ، كأني أنا اللي جالسة أراضيه ؟؟؟ . . أنا كذا أحس حالي مرتاحة .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
يعني زوجك مغيب تماما واللي حوله يسيروه ويحركوه زي الدميه؟؟!! لا تبرريله كل مره تبرري له تتنازلي عن حق من حقوقك ما نبغى نعاتب الان بناء على طلبك بس من جد ارجعي اقري كلامك عنه هو يا انا اللي بفهم غلط وبشوف الموضوع غير عن اللي انتي بتحكيه يا انه انتي فعلا منتي شايفه الصوره الحقيقيه قدامك.. المهم حقولك كلام على شكل نقاط ان شاء الله يفيدك خذي منها اللي يناسبك وارمي اللي تشوفيه مش مناسب: - قفلي موضوع الخيانه ماله عادي ترديده كل شويه وفي كل مناسبه فيه مثل يقول ( يا شين الحكي اللي يكثر ترديده) لانه اذا رددتيه فقد اهميته وصار موضوع عادي كل يوم ينفتح زيه زي النشره الجويه لكن لو قفلتي عليه حيصير زي الذنب الكبير الواحد ما يحكي فيه مع احد الا مره او مرتين لعظم الذنب وشناعته.. -اكثرتي في الاخذ والعطا معاه عن طريق المسجات افقدتي هيبتك وهيبة عملته ..عشان كذا الان خليك جامده ولا تكثري بالاخذ والعطا معاه ولا بالمزح ولا بالابتسامات ادي واجبك لاولادك وله من ناحية الماكل والمشرب واللبس والنظافه والاجابه على الاسئله المهمه فقط عشان يعرف انه مو بكلمتين ودمعتين رضيتي .. ابقي على هذا الموال اسبوعين بعدين ناديه في يوم واجلسي معاه جلسه معاهده وترتيب اوراقكم ولا تجيبي فيها طاري اللي صار ولا يكون فيها عتاب خلاص لانه وقت العتاب والاسئله وسرد ما حدث من اول وجديد ماله معنى ولكن الجلسه حتى تضعو اساسيات الحياة الزوجيه بينكم من ناحية ( المصرف - التواجد - اهتمامه بالاولاد- استهتاره بالعمل - رحلتكم للابتعاث ) - في جلسة المعاهده لا تلعبي دور المعلم والطالب لا تحطي شروطك بطريقة الفرض خليه هو اللي يقول عشان بعد فتره اذا مل ورجع لعادته القديمه ما يقول انتي فرضتي عليا وانا ما قدر ومن هذا الكلام قوليله من ناحية المصرف اييش رايك كيف نحسن وضعنا وخليه هو يقترح وخذي احسن اقتراح من ناحية الاولاد كيف تحب يكون تواجدك معاهم .. وهو اللي يقترح من ناحية العمل والاستهتار ايش ناوي تعمل ... وهو يقترح من ناحية الابتعاث ... وهو يقترح - اهله لا ترضي انه يقطع علاقتك باهله .. اطلبي منه انه رح تواصليهم بحدود المعقول ..وانتي فعلا لا افراط ولا تفريط القطيعه شينه ترى وانا اشوف صراحه وقفو معاك ضد ولدهم في الموقف اللي صارلك لو احد غيرهم كان حطو اللوم فيكي انتي وبرؤو ولدهم .. - عمتك حطيها بين عيونك من اليوم ورايح خصصي لها يوم في الاسبوع للزياره حرام عمه زي هذي ما تتمتعي بحنانها وحكمتها .. - اخوانك واخواتك هم عزوتك مهما عملو فيك اصحك تقولي لزوجك،، دايما جمليهم امام زوجك حتى لو بالكذب حسسيه دايما انه اهلك (اخوانك واخواتك وعمتك وعمك ) انهم يحبوك ويتمنولك الخير .. - اشتعلي على نفسك انتي بطلي عادة تحوير وتدوير تصرفاته الين ما تلقيله اعذار تخليك تتنازلي وتسكتي عن حقوقك وعن استهتاره وتقصيره .. - لا تتوقعي انه رح يتغير 100% حتحصله نكسات كثير ولكن ان خرجتي بتغيير 50 % من هذي التجربه فالحمدلله وخير وبركه .. - لا تدلعيه زياده عن اللزوم عامليه بما يرضي الله وبما يمليه عليه قلبك وحبك له وانتي عيشي طببيعيه مافي داعي للتمثيل امامه وانه تعيشيه ملك وتبالغي في المعامله عشان يحس ومدري ايش .. ترى الواحد ما يقدر يمثل وقت طويل فخليك على الطبيعي احسن .. هذا اللي في بالي الان اتمنى اكون افدتك يا روح بس نصيحه اخيره احرصي على الابتعاث واحرصي انه زوجك ياخذ البكالريوس من هناك لا تفرطي بالفرصه هذي خصوصا الان هو مستعد يعمل اي شيء عشان يرضيك فاستغيليها عشان خاطر عيالك اضغطي عليه يكمل يدرس بره ولا تقولي اولادك صغار انا سلفتي هناك نفس وضعك رضيع وطفل عمره سنتين توديهم على الدي كير وتخلص كل شغلها ترجع تستلمهم هناك مره يسهلو الامور للمراه العامله والموظفه ... الله يوفقك ويحضرلك الخير دايما .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
مو انتم لما تجلسو مع بعض وتحددو صرفيتكم كيف حتكون بناء على مقدار راتبه مارح يكون فيه داعي انه يتسلف من احد يعني انتي مقاضيك خليها الاساسيه لانه راتيه مش متحمل 3000 قليل خليكي مثلا على الرز واللحم والدجاج والفاكهه والخضار والمعلبات وحليب الاولاد والحفايظ وبس شوفو كم يكلفكم ،، حاولو تتعاملو مع سوبرماركت رخيص بقية المقاضي مثلا تبغي تسوي حلى انا اعتبره رفاهيه مافي مانع انتي تدفعيها بس من دون علمه لايحس انه انتي وراه تصلحي قصوره لانه رح يعتمد عليكي طال الزمن او قصر لا تقوليله انه انتي اشتريتي اذا خلص حليب الولد انتي كملي من عندك من دون ما يحس الاكل من برى اقطعوه بالمره وخلوها مره بالشهر او مرتين اذا اعطاك فلوس تشتري كسوة للاولاد اشتريلهم واذا نقصت الفلوس كملي من عندك بس لا تقوليله قولي فلوسك كفت ووفت .. كل هذا عشان لا يعتمد عليكي لانه انتي بتتعاملي مع شخص فيه صفة الاتكاليه فانتبهي .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
أبغى أسألكم ..
ليش ما أتطلق منه ؟؟؟؟ |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
الثقة ( معدومة ) ..
. . ليش ما أحكم عقلي و خلاص ؟ |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
طلاق علشان مكالمه!!!
استهدي بالله يا روح... ابليس انتقل من قلوب حائره لعندج الظاهر... |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
روح تدرين وين اشوف المشكلة بالتحديد
المشكلة مو بالخيانة المشكلة في اختيارك له كزوج من البداية طبعا الرسول عليه الصلاة والسلام وصانا بصاحب الدين والاخلاق انت اعتمدتي على هذان المعيارين وهو طلع مو متدين بحيت انه كان مهمل للصلاة والشك حتى في انه افطر برمضان وبالنسبة للاخلاق طلع يكذب عليك وعلى البنت عشان يكسب منها المال,,, يعني هنا المعيارين اللي اعتمدتي عليهم في موافقتك عليه طلعو مغشوشين وايضا النجاح في الاختيار يتطلب بان يكون هناك تكافؤ بين الاثنين تكافؤ مادي وانا هذا ايضا مو ملحظاتو بينكم لان دخلك اكبرر من دخلو فهذا سوا لكم العديد من المشاكل والفروقات ايضا التكافؤ الفكري او العلمي هذا مو ملاحظاتو بينكم بحيث انك متعلمة وتفكيرك يمكن انضج منو وهذا قاعد يسبب تفاوت بينك وتباعد في الحوار والميول وكل ما يخص العلم والمعرفة ذكرت لك كل هذا الشي عشان ما تركزين على موضوع الخيانة انا اشوف المشكلة بدات من طريقة اختيارك يعني ما في تكافؤ واضح ولو قلنا ان الجوانب اللي ذكرتها مب مهمة الاهم الدين والاخلاق نعم صحيح وانت اعتمدتي عليهم وفي النهاية كانت المشكلة الخيانة والخيانة تتعلق بغياب الوازع الديني والاخلاقي اذن كاني اشوف ان كل المعايير في اختيار الزوج اختفت انا ما ابي اندمك او اشكك في اختيارك ولكن اشووف اذا بدك تكملي حياتك لابد ان اخلااقو تتغير ودينو يزييد تصدقي انا مو هامني موضوع الخيانة بكثر ما هامني ان هدفو كان كسب المال هذا يدل انو بجب عليه تعديل عميق لاخلاقو وتحسينها عشان يبطل كذب وعشان تستقيم حياتو يعني الاخلاق والدين لااازم يجتهد فيهم لانو ما دام مافي تكافؤ بينك ببعض الجوانب فعليه تحسيين اخلاقة وعلاقته مع ربه عشان باقي الجوانب اللي مو متكافئين فيها ما تاثر على علاقتكم ويكون الدين والاخلاقهو الركيزة اللي قايم عليها زواجكم ما ادري اذا قدرت اوصل لك الفكرة اتمنى انك فهمتيني |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
هالكلام يا روح لا تعتبريه عتاب هذا جزء من حل مشكلتك لما تتوقف طريقة التفكير هذه راح تعرفي تتعاملي معاه صح على انه شخص راشد كامل الاهلية مسؤول عنك وعن اولادك ة |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
لانك بترجعي تثقي فيه ..
اصبري |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
الاخت روح الطير..
سبق لي ان كتبت رد اقصد منه تشجيعك على انهاء مالديك من سرد لما حدث لك.. ولكي اخرج من حالة المتابعة لك بصمت نحو ترجمة ذلك.. ولكن الرد حذف .. لعل في ذلك خير.. باختصار.. كلام البليغ وسيدة الموقف مزيجهما هو الحل في وجهة نظري.. انتي كريمة اصل وطبع والناس ماهم مثلك فلا تتوقعي منهم الايجابيه عشان ترتاحي عشان كذا يجب الا تجرحيه بترديد الموقف وتفاصيله ولكن خليك رسمية شوي معاه وخليه يحسب لصمتك وكلامك الف مرة.. انه يحترق من الداخل من هذه المعاملة بس بروده يبين لك العكس.. كرمك معاه يجعل وجهه مثل حبة السمسم قدامك اذا فكر بخيانته لك لانه يعلم اي حقارة وذلة تتمكن منه حينما يضع غيرك في مكانك.. فهمتي..!!؟ ولا تستقطبي المواقف السلبية وتجعلين من نفسك شماعة لها.. استمري بحياتك واعلمي ان هذه فترة تدريب له والقادم سيكون افضل |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
اعتقد اني لامست جزء أساسي من المشكلة اقتباس:
|
رد : محبتكم روح الطير..محتاجتكم [ مستجدات بالرد 30 - 31 - 34 - 288]
ليش ماتطلق منه
لانك ماتبين تتطلقين جواب هالسؤال عندك روح انتي تبين منا نعدد مزايا زوجك ونثنيك عن الطلاق وانتي اصلا ماعندك نيه طلاق اتركي موضوع الطلاق على جنب لانه مفروغ منه وشوفي شلون تقدرين تديرون حياتكم انا اشوف زوجك لجا للخيانه علشان ياخذ فلوس وهالشي جدا مقزز وعمل لئيم والسبب انه مصغوط ماديا وماعرف يتثرف انتي رميتي المسئوليه مره .وحده عليه المغروض المسئوليه على قد الراتب حفه لان لما خاص راتبه |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
:* |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
انت مو فقدتي الثقه فيه ,,,,,انت فقدتي الثقه بنفسك
هنا المشكله |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
وليش تتوقعيـــــــــن إن الطلاق حل سريــع وسحري
|
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
واعتقد انها لم تتخيل مطلقا انها ستتعرض للخيانة ولذلك كان وقع الصدمة شديدا عليها ، وبالتالي هي امام خيارين احلاهما بالنسبة لها مر ، وفي الآونة الأخيرة بدأ عقلها يستخدم دفاعات نفسية من خلال وضع بعض المبررات الغير مباشرة لخيانة زوجها مثل انشغالها اثناء فترة مرض والدتها . يجب ان تحلل المشكلة من منظور آخر ، وهو ان خيانة الزوج لا يعني بالضرورة وجود خلل في الزوجه او انتقاص من شخصيتها وثقتها بنفسها ، وكذلك محاولة حل المشكلة بأهون الخسائر لا ينقص من قدرها في شي . |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
( مستجدات )
أمس كلمتني هي من رقم تاني .. ( المرة هذه ، إنتوا أحكموا ) لإني المرة هذه بالفعل ، ما بأعمل شي .. أصلي الفروض و استخير بعدها و ما أحس بشي و لا أقدر أقرر أو أفكر .. و نفس الوقت ما أقدر أسامح أو أنسى .. أصلي و أدعي ، و ما بأعمل هنا أي شي .. هو يقول لا تعملي شي ، أنا أعمل كل شي و أنسيك لإنه أنا الغلطان .. . . هي : 8:49م, أغسطس 31 - ه.: (............) 8:52م, أغسطس 31 - ه.: معليش جوالي انفصل وأنا سافرت برا ما قدرت أرجعه 8:52م, أغسطس 31 - ه.: بس حبيت اتطمن على وضعك كيف صار الحين 8:53م, أغسطس 31 - ه.: أتمنئ زوجك ما يعرف اني كلمتك 8:53م, أغسطس 31 - ه.: وأتمنئ أسمع انك ارتحتي وصرتي بخير 9:02م, أغسطس 31 - ه.: هذا الرقم بعد بقفله لأنه ما ينفعني برا السعوديه بس حبيت اتطمن عليك وضميري يرتاح أنا: مين معاي هي : 12:29ص, سبتمبر 1 - ه.: أنا اللي كان زوجك يكلمها 12:29ص, سبتمبر 1 - ه.: ما قال لك اسمي صح أنا : ( فلانة ) هي : 12:30ص, سبتمبر 1 - ه.: إيوه 12:31ص, سبتمبر 1 - ه.: معليش ازعجتك بس حبيت اتطمن على وضعك خصوصا ان جوالي انفصل فجاه ما عرفت أيش صار معك أنا : ولاشي.. هي : 12:32ص, سبتمبر 1 - ه.: لسئ أنا : ايش كان الهدف من العلاقة و بمدة قصيرة و سريعة هي : 12:32ص, سبتمبر 1 - ه.: والله الشئ الوحيد اللي خلاني أوقف عن اللي بسويه كلامك لما قلت ان أمه تعبانه 12:33ص, سبتمبر 1 - ه.: والله ما أدري عنه أنا : ايش اللي بتسويه هي : 12:33ص, سبتمبر 1 - ه.: كان له هدف واضح أتوقع وأنا كنت غافله أنا : قصدك الهيئة هي : 12:33ص, سبتمبر 1 - ه.: أشياء كثير أنا : انت كنت داخلة جمعية !؟ هي : 12:33ص, سبتمبر 1 - ه.: جمعية أيش أنا : و بتجيك 50 الف عالحج هي : 12:34ص, سبتمبر 1 - ه.: وهو كان مخطط عليها صح أنا : صح كلامي !؟ هي : هوؤ اللي قال لك أنا : فلانة بس باسالك أتأكد هي : 12:35ص, سبتمبر 1 - ه.: أصلا أنا ماني موظفه طالبه بس حبيت اختبره 12:35ص, سبتمبر 1 - ه.: تتأكدي من أيش أنا : انت كنت داخلة جمعية وتجيك 50 عالحج ؟ هي : 12:35ص, سبتمبر 1 - ه.: أنا قلت له كذا إيوه 12:36ص, سبتمبر 1 - ه.: إيوه أنا : و هو مديون ب15 هي : 12:36ص, سبتمبر 1 - ه.: أنا قلت له كذا 12:36ص, سبتمبر 1 - ه.: إيوه هوؤ قال انه مديون 12:37ص, سبتمبر 1 - ه.: وبيدخل السجن على الحج أنا : انت ليه ماشية بالطريق هذا، ممكن أي شخص يضحك عليك ؟ هي : 12:37ص, سبتمبر 1 - ه.: أنا ماني ماشيه فيه وأول مره بحياتي أسوي كذا 12:38ص, سبتمبر 1 - ه.: أنا انخدعت و محد قدر إلا هوؤ بس وبعده أنا طلعت مثل ما قلت لك أنا : انت بسرعة اعطيتيه رقمك هي : 12:39ص, سبتمبر 1 - ه.: طلعت من هذا البرنامج لأني صدقته بعدين بديت أشك بتصرفاته 12:39ص, سبتمبر 1 - ه.: لا كنا كم اسبوع مع بعض بالبرنامج أنا : يوميا ؟ من رمضان و لا قبل ؟ هي : 12:40ص, سبتمبر 1 - ه.: وهو كان يقول انه مستحيل يضر وحده 12:40ص, سبتمبر 1 - ه.: لا قبل قلت لك 12:40ص, سبتمبر 1 - ه.: أنا شفته برمضان 12:40ص, سبتمبر 1 - ه.: الحين انتي خليك من هذا كله المهم انتي وصلتي لحل ولا لسئ 12:40ص, سبتمبر 1 - ه.: يوم ٢٠ أنا شفته 12:41ص, سبتمبر 1 - ه.: وقال لي انه ما يهمه أولاده 12:41ص, سبتمبر 1 - ه.: ومن قبل رمضان بأسبوع أو اسبوعين ماني فاكره 12:42ص, سبتمبر 1 - ه.: جلس يتكلم عن أولاده وانه طفشان من مسوليتهم 12:43ص, سبتمبر 1 - ه.: إيوه وقال مستحيل أرجع لزوجتي حظي ببطنك بطيخه أنا : وليش يقول كذا، ايش يبغى منك مثلا وقتها.. هي : 12:43ص, سبتمبر 1 - ه.: أنا ما يهمني الحين هوؤ خلاص المهم انك توصلين لحل 12:43ص, سبتمبر 1 - ه.: هذا اللي أنا استغربته 12:44ص, سبتمبر 1 - ه.: لأني قلت له أمانه لو فكرت ترجع لزوجتك قول لي واتركني لأني ما أرضئ تخونها بسببي 12:44ص, سبتمبر 1 - ه.: وبرضه قلت له ما بحرمك ترجع لأولاذك وتكون معهم أنا : الحل هو يقول انه ندمان انه نزل مستواه لوحدة رخيصة و حقيرة حقة شباب هذا كلامه، يبغاني اسامحه ، ويقول مثل ماقابلتني، اكيد قابلت مية واحد هي : 12:44ص, سبتمبر 1 - ه.: أنا عارفه بيقول هذا الكلام 12:45ص, سبتمبر 1 - ه.: كلهم بيقولون كذا ذياب 12:45ص, سبتمبر 1 - ه.: وهو مثل ما قابلني بيقابل أو قابل ألف غيري وهذا كلامه |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
البليغ ، الصائمة لله ..
فينكم ؟؟؟ زوجي ينكر اللي قالته لي أمس ، و أنا قلبي مصدق كلامها .. . . البليغ ، إيوة فكرت أمس .. أتخيل لو تركته ، ما ألقى شخص مثله كيف كان يحبني .. بس دحين كل شي ( صرت أشوفه كذب ) .. ما صرت أصدقه .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
أنا :
كم مرة بالجوال تكلمتوا ؟ هي : 12:45ص, سبتمبر 1 - ه.: قال لي هي ما جت على كذا 12:45ص, سبتمبر 1 - ه.: يوميا كان يكلمني 12:45ص, سبتمبر 1 - ه.: ولما اتصل ما يرد ويقول كنت نائم أنا : قال لي بس 3 مكالمات والباقي واتس هي : 12:46ص, سبتمبر 1 - ه.: هوؤ كان يبغاني استر عليه عندك واتركك محتاره ولما أنا قلت لك كل شيء صار يهدد ولما شاف التهديد ماجاإب نتيجه صار يقول لك ندمان 12:46ص, سبتمبر 1 - ه.: كذااإاإب 12:47ص, سبتمبر 1 - ه.: كل يوم يقول لي وحشتيني مووت وبكلمك 12:47ص, سبتمبر 1 - ه.: ولما ما أكلمه يزعل أنا : يهدد بايش هي : 12:47ص, سبتمبر 1 - ه.: بالصور 12:47ص, سبتمبر 1 - ه.: قلت لك روحي فندق xxxx واسالي هوؤ حجز هناك غرفه عشان يشوفني أنا : يقول يضحك عليك عشان يبين لك إنه شبعان و مو طمعان بفلوسك هي : 12:48ص, سبتمبر 1 - ه.: أنا المهم سويت اللي علي وما خليتك كذا أنا : ايش يجلس يتكلم ؟ هو اصلا كلامه قليل.. هي : 12:48ص, سبتمبر 1 - ه.: والله كان نفسي أصور لك كلامه 12:49ص, سبتمبر 1 - ه.: كله حب وغزل 12:49ص, سبتمبر 1 - ه.: لأني مسحته قبل أعرفك 12:49ص, سبتمبر 1 - ه.: ما كنت أدري انك موجوده بحياته وكان كلما أجيب شيرتك يقول لا تنكدي علي أنا : يقول مخطط انه ياخد منك 15 ألف بعد ما توثقي فيه، يقولي قردة اخليها تصدق حالها هي : 12:49ص, سبتمبر 1 - ه.: هههههههههههه 12:50ص, سبتمبر 1 - ه.: يأخذ مني وأنا أصلا طالبه أنا : مو قلتي مستشفى ......... ؟ هي : 12:50ص, سبتمبر 1 - ه.: انت مصدقه كلامه ؟ أنا : لا ما همني ابغى بس ارتاح من التفكير هي : 12:50ص, سبتمبر 1 - ه.: لا قابلني عند مستشفى ............. أنا : مو قلتي بس الفندق ؟ هي : 12:51ص, سبتمبر 1 - ه.: شوفي هوؤ طلب مني حتى أصور جسمي 12:51ص, سبتمبر 1 - ه.: أيش تتوقعي يبغئ أنا : كم مرة تقابلتوا هي : 12:51ص, سبتمبر 1 - ه.: أول مره بالمستشفى 12:51ص, سبتمبر 1 - ه.: يوم ٢٠ الساعه ١٢ باليل 12:51ص, سبتمبر 1 - ه.: وبعدين طلب يقابلني بالفندق 12:52ص, سبتمبر 1 - ه.: وقتها كان مأخذ منك فلوس وغير جواله أنا : وليه مارحتي له الفندق، مو اعطاك رقم الغرفة هي : 12:52ص, سبتمبر 1 - ه.: لأني أنا أصلا كنت بالفندق أنا : مو انت ساكنة هنا ، ليه جالسة بفندق هي : 12:52ص, سبتمبر 1 - ه.: انتي مو تبغئ ترتاحي من التفكير أنا : انا عشان كذا متلخبطة كنت هي : 12:52ص, سبتمبر 1 - ه.: شوفي خليني افهمك 12:53ص, سبتمبر 1 - ه.: وحده وحده 12:53ص, سبتمبر 1 - ه.: أنا كنت ساكنه ب(............... نفس منطقتنا ) فتره 12:53ص, سبتمبر 1 - ه.: وصديقتي جات المدينه وأنا جيت عندها بالفندق 12:54ص, سبتمبر 1 - ه.: بس حاليا أنا خلصت تدريب وطلعت عند إمي 12:54ص, سبتمبر 1 - ه.: وأنا ما قلت له لأني ما وثقت فيه بعد كلامه عنك أنا : مو نقلتوا تبوك ؟ هي : لا ، أنا قلت له كذا أنا : طيب راح المستشفى متى ؟ هي : الساعه ١١ يوم 20 12:55ص, سبتمبر 1 - ه.: كان لابس توب وشماغ 12:56ص, سبتمبر 1 - ه.: ويوم ٢١ الصباح 12:56ص, سبتمبر 1 - ه.: جاء كمان 12:56ص, سبتمبر 1 - ه.: صدقيني أنا ما كذبت عليك ومقهوره مثلك 12:56ص, سبتمبر 1 - ه.: مستشفى (.................) نفس المستشفى أنا : ليش جا الصبح هي : 12:57ص, سبتمبر 1 - ه.: لأني كان عندي موعد الصباح 12:57ص, سبتمبر 1 - ه.: أنا حاليا بسكن بدبي 12:57ص, سبتمبر 1 - ه.: بفندق هارموني أنا : هو ايش يعمل اذا عندك موعد هي : 12:57ص, سبتمبر 1 - ه.: يبغئ يشوفني بعد الموعد أنا : طيب شافك ؟ هي : 12:57ص, سبتمبر 1 - ه.: إيوه أنا : طيب ايش عمل هي : 12:58ص, سبتمبر 1 - ه.: جلس معي بالسياره 12:58ص, سبتمبر 1 - ه.: ولفينا وتكلمنا 1:00ص, سبتمبر 1 - ه.: عموما أنا حبيت اتطمن عليك لأن ضميري يعدبني وما حبيت انك تفكرين اني خفت من تهديده وانسحبت وهو يعرف رقمي هذا 1:00ص, سبتمبر 1 - ه.: وقلت بتطمن عليك أنا : كيف يعرفه ؟ هي : 1:00ص, سبتمبر 1 - ه.: اتصلت عليه أنا منه أنا : متى دحين ؟ هي : 1:01ص, سبتمبر 1 - ه.: لا لا 1:01ص, سبتمبر 1 - ه.: زمان أول 1:01ص, سبتمبر 1 - ه.: دحين لا اتصلت ولا هوؤ اتصل أنا : طيب بعد مالفيتوا ، طيب مسك يدك ايش صار هي : 1:01ص, سبتمبر 1 - ه.: رجعت أنا المستشفى وهو مدري عنه * أحس كلامها متناقض مع قبل ، و زوجي يحلف بالقران إنها كذابة و تتبلى عليه عشان نتطلق و بعد شوي راح تقول إنه نفس اليوم كان معاها بالفندق من الساعة 8 إلى 11 الصبح * |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
ما ادري كيف تتحملين تراسلينها وتكلمينها؟
|
رد : محبتكم روح الطير..محتاجتكم [ مستجدات بالرد 30 - 31 - 34 - 288]
أنا :
طيب مسك يدك ؟ هي : 1:01ص, سبتمبر 1 - ه.: إيوه 1:01ص, سبتمبر 1 - ه.: وطلب بوسه أنا : و أعطيتيه ؟ هي : لا ما أعطيته 1:02ص, سبتمبر 1 - ه.: وعموما لو حسيت منه أي ازعاج بكمل شغلي اللي وقفته 1:02ص, سبتمبر 1 - ه.: أتمنئ ما يعرف اني كلمتك من جوالي هذا 1:03ص, سبتمبر 1 - ه.: بس كان قصدي اتطمن عليك وأريح ضميري لو عندك أي سؤال 1:03ص, سبتمبر 1 - ه.: واكرر اعتذاري وربي يجازي اللي كان السبب * هي قبل قالت إنه ما لمسها * . . أنا : ليه ماتكملي شغلك ؟ ايوة ارتاح لو مسكته الهيئة هي : والله ، 1:03ص, سبتمبر 1 - ه.: مو قلت ما إبعئ أولادي يعيشون بدون اب 1:03ص, سبتمبر 1 - ه.: انتي قلت أمه مريضه وابوه 1:04ص, سبتمبر 1 - ه.: أصلا أنا بلغتهم بس قلت لو جاني منه أي تهديد أو ازعاج أبلغكم أنا : يعني تقابلتوا مرتين، و ليش ماكمل مقابلات هي : 1:04ص, سبتمبر 1 - ه.: أكثر من مرتين أنا : مو قلتي بس مرة هي : 1:04ص, سبتمبر 1 - ه.: بالمستشفى مرتين وبالفندق وبالمطعم 1:05ص, سبتمبر 1 - ه.: ما قلت لك بس مره ، هو اللي قال لك مره أنا : بللفندق فين !؟ الصورة الي بالفندق كانت في بيتي هي : 1:05ص, سبتمبر 1 - ه.: نزلت أنا 1:05ص, سبتمبر 1 - ه.: أنا قلت لك 1:05ص, سبتمبر 1 - ه.: هوؤ رسلها لي من جواله قلت لك واحنا بالفندق 1:05ص, سبتمبر 1 - ه.: انتي متلخبطه واضح 1:06ص, سبتمبر 1 - ه.: الساعه ٨ الصباح 1:06ص, سبتمبر 1 - ه.: جاء للفندق * هنا كلامها متعارض مع كلامها عن المستشفى ، و كلهم بيوم 21 * زوجي ينكر و يقول صدقيها لو بتخربي بيتك ، و يحلف إنها كذابة أنا : هذا اليوم كان بالبيت كان افتكر حتى وقتها قلت له ايش بتعمل ؟ ترسل صورتك لصاحبتك ؟ هي : 1:06ص, سبتمبر 1 - ه.: روحي الفندق يعطوكي الوصل إذا مو مصدقه أنا : انت متاكدة ؟ يمكن كذب عليك هي : 1:07ص, سبتمبر 1 - ه.: لأنه حجز وأنا تحت واستعربت . قال لي حجزت غرفه بكون جنبك 1:07ص, سبتمبر 1 - ه.: أقسم بالله العظيم هذا الصدق 1:07ص, سبتمبر 1 - ه.: لا عطاني مفتاح الغرفه |
| الساعة الآن 02:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©