منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   كرهت زوجتي لبرودها و قلة إهتمامها بنفسها(مستجدات 71 - 121) (http://www.66n.com/forums/showthread.php?t=220193)

اميرة الرومنسيه 14-02-2011 07:23 AM

اممممم مسكينه شكلها ايست من طلباتك

قول لها انا ماابغى اتزوج ولا افكر فيه لاني احبك وابغاك انتي تتغيرين وتسوين اللي اطلبه

وزي ماقال فيلينق اكشخ والبس واطلع بس لااااااااا لاتوهمها بالزواج

ويارب يسخرها لك ويسهل امورك بس عطها وقت للتفكير والتغيير يعني يمكن اسبوع تفكر واسبوع تستعد واسبوع تتغير باذن الله

نبض الدان 14-02-2011 07:57 AM

درة فعلها دليل على عدم ثقتها بنفسها بالقدرة على أرضائك وانعدام الآمان عندها
أتذكر لما قريت كتاب الرجال من المريخ والنساء من الزهرة
وقريت حاجات المرأة الست
جلست أفكر فأي الحاجات أهم بالنسبة للمرأة الشرقية<<بحكم أنه من بيئة تختلف
فاستنتجت أنها الأمان بسبب غموض الرجل الشرقي فالزوجة عندنا مو عارفة بالضبط منزلتها عند زوجها و التأكيد

ياليت بالهداوة تروحون مشوار خفيف وتكلمها بالسيارة<<تقدر تتكلم براحتها+ماتقدر تتهرب منك
وقلها إذا كنت ترضين تفتكين مني أنا ما أرضى مين لي بهالحياة غيرك لو تزوجت ماراح تكون ربعك مهما بلغت
بس أنتي ياليت تتفهمين حاجة الزوجين للمصارحة
وأعتقد مايرضيك الشيطان يدخل بيننا
وأنا لو ماشفت منك خير كان ماطلبته أنت كنت كذا وكذا وكنت أفضل مما طلبت
يمكن هرموناتك وإلا اتتظار الحمل أثر على نفسيتك
بس أنا ما أرضى حبيبتي تتغير علي

طيب خاطرها ولاترجع للبيت إلا واللي براسها طايح أزعجها لفلف بها الشوراع لين تضحك

وبلاش كل واحد بغرفة هالشيء يزيد النفور
خل الموضوع طبيعي وتعامل معه عادي

زوجي يخطي علي مو مثلك ما أخطيت ويجي عادي يسولف وينام ولا كأن شيء صار فأنا لو زعلت إلا أنسى نفسي وتروح وقفة الخاطر

الله يهديك لما فيه خير

في رجا الله 14-02-2011 08:49 AM


أنا أتابع موضوعك من البدااية , ترى حنا يالحريم لما الوحدة ينتقدها زوجها تقوله رح أخذ لك وحده ثاانية , ترى هذا الكلام من ورى القلب لكن دائما تجي على اللساان يمكن إنتصاار لكبرياء مغلوط عند المرأة في هذيك اللحظة .
زوجتك أكيد أنها فقدت أكثر من شخص غالي عليها مو أختها فقط , فعقلها البااطن يوحي لها مهما فعلنا وأنبسطنا رااح نمووت وش الفايدة , وهذه الجملة الي دائما ترددها مثل ماقلت.
أنت ماغلطت لماصارحتها بعيوبها , بالعكس هذا دليل أنك تحبها ,فيما مضى لما أقول لزوجي ليه تنتقدني يقول عشاان أحبك أنبهك لأخطائك وأن شاء الله زوجتك تتستوعب هالشي.
بالنسبة للحمل أخوي أنت مؤمن وعشانك مؤمن رزقك رااح تاخذه كاامل سواء ماال أو ذرية , فمتى ماأراد الله راح يجي , لكن لاتعتمد على المستشفياات والأطباء, أبحث في الطب البديل والحجامة والقسط الهندي علاج للتكسياات وكلها وصايا نبوية , ولاتنسى الأستغفار والصدقة بنية الحمل .وقلها تقرأ يوميا سورة مريم ورقية الحمل موجودة في النت .و30 سنة مش كبيرة , أنا جبت تؤام أولاد في 31 سنة وبمنشطاات .
وتذكر ياخوي ترى الدنيا ماتجي الوااحد على الكيف .....الله المستعااان.

حلوة المعاني 14-02-2011 01:44 PM

(تزوج وفكني)

حاسه فيها ومو معناتها يالله روح تزوج أو ماعندها استعداد انها تغير من نفسهآ للأفضل زي ماتفضلو بعض الاعضاء

ترآ لخبطة الهرمونات ومايتبعها من لخبطات تأثر بنفسية البنت ويبغالها تشجييييييييييييييييييييييع والتعامل مع هالنوعيات

يبغاله اسلوب حلوومافيه احراج مو دفش

اذا ناوي تتزوج اجل فكرة الزواج حاليا وساعدهآ تخرج من أزمتها هذي شجعها انها تغير من نفسها للأفضل

مدري كلامي مابينفهم بس الي حاس بمعاناة زوجتك من لخبطة وشعر زايد بالجسم يعرف نفسيتها زين



ورجاء ياليت تستر على زوجتك وماتشتكي لاي مخلوق عن معاناتك هذي

هنآ بالمنتدى ماعليه كلنا مانعرف بعض بس برآ المنتدى مره صعبه هذي الأمور يبغالها ستر

a.m.a 14-02-2011 02:26 PM

السلام عليكم ورحمة الله وبركاته.
لي قرابة السنتين ما أدخل المنتدى واليوم عدنا والعود أحمد.
بصراحة مشكلتك ليست صعبة أبدا هي مشكله إجتماعية نتجة عن البيئة التي عاشت فيها زوجتك ووفات أكثر من شخص حولها ومرضهم وتسلط أخوها كلها أمور تقتل الثقه بالنفس وتدمر معنوياتها وتحتاج لعمل جاد في عملية الإصلاح طبعا أنا وضعي قريب من وضعك في موضوع العمر ولكن العكس في غيرذلك- يعني النظافه عندي موطبيعية حتى أنا تنقد علي رغم محافظتي على نفسي ونظافتي ورائحتي - فأنا تزوجت وعمري 20 تقريبا وزوجتي في نفس العمر ولم تكن المشكله هنا ولكن المشكله فيأن زوجتي تربة في مجتمع لا يعرف الفرفشه والمزح وتحس أنهم مجموعة شياب رغم صغر سنهم فتعبت ولكن طوال 9 سنوات وأنا أحاول وحصل تغيير لا حظ تسع سنوات مو ثلاث أنا الآن كملت 11 سنة زواج تسع نكد بكل أشكاله ما أقول أن ما كان في أيام حلوه ولكن الغالب النكد - يحتاج لك صبر - بعد تسع سنوات بدأت تهدأ الأمور نسبيا يعني لا تحسب أني عايش في جنه ألحين .
-أنت تقول أنها لا تتحدث كثيرا وهذا كويس صدقني فلو تحدثة كان طلع في رأسك نخل لأن رأسي ينتج تمر زين من كثر القرقه عندي . شوف حاول تسلوف معها في مواضيع قريبه من دراستها من مجتمعها وجادلها فيها خالفها الرأي شوي بس لا تطول عشان ما تتهاوشون . حاول تطلعها من الوضع اللي هي فيه جو الحزن والموت والآخرة لأن هذا الشعور قد يكون له جانب مرضي بأن يحس الإنسان إنه بيموت ألحين فلا تدور حلول يجب أن تخرج من هذا المود خذها في رحله إلى عدة مناطق تغيرون جو شهر وحاول أنك تعطيها من الحنان شيء كثير بالذات لما تصيرون جالسين مع بعض كب عليها الحنان كب مو ضروري هي ترد بنفس الطريقة ثم في نهاية رحلتك روح إلى مكه إن أمكن وخذوا عمره تراها زينه .
- في خلال العمل المذكور سابقا حاول وانت جالس معها تناقش موضوع الشعر اللي في جسمها وتناقش معها وش الأدوات اللي ها الأيام طالعه جديدة في الأسواق رح وأشتر انت وياها وحده وقلها خليها تجربها طبعا هذا بشكل ودي وحنون مو بجلافه .
- موضوع الأسنان قد يكون السبب ليس في الأسنان طبعا هذا بعد ما تتأكد أشتر لها فرشاة كهربائية وأنت أشتر لك وحده وأدخلوا فرشوا أسنانكم مع بعض . أشتر مساويك بشكل دائم وعطها لك ولها .
- حاول أن تجرب الرقية الشرعيه مو عند شيخ أنت أقعد كذا وهي جالسه تخليها تحط رأسها في حضنك وتقعد تقرأ عليها مو عشان فيها مس وإلا شيء من هذا القبيل ولكن قرأت القرآن تهدىء النفس وتبعد الوسواس .
- موضوع أنها قالت لك أتزوج يا كثر ما تقوله حرمتي ولكن تعال شف وش تبي بعدين والله يا شيخ أن تنقلب ذا الهادية وحش كاسر ولا يسكتها أكبر كبير .
- شوف لك واحده في العائلة هي تحبها سواء أختك أختها قريبة لكم بشرط تكون متزوجه ومرتاحه في زواجها وتضمن رزانة عقلها مع قلتهم - ياويلي من الحريم في المنتدى بيشبون علي - وأطلب منها تنصحها ولعل يكون في ذلك خير وإصلاح للشأن .
فالموضوع قلت لك يحتاج وقت بتتعب بس صدقني راح يتحسن الوضع فأنا بعد ماكان أنا آخر شيء تخاف أنه يتركها عرفت أن الله حق وأن ما للحرمه إلا بيت زوجها طبعا تعاني من فوبيا الإضطهاد بس ربك يسهل ونحل هذه المشكله .
ختاما أتمنى أن يهدي الله سركم ووتحسن الأوضاع وتجي تشكر كل من أعطاك نصيحة تستفيد منها أما من يقول نشرت غسيلك فما عليك منهم .

غنوج وكلي دلع 14-02-2011 02:30 PM

بسم الله الرحمن الرحيم
السلام عليكم ورحمة الله وبركاته
انا اليوم قرات موضوعك مع الردود كامله
صراحه انت ........:22: لان انا صراح احب الزوج الفرفوش الي ينكت ويضحك ويلعب ها اهم شي يلعب ويتفرج معي افلام كرتون وزجي الله يهديه جدي جدا في بعض احيان يفرفش بس فرفشته ما تروقلي
والله اني زمان عن الضحك
بس اغلب الاوقات يقولي انتي تفكيرك مب ناضج مع اني افكر احسن منه
وانا اصغر منه بخمس سنين فقط بس هو من كلامه يبيني اكثرعقلانيه

يعني ما احد مرتاح
بس الي اتضحلي انك تحب زوجتك مووووووت والله يهنيكم و الي مضايقك هو انها قصره في حقك شوي وانت ما تعرف سبب ذلك فتهمت العمر في انه هو السبب
والعمر ماله اي ذنب
اول شي لازم تحط بالك الازواج ما راح يفهمو بعض الا بعد خمس سنين زواج يعني انتم توكم جدد على بعض والصدمات بينكم كثيره بس شوي شوي مع الصبر والحب وهدف التغير للاحسن
راح تكونو احسن اثنين
زوجتك من طبعها انها تلبس وتتعطر من كلامك هذا انا استشفيتو
والي يظهر انها حلوه وعمرها مو مبين عليها لدرجة انك مافكرة تسأل عن عمرها ايام الملكه
ومن كلامك كمان عرفت ان زوجتك حساسه وكانها اتعرضة لصدمه جعلتها اكثر خوف او تشائم وهو موت اختها الي اكبر منها بسنه وانت تعرف احنا بمجتمع السعوديه علشان البنات ما يخرجون وفي البيت 24 ساعه نكون قريبين الاخوات لبعض مره فلما تموت اختها بحادث يعني من دون سابق انذار يسببلها صدمه
كونها اول ما خطبتها في اول زواجكم كانت مهتمه بالعطور والبس لانك غيرت الروتين الي هي عاشت فيه بعد الصدمه بس رجعت لحالتها في انها اتحس ان الحياة مالها طعم لان الروتي رجع مثل قبل انت لازم تفرفش زوجتك
وكونك صارحتها كويس بس ان شاء الله تكون صارحتها من دون تجريح
لان احنا البشر والله ما نحب احد يطلع عيوبنا نساء كونا او رجال
فكونها قلتلك روح اتزوج هي كانها تقولك لا تتزوج تبيك تبينلها انك تحبها من غير ما تقولك اثبتلي
والله انها محتاجه حنان حول تضمها كثير حول تحتويها
مثلا
خذها بيوم ليله بفندق من الفنادق الحلوه الشيك ولا تقولها انك حاجز بفندق فأجائها
وستحمل اي ردت فعل لانك لسه في بداية تغير
علشان تخليها تجتمع مع الناس مع انها هي ترفض انها تخرج انت اعزم من اصحابك المتزوجين لا تعزم من الناس الي هي تعرفهم اعزم ناس حريمهم اول مره يشفونها وخلي زوجاتهم يجون معهم
وقبلها جيبلها لبس شيك وقلها ها ابيك احلى وحده وعلشان لا تتعبها قولها ابيك انتي تسوين الحلى والسلطات وانا بجيب الاكل من برى
وبعدي حاول انك تتغزل فيها على شان تعطيها ثقه بنفسها قبل الضيوف يجون قلها حضني مشتقلك قربي مني احضنيني وكانك محتاجلها
لو عندكم كاميرا حاول تلعب معاها تاقطلها صور وهي مو من تبها وبعدين قلها ايش رايك نخذ صوره ذكرى فرفش انت معها
حاول بعد ما يمشون تقولها صراحه كلهم عجبهم الي انتي سويتيه وقلها باقي منها صراحه لذيذ
حاول تساعدها في ترتيب البيت بعد ما تخلصون قلها انا ابغي استحمى وابيك تدعكيلي ظهري خليها لين تدخل وبحركات رومنسيا انت تعرفها تروشو سو فقط بعيدا عن اي شئ اخر لانه مكان مب حلو
هو فقط لكسر الخجل
ما يكسر خجل المرءه الا الرجل الجريء
وفي حركه مره حلوه تقدر تحسسه انك انت تحب العطور بانك تجي على انك تبي تضمها عند ما تقبل عليها بتضمها تقولها اهـ لحظه وقدام عيونها وانت ساكت روح اتعطر بعدين ضمها والله هي راح تحس
بخصوص رائحة الفم:26: مثلا وانت جالس معاها حاورها قول انك قابلت واحد وانك اتضايقة منها راحة فمه كانت جدا مزعجه انك تتضايق من هالشي وبعدي قول والله مدري كيف هذولي الي ياكلو وما يفرشو اسنانهم
ويكون في علمك راحة الفم في الغالب يكون سببها المعده اجلس معها وكانك انت وانت تتصفح في النت وجدت هذا الموضوع وهو عن صحة الفم والاسنان وقلها انا بقرواء معاكي او انا بنسدح وانتي اقرئي لي ولك
علشان يكون العلاج سهل ومهد له
وبالنسبه لشعر الي بوجها هو خارج عن ارادتها بس والله ما فيها شي لو انت بطريقه رومنسيه انت شلتو لها بالحلوه في مره والي بجسمها كله وانتو تضحكو
وكمان اعرف بنت كانت معي بالجامعه والله زي كذا شعر زايد عندها كنا نشوفها مب حلوه والله يوم راحة شالته باليزر طلعت البنت جنان وبشرتها زي الاطفال يعني ما فيها شي لو وديتها مركز متخصص
اهم شي انك تكثر انك تضمها ترا هي محتاجه الحنان والله حاول تبوسها كثير جيبلها ورود لو كل بعد فتره وانت جاي من العمل
حاول فرض من الفروض بعد كل فتره تصلي معها بالبيت وبعد ما تسلم روح احضنها بكل حب وادعي وقول الله يخلينا البعض وامسك يدها وبوسها ومن خلالها حسسها انك تهتم بنعومتها وقلها حتى لو يدها خشنه قول ابي بيدينك الناعمه هذي كاس شاي وانت حاط يدها على خدك
العب لعبه معها وقول والله انا مابي اخرج مع اصحابي مشتهي العب معاك وخلي في العب حكم للي يفوز واحكم عليها اي حكم انت تشوف انها هي تنحرج منه وانت ودك فيه وتبي تجرئها عليه
اخيرا
كلماتك معاها ومع نفسك وانت تكلم نفسك لازم تكون ايجابيه
حياتك بإذن الله راح تكون للافضل
ولازم شوي شوي تعود نفسك على انك تمتنع عن المسلسلات والاغاني
وخليها قاعده عندك ومن يتقي الله يجعل له مخرجا ويرزقه من حيث لا يحتسب في الوقت الي تضيعو في مسلسل او اغنيه حاول تفتح محاضره عن الحقوق الزوجيه واسمعها مع زوجتك راح تتعرفو على اشياء ما خطرت ببالكم او محاضره عن المشاكل الااسريه وحلها او محاضره عن الدين او خذ رأيها هي ايش تبي تسمع
وصلى اللهم وبارك على سيدنا محمد ان شاءالله اعطيت بعض الحلول
وادعولي الله يهدي سري مع زوجي وجميع الازوج
وانت وزوجتك اول ناس يارب

دي دي جعفر 14-02-2011 09:49 PM

موضوع مؤلم للغاية للغاية.

لا أحب ان اتكلم في مواضيع حساسة كهذه لخوفي من أمور شتى ولكن ما دفعني للكتابة هو

مصارحتك لها مما دفعها للبكاء .. ولحقتها أنت .. عزيزي هذا تصرف خاطئ ومجحف بحقها.

لا أتكلم بعين خبرة ولكنه الاحساس .. الأنثى لا تحب من ينتقدها ويجرح كبريائها. مهما كان فماذا لو كان ذلك هو زوجها؟


زوجتك تعاني من اكتئاب هذا يتضح من جملها المتعددة وتصرفاتها ورفضها الخروج من المنزل.

أنت بنفسك قلت هي يائسة من الحياة! .. اليأس نقيضه إنعدام الأمل.

ولعلك تلاحظ نقص الطاقة أو التعب السريع والاجهاد عند بذل أقل مجهود ممكن، ..

كيف هو أكلها وشهيتها للطعام؟

نومها ماذا عنه ؟ هل هو زائد أم ناقص أم طبيعي ماذا تلاحظ ؟ اعتبارها وتقديرها لذاتها اظنه في أقل مستوى ممكن

وما يعزز هذا أنها تشعر بذلك داخلياً، وتسألك أسئلة تدل على عدم الثقة بالنفس وتأكيد الذات.


ماذا عن سر السعادة و دوام المحبة .. هل تطلبك هي للفراش ولو لمرة واحدة؟


أنت ذكرت أن الدورة لم تأتيها. وهذا أحد محكات تشخيص الاكتئاب، ومن خلال سردك التقطت اشياء عدة في التشخيص، و أرى ان زوجتك مصابه به.

أحب أن اركز على ان المشكلة ( نفسية ) ( ثقافية ). والعلاج لن يكون إلا من خلال هاتين البوابتين مع اعترافي بصعوبة ذلك.


عزيزي المشكلة الأخرى أنك تحب الحياة بشكل واضح وهذا ما يسبب لك التعاسة أنت ايضا.


بداية التغيير هو أن تسألها بشكل ودي ولطيف ومحبب .. هل تعاني من ضيق؟


أتمنى لها ولك السعادة أخي الكريم.




ابو جـــــوري 15-02-2011 07:46 AM

اقتباس:

المشاركة الأصلية كتبت بواسطة جوهرة العطاء (المشاركة 2570477)
اعمل لها حركات في البيت طفولية الحقهخا بمسدس ماء او صد ارنب والحقها به

شكل الحركه تجنن

بالله وش بتقول ام العيال لادخلت بمسدس مويه ارشرشها فيها :rolleyes:

نجرب الحركه بس لو صار شي بحملك المسؤولية كامله
:)

نبض الخفوق 2 15-02-2011 09:52 AM

السلام عليكم ورحمة الله وبركاتة

اخوووي راعي المووووضوووع


واخواني واخواتي الي حصل منهم الردود

كلامة كلة صح تري ليش تستغربون
اولا : تهتم في نفسها في بدايات الايام وبعدين بعد زواجها بشهرازو شهرين والله ولا تدري عن نفسها

انا اتكلم وانا حرمة ام ولد وشفت بحياتي ناس بنفس قصة الاخ

صغيرة وكلة يقلون صغيرة وامانة صغيرة ماتعرف معجنون الاسنان رغم زوجها كان يدخل معها الحمام اكرمتوا ويعطيها الفرشة
انا شفتها بنت بس حق نوم وريحة غرفتها خايسة لاعطور ولا شي

بس قولي لها قوومي راح نتمشي .محد قال لي انا انصحها ولها فووق 3 سنين متزوجها والا الان تسمع من هنا وتحذفها من هنا
ولو راح تتعدل حدها سبووع وبس ومن جد تري ليية تستغروبون

العمر الي قالة الاخ كبيرة ماتعرف تلبس معقولة ماتعرف تتعطر والخ

والله الله يعينك بصررررررررراحة وقبل اي شي ياخوووي انصحك لاطلقها حتي لو هي زي ماذكرت
تزوج عليها ارحم من انك اطلقها

لانة ماتدري عل وعسي تتعدل وتغار وقت ماتتزوج عليها ولكن لاطلقها وهذا اهم شي كل شي الا الطلاق لاتفكر فية
ومع اال

نبض الخفوق 2 15-02-2011 10:13 AM

المشكلة كلامة وااااضح هو ماقال العمر كبير والاصغير ولا عارض عن العمر

يقووول مشكلتة ويوضح لكم كل زوايا مشكلتة وش الغريب وش الضحك وش هذا بجد

يبي حل يبي يرتاااح

وحالتة زي ماذكرت كثيرة وربي كثيرة

بس احسن ماسوويت انك كلمتها وقلت لها الي بقلبك وهي كذالك وجلس مرة ومرتين وعشر

ومن حقك تطلب حقك وانت رجال وماتزوجت الا وتبي الراحة
مووافق اخووووي


الساعة الآن 04:41 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©