|
رد: زوجي يرفض مسامحتي بعد اعتذاري حلت الرد98
اليوم اول ايام رمضان
وانا قلت اول فطور بسوي كل شي بخرت البيت ورتبته وسالت زوجي الصبح ايش يشتهي قال ابي كذا وكذا وكذا.. قلت ابشر وقال يمكن عمي يجي يفطر معنا قلت علمني قبل العصر عشان اعمل حسابي ولما اذن العصر مارد فسألته عالواتس بيجي؟ قال دامي قلت ما علمتك يعني ماهو جاي قلت اوكي وكملت طبخ كل شي على راسي طبعا وهو جاء من دوامه ونام الى قبل المغرب بساعه جلس عالفطور اشوفه ماقال ولا حرف بنتي قالت: وااااو مره اكل كثير وحلو وجلست اغرف لهم وقلت: سفرتنا عامره ليت عمك جاينا هو هنا انفلت علي وعصصصب انتي غبيه ماتفهمين قلنا مو جاي الخ الخ مارديت عليه بس دمعت عيوني عصب زياده وجلس يدعي على نفسه قمت من السفره مسك يدي وباس راسي وقال خلاص اسف اجلسي كلي خلصينا قلت وش فيك؟ قال: انفصام شخصيه خلاص اجلسي بس جلست اكمل لبنتي اكلها وقمت بدون ما اكمل فطوري باختصار انسدت نفسي جاني بعدها يقول تعالي اجلسي معي قلت دايخه بنسدح عالسرير مدري على نفسي اموت وافتك والا ايش مافي اي تقدير ولا احترام للنعمه ولا الشهر تهزيء وطوله لسان ونكد حتى بفطور رمضان استحيت منكم اكتب موضوع مستقل ادري غثيتكم بمشاكلي دعواتكم اخواني |
رد: زوجي يرفض مسامحتي بعد اعتذاري حلت الرد98
الله يعينج...
آنه تنرفزت من عصبيته اللي ما لها داعي ما عندي نصيحة .. لاني الليلة متفطرة بهواء من وراء عصبيته الغير مبررة ... صادقة هاجر لما قالت الرجال كل بين فترة وفترة يحتاج له نفضه عاد يا من تعرف تنفضه |
رد: زوجي يرفض مسامحتي بعد اعتذاري حلت الرد98
كنافه ياعسل تغاضي أعد وأغلط من الانفصامات الي تحصل لزوجي ومكبره راسي ومطنشه
|
رد: زوجي يرفض مسامحتي بعد اعتذاري حلت الرد98
لا حول و لا قوة الا بالله
بس ما اقول الا الله يعينك |
رد: زوجي يرفض مسامحتي بعد اعتذاري حلت الرد98
المعذرة كنافة
متفائلة شلون تقدرين تطنشين دايماً ؟!! عطينا التكنيك |
رد: زوجي يرفض مسامحتي بعد اعتذاري حلت الرد98
كنافه حبيبتي زوجك مدخن واول يوم صيام
حاولي ماتحتكون به ابد ولا تفتحون اي كلام عندن لحد مايفطرون وياخذ البلا الله يفكه منه |
رد: زوجي يرفض مسامحتي بعد اعتذاري حلت الرد98
عاطينهم اكبر من حجمهم بكثييير طنشووو واستغلو كل دقيقه في الشهر الفضيل بالتسبيح والتهليل وذكر الله
|
رد: زوجي يرفض مسامحتي بعد اعتذاري حلت الرد98
وحده توها عروس اول رمضان بتقضيه مع زوجها
نبهها زوجها لاتحتك فيه ابدا الين بعد الفطور تسألني قلت والله مدري ماعندي احد مدخن اعرف ايش يسوون بس انا مدمنه كوفي تركي اليوم مرا تعبت من الصداع والغثيان مع اني فطرت عليها واخدت معها بنادول ولسى الصداع ماسكني بعدها على خفيف دام اعتذر خلاص عديها .. الله يعين |
رد: زوجي يرفض مسامحتي بعد اعتذاري حلت الرد98
أول يوم رمضان ، أغلب الرجال و الأزواج معصبين من غير سبب ..
لا تزعلي كنافة ، عادي .. أننا اللي زوجي ماشاء الله مافي أبرد منه .. امس معصب من يوم قام لحد ما فطر .. و أنا مبردة أعصابي و لا أخد و لا اعطي معاه .. بس سألته بهدوء بعد ما فطر ، إيش بك اليوم معصب من الصبح ؟ كله من الصيام ؟ قالي ( شكله ) .. و خلاص بدأ يمسك أعصابه و لإنه شكله انحرج من نفسه ؟؟ |
رد: زوجي يرفض مسامحتي بعد اعتذاري حلت الرد98
معليش حبيبتي
انظري للجانب المشرق اعتذر منك هو داري انه غلطان .. سلكي الامور واستغليها بالذكر والصلاة . وهذي الدنيا ماتكمل لاحد لان الحمدلله فيها جوانب مشرقه . |
| الساعة الآن 03:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©