|
رد: عزم ان يطلقني!
اقتباس:
بقى علي انفذ .. الله يجزيهم خير يا رب ويوفقج يا رب اقتباس:
وهو أكثر عصبية مني بس هو يعرف شلون يكون بارد بالتعامل وهالشيء يساعده هذا اللي سويته اليوم وباخبركم بالمستجدات اقتباس:
ما نشوف أحد حتى بالشارع فشيلة اطق عليهم الباب .. هلا والله ممكن نتعرف ؟ hghglh حبيت فكرة الخياطة .. من زمان ودي اشتغل بالصوف فيه امور في بالي باقول لكم عنها |
رد: عزم ان يطلقني!
أولاً حبيت اشكركم جميعاً على وقفتكم معاي
افكار وايد حصلتها .. وتشجيع ومساندة اشكركم كلكم دون استثناء والله يقضي حوائجكم glh الجوري الحلوة اعيدي قراء موضوعي حبيبتي ( للحين مقهورة من كلمتج ) hhf jyh عشان بلاش تحكمين عالموضوع دون قراءة ترى الموضوع ما له علاقة بأحد غيري آنه و زوجي المهم مشكورين دون استثناء واسأل الله لكم التوفيق ثانياً فكرت في عدة أمور اولها ان اخلق لي موهبة .. ومؤمنه ان اقدر .. قبل لا اكلمكم كنت محبطة وما احس ان عندي قدرة او إرادة لأن كان في بالي أمور معينة هي اللي ابيها تصير مثل الدراسة .. حالياً من اليوم برجع لدروسي الدينية بإذن الله .. اسمع محاضرات وعندي كتاب ادرس فيه ثانياً من زمان خاطري اتعلم اشتغل بالصوف .. وان شاء الله بتعلم .. وببحث عن أمور أخرى ثالثاً البارحة ضعفت نوعاً وظليت اصيح وابجي ودموعي غرقت بيتنا و زوجي صار يتحلطم علي ويقول لي انا شكلي بانام في المكتب لأن هني نكددد اول اشتاق حق يومج انتظره بفارغ الصبر عشان اقعد معاج ونتكلم ونضحك ألحين نكد في نكد ... سكتت عنه كأنه صب علي ماي بارد .. قلت في خاطري جذي يعني ؟ فعلاً انه نكدية .. الصبح تعاملت معاه عادي الكلمة بقد الكلمة اليوم مو يومي اتصلت في بنت خالتي تريقت معاي وطبخنا الغدى مع بعض وتغدت معاي بين الريوق والغدى زوجي اتصل فيني اروح اقعد معاه بالمكتب جم دقيقة لأن اليوم معزوم بره عالغدى وما بيطول بالقعده معاي رحت قعدت معاه .. ( و رجعت زين النكدية بس بطريقة اخف ) قرب مني قلت له متى بترجع لي ؟؟ تأفأف عالخفيف .. قال اللي يسمعج يقول ان انا صار لي 40 اسبوع جذي ( رجعت زين العاقلة شوي ) قلت له واحنا نستغني عن ابتسامتك يوم عشان نستغني اسبوع ؟ بس على راحتك .. متى ما رجعت تلاقني انتظرك .. خذ راحتك المغرب بيجيني مو ناوية افتح هالموضوع بتاتاً خلاص .. ومثل ما قلت له بنتظر رجعته وباقوي قلبي وبتصبر .. ولعل الله يحدث بعد ذلك أمراً خامساً الله يجزاها خير اللي قالت لي عن د ابراهيم الخليفي اول درس استفدته ان احترم ذاتي.. ما بفتح مع زوجي مواضيع النكد عشان نفسي وباكون اقوى مو لأنه يحبني اكون اقوى .. لا عشان نفسي وبتعلم وبامارس نشاطات مو عشانه .. عشان نفسي وباحبه وباكون افضل وبرتقي بحياتي معاه .. مو عشانه عشان نفسي عشان ربي يرزقني حسن التبعل أيضاً عشان نفسي .. عشان الله يرزقني الثواب لأني استحق كل هذا وما استحق ان احزن واتضايق... ادعوا لي بالثبات وان ما يكون الأمر مجرد دقائق عابرة خلكم قريب مني .. ما ابي اضعف وباخبركم بالمستجدات هل خطواتي صحيحة ؟؟ |
رد: عزم ان يطلقني!
ياحبيبتي لاتخافي مارح يتغير عليك وبيرجع مثل اول وقبل بس غيري شوي من طبعك وصيري مثل مايبغى صدقيني هي فترة وبيصير لك مثل ماتبي واحسن وبيلبي لك اغلب رغباتك أنت بس أصبري
|
رد: عزم ان يطلقني!
شوفي يازين
الله يعطي ويختبر ويحرم ويختبر الحمد لله الله معطيك الصحة والوقت وامكانيات كثيرة جدا استغليها بطاعة الله ورضوانه،، لا تتشكين من الفراغ ووجود الشغالة ووو....الخ كل ماعليك هو إنك تستغلين هالنعم فيما ينفعك في الدنيا واﻵخرة.. |
رد: عزم ان يطلقني!
اذا ما اشوفه احس بالقوة والأمل
ومن اشوفه واشوف بروده وحتى ما يطالع في وجهي اشعر بالضعف .. والألم يا الله |
رد: عزم ان يطلقني!
تعلمي كروشيه من اليوتيوب فيه عربي ولغات اخرى تعلمك تعملي اشياء مفيده وتقضي الوقت في شيئ مفيد
|
رد: عزم ان يطلقني!
الله يقويكي ويحميكي ويسخركن لبعض
ما شاءالله بدايتك حلوة وان شاءالله بتستمري لتوصلي لنتيجة مرضية صدقيني النكد ما بضر الا صاحبو ففرفشي وطنشي وخليكي اخر رواق وكلنا جنبك من بعد الله ورح نساعدك باللي بنقدر عليه بهمنا انك تكوني سعيدة لاجلك قبل اي حدا موفقة حبيبتي |
رد: عزم ان يطلقني!
الله يفرجها عليك امين
|
رد: عزم ان يطلقني!
زين عزيزتي قرأت موضوعك من البداية وطبعاً اللي عرفته ان زوجك شمالي شرقي وانتي يبدو لي غربيه شماليه(انصحك بالقرأة ع نمطك ونمط زوجك )لتعرفي اوجه التشابه واوجه الإختلاف!!
قد قرأتي ع piboler هو مرض نفسي يمر فيه الشخص بحالتي الup والdown ومما استشفيته من موضوعك انك تعاني منه هذا المرض لما مايكون الشخص يعرف انه مصاب فيه يعاني ويتعب لإنه يحاول يكون مثل بقية الاشخاص لكن لما يعرف انه عنده راح يعرف عيوب ومزايا هذا المرض وإنه مختلف ع بقية الاشخاص كيييف؟؟ مثلاً لما تكوني في up حتنجزي افضل من كل الاشخاص وساعات نومك اقل لإنك تكوني نشيطه جداً وتقدري تنجزي امور كبيره في هذي الحاله انتي اشتغلي ع حالك في هذا الوقت انجزي ،، لما تكوني في down العكس تكوني محبطه وحزينه لكن لو كنتي انجزتي فأنتي في هذي الحاله حـ تتخطي هذي المرحله بسرعه واقل الخسائر،، تحياتي لك عزيزتي🌹🌹 |
رد: عزم ان يطلقني!
اشعر ان الأمر بدأ يأخذ منحى إيجابي أكثر
امس الصبح صار موقف زعل بيني وبينه بسبب ان واقفين نتكلم ولما قلت آخر جملة طنشني ومشى عني .. كتبته له في الواتس اب إذا ممكن انزل له المكتب قال لا .. سكتت عنه وما ناقشته على غير العادة بعدين لما جاني الظهر قلت له .. بشكل واضح وصريح ومن غير المقدمات اللي يكرهها " طلب واضح و صريح احترمني ، لما اكلمك تقدر تقول مشغول أو أي كلمة بس مو لطيف انك تتركني وتمشي " قال ان شاء الله .. بعدها استغربت انه حاول يلطف الجو! " خصوصا ان مثل ما قال نفسيته مقفلة واذا نفسيته مقفلة ما يلطف الجو يبقى ساكت او يتكلم كلمات خفيفة " ومن امس لليوم اشوفه امبدي يتعامل افضل يحاول يمزح .. ويلطف الجو احس للحين باقي شيء في نفسه بس مو مستعجلة عليه وقاعده اعطي نفسي كل يوم رسائل ايجابية اوقف قدام المنظرة واتكلم بإيجابية حتى موضوع الحمل واضح انه اقتنع بفكرة الانجاب صح ما تكلم .. بس عرفت الامر بطريقتي ويا رب خير قاعده اشغل نفسي في بعض الامور اتمنى ما تصير مشاكل جديدة تعكر صفو حياتنا لاني فعلا مليت وهو مل وتعبنا جداً |
| الساعة الآن 05:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©