|
اقتباس:
الله يجزاك خير حبيبتي ... ووحشتيني والله ! منذ فترة لم أتجاذب طراف الحديث والدعاء معك .. لي .. ولك الله غاليتي ... وما قصرتوا .. |
هلا و غلا ام فهد..طمنيني عنك؟؟ حتى انت لك وحشة..
ان شاء الله تكونين مرتاحة..و اولادك كيفهم ان شاء الله بخير..؟؟ كيف نفسيتك..؟ اتمنى اني ما اكون ازعجتك بالسؤال..؟ و الله يفرجها عليك.. |
اقتباس:
ويملأ حياتك بالبهجة والفرح والسرور دوما ً ... ويرزقك عوضا ً عنه عاجلا ً غير آجل ... كما تفضلتي ُأخيتي ... مابين طرفة عين وانتباهتها يغير الله من حال ٍ الى حال ... ولكن هذا لا يعني بأني أتخذت موقفا ً مغايرا ً لخطوتي التي سأقدم عليها فأنا على ماأنا عليه ... ولن أتردد ... ولكن واقع الحال لا يمنع من ذكر بعض محاسنه والتي أعتبرها او قد تعتبرها أيّة عضوة أخرى أو زوجه أشياء لا تعدوا كونها من أساسيات الحياة الزوجيه ... في كثير من الأوقات تجبرك الظروف على اتخاذ قرار عملي .. لا تشوبه العاطغه ولا تؤثر فيه الذكريات .. أعترف ... اني داخليا ً أحن أليه وأشتاق رغم قسوته وجبروته وظلمه .... وهذا حالنا معشر النساء !!!! بالرغم مما نعانيه ونقاسيه فإننا لا ننسى العشرة بسهوله !!! جزاك الله حبيبتي كل الخير ... وأعتذر أن كنت قد سببت لك الأحباط بكلامي ... جزاها الله خير ليتني أسلى اللي رفعت معنوياتكم شوي |
الله يفرج همك وينفس كربك
بس غريبة للحين ماسأل يمكن هو عارف وش ناوية عليه فقال خليها تجي مني أحسن وأحمدي ربك مداموا عيالك معك حتى لوتسلط وأخذهم مصيره بيمل منهم ويرجع لو كان قصده إذلالك لكن إذا شاف مافي نتيجة وإن صامدة رغم الذل والله بيرجعهم صدقيني مايتحمل الصغار إلاأمهم خصوصا إذا فقدوها وقاموا يصايحون يبونها وياما عرفت ناس من أقاربي أخذهم أبوهم من عند الباب عشان يغيظ أمهم لكن تدور الأيام ويجيبهم وهو صاغر إصبري واحتسبي وقوي قلبك لو صارت مثل هالمواقف خليها في الحسبان وربي أبد مايضيع أجر الصابر وقلوبنا معك |
اقتباس:
وبالعكس ,, سؤالك دليل حرصك وإهتمامك ... والحمد لله كلنا بخير وبفضل من رب العالمين .. نفسيتي ... والله خايفه بعض الشيء من المواجهه ... خاصة اني سمعت انه راح يجي بعد الأختبارات يعني بعد اسبوعين من الآن ... والله يستر ... بس قررت أني ما أشوفه ولا أطلع له ... راح أخلي الكلام بينه وبين أبوي ( كلام رجال يعني ) والأولاد راح أخليهم يشوفونه أكيد ... مهما كان أبوهم .. ولو اني خايفه من تبعيات شوفتهم له لكن الله المستعان ... الله يفرج علي وعليك .. ويردكم لديار العز قريبا ً عاجلا ً ياااااارب ويكفيكم شر ّ خلقه .. |
حبيبتي ام فهد..
الله يكتب لك ما فيه الخير... انت انتظري حتى يأتي ..لتعلمي ما سيحدث.. و انا متفائله خيرا..و ان شاء الله لا يحصل الا ما يسرك... و دعواتي لك بالخير..و اذكريني دائما..بدعائك..و الله يفرج كربتنا .. ما تدرين قديش مليت من القرف اللي انا فيه.. لكن الحمد لله الله ينصرنا عليهم... و يعمي بصيرتهم .. اعذريني خرجت عن الموضوع..لكن حبيت افضفض,, و الله يسعدك |
اقتباس:
الله يجزاك خير حبيبتي ... وصدقيني هو مو داري عن شيء ابدا ً ... ومو غريبه ما يسأل ... ترى هذا طبعه! لازم كل شيء يجي مني ... هو مايتنازل أبداً .... مستحيل يسأل إذا ما سألت مغرور جدا ً وشايف نفسه) وسبق وناقشته العام الماضي في نفس الموضوع ... وقال هذا واجبك .. قلت له طيب افرض اني تعبانه او صاير لي او للعيال شيء ... ماتسأل عنّا ؟؟ قال مو جايكم الا العافيه ... قلت طيب انا اللي مسافره يعني من المفروض انت اللي تدق ... ورفض وماأعجبه كلامي ... عموما ً .. مثل ماقلتي غاليتي ... الحمد لله عيالي معاي ... وراح أكون قويه بالله قبل كل شيء .. والله يعينّي على الجاي ...لا تنسيني من دعائك تكفين .. |
اقتباس:
الله يسعدك ويفرج كربتك انت وزوجك ... والله اني أدعي لك دائما ً .. وان شاء الله ربي ينصركم على من عاداكم .. وخوذي راحتك حبيبتي ... وش فايده الصديق الا انه يكون بوقت الضيق مع صديقه ... وياليت بيدي أهوّن عليك أو أساعدك ... كلنا .. مابيدنا الا الدعاء لك ... عسى الله يتقبله منّا .. انه سميع مجيب |
أخيتي الغالية أم فهد
صار لي زمان وانا اتابع قصتك وادعي لك ان ربي يفرج لك ويكتب لك اللي فيه صلاحك وصلاح عيالك ذكرتني مأساتك بمعاناتي قبل الانفصال تقريبا مثل المراحل اللي مريت فيها كنت مثلك خايفه متردده أفكاري مشتته حاليا مافي مجال اني اسرد واقول قصتي ربي ييسر أمورك وينور بصيرتك ولي عودة بإذن الله |
ام فهد يالغاليه تراني معك قلباً وقالباً وان شاء الله ارد عليك الليله لاني مسافره وسادعي لك بالسفر ساعة الاجابه وانت كذلك اختي انتهزي ساعة الاجابه وان شاء الله ستحل مشكلتك بحول الله وقوته واكثري من الاستغفار اختي فانت لاتستحقين الا كل خير اختي الله يفرج همك ويجعلك من كل ضيق مخرج ويجمع شملكم على خير همسه زوجك يحبك |
| الساعة الآن 01:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©