|
يمكن يكون سؤال بايخ .. بس عندي فكرة واحتاج أسئله ..
شنو الفريق اللي يشجعه في الدوري الإنجليزي ؟ بانتظار الإجابة .. وقبل ما انسى .. يشاهد الدوري بحماس وشغف لو كل شهر مبارة هههه |
تركيزنا كان على الجانب العاطفي .. لان اختنا موهبة ركزت على هذا الجانب .. اما عن كيد النساء فهو بحر واختنا ما تقدر تدخل فيه حاليا لانها حامل والحمل متعب .. فتطبيق كيد النساء على اصوله يحتاج قوة جسدية وقوة عقلية وتركيز .. فركزنا على الجانب العاطفي لان الغاليه قالت تبي زوجها يحبها .. فهذي الطرق تفيدها حاليا علشان تهدأ شوي .. حبيبتي موهبة ... اتمنى انج بخير وصحة .. مثل ما قلت لج قبل حبوبه .. اذا فيج صبر وقوة طنشيه .. واذا ما تقدرين كلميه بأن تصرفاته تجرح مشاعرج ... مع انج قلتي انه يقلبها مزح او سخريه .. فطنشيه الغاليه او طبقي الطرق اللي ذكرتها لج .. واكرر اهتمي بنفسج وصحتج حبيبتي والله قلبي معورني عليج خاطري اكون معاج الحين .. بس اكيد ادعي لج يالغاليه .. نصيحه ثانية : اذا كنتي انسانه طيبه وهذي طبيعتج وتحبين تعطين وتهتمين باللي حولج سواء زوجج او عياله او اهله او اهلج فاستمري على هذا الشي حبيبتي واحتسبي الاجر من الله لا تمثلين عدم الاهتمام ولا تحددين عطائج والله بتتعبين .. لانه هذا مب طبعج .. امه يوم بتشوف معاملتج الطيبة بتدعيلج وبتذكرج بالخير.. زوجج وعياله بتكسبين فيهم اجر .. الدنيا فرصة نعمل فيها باللي يرضي ربنا وكثر ما نقدر نسوي الخير .. السعادة الحقيقية في الاخره حبيبتي .. الله يرزقنا ويرزق الجميع الجنة يارب وبعدين زوجج شكله يحب المرأة القوية اللي ما تسكت عن حقها ولا تسكت على الغلط .. ولا تبكين امامه او تضعفين ترا حتى لو يحبج بعد هالشي يضايقه .. في وضعج هذا موهبة .. ابيج تهتمين باللي في بطنج الله يحفظه من تجهيز للمولود .. من تغذيه لج يعني انشغلي عنه باللي في بطنج .. وانشغلي بنفسج .. بشريني سويتي التمارين ولا بعدج ؟.. ترا التمارين تفيدج لا تتكلمين ابد عن ام عياله .. وكأنها مب موجودة ... اختي زوجة ثانية اذا تبيني اكتب لج تجربتها خبريني يمكن تستفيدين منها .. لانها مشابهة تقريبا لحالتج .. ربي يحفظج ويوفقج ويريح بالج حبوبه |
اخوي الدنيا هي زوجتي
فريق زوجي ارسينال صاير شريجي الثالث اختي لمني بشوق انا للأسف مؤ من طبعي العطاء اعطي بمقابل اما من غير مقابل فهذا شي صعب علي حاليا باحاول اطنشه كثر ما اقدر اما اللي كتبتوه فباحتفظ فيه لحين ما احتاجه اشكر جهودج اختي لمني بشوق وعسى الله لا يحرمج الأجر وزوجي مثل ما قلتي يحب المرأة القوية وعلى فكرة انا جدامه غير عن أهني تماماً أهني مكان للفضفضة اما جدامه فانا قوية ولا أتنازل ولا اسكت بس أسلوبي مباشر وواضح احتاج للف والدوران عشان اخذ اللي ابيه جزاج الله كل خير اختي لمني بشوق |
مرحبا خيتو حبيت اس\لك انتي الزوجه الاولي او الثانيه؟؟
|
سبحان الله بعد ماطلقها وتزوج احلوووت بعينة !!!
غريب أمرهم الرجال موهبة أنا أتذكرك أول مابشرتينا بزواجك بأنك مبسوطة ومرتاحة كنتِ متأكدة إنه مبسوط ومرتاح معك ؟ شكيت إنه ماخذك مثل هالرجال اللي بيأدب زوجته بثانية لييييين ماتعقل وتركد ويرجع لها حسبي الله |
اختي صعبة المنال موشرط تكون نيته تاديب زوجته الاولي بس بعض الازواج يشوف ان هذا شرع ربي ويعتبره حق من حقوقه وصدقيني بعض الازواج مايعرف قيمة زوجته الاولي الااذا اخذ غيرها
تقبلي مروري |
هلا اختي صعبة المنال اصلا لما خذاني كان يدرس فما كان فاضي للزواج
بس اعتقد المسالة حنين وشوق وان نسى اللي سوته فيه ثانيا جذي والا جذي هذا نصيبي لازم الواحد يرضى باللي الله كاتب له |
جئتكم بعد المستجدات
طبعا هالايام شلت نفسي منه وطنشته مع عدم تقصيري في واجباته امس كنا في قعدة حلوة وقلت له ان وضع البنات مؤ اوكي وان راح يأثر على مستقبلهم وكيف الناس بيخطبون بنات عايشين عند ابوهم وهو مع أمهم مؤ منفصلين عصب و تنرفز وان بناتي اللي يبيهم مثل ما هم اهلا وسهلا ما يبي بالطقاق وانتي مالج شغل في بناتي طبعا خذيته مأخذ عليه ان مالي شغل في بناته باختصار بناته راح يظلون معاي طول الدهر الشي الثاني والله أخجل ان اقوله بس في العلاقة الحميمية قمت أكرهه على اللي سواه فيني ابي طريقة اخليه يحس ان بتصرفاته وأنانيته خسرني جزاكم الله خير |
اقتباس:
الثانية : انج تغيرين فكرة انه خسرج .. وتحاولين تخلينه يشاركج في كل شيء .. موهبة حبيبتي ابيج تخلطين العاطفة مع الذكاء .. صدقيني بتجذبينه لج بقوة .. خليه يشاركج بالتجهيز للمولود من اختيار اللون والاشياء .. علشان تشغلينه وتكون بينكم لحظات حلووه تتذكرونها ( هذا الذكاء ) .. طلب هالشيء بدلع واسلوب مدح بذوقه واهمية وجوده معاج ( هذه هي العاطفة ) استخدمي اساليب التشويق والمفاجآت لانج ذكرتي انه زوجج يحب المفاجآت .. استغلي هالشيء لصالح وصالحه .. لاني مستغلة هالشيء في زوجي فلو كان مشغول قد راسه اذا ارسلت له مسج باني مجهزة له مفاجأة يترك كل شيء ويركز معاي ويذبحه الفضول .. :d وطبعا يحاول يعرف شو هي المفاجأة لكن مستحيل مستحيل اخبره .. فمنها جذبت انتباهه ومنها فرحته بالمفاجأة فاعتقد زوجج من النوع اللي الشيء المباشر ما يفيد معاه .. عليج بالحيله في ما يرضي رب العالمين ربي يسهل امورج حبيبتي ويوفقج .. ونحن دايما معاج يالغاليه |
والله حبيبتي لمني بشوق ارتحت بتطنيشه وايد ولله الحمد
بالنسبة لتجهيز للبيبي فهو رافض الحين يبي يجهز معاي بس لما ادخل بالشهر السابع بالنسبة حق امه فهي اللي تبي ان البنات يقعدون عندهم اما من ناحية أني اكلمه بأسلوب غير مباشر ان الله يقدرني أني إربي عيالي فهذا قاعدة اسويه واسوي شي ثاني ان امي وأبوي يحبوني عشان جذي اذا صارت هوشة او مشكلة رجعوني لك ما ظليت معلقة عندهم وهالشي هم مقتنع فيه بالنسبة للموضوع المهم هو مؤ معترف ان يؤذيني ويقول ان انا حساسة وهو ما سوى شي غلط انا ابي أبين له ان أفعاله هي السبب لان هذي الحقيقة ومابي اغصب نفسي عليه اخر مرة غصبت نفسي مع ان كنت تعبانة وصارت اشياء كلش مؤ حلوة ومن القهر رحت المستشفى فمابي اقهر نفسي مرة ثانية عشانه ومشكورة على وقوفج معاي وعسى ربي يهنيج |
| الساعة الآن 02:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©