|
شيخة البنات حبيبتي أمانة إذا جيتي وصرت نايمة لا تزعلين
أنا والله مافيني إلا كل خير ياروحي واذا قعدت من النوم ان شاء الله بكون أحسن حبيت أعلمك يابعدهم عشان تقولي يحق لي ازعل ولا لا أنا لي يضايقني ياشيخة انه يدري ان ذا شئ بيزعلني لو روحه برقم ثاني ماجابه عشان أنا اشوف ان هالفترة حساسة ولابد كل واحد فينا يحاول يصلح اغلاطه عشان نرجع لبعض واحنا مرتاحين معي حق ولا لا حبيبتي ؟ شيخة البنات ~ ذكريات لاتعيب~ بنت الحكمي~روح الطير~دلوعة مودي~ تالينا~سوسنا~ لكل من ذكرت اسمائهم والي خانتني الذاكرة ولم أذكرهم ......... ودعوة خاصة لك دلوعة مودي في ساعة مستجاب فيها الدعاء أسال الله ان يفرج همك ويسخر لك زوجك ويصلحه لك يارب خواتي لا ننسى بعضنا من الدعاء بظهر الغيب وخاصا نخص الدعاء لاختنا دلوعة بالفرج لها عاجلا وليس اجلا أحبكم كلكم انتم احبابي |
يسعد لي هالصباح على أحلى صابرة صباحج ورد وعسل وفل وياسيمين وجمعة مباركة لج يالغالية ولكل الاخوات العزيزات وللجميع ... سامحيني يا عمري على تأخري في الرد بس كنت شوي مشغوولة وما سعاني الوقت إني أدش وأرد ياقلبي لذلك بمجرد ما صحيت اليوم من الرقاد وأخذت الترويقة على طوووول جيت لج حبيبتي أول شي من جد تضايقت وزعلت لما خبرتيني بهالشي لكن ياعمري بكوون زعلانة أكثر لو خبيتي علي وعلى الأخوات اللي بقلبج احنا اتفقنا نكوون معاج وانتي وعدتينا تخبرينا باللي يضيق صدرج واللي يزعلج وثقي ياقلبي قد ما احنا بنزعل عليج وبنتضايق قد ما بنفرح لأنج خبرتينا وما خبيتي عنا شووفي يا عمري من خلال قراءتي للسالفة كلها توقعت أكثر من توقع أول شي يمكن زوجج الغالي يسوي أمور ما يتقصدها أو ربما لما يصير شي من زمان ينساه أو يتقصد يسوي جذي عشان يشوف وش بستوين يعني ما أدري حقيقة شلون يفكر ولا شو له يسوي هاللون يعني دام هو يدري إن انتي يزعجج موضوع الأرقام الجديدة وتتضايقين منها المفروض منه ما يسوي جذي لأن عارف انه ما يرضيج ! لكن هو ألحين سوى هالشي وانتي تضايقتي منه وااايد بس خلنا نفكر شووي في الموضوع من ناحية ثانية احنا أساس موضوعنا هذا ياعمري إنه سافر وما خبرج ! صح لكن نلاحظ في هالمرة إن عطاج خبر إن هو أخذ رقم بغض النظر إن هالموضوع يضايقج بس لاحظي هو حط لج اهتمام وقالج كان بإمكانه إن ما يقولج ويستعمل الرقم وانتي ما تدرين !! هذا شي يحسب له انزين شغلة ثانية بالنسبة للي يدقوون عليه يعني آنا هذي ما فهمتها يدقون عليه منو , وليش .؟ يعني عشان شغله ولا شنو بالضبط ؟؟ بس يالغالية ليش ما حطيتي في بالج إن هو ماخذ ذا الرقم وما يعطيه لأي أحد يعني أقصد رقمه ما بيعطيه لكل من الناس اللي يعرفوون رقمه القديم يمكن ما راح يقولهم عن هذا يمكن مخليه لجهة معينة يعني مثلا بس الأهل أو بس ربعه يعرفونه يعني هو عجبه و أخذه وهذا في اعتقادي إن هو ما خذاه متعمد يعني عجبه وحب يشتريه رغم إن ما يحتاجه أصلا !!! عقب لاحظت إن شي بعد زين إن لما انتي قلتي له لا تحط رقم ثاني قالج أبشري ما سواها موضوع وقال لج لا بحطه وأبيه وكيفي أو شي جذي وبعدها قالج إن خذاه لج !!! يمكن لو فكرنا فيها يمنظور ثاني يكوون جايبه لج من البداية بس قام وقالج إن شاريه له !! أقوول يمكن وهذا انتي قلتي بنفسج " اتصال عشوائي" يعني مو اتصال متعمد يسبب مشكلة و دام هو عطاج إياه يتجمل كل المسؤولية عقب شي ثالث بعد لفت انتباهي لما قلتي له غير رقمك غيره مباشرة وهمن تجيه اتصالات يعني هل هو بتعمد هالاتصالات تجيه !؟ إذا هو غير رقمه الاتصالات ما توقف فلازم نعذره شووي هو ما له ذنب إذا اتصالاته تكثر رغم إني ما اعرف بالضبط هالاتصالات من منو , وليش ؟؟! ومن حقج تنزعجين يالغالية طبيعي إذا كل شووي ويدقون كل شووي ويدقوون شي يستفز !! و يخلي الوحدة تطلع من طوورها حقيقة بس شغلة بعد لا أنساها المفروض ياحبوبتي لما قالج شفته مميز وحبيت آخذه لج ما تقولينها له بحزم : آنا ما أبا رقم اللي عندي يكفيني لا المفروض تقولينها بهالصيغة " حبيبي مشكووور إنك ذكرتني يالغالي , بس تعرفني كثرة الأرقام ما تعجبني وتزعجني ورقمي عاجبني وحابته , وما ودي يصير عندي رقمين ياحبيبي المهم مشكوورة مرة ثانية حياتي , يكفي إنك ذكرت حبيبتك " صدقيني لو قلتي له هالجملة هو بيعرف المعرووف من نفسه وبيدري إن انتي تضايقج كثرة الأرقام رغم إنه يدري وبيشوف صيغة كلامج له وصدقيني مفعولها راح يكون حلو أدري يا قلبي هالشي ضايقج لذلك انتي رديتي لا إرادياً أعرفج يا عمري حساسة وااايد فديتج الآن هو جابه لج انتي لا تحاولين تبدين معاه مشكلة ثانية بسبة الرقم أدري ياقلبي إن هالشي ضايقج وااااايد وأزعجج بس معليش حبوووبة الرقم هذا خليه عندج ولا تستخدمينه واايد آنا أعتقد إن هو عجبه وحب ياخذه لج ما أدري اعتقاد يعني أحس إنه ما كان يتعمد يزعجج عمري ما أدافع عنه بس ما ادري من طريقة رده عليج حسيت إنه ما كان يقصد يزعلج الأهم الحين خليه عندج لا تستخدمينه وايد بس خبريه من البداية ومثل ما اتفقنا بدلع وكلام عسل مثلج ياعسل " حياتي الرقم آنا باخذه لعيوونك لكن ياقلبي مدري ليش خايفة إن يجي اتصال ويزعجبني ويسبب لي مشكلة ! إنت وش تشووف ؟؟" خليه هو بوجه المدفع علشان أي شي يصير عقب هو يتحمل المسؤولية من البداية لأنج خبرتيه وهو ما اعترض أتمنى لما تقعدين من النووم اليوم تكوني مبسوطة أبيج تنسي أمس صابرة حياتي أبي منج ترمين كل شي ماضي وراج يعني شي صار أمس زعلج قعدي الصبح اعتبري هالأمر انتهى وراح لا تخلينه معلق بذهنج مهما ضايقج بمجرد ما يجي ف بالج هالشي المزعج حاولي تتجاهلين وتتذكري شي يسعدج تذكري شي حلوو وحاولي ما تذكرينه أبد لأنج جذي يتقدرين تعيشبن بسعادة حبيبتي صح كلامج قلبي الفترة هذي لازم كل واحد يصحح أخطائه علشان ما تنعاد الكرة من جديد بس معليش حياتي انتي سوي كل اللي تقدرين عليه وحاولي بين فترة وفترة التلميح الخفيف له بالأسلووب الحلو صدقيني هو بيفهم منه ومن نفسه سامحيني يا قلبي على القصوووور أدري مقصرة واايد ويااااج مثل ما قلت لج إرمي كل شي ورا ظهرج وإذا هلج قالوا لج مبسووطة قولي لهم " صليت على محمد وآل محمد" وخليج مبتسمة والله الحزن ما يناسبج حبي جعله الحزن ينساج وجعل السعادة ملفاج حبوبتي وحبوبتنا اليوم هو آخر يوم في السنة وباجر السنة الجديدة أول شي وقبل كل شي كل عام وانتي بألف ألف ألف خير وصحة وسلامة ربي من واسع أبوابه ومن عالي سمااااااه يجعل لج هالسنة الجديدة سنة خير سنة سعادة سنة مملوؤة بالخيييييير والأمل والرفاه و>>> والبنين سنة تنسج آلام السنوات الماضية سنة تعوضج فيها عن السنوات المؤلمة سنة ربي يكتب لج فيها الصلاح وينولج مرادج سنة من أحلى ما يكووون يااااااااارب العالمين وأكيد ما أنسى أهنيء باقي الأخوات وتمنياتي لكم بسنة سعيدة ومميزة وتتحق فيها كل أمنياتكم ويفرج عنكم ربي وبالخصوص " أختنا الغالية دلوعة مودي" ربي يفرج عنها ويزيل همها ويبعد كربها يااارب العالمين .... حبي لا تنسي و بدون ما أوصيج من قبل تدق 12 بالليل مسج للزوج الغالي الحبيب واتصال مع دقة الساعة أبي منج حجي حلو له دعوات حلووة له كلام حلوو مثلح ياحلوووة أبيه يسكر منج مبسووووط وفرحااااان وأبيج دووم فرحااانة ياعمري وتجين تخبريني يكرة وش يصير دايم وأبد قلبي معاج وقلووب البنات كلهم راجية من المولى العلي القدير يزيل همج ويفرج عنج ويهدي زوجج ويحنن قلبه ويحفظه لج ويحفظج له ويهديكم لبعض قادر ياكريم تحملي برووحج مع حبي |
يابعد روحي انتي بالغلا
لبى روحك وحياتك كلها جمعة مباركة يابعد روحي لا تنسين ياعمري هناك ساعة مستجاب فيها الدعاء ادعي لنفسك كما تشائين وندعي لبعض بظهر العيب والله الدعوات بظهر العيب مستجابة لن انساك من الدعاء ياحبيبتي أحبك وأموت فيك أنا مو مضايقة ياحبي دامك معي أنا بخير هي السالفة زعلتني شوي بس ميخالف صح كنت أتمنى يتفادى أي شيء يسبب الزعل بالنسبة لي يدقون عليه ربعه رجال مافي شيء ثاني يعني بعد منتصف الليل وحدة بالليل يدقون بدون حدود بالنسبة لكثر. الارقام حبيبتي قد دقت عليه وحدة ونادته باسمه وهنا أنا لفت بي الكرة الأرضية السبع لفات وحلف لي انه مايعرفها ويمكن بالصدفة لكني صدقت الحلفان ولم أصدق ماصار قدام عيني من هناك طلبت منه يغير رقمه وجلست اطلب فيه حول الشهرين وتم التنفيذ عقبها والله مو اتحكم فيه بس أبيه يسكر أي باب تفتح علينا رياحها أمس صدق تصايقت بس الحين ماعندي شئ ياروحي وماكنت أبي أقولك عشان ماضيق صدرك بس خفت تزعلين علي كل عام وأنتي الحب وأتمنى لك سنة مليئة بالنجاح والتفوق انتي انسانة فعلا رائعة أحبك موووووووووووت |
ألف الحمدلله رب العالمين الأهم إنج اليوم مبسووطة وفرحااااااانة الف الحمدلله يارب هذا اللي كنت أبي أسمعه يالله ألحين فعلا ارتحت حبووبتي قبل شووي كنت طالعة في حديقتنا إلا وأشوف المطر قاعد ينزل علينا في البحرين يالله وش كثر فرحت تدرين ليش لأن الدعاء مستجااااااب عند نزول الغيث على طول رفعت يدي ودعيت لج بالغاااالية دعيت لج من كل قلبي ودعيت لأختنا دلووعة مودي ودعيت لجميع المؤمنين والمؤمنات بالخصوص من وصونا بالدعااااء و من هم بحاجة إلى الدعاء حبووبتي انتي والله من حقج تنزعجين من كثر الإتصالات حتى لو كانوا رجال وربعه يعني الوحدة تحب لما تكون مع زوجها مب شرط في الوقت الخاص حتى لو قاعدة بس تسولف معاه وجنبه وكل دقيقة والثانية إتصال وقسم بالله شي ينرفز من جد يعني !! و من الأحسن فعلا إنه يغير الرقم انتي معاج حق لتفادي أي مشكلة أو شي يصير ومثل ما يقولون الإحتياط واجب ياخذ ثاني ولا تصير مشكلة وسالفة الله يهديه يارب و زين إنج قلتي لي لأن لو ماقلتي لي صج صج بزعل منج احنا اتفقنا وقت ما يضيق صدرج على طووول تقولي لنا ما أبيج تحزنين بروحج ولا تضايقني بروحج خواتج معاج حبايبج معاج ما أبيج تحسين بالوحدة أبيج دووم مبتسمة و واثقة إن معاج جماعة ناس عمرهم ما راح يتخلون عنج ناس منى عينهم سعادتج ما يتمنون لج إلا السعادة وكل الخيييييير ناس يحبونج حب في الله حب طاهر من دوون أي مصالح حب نقي ناس كانوا ومازالوا وبيظلون بإذن واحد أحد وياج متى ماضاق صدرج تذكري اللي يحبونج متى ما ضاقت فيج الدنيا تذركي حبايبج ربي يبعد عنج الضيق يارب انتي الأروع ياقلبي وتمنياتي لج أكيد بسنة تعوضج عن كل السنين مع حبي |
كيف حالك يا حلوتنا وحبيبتناأنا أمس مادخلت على المنتدى كنت طالعه وحاولت في اليل أدخل بس الويب يفصل عندي مدري إيش فيه المهم حبيبتي شخبارك عساك طيبه تراني أشتقت لك أنت والبنات والحين
يوم دخلت حصلت ردود شيخة البنات بصراحه روعه وتجنن من وينك ياعسل عنا من زمان ياشيخه الله يوفقك ويرزقك ويارب تنجحي بإختباراتك وتتفوقي فيها والحلوان عليه أنا أطلبي آمري جلكسي وإلا ماكنتوش وإلا فريروروشيه وإلا أي نوع تحبينه ثاني آمري تدللي أنا جاهزه ولوبغيتي عزيمه هم أنا جاهزه تستاهلين ياشيخه أحط لك حاشي والله قدرك أنت وصابره أكبر وأغلى من كذا يالغالين وأنت ياصابره ليش مضيقه خلقك علشان رقم جديد لاتضايقين نفسك ولا شئ ياعمري لو أنت ماتبينه جيبيه حنا ناخذه عنك بس لاتزعلين نفسك ههههههه الله يعينك ياصابره أنتي حساسه مره يا أختي هدي أعصابك وريحي بالك مو أي شغله يسويها زوجك تتنرفزي منها وتحسين إنه قاصد يزعلك فيها ليش ماتريحي بالك وتعيشي حياتك مع زوجك وتنسي الماضي بحذافيره أنت حاولي تتحكمي في أعصابك وردات فعلك وأنا نفسي الحين وأنت بعيده عن زوجك إنك تلعبين دور العاشقه الولهانه على حبيبها ومثل ماقالت لك شيخة البنات راسليه وكلميه وحاولي تكون رسائلك كلها حب وغرام ووله وشوق وغزل خليه مثل الزبده يسيح من كلامك وأنتي الحين موكل ما أتصل فيك وقال لك سالفه تردين عليه ناشف وتبينين له إنك زعلانه لا يا قلبي هاذي الطريقه ماتصلح أبد ولا رايحه تفيدك بشئ بالعكس بيصير ماعاد يقول لك شئ وحتى إتصاله بيخف عليك وزوجك قال لك على الرقم على أساس ماتزعلي مثل سالفة السفرفحب يقول لك عن الرقم علشان ماتحطي في خاطرك منه صابره زوجك يحبك ويبغاك بس مو عارف إشلون يرضيك وأنت بعد تحبينه وتموتين عليه وأنا بسألك ياصابره الحين طول هاذي المده عند أهلك ما تحسين بشوق وحنين لزوجك أكيد إنك مشتاقه له ولشوفته بس تقولي ما أقدر الماضي يحاصرني ما أقدر أحس إني نفسي متحطمه داخليا وبعد خايفه من المستقبل حبيبتي صابره أنت إنسانه مؤمنه بقضاء الله وقدره ومايصير عليك شئ إلا اللي الله كاتبه لك لاتخلين الشيطان يحبطك ويحبط نفسيتك بوساوسه عليك ما أحد يعلم بالغيب إلا ربنا عزوجل أنت حطي أملك بالله كبير وعلقي قلبك ونفسك برجاء ودعاء الله خالقك سبحانه وتعالى وربنا عزوجل ماراح يخيب ظن عبده به أنت الحين لورجعتي لزوجك وش يدريك ياصابره يمكن ربنا يكتب لك السعاده في رجعتك هاذي لزوجك ومايدريك يمكن حياتك تتغير وتكوني أسعد إنسانه في حياتها الزوجيه أنا لاحظت عليك أشياء كثيره منها إنك عصبيه وحساسه جدا وماعندك صبر أو إحتمال للأموروعندك فقد الثقه بالآخرين وتحاسبين نفسك بكثره على تصرفاتك وردات فعلك السريعه . وفي نفس الوقت مع عصبيتك قلبك طيب وحنون وعندك مشاعر فياضه أنت مثل الشخص إللي ينقال عنه الكلمه إللي بقلبه على إلسانه لاكن مشكلتك عدم ضبط النفس وقت وقوع المشاكل وإحساسك بالظلم الذي يقع علىيك وتصيري تعصبي وتتنرفزي وتصدر منك ردات فعل قويه وكلام تقولينه حتى من غير ماتحسي فيه أنت إنسانه طيبه وقلبك نظيف ياصابره ولازم إنك تحاولي بقدر المستطاع بالتحلي بالصبر والرويه وهدوء الأعصاب وضبط النفس عند وقوع المشاكل وأتركي لنفسك مساحه لتفكير قبل ماتقولي لزوجك أي كلام أوردة فعل في أي مشكله تحصل بينكم وأتركي التسرع بالرد أثناء وقوع المشكله لاتردين عليه إلا بعد ماتفكري بكلامك إللي تقولينه له بعيدا عن العصبيه والصراخ حتى تقدري تسيطري على نفسك وتنجحين في حياتك الزوجيه وتتعودين على هاذا الأسلوب بالنسبه لزوجك أنت خليه وقت ما يقارن بينك وبين زوجته أو يذكرهابشئ عندك أنت أتركيه ولاتعصبي بالعكس أبتسمي وأضحكي وقولي له الله يعيني وأسعدك مثلها وأرضيك ياأحلا زوج بالدنيا كلها شوفي أنا الحين مشغوله شوي جايتني جارتي مسيره أرجع لك باليل إن شاء الله تعالى وأسأل الله في هاذا اليوم المبارك أن يجعلك خير زوجه لزوجها وأسعد زوجه في حياتها وأسأله عزوجل أن يألف بين قلوبكم أنتى وزوجك ويصلحكم حق بعض ويارب إن بعد رجعتك هاذي تحملي وربي يرزقك طفل أو طفله تملأ عليك حياتك وتنسيك هموم الدنيا وما فيها وتنسين في وجودها ماضي الآلام والأحزان الله يشرح صدرك ويفرح خاطرك ويعطيك ما تتمنينه بحياتك ويسعدك ربنا سعادة لاتوصف ويحفظ لك زوجك ويجعله لك قرة عين ويجعلك له كما يتمنى وأسأل الله أن يسعدكم ويهنيكم ويزيد محبتكم في بعض وتعلقكم في بعض ويجمعكم على البر والتقوى والصلاح وصفاء ونقاء القلوب في ما بينكم اللهم آمين . |
يووووه ياروحي بيج البحرين ركض
يافديتك وفديت البحرين إلي انتي فيها عشقت البحرين ياناس عشان هالبنوتة الله يجعله سقيا خير وبركة بعد روحي انتي أحبك أحبك أحبك خلاص ياروحي أنا نسيت السالفة أو بالمعنى الصح تغاضيت عنها خليني فرحانة ومبسوطة فيك ياحبيبتي أول. ماكلمني قالي جمعة مباركة قلت الله يبارك فيك حبيبي شيخة أمووووت فيك ياحبيبتي سلبتيني بحنانك وذوقك بيج البحررررين ونادي بصووووت عالي أبا شيخة البنات ودوني عندها وأنتي راح تسمعيني بروحك وتجيني ع طول وقسم بالله أحبك الله يخليك لي يارب ويحفظك لأهلك وناسك ويرفع رأس والديك فيك ويحفظهم لي ربوك ونعم التربية والله |
أم سلطان يابعد هالدنيا
انتي تحبين شيخة البنات أكثر مني »» تغار بقوة لا يأم سلطان حبيني أنا لوحدي بس ههههه يأختي أموت غيره مابي شيخة حبيبتي تأخذك مني ومن مايحب شيخة والله زي العسل وتنحب بدووون تفكير ولا تاندي ياحظ جارتك فيك يأم سلطان ليتني مكانها يمكن انطق عندك في بيتك وماعاد اطلع يأم القلب الكبير يالطيبة يا المعدن الأصيل أحبك يابعد روحي يووه قلبي كم مشغول بحبكم كان زوجي لوحده بقلبي الحين قلبي صار فيه حبكم وانشغل فيكم أم سلطان والله أسمع كلامك يابعدهم تصايقت شوي من باب حرصي ع انه تصير مشكلة بس. من صحى تكلمنا ونسيت السالفة أبشري بعزك يأم سلطان والله عمر كلامك ولا كلام الاخوات ماراح هدر انتم احبابي وهلي وناسي انتم هدية ربي لي له الحمد بلا عدد شيخة حبيبتي انتي بعد لا تحبي أم سلطان أكثر مني ههههه لاتاخذك مني أم سلطان يإشيخة تراها تسحر القلوب وأنا أولهم رحت وطي أم سلطان روحي يالطيبة أسال الله ان لايرد لك دعوة بهاليوم »» غارت من جارة أم سلطان |
اشكر كثيرا ومدينة بحياتي لهذا المنتدى العظيم الذي جمعني بناس فوق الخيال
فو الله الذي يقرأ كلامي سواء مسجل بالمنتدى أو يراني خلف الكواليس أقول انكم أكبر هدية بعمري كسبت قلوب طيبة نظيفة طاهرة تدعي لي وأدعي لهم بظهر الغيب ما احلى الحب في الله يأخواتي ماتتصورون شقد فرحتي فيكم أسعدتوني بحياتي كنتم معي بكل همومي واسيتوني بحزني لن انسى وقفتكم معي بقلوبكم وعقولكم الله ياربي لك الحمد كم أنا سعيدة إشكر كل القائمين ع المنتدى من ادارة ومراقبين وشخصيات المنتدى الرائع لن أوفي لو ربع أرباع ماقدمتم لي فليس لي والله إلا الدعاء لكم وأسأل الله في هذا اليوم {الجمعة} ان يجمعني واياكم بالجنة |
الله يحييك ياصابره وياليتك جارتي وياليت إني أتعرف عليك بس أبشري أسأل الله تعالى أن يجمعنا في يوم لاظل إلا ضله وينادى بإسمائنا أين المتحابين في الله يارب تجعلنا منهم وتجمعنا في من أحببنافي هاذا المنتدى الطيب أقول صابره إبتدينا بالغيره هااااه أصلا أنا لو بلف المنتدى كله من وين ألقى مثلك وحده تعصب وتهدى وتسامح بسرعه وقلبها حنين تذكري موضوع أختنا كويتيه30لحد الآن أتذكره وأذكر واسطات الأخت شقرديه الله يحفظها ويستر عليها كنت كل ما أقرأ لك رد أقول خلاص صابره شكله بينفجر لها عرق وترح علينا وجالسه أحاتيك وأفكر فيك وبصراحه يوم دخلت وشفت الموضوع تقفل أرتحت شوي وأقسم بالله إني يوم شفت موضوعك هاذا فرحت تدرين ليش علشان أتواصل معاك لأني لودخلت هالمنتدي وما شفت معرفك أحس المنتدى فيه شئ ناقص ومايكتمل هالنقص إلا بوجودك ياقلبي أنت والله إني أحبك وأعزك وإنك بحسبة وحده من أخواتي وإعتذارك هنا في هاذا الموضوع الآن دليل طيبة قلبك وصفاء نيتك ومعدنك الطيب والأصيل وتراني زعلانه عليك أنت غرقتيني كلام ومدح أحيانا أقرأ وأستحي أناظر شاشة الجوال و ا تلفت حولي خشية أحد يشوفني وأنا مستحيه من مدحك لي تراني أنا ماقدمت شئ لك سوى بضع كلمات ودعوات من أخت لأختها الحبيبه
وكم حنا عندنا صابره الله يحفظك ويزيح عنك الهموم والأحزان يارب ويجعلك أسعد زوجه بحياتها ومع زوجها إن شاء الله تعالى . |
يسعد لي صباحكم يا حلوووين كل عام وانتووا بألف خير الغااااالية أم سلطان يا بعدي والله << غاااااااارت صابرة هههههههههههههههه حبيبتي انتي ما قصرتي والله كلامج هذا كبييييير في حقي والله إني ما أستحقه و أشكرج من كل قلبي على هالدعووووات الحلوووووة ف حقي ودامج انتي مصرة على العزيمة آنا طبعا ماعندي مانع لكن عندي شرووط:25: << طراراة وتتشرط ههههههههه أبي الحلووة صابرة تكوون معاااااااي بعد ما يصير آنا اروح وهي مب معاي لازم تكوون وياي بعد عمري و ما أبي أتعبج يالغالية بغيت بس شاي أحمر << ياكثر حبي للشاي الأحمر " حتى أهلي دايم يقولوا لي انتي يا اما مصرية يا اما شامي ليل ونهار على هالشاي ههههههههه وبغيت باونتي وايد أحبه وشوفي حبيبتنا صابرة وش تبي ما تقصرين والله يا ام سلطان على راااااااااسي والله كلامج كله درر وعين العقل ربي يحفظج ويحفظ لج سلطان واخوانه والغالي ابو سلطان و شاكرة لج بعد وقوفج الدااااائم مع حبيبتنا ونور عيوننا صابرة الغالية ترى وجودج بجنبها وكلامج لها عطاها دااافع قوووي وكبيييير ربي يجزاج الجنة عزيزتي وعسانا ما ننحرم من طلتج يووم يااااارب إي وبالنسبة للعزيمة هالمرة عليج المرة الجاية علي آنا هااا بسويلكم وليمة وبذوقكم الحلوووى البحرينية وبلفكم بالبحرين تنوورون والله ربي يخليج يا ام سلطان تراج من صج غالية وصابرة تحبج كثييييييييييييير وتغليج أكثـــــر وفعلا لو لفيتي المنتدى كله ما بتلاقين مثلها ف طيبها وأخلاقها وقلبها الأبيض وحلاتها بعد عمري تستاهلين كل الخير ربي يحفظج إي قبل لا أنسى سلمي على جارتج وقولي لي لها : يقولوا لج البنات " يا بختج فينــــي":22: ودي |
| الساعة الآن 02:37 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©