|
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
|
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
جزاك الله خير .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
روح اللي قالته لك أختنا القديرة الصائمة لله بعدم اطهار الرضا عنه والتزام الصمت حاليا صحيح جدا واياك تظهرين العكس لانك بمجرد ما تتكلمي وتخلقي الحل وهو يقولك طيب موافق فبالنسبة له الموضوع منتهي وما راح يحاسب نفسه ولا ذرة زيادة لانك تكوني بتصرفك أخرجتيه من دائرة مراجعة نفسه ومحاسبتها الى دائرة الحل اللي أنت اخترتيه مو هو فبالتالي راح يستمر بعدم التفكير فيما يجب عليه فعله كزوج ورب أسرة انت للان ما استقريتي نفسيا وأكثر من مرة توصلين معه بشكل عاطفي للمسامحة وترجعين تنقلبين وهذا طبيعي انقلابك ما راح يتقبله وراح يقولك خلاص احنا تفاهمنا ليش ترجعي تفتحي الموضوع ؟ هو صامت وانت تقولين كل ما عندك وهذا غلط الكفة الان في صالحك وهو في الموقف الاضعف اذا فعلا تحبينه وتحبين أطفالك وتبين حياتكم تستمر جمدي قلبك شوي وطبقي اللي قالته الصائمة لله في الوقت الحالي الله يفرج همك |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
أنا انتهيت .. بس لو تعاتبوني .. مو تعاتبوا و خلاص .. أعطوني حلول .. . . قبل شوي ، تكلمت معاه و عاتبته من جديد .. كنت جالسة و زوجي رجع من برة ، و جلس جنبي .. ولدي الصغير ( غار ) و جاء لصق بأبوه .. أخدته و وديته عند الشغالة عشان كنت ناوية أتكلم معاه شوي .. شوي جاء ولدي الكبير و ( غار ) و لصق في أبوه .. قلت له ،، حبيبي روح شوي و قفل الباب .. بأتكلم مع بابا .. زوجي ضحك و قال ( الإثنين غيااااارين زي أمهم ) .. قلت له ( لأ .. ما عاد أغار عليك ) ( أغار على إيش ؟ ) و حطيت عيني بعينه و هو فهم .. و انفتح الموضوع .. . . حكيت له على موقف حصل بيني و بينه .. كان جالس بالصالة و الجوال بيده في رمضان ،، سألته بس مزح .. غريبة اهتمامك بالجوال ؟ فجأة طرطع و قال ( هذا إنت عجب ، و غصب عنك ترضي و كلاااااااااااام ) .. قلت له وقتها ( يعني عادي تكلم و تضيف بنات ؟ ) . . قال لي أنا قلت كذا ؟؟؟؟؟؟؟؟؟؟؟ قلت له ( إيوة ) حتى صرخت علي بدون سبب .. و قلت لي ( إيوة ، اعمل علاقات و أكلم بنات غصب عنك .. و ما راح أخاف ) و وقتها قلت لك .. ( اللي يريحك ، و ما راح أنكد عليك و لا أسألك .. بس تأكد إنه ربي اللي راح يكشفك و من غير ما أدور وراك .. وقتها لا تتوقع إني راح أسامحك ،، و بيكون آخر يوم تشوفني فيه و تسمع صوتي ) قمت طنشتني و قلت ( إنت عجب ) و جالس دحين تقول المشاكل بسببي ؟ كنت تدور لنفسك عن أي سبب .. انفجع وقت ما مثلت له ، كيف عاملني وقتها و كيف صرخ علي .. و كيف سكتت و ما رديت عليه .. . . قال لي ( مو اتفقنا نقفل عالموضوع ؟ مو أنا تغيرت معاك و بست راسك و راس عمك ؟ مو وعدتك بالتغيير ؟ ) . . فكرته بالصورة ، وقت كان يصور الصورة .. و بعدين يوم سألته ( قام انفجر و طرطع ) .. قلت له ( ما كان معايا حق وقت قلت لك بتصور نفسك عشان ترسله لصاحبتك ؟ ) و قمت طرطعت و انفجرت علي ، و أنا كنت صادقة وقتها و طلعتني أنا الغلطانة ؟ و جلست تفطر و تاكل لوحدك و طنشتني و عملت حالك زعلان .. و خرجت برة تكمل كلامك بالسيارة ؟ و وقت طلعت أنا عشان أقول لك وديني السوق مخنوقة ، شفتك مشغول بالجوال تكتب بالواتس .. قلت لك ( هاه ؟ بتفضفض لصاحبتك كمان ؟ ) مين وقتها اللي كان غلطان ؟ جلس ساكت و يبغاني أقفل الموضوع نهائي و أنسى .. . . قلت له ( غصب عني ، ما أقدر ) إنت حط نفسك مكاني ،، . . محتار تتمسك بزوجتك حبيبتك ،، و لا تعاقبها عشان خرجت معع رجال غيرك و جلست معاه بمطعم ؟ إيش بيكون احساسك وقتها ؟ و إيش الشي اللي راح يغفر لي وقتها عندك ؟ . . قال لي و الله حاس .. بس برضو ما أتحمل كل مرة تفتحي لي السيرة .. إيش فايدة اعتذاري لعمك ؟ . . قلت له اخر شي اليوم .. إنت ما يرضيك إني أجاملك و أضغط على نفسي .. لإني كل ما قربت منك أكثر بالفترة هذه، كل ما افتكرت إنك استرخصت نفسك لوحدة ( رخيصة ) .. و نزلت مستواك للقذارة .. و غصب عني ، استحقر حالي .. و بعد كذا انفجر .. . . عشان كذا ، اتركني فترة ( أنام لوحدي في الصالة ) .. و لا تضغط علي .. و لا تنتظر مني أي شي أقدمه لك .. راح أحترمك ، و ما أزعلك ، و لا أنكد عليك ، و لا أطفشك .. لا تنتظر شي تاني مني .. إنت بتعاملك الجديد ، و بأسلوبك الجديد ،، ممكن تنسيني اللي حصل .. ممكن ترجع كل شي بنفسك .. . . قال لي ( خلاص أنا أنام في الصالة و إنت نامي في الغرفة ) .. . . قلت له ( معليه ، إنت نام مع الأولاد .. و أنا محتاجة أنام لوحدي .. راح أنيم الأولاد بنفسي و أجيبهم عندك .. بس أنا بحاجة إني أجلس مع نفسي ، عشان لا أنضغط زيادة ) .. . . قال لي ( اتفقنا ، بشرط ما تجيبي السيرة هذيك ،، لإني بأتضايق .. و قلت لك ندمان ) . . قلت له و المصاريف و المسئوليات ؟ قال لي تبغيني أعطيك 500 كل شهر و إنت تقضي للبيت ؟ . . سكتت و ما قلت شي .. لإنه راتبه 3800 .. يعطيني 1500 .. 1000 إيجار البيت ، و 500 السيارة .. ( و أصلا تنصرف عالبيت ، يعني ما أخدها لنفسي ،، بس إني كنت أحسسه بالمسئولية ) .. طيب لو يعطيني 500 للبيت .. كم يبقى له ؟ 1800 .. . . راح دحين بيجيب أكل من برة ، لإنه الخميس متعودين نخرج ناكل برة .. قلت له ، أنا أدفع الأكل من برة لإني ما طبخت اليوم .. و فلوسك اشتري بها دجاج و موية و مقاضي للبيت ( ما رضي ، و قال معايا ) . . هو الصراحة آخر سنتين ،، إذا كان معاه فلوس .. ما يرضى ياخد مني .. . . قلت له : حبيبي ما قصدت أضايقك بكلامي ، بس حسّ بيا .. الكل يقول ( زوجك إنت بسبب دلعك له ، خربتيه .. حتى أختك مرة قالت لي إنت دلعتيه و دلعك يخربه ) .. . . قال لي ( حاس و عاذرك و فاهمك ) . . بس اتفقت معاه ، يتركني أنام في الصالة لوحدي .. و هو بتعامله الجديد ، و تغييره .. بيرجع كل شي مثل ما كان .. . . هذا آخر شي حصل .. و بأستمر كذا .. و أخذت نصيحة أختي الصائمة في عين الإعتبار .. و حاسة كذا إني مرتاحة و راضية عن نفسي .. . . |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
خلااااااااااااااااص
زوجي وعدني ما يدخل أبداً .. قلت له ، إنت مو البلياردو عالمك الخاص ؟ أنا هذا هو عالمي الخاص .. . . و قال كنت أحسبك تبغيني أدخل ، بس وعد ما أدخل و لا عاد تشوفي بجوالي فاتح عالمنتدى هذا دام إنه الشي هذا يريحك |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
:* |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
روح .... الف مبرررررررررررررروك رجوع زوجك لحياتك بحلته الجديده... الف مليوووون مبروك تلك الفرحه التي غمرت قلبك.. الف مبروك ذلك الانتصار المبين على تلك الشيطانه التي كانت ستدمرك "بخوفها الكاذب" عليكي وعلى اولادك.. الفيين مبروك "اعادة الهيكله" الصحيح لبيتك وشؤونه... مبروك ومليون مبروك للبرهان الأكيد والدليل الساطع على حب زوجكي لكي ... مبروك ياروح .. فقد وصلت عيدية أمك رحمها الله لكي في المنام وفرج الله همك وعوضكي خيرا وهذا الخير بشرتكي به امكي في العيد .. فهي علمت ما حدث لكي قبل ان يحدث وسمعتكي واحست بكي .. وبشرتك بالفرج أنه سيأتي .. وأتى .. سبحان الله
روح .. أهنيكي .. حبيبتي .. تلتي ما تريدين .. وستنالين مع الأيام .. وسترين ... الله كريم وادعيلي حبيبتي |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
دحين أجاوب على أسئلة الأخ البليغ
معليه دحين شفتها |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
انا اتفق مع رأي سيدة الموقف تماماً |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
سيدة
ما أظن بيدخل ، أنا لو كلمته بهدوء و طلبت منه بالذوق .. ( بيكون عند وعده ) .. هذا اللي أعرفه عنه .. . . و لو دخل ( ما يقرا ) .. و لو ( قري ) ما يركز .. يكره القراية و ما يحب التفاصيل .. ملول .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
الصراحة زوجك ممكن يرجع انسان تايب ومثالي خاصة انه شكله عاطفي ويتأثر بسرعة
ورجوعك للبيت ونومك بعيدا عنك رائع واكملي طريقتك معاه في التعامل حتى ينبه ضميره اكثر ولاتكثري الكلام معه فقط اخذ وعطاء ورسمي ولاتخرجي معاه نزهة وخلاف ذالك حتى تستقر امورك لاتفرطي في بيتك وزوجك الله يجمع بينكما على خير واستقرار |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
يكره القرايه و ما يحب التفصيل الممل صحيح... بس الأمر هني يتعلق فيه... و لا تظنين انه ما راح يقرا شي...
فعلا الأفضل استشاره خاصه مع اختنا الصائمه... |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
الله يسترك ويلطف فيك
الرجال مالهم امان الا ما رحم الله انصحك نصيحة عن تجربة علقي قلبك بالله فقط اهداء خاص لك من الكاتبة احلام مستغانمى .أطيلي صلاتك حتى لا تعودي تنتبهي إلى من سرق قلبك ،إن كان أخذه أم رده كلما أقبلت على الله خاشعة، صغر كل شئ حولك وفي قلبك .فكل تكبيرة بين يدي الله تعيد ما عداه إلى حجمه الأصغر تذكرك أن لا جبار إلا الله .......وأن كل رجل متجبر حتى في حبه هو رجل قليل الإيمان متكبر .فالمؤمن رحوم حنون بطبعه لأنه يخاف الله ،ابكي نفسك إلى الله وأنت بين يديه ،ولا تبكي في حضرة رجل يخال نفسه إلهاً .يتحكم بحياتك وموتك ويمن عليك بالسعادة والشقاء متى شاء .البكاء بين يدي الله تقوى والشكوى لغيره مذلة هل فكرت يوماً أنك غالية على الله؟ اسعدي بكل موعد صلاة .. إن الله بجلاله ينتظرك خمس مرات في اليوم وثمة مخلوق بشري يدب على الأرض يبخل عليك بصوته .وبكلمة طيبة .ما حاجتك إلى صدقة هاتفية من رجل ،إن كانت المآذن ترفع آذانها من أجلك وتقول لك خمس مرات في اليوم إن رب هذا اليوم ينتظرك ويحبك |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
|
رد : محبتكم روح الطير..محتاجتكم [ مستجدات بالرد 30 - 31 - 34 - 288]
ربي يسعدكم ويهنيكم ببعض ويبعد عنكم اولاد وبنات الحرام ويحفظ لكم اولادكم من كل شر ,,
فرحت كثيييرا برجوعكم لبعض حبيبتي ربي يوفقكم بحياتكم الجديده |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
أخوي كل شي ..
بإذن الله بأكتب ،، . . أخوي البليغ .. 1) هل هناك شيء عميق بداخلك تخشين من فقدانه لو استمريت في أسلوب التعامل بالحزم معه؟ الصراحة ، أهل زوجي أسلوبهم ( الحزم ) .. و هذا سبب هروب زوجي منهم و هروبي أنا أيضاً .. و على قد ما حاولوا إنهم ( يرجعوه و يكسبوه ) .. كل محاولاتهم فشلت .. لدرجة ( أبوه ) يبكي قدامه .. و زوجي ما يتأثر .. و وقت ما زوجي جاء بيتقدم لي ، سألوا عني في العمل .. أخته راحت مرتين و سألت عني هناك ( صحبات أخوته يعرفوني ) ، قالوا لها كلهم عني : ( إنه يا بخت أخوكم ،، لإنها جدا حنوووووووووووووووووونة ،، بس خسارة فيه لإنها تستاهل أفضل منه ) هذا اللي قاله لي وقت الملكة .. و ركّز كم مرة ، على كلمة ( حنووووووونة ) .. قال لي أول ما سمعت إنك ( حنونة ) .. قلت ( أبغاها ) .. و كان دايم يقول لي بفترة الملكة .. أنا ما عمري لقيت الحنان ،، و لا عمري تدلعت .. و أمه كمان قالت لي ، إنها دلعت الكبير و الصغير .. بس زوجي ما تدلع .. فزوجي لقي عندي ( اللي يبغاه ) .. . . بس إيش اللي خرب ما بيننا ؟؟؟؟ و خلاني ( انقلب ) عليه ؟؟؟؟؟ إنه ما قدّر ( تعاملي الطيّب معاه ) .. و ما كان عارفني ببداية الزواج ، شافني ( طيبة و حنونة ) معاه .. حسبني ( غبية ) و ينضحك علي بسهولة .. و حسيته يستغل طيبتي معاه .. رحنا برة ، و بدأ ينكشف أمامي ( إنه انسان كذاب ) .. . . عاقبته الصراحة ، لإنه ( غير صريح ) .. عاقبته بإني تغيرت عليه ، و بديت أقسي عليه .. كان يوعد و يخلف وعده ، لحددددددد ما تغيرت و صرت أقسي عليه بقوة .. هو ندم ، و بدأ صار يصلح عيوبه .. و يوعد إنه يتغير .. و أنا مستمرة بعقابه ، لإنه كل مرة كنت اكتشف إنه ( مازال يكذب ) .. و ما كنت واثقة بإنه ( ممكن يتغير ) ، لإني كنت خلاص تعودت إنه يوعد و يخلف .. . . بس كان صادق بوعده ، و تغير كثييييييييييييييييييييييييييير .. و كل أهله يشهدوا بتغيره للأفضل .. . . أنا كان من المفترض إني أرجع أعامله ( بحبّ و حنان زي زمان ) .. لإنه تغير كثير للأفضل .. بشكل ما كنت أتوقعه .. بس صادف إني كنت بفترة تخرّج ، و ضغط نفسي شديد بسبب مرض أمي .. رجعنا و جلست قريبة من أمي ، و كنت حامل .. أمي كانت ( جدا جدا جدا قاسية بسبب الكيماوي و تجرح بالكلام ) ،، كنت أحاول امتص غضبها على حساب ( نفسيتي و أعصابي ) .. يمكن لا شعورياً ، تقمصت شخصيتها ؟؟؟؟؟ لإنه أنا في الأصل مو كذا .. . . لإني كنت أحاول أرضي أمي بأي طريقة و أريحها .. و هي كانت جدا قاسية مع الكل .. و الكل كان خلاص مو متحمل ، كانت أمي تشعر بالراحة بجلوسها معاي و تهدأ .. بس أنا كنت انضغط نفسياً ، لإنها تجرحني مرات و تطردني .. زوجي تعود عالسهر وقتها ، و أنا مع أمي أغلب وقتي ، و حامل كنت .. بسبب قربي الشديد من أمي ، و هي قسوتها الشديدة على أخواني و أخواتي .. صاروا يحقدوا علي و يحسبوني أنا اللي أقلب أمي عليهم .. بدأت ضغوطات منهم ، لدرجة اتفقوا ماحد يجي معاي وقت الولادة و لا النفاس .. كنت لوحدي ، و زوجي وقف معاي .. و كنت أشوف بعيونه ( الحب و الخوف ) علي .. شفت بعيونه كيف بفترة حملي ( كان خايف علي من قلبه ) .. هو تجيه ضغوطات من أهله من جهة ، و أنا من هنا مكتئبة بسبب مرض أمي و موتها .. يحاول يخفف عني ، و بالمقابل هو مضغوط مادياً و نفسياً .. أمي ماتت ، و أنا بديت ( المباشرة بالعمل ) .. طبعا ما يحتاج أقول عن ضغوطات العمل ( اللي أعلى مني - متعاقدة - ،، أنا لو أخدت الدرجة حقتي ممكن أكون مكانها لإني سعودية ،، هي خافت على كرسيها و صارت تضغطني من كل الجهات ) رجعت أحاول إنه خلاص أتفضى لبيتي و زوجي و ولدي .. بس النظام هنا مختلف عن برة ، و لحد ما أنظم حياتنا و كل أمورنا .. كان زوجي خلاص متعود عالسهر من أيام مرض أمي .. و هو كان محروم أصلا في بيت أهله من السهر فكان مثل اللي ( ما صدق ) خرج من سجن .. صح برة عشنا مع بعض ، بس هنا فيه أماكن ( ما عمره راح لها زوجي ، و أنا رحت لها من أيام المتوسطة مع أبوي الله يرحمه ، و هو أول مرة يعرفها ) أصلا زوجي رجع من برة ، و شخصيته مختلفة تماما ( عن قبل السفر ) .. كان قبل السفر ( شخصيته ضعيفة ، ما يعرف ياخذ و يعطي ، ما يعرف يلبس ، ما يعرف يناقش ) رجعنا بشخصيته الجديدة ، و زوجي أصلا اجتماعي .. بدأ يتعرف و يكثروا أصحابه ، و تكثر العزايم .. و يروح مرة هنا و مرة هنا و مرة هنا .. زي الشخص ( المتعطش لشي ) .. . . حسيت إنه خلاص زاد حاله ، ما صار أبدا يفضى لنا .. * يعني سنة كانت متلخبطة * حسيت فيه حواجز ( تكوّنت ) بيني و بينه .. هو حسيته بدأ يتغير و يقسى .. مو زوجي اللي أعرفه .. حاولت أصلح أمورنا ، بس يتحسن و يرجع مثل قبل .. فيه حاجز كان بيننا .. و أنا بسبب تغيره و عدم محاولته للإصلاح أو التغيير .. و بسبب فترة جلوسه عاطل ، كثرت الضغوطات علي .. و مثل ما قالت ( فاكهة الشتاء ) .. خلاص حسيت حالي ( رجال ) .. تعبــــــــــــــــــــــــــت .. . . كان يحاول يعوضني و كل شي أبغاه يجيبه لي .. حتى لو يروح يشتغل ، توصيل ركاب من مدينة لمدينة .. بس عشان يجيب أي شي اطلبه منه ( لولده ) .. أنا كنت أساعده ، بس أشد مرة و أرخي مرة .. بس ما كنت الصراحة أعطيه ( ريق حلو ) .. لإنه ما يتكلم معاي بصراحة ، و غامض و كتوم ، و أنا ( ملييييييييييييت ) .. كأني عايشة مع شخص غريب .. . . كنت أحسب حالي إني خلاص ، ما أقدر أعيش معاه .. قلت الحياة كذا ( غلط ) .. بس يرفض ( الكلام أو النقاش أو الحوار ) .. و كأنه البيت ( فندق ) .. و ينكر إنه متغير و إنه صار شخص ( قاسي و نكدي ) .. و يقول لي : إنت حنونة و طيبة مع كل زميلاتك و الناس و قلبك عليهم ، إلا زوجك .. . . الفترة الأخيرة صرت أحسه ( طمعان إني أساعده ، بس ما يتجرأ يتكلم ) .. لإني شايلة معاه البيت .. بس عشان كل شهر كنت أطلّع مبلغ لأمي و أبوي و أخوي الله يرحمهم .. فإحتمال ( الطمع ) دخل بقلبه .. مع إني حاولت قد ما أقدر إني أطلع الفلوس بدون ما يدري .. لإنه لابد يجي شي بداخله .. . . كثرت عليه الضغوطات المادية ، فواتير ، إيجار ، سيارة ، مصاريف ، و أنا كثرت علي الضغوطات النفسية ،. حسيت بفترة إني ( وحــــــــــــيدة ) .. بسبب مشاكل الأهل .. و بالفترة هذيك .. صرت أقول له ، لو ما تبغاني اتركني .. لا تحسب أمي و أبوي ميتين ، يعني ما أقدر أعيش لوحدي .. ( ما حبيت إنه يحسبني ضعيفة بغياب أمي ) .. صرت أقول له ( وقت يكثر سهره و يتركنا ) ،، أنا جالسة معاك عشان الأولاد .. و ماني بحاجة لأحد خلاص .. صرت أقول له ، طلقني لو إنك جالس معاي بس عشان ( تلاقي مكان تنام فيه ) .. . , انتبهت على حالي إني متقمصة شخصية أمي الله يرحمها و قسوتها ،، وقت ما جيت هنا بيوم 20 رمضان و فضفضت .. لإني عانيت من قسوة أخواني و خواتي .. و بدأت ارجع بالعشر الأواخر ، أدلع زوجي و ادعي له و اهتم فيه .. و كنت وعدته إني خلاص ما راح أزعله بعد اليوم ، و إني قسيت عليه و بأرجع .. و بينت له ، إني معليه كنت تعبانة بسبب الظروف اللي مريت بها ووو إلخ . . الصراحة ، بعد موت أمي أنا انشغلت بالإهتمام بأخواني و أخواتي ، يمكن عشان ما كنت مقتنعة بإنه أمي ماتت .. ؟؟؟؟ لحد ما نبهتني الغالية ( الصائمة لله ) إلى إنه ( اهتمامي الآن لازم يكون لزوجي و أولادي و بيتي ) و إنه علاقتي مع الأخوان و الأخوات .. خلاص تكون رسمية و بالمناسبات .. حاولت أرجع أعامل زوجي مثل زمان ، بس هو كان متغيّر .. أنا متعودة من زوجي ، إنه ما يهتم بأي شي أقوله ( وقت الزعل ) .. لكن بفترة مرض أمي و موت أمي ،، كان كل شي أقوله وقت الزعل ( يخزنه بعقله ) .. لحد ما صارت هناك حواجز بيني و بينه .. - مرة طحت على يدي ، و ما قدرت أحركها ، و لا معاي شغالة و زوجي تركني بالوقت هذا .. ماني قادرة أأكل ولدي و لا أشيله و لا أغير له .. رجع زوجي نص الليل ، و أنا أبكي .. قلت له ، ما قدرت تفضي نفسك شوي اليوم عشاني ؟ أنا بيوم لو طحت و لا صار لي شي ، إنت أول واحد بتتخلى عني .. قلت له ( اطلع برة و هات المفتاح ، أنا ماني فاتحة فندق ، مجرد مكان تنام و تاكل فيه ) يقول ( عشان لا يزعلني ، راح جلس بالسيارة يبكي و أنا مادري ) .. و زي كذا ،، مشكلة السهر كل ما حاولنا نحلها .. ترجع .. و أنا خلاص مليت .. أحاول اصلح و أكلمه عشان نعدل الخلل اللي في حياتنا و نحل الأمور قبل لا ينهدم بيتنا .. كان يطنشششششششش ،، و يستفززززززز ، و يقول أنا مرتاح و مبسوط .. ( كان خايف يتكلم ، و أقوم انتقده ، ما كان يتوقع إني ممكن افتح قلبي له لو تكلم بصراحة و صدق ) . . ( الحزم ) .. ما ينفع مع زوجي ،، لإنه أصلا عايش بهذا الجو .. كنت أصلاً ناوية إنه مجرد ما تجيني شغالة ، و نستقر و تترتب أمورنا .. إني أرجع أعامله مثل زمان ، بس برضو كان فيه حاجز بداخلي يمنعني إني أعامله مثل قبل .. الحاجز كان ( غموضه ، سكوته ، كذبه ، عدم مصارحته ) .. جلست سنوات و أنا أتمنى بس يوم واحد ( يفتح قلبه و يفضفض ) .. . . البنت اللي عرفها ( بنت الشوارع هذه ) .. ما كان يفضفض لها ، لإنه كان يألف عليها كلام من راسه .. مطلق ، زوجتي عند أهلها من 9 أشهر ، أخوها كلمني عشان تطعيم ولدي ، أشتكيت لأبوها ، قالي كلم أمها ، و معلومات غير كاملة عنه .. كان مثل اللي يتفشخر أمامها ،، بإنه واحد ( مرغوب من البنات ) .. يقول لي يمكن كان مجرد إني أبغى أثبت ( رجولتي و إنه البنات يخبلوا علي ؟ ) . . -سألت هذا السؤال لأني أشعر بوجود شيء خفيّ بداخلك لم تخرجيه بعد. حاولت اصلح ، و تداركت الموضوع من بدري .. لكن هو ما كان يساعد .. لما أبعد عنه ، يتقرب .. لما أقرب منه ، يبعد .. هذا كان أسلوبه بالحياة معاي .. إذا ثقلت عليه ، ينجن علي .. إذا دلعته ، بعد عني ؟ . . فأتعلمت إني أكون ثقيلة ، و نفس الوقت ما أعانده و لا أجرحه .. يعني لازم أتعامل معاه بطريقة ذكية ، بحيث أحاول إني استغل أي موقف عشان أصنع منه موقف مضحك ، أو أجواء مرحة .. و في هذه أنا شاطرة بها .. بس كنت فترة مثل اللي مصابة بإكتئاب .. لحد ما جيت فضفضت عندكم بالموضوع اللي برمضان ،، و عرفت إيش مشكلتي و تخلصت منها .. و استفدت من نصايح الكل هنا .. . . 2) هل أنت الآن في بيتك؟ ايوة .. 3) ما هي الخيارات أو الاحتمالات التي تجعل منك مترددة بهذا الشكل؟ هل هم الأولاد؟ أو خوف فقدان الحنان الزوجي ولو بشكل بسيط؟ أم ماذا؟ الأولاد .. متعلقين بأبوهم .. و معروف إنه الولد ماحد يربيه مثل أبوه .. و شفت قدامي أولاد بنت عمتي ، و كرهت إنه أولادي يعيشوا الحرمان اللي هم عايشينه و التشتت .. . . ما أعتقد إني أخاف من فقدان ( حنان الزوج ) .. لإنه كان بفترة من الفترات ( قاسي ) .. عشان يدور عن سبب لنفسه ( بالخيانة ) .. بس صادف إنه الفترة هذيك ( أنا كنت مرررررررررررررة معاه طيبة و حنونة و أدلعه ) .. بالعشر الأواخر ،، و كنت بالفترة هذه قريبة مررررررة من ربنا و ادعي كل ليلة إنه ربي يبعد زوجي عن أصحاب السوء ،، و يصلح ما بيننا و يهديه .. و يزيد محبتي في قلبه .. يمكن عشان كذا يقول ، فكرت مليون مرة إني أقطع العلاقة هذه .. ما كنت مرتاح بالطريق هذا .. الصراحة ، أول مرة أدعي له كذا ( من قلب ) .. . . و اللي يخليني مترددة كمان بالشكل هذا .. بأنسخ كلام نورة لي قبل شوي .. *************************** 1. صورة الأولاد أمام عيوني .. 2. لو من البداية كان متحمل كل شي ومعيشني حياة حلوة .. كنت قلت ما يقصد و أسامح .. بس انا الي صابرة عليه وهذه نهايتها...؟؟؟؟؟؟ إيش يضمن لي إنه ما يرجع ؟؟؟؟؟؟؟ 3. اقول سبحان الله ، يمكن تكون هذه العطفة الي بتغير مجرا حياته ويصير يعتمد عليه |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
سيدة
أقدر رأيك ،، و النعم و الله في الصائمة لله .. . . لكن محتاجة برضو لآرائكم .. و اراء الأخوان .. حتى لو ما علقت ، لكن بأقراه و استفيد .. لإنه الموضوع لازم ينحل من جذوره .. أنا مقصرة برضو ، بس ما فكرت أخون مثله أولاً .. و لجأت لربنا في الفترة اللي حسيت فيها إني لوحدي .. و كنت أبحث عن الخلل و أحاول .. و اتعلم من أخطائي كل مرة .. . . سهر أسعد تسلمي حبيبتي .. و معليه ماقصدت أزعلك .. . . |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
و زوجي يدري إني مرات اكتب هنا ..
بس ما يدخل ، و لا يهتم .. ما تتخيلي بروده الشديد و لا مبالاته .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
والآن سؤال: منذ متى عدتِ لبيتك؟ كيف تتعاملين معه؟ ما هي خطوتك القادمة؟ |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
تابعي روح مع أخونا البليغ بس ما قدر أمسك نفسي عن التعليق :d أقترح عليك تضيفي هذا السؤال من ضمن الأسئلة : ماهي التغيرات الايجابية التي طرأت على زوجك ؟ وماهي العيوب التي لازالت قائمة ؟ قلتِ أنه تغير في الآونة الأخيرة , قلتِ انه بعد بريطانيا رجع غير , وووو الخ فسطريها على شكل نقاط واضحة وقصيرة , لان المواقف التفصيليية تجعل المشاعر تتغير بين كل موقف وموقف , فلن يفيدك الا الحقائق المسطرة على شكل نقاط واضحة أمامك .. كمثال : دمعت عيني لما قلتِ بكى في السيارة واتضايق لما أتذكر اهماله وتطنيشه والسكوت القاتل . . . . نقطة مهمة جدا يا روح أبغي أوضحها لما قلتي مثل ما قالت فاكهة حسيت نفسي صرت (رجال) أنا هنا يا روح لا ألومك هذه نتيجة طبيعية جدا جدا جدا , وهي الأصل الذي ستنتقل اليه المرأة في مثل حالتك لما تُخرَج من ثوبها الأصلي , وتتولى هي القوامة من الألف الى الياء , فأي عاطفة تستطيع أن تقدم ؟ هي باختصار أصبحت تعبر عن حبها بالصرف والاهتمام وتوفير الاحتياجات وووو الخ .. لانها بكل اختصار لسان حالها يقول أنا لو ما أحبك ما راح أعمل كل هذا لأجلك يعني باختصار تحول الادوار يتحمل مسؤوليته أنتم الاثنين , وليس أنتِ فقط كملي روح ننتظرك |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اختي روح
اذا زوجك يعرف المعرف حقك فأنتي في مازق مع زوجك اذا زوجك علي رساله واضحة منك للدكتور شالها في قلبة فمابلك بموضوع كامل وحدود اربعة مائة رد تتمحور حوله بيشيلها في قلبه ونص افضل حذف الموضوع او نقلة ولا تقولين وعدك مابيدخل بيدخل يعني بيدخل طال الزمان او قصر تحياتي |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
إضافة لما سبق:
ربما أنتِ تشعرين بأعماق ذاتك أنك مقصّرة مع هذا الرجل بسبب: 1- انغماسك في الدراسة وبعدك عنه في فترة الغربة. 2- انغماسك مع وضع والدتك رحمها الله. 3- انغماسك في عملك كامرأة عاملة، وقضاء وقت خارج المنزل بينما هو في بيته قاعد بلا عمل. يقابل هذا: 1- زوج لم يكمل دراسته، وإنما أصبح مرافقاً ومحرماً لامرأته، وليس مرافقٌ ومحرم وطالب دراسة. 2- بعده عن أهله. 3- عدم وجود عمل له لفترة زمنية. ::: هذه الأمور كوّنت لديك قناعة داخلية بالشفقة على هذا الزوج بشكل أو بآخر؛ لذا أصبحت تمارسين التعويض معه عن طريق المادة والدفع المالي للبيت والأولاد مما يحقق لك نوعاً من الرضا المؤقت وإقناع النفس بضرورة المحافظة على زوجها وبيتها ولجذب الرجل إليك أكثر وأكثر لكي لا يشعر بالفروق التعليمية والاجتماعية والمادية بينك وبينه.. ثم أقنعت نفسك أنه يكفي منه دورٌ بسيط لإكمال الحياة الزوجية فقط.. أليس كذلك؟ |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
هي ادرى بزوجها منا
قالت ما يدخلا خلاص ما بيدخل واصلا اذا انحذف الموضوع كيف نتابع جديدها واذا انتقل انا شخصيا ما عندي كود القسم الخاص كيف بتابع |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
أخوي دراما ..
زوجي و أعرفه صدقني ، قبل كذا عرف إني نزلت موضوع عنه .. و طلبت منه ما يقرأ و لا يدخل ،، و كان عند وعده .. . . راجعة .. . . الرسالة هذيك ، هو أتوقع فهم إني كنت على علاقة بشخص قبل لا أتزوجه بالجوال مثلا .. أنا قلت له ، مكتوب ( أخوي الفاضل ) ،، و قلت له ، لو فيه شي كنت غيرت الإيميل و لا غيرت الباسورد .. و الإيميل موجود 3 سنوات أمامه ،، كان عالأقل لقي ايميل من أي شخص .. و زوجي أصلا بيستخدم إيميلي الياهو الآن ،، نفس ايميلي .. يعني واثقة من نفسي و أدري إنه مافي شي أخفيه .. و بعدين ما راح أخليه يتعرف على أعضاء بالمنتدى لو مثلا سلوكي مو تمام .. . . هو مجرد دخل ( الشك بقلبه ) .. و حب يحط مبررات لنفسه ، لإني شرحت له من وقتها .. و هو يعرف توجهاتي و يعرف طريقة تربيتي .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
روح حبيبتي .. طبعا بكون غبيه اذا قلت ان سبب خيانة زوجك هو انتي .. لكن بنبهك لشي .. انتي اعطيتي زوجك الحنان والحب والحب والعطف وصرتي له الام والابو والاخ والاخت وكل شي .. وهذا شي طيب .. لكنك شلتي حتى مسئولياته كلها .. عودتيه على الاخذ .. ما يهون عليك تشوفينه حزين او تعبان او متبهدل على طول تفزين له وتحلين مشكلته صرت انتي الرجل .. حتى قراراته انتي تتخذينها عنه .. وهو مرتاح جذي .. والحين نفس الشي تبين انتي تحلين المشكلة لانه مو هاين عليج .. المشكلة هذي هو يحلها يا روح مو انتي .. قلت لك قبل اذا تذكرين اعطيه مسئوليات البيت الصرف العيال .. لا تاخذين المسئوليات كلها ولا تتركينها كلها لكن الامور اللي تعتبر من مهامه كزوج واب ورب العايله لازم هو يقوم فيها .. وبعدين حسيت من كلامك ان زوجك عنده عقدة نقص علشان جذي يكذب وايد .. حبيبتي التفكير المشوش اللي تعانين منه لانك تفكرين تسامحينه وتفكرين تعاقبينه .. ما يستوي تركزين على شئين يا تسامحين يا تعاقبين .. علشان ترتاحين .. ولا تمثلين القسوة والكره لان هذا مو طبعك .. صدقيني بتتعبين من التمثيل يوم من الايام .. خليك مثل ما انتي على طبيعتك طيبة وحنونه لكن ما ترضين بالغلط .. وما ترضين باستغلال هذي الطيبه .. انا مؤمنة بأن الله سبحانه وتعالى كتب لك هذي المصيبة علشان يصحى زوجك ويتغير .. ( رب ضارة نافعه ) سامحيه لكن لا تصرحين .. خلي الحزم موجود في امور والجديه موجوده في امور لين تتاكدين من تغييره واغلقي الموضوع هذا خلاص فتحه ما يجدم ولا يأخر .. الحين الدور عليه قولي له انا دوري انتهى ومو مسئوليتي اني احل المشكلة .. انت اللي عملت المشكلة وانت تحلها .. اذا قال كيف : قولي له اثبت لي مع الايام انك تغيرت .. بإيدك الحين تحافظ علينا او تخسرنا .. اثبت لي انك تستحق الفرصة اللي بعطيك اياها .. اعينيه على العبادات خاصة الصلاة وفعل الخير ... اعمال الخير تطهر القلب والروح يا روح اصري على موضوع التغيير .. اعطيه مسئوليات .. وحتى لو صعبت عليه خليه يتصرف .. وراقبي من بعيد صدقيني انا واثقه انك تعرفين متى تتدخلين وتساعدينه .. حددي له مسئولياته وشيلي ايدك وشجعيه .. تغييره الحين بإيده مو بإيدك انتي .. واستمري بالدعاء خاصة بقيام الليل ان الله ينور لك ويصلح امورك ويسعدك ويهدي زوجك .. ويريح قلبك وينسيك المشكلة هذي .. وريحي نفسك يا روح .. والله ان الدنيا ما تسوى .. اعتبريها بداية لك ولزوجك علشان العيال يتربون في بيئه طيبه والله انهم يستاهلون وانتي تستاهلين السعادة والراحه .. واطلب منك تركزين على كلام اخواني ولهان والبليغ واختنا الصائمة لله.. والاحترام موصول لكل الاخوان والاخوات بارك الله فيهم .. هذا رأيي المتواضع حبيت افيدك فيه حبيبتي .. احتمال يكون صح واحتمال غلط بس اشهد الله على كلامي ان هذا بيكون تصرفي لو كنت مكانك .. واكيد انا متواجده ومتابعه معاك للاخر بإذن الله ربي يفرج همك ويسعدك مع زوجك وعيالك في الدنيا والاخره يالغاليه. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
.مشكلتك يا أستاذة روح أنّ فيك بعضاً من التطرّف؛ فإما تقبلين بكاملك أو تصدّين بكاملك.. وهنا أوصيك بقاعدة (لا إفراط ولا تفريط).
. أحاول أفكر فيها ، و أعالجها .. بس ماني عارفة إيش الأسباب .. لإنها مشكلتي أتوقع مع الجميع ؟؟؟ . . ربما يشعر أنه لا فائدة من الفضفضة لك بحكم ابتعادك عنه وانشغالك بأهلك كما يرى من وجهة نظره.. ويرى أن لا جدوى من الحوار. . . يقول لي قبل يومين ، إنه مرة من المرات ( فضفض لي ) .. زمااااااااااااان .. و أنا صديته و قلت له ( إنت ما تحكي لي أبدا أي شي ، إلا إذا عليك ديون و احتجت مساعدة ) .. يقول من يومها ، عاهدت نفسي ما أتكلم عشان لا تفهميني غلط .. ( مع إنه كان بالفعل ،، ما يحكي لي أي شي .. إلا لو احتاج مساعدة مادية ) .. :( غير كذا ، ما يجي يتكلم و يقول لي ( مو لازم ) . . بس دحين بدأ يستشيرني ، و ياخد رأيي بأي أمور تتعلق فيه و يحكي لي أي شي .. أنا مقدّرة محاولته للتغيير ( لإنه زوجي انسان صامت ، و حتى عند أهله ما يتكلم أبدا ) . . يبحث عن حنان أنثوي عاطفي.. يبحث عن تعاطف الآخرين.. فراغ كبير.. حياة بلا معنى. هو صحيح ، يبغى الكل يتعاطف معاه .. ( حياة بلا معنى ) صحيح .. و حاولت أشجعه كم مرة .. بس فشلت .. و هذه ماعرف كيف من الممكن جلها ؟؟؟ حالياً ، يبغى يسجل ( انتساب ) إن شاء الله .. قال السبت بيروح و يسأل إن شاء الله .. . . والآن سؤال: منذ متى عدتِ لبيتك؟ هو اللي خرج من البيت ، مو أنا .. يعني ليلة الثلاثاء هو خرج .. و الثلاثاء بالليل أنا رحت للعزيمة ، و نمت هناك عند عمتي مع أولادي لحد يوم الربوع .. و ليلة الخميس تركت أولادي مع أبوهم .. و وقت دقيت و عرفت إنه ولدي الصغير نايم بالسيارة مع أبوه .. نسيت شي اسمه ( عناد ، كرامة ، كل شي نسيته في سبيل إنه ولدي ينام بفراشه مرتاح ) يعني ليلة الخميس رجعت بيتي .. بس الخميس رحت زرت أهله ، و زرت بنت عمتي و نمت عندها كمان لحد الجمعة العصر .. الإجابة / ليلة الخميس .. كيف تتعاملين معه؟ كأني أول مرة أعرفه ، و كأنه أول مرة يعرفني .. احترام كبير بيني و بينه ، يراعي مشاعري و أراعي مشاعره .. ما أحكي له كل شي زي زمان ،، علّمت الشغالة ، إنه غرفة النوم لازم تكون نظيفة دايماً .. إنه زوجي إذا جاء البيت ،، تترك كل شي وقت الأكل و تمسك ولدي .. عشان زوجي وقت الأكل ما يحب إزعاج الأطفال .. بس شايفة زوجي صاير العكس دحين ، و بنفسه يقول لي ( هاتيه أأكله ) بعد ما يشبع .. و قلت للشغالة ، إذا زوجي رجع و يبغى يرتاح شوي .. تمسك ولدي تلعبه شوي ، و تترك شغلها .. اجلس معاه وقتها ، و بهداوة اتكلم معاه .. أخليه يطلع اللي بنفسه و أسمع له للنهاية .. بسسسسسس .. مازلت مبينة له ، إني ما نسيت اللي حصل .. لإنه مرات يشوفني ، وجهي فيه شي .. يقول لي ( تكلمي إيش فيه ؟ ) أقول له ( ولاشي ، لو تكلمت بتزعل ،، خليها بالقلب تجرح ) .. . . صايرة هادية مرة .. لو افتكرت الموضوع ، و تضايقت و شعرت بأحاسيس مختلطة و تشتت .. و خاصة بفترة النهار .. قلبي يضيييييييق ،، و أكرهه ،، و أقول ( خلاص ، ما أكمل معاه ،، إيش يخليك تتحملي ) طلبت إني أنام لوحدي بالصالة فترة .. لحد ما أقدر أنسى و استرجع الثقة .. و بينت له إنه بيده الشي هذا .. و لا يجبرني أنام بالغرفة ،، لإنه بيضغط علي كذا و يخليني أفتكر .. و بدأت اليوم ،، أتعامل بطريقة فيها نوع من الحدود .. و حاسة إني كذا مرتاحة أكثر .. يعني ما أزعله و لا أنكد عليه .. بس ماني بالحيوية هذيك و الحماس و الضحك و المزح الجامد و التريقة .. بس ابتسامة خفيفة .. . . ما هي خطوتك القادمة؟ بإنتظار ( ارائكم ) .. مالي أي خطط ، و لا شي .. أخاف أتقدم خطوة ، و أخاف أتراجع خطوة ،، و بناءً عليهم .. يا أبني أو اهدم .. . . بس أفكر إني أبدأ ( أصلي و أدعي ربنا و استخيره و اشتكي له اللي صار لي ) .. . . قلت له ، يوديني اعتمر الأسبوع الجاي .. من يوم تزوجنا ، ما عمري اعتمرت .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
كنتُ أرغب أن أقترح عليك الذهاب للمسجد الحرام.. وهذا سبب سؤالي السابق عن كونك من سكان جدة أم لا؟!
ولهذا فأنصحك بالذهاب.. وحاولي الوصول إلى الكعبة بقدر الإمكان.. واجعلي العمرة الثلاثاء ليلة الأربعاء.. ولا بأس بالاستئذان من العمل.. وقومي بالصلاة في الحرم.. وابكي كثيراً. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
فيه شي افتكرته ، بالنسبة لخطوتي القادمة ..
بس كنت مقررة ، و بدأت بالخطوة هذه مع زوجي .. . . ما راح أقول ( هذه مسئوليتك ، و هذه مسئوليتي ) .. دام إنه بدأ يفتح قلبه و يفضفض عن همومه ، و يتكلم .. فإذا تصلحت الأمور .. أفكر إني كل مرة أجلس معاه و أقول له ( إيش رايك بالموضوع الفلاني أو المشكلة الفلانية ،، كيف برايك نحلها ؟ ) اسمع له ،، و بعدين أناقشه بالحلول .. و أساعده فيها ، لحد ما يوقف على رجوله و يقدر يتعلم ( ياخذ قرارات لوحده ) .. . . يعني كل ما كان صريح و واضح معاي ، و حسسني إني بالفعل ( شريكة حياته ) مو كلام و بس .. كل ما كنت ( سند ) له بالحياة .. . . طبعا أوقف معاه ، بس بطريقة أحسسه فيها إنه هو اللي توصل للحل .. . . هذا اللي ببالي حالياً و أحس إنها تمشي معاه .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
يعني ممكن نمشي الربوع ، و نرجع الجمعة .. و يصير يستأذن بس الخميس .. و أنا أقدر عادي أتغيب عن العمل بأي وقت .. بس مرتبطة بزوجي و دوامه .. . . أحاول إن شاء الله .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
هل المدح والنفخ ينفع معه؟
أجيبي بحكم عشرتك معه. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
ماهي التغيرات الايجابية التي طرأت على زوجك ؟ * - تخلص من الكذب بشكل كبييييييييييير .. يمكن باقي 20 بالمية .. ( أحسها إنجاز ، لإنها كانت شبه مستحيلة ) و صرت أعرف متى يكذب من نبرة صوته ، و من حركة عيونه .. * - إذا وعد ، نفذ وعده .. كان قبل يوعد بس كذا .. لحد ما نكدت عليه عيشته و خليته يحرّم يوعد و ما ينفذ .. * - ما صار يتدين من الناس و يتهرب منهم مثل زمان .. بنسبة ممكن 70 بالمية .. دحين ممكن يتسلف مثلا مية ، ميتين ، أو عشرة من أصحابه .. بس قبل كان بالألوفات .. و ما كان يردها لهم .. * - سدد كل ديونه تقريبا ،، هذه أحسها ( إنجاز ) .. لإني تعبت معاه برة ، كل مرة يتدين من أحد و ما يرجعه .. لدرجة حتى الشغالة يوم عرف إني أعطيتها راتبها .. راح طلب منها دين .. عاد في هذه ( انفجرت عليه ) .. هذا اللي باقي ؟؟؟؟ جات الشغالة تشتكي لي .. قلت لها ، تستاهلي عشان مرة تانية ما تعطيه و تسأليني .. بس كويس إنه تعلم و بدأ يتغير و يتحسن .. *. صار جريئ و يعرض وجهة نظره قدام أهله .. زمان كان يخاف مرة و ما يعرف يقول كلمة .. *. أحسه صاير يتكلم بنفس طريقتي و يستخدم كلماتي اللي استخدمها بالكلام و الأمثال كمان .. *. ما ياخد مني فلوس أبدا ، إلا للشديد القوي .. *. لو معاه فلوس يصرفه علي و ما يبخل علي أبدا .. *. يقدّم رغباتي و طلباتي ، قبل طلباته و رغباته .. و قبل طلبات و رغبات الأولاد .. ( هذه ميزة ، مو إنه تغير ) *. صار يهتم بأولاده ، مو مثل وقت كان عندي ولد واحد .. ما كان يحس إنه ( أب ) و مسئول .. بس قربت الصغير منه ، و صار يحب الصغير مرة .. *. بدأ يعرف مسئولياته تجاهنا .. زمان كان يحسب إنه مو من واجبه الصرف علينا .. يقول ماحد علّمه .. و ما كنت أدري .. . . - زمان التزامه ( رياء و خوف من أهله ) .. دحين أشوفه يروح من حاله للمسجد و كذا .. يمكن فترة العشر أواخر من رمضان هذا ، كان مهمل لصلاته ..؟؟؟ و فيه فترات لقيته ( يهمل مو يترك الصلاة ) .. بس شكيت بالعشر الأواخر إنه ( كان يجمع و الله أعلم ؟ ما شفته يصلي المغرب مرات ) عشان كذا قلت بداخلي ،، أكيد فيه ذنب عامله ، و ربي ( أستغنى عنه ) .. و لا لو كانت عباداته صادقة ، كنت لقيته مهتم .. ما أعرف ، هذه طريقة تفكيري .. وماهي العيوب التي لازالت قائمة ؟ *. ما عنده وازع ديني قوي .. *. إمّعة .. *. يجامل لو على حساب نفسه ، و دينه ( مرات ) .. *. أناني و يفكر في مصلحة نفسه أهم شي .. *. ما أحس إنه مصدر الأمان بالنسبة لي .. أحس العكس .. *. يحب ياخد ، و ما يعطي .. ( بس معايا أشوفه يضحي ؟ ) *. يحب ( بطنه ) و يدلله .. * كسول ، اتكالي ، يحب النوم و الراحة .. *. يحب المظاهر .. . . هذا اللي أفتكره حالياً .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
( إيوة و بقوووووووووووووة ) .. . . زمان ما كنت أمدحه كثير ، بس بعدين تعلمت أمدح فيه دايم و أنفخه .. بس مشكلتي إذا ( رضيت طلعته السماء ، و إذا زعلت نزلته تحت الأرض ) .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
تعرفي
شخصية زوجك مماثلة ( تماما ) من كلامك، لشخصية زوجي وهي حسب البوصلة الشخصية ان كنتِ تعترفي بها شخصيته جنوبي غربي وشخصيتك مشابهة لشخصيتي، ليس لدي الحنان وطاقة الحب التي عندك .. لذا فأنا افهمك ، في كل مافعلتيه انا افهمك و ادعو لك. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
أرى أن معالم الحلول قد بدأت في الظهور..
ولي عودة إن شاء الله للناقش معاً ما ورد في المشاركة رقم 432 فيما بعد.. لكن لا بد من تواجدك والرد السريع لما أكتبه... |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
الحمدلله
اللي كتبتيه يبشر بخير لي رد باذن الله تعالى ولكن بعد أخونا البليغ عندي كم نقطة أوود ذكرها كحلول وسامحيني روح على اي انفعال او تجاوز الله يكتب لك السعادة مع أبو العيال في الدنيا والاخرة يارب |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
بصراحة .. و بصدق .. ( لا ) .. لإنه هو كان يبغاني انشغل عنه ، عشان يسهر براحته .. هو يبغى زوجته وحدة تخرج و تجي و تروح زواجات و مناسبات و كل مكان .. هو ما يحب الزوجة البيتوتية .. ما أحس إني قصرت معاه في فترات دراستي و غربتي و عملي .. بالعكس ، أحس إني قصرت بدراستي و عملي ( في سبيل راحته ) .. . . ببالنسبة له .. هو شايف إنه سفره معاي ، كان عبارة عن ( هروب من أهله ) .. عدم إكمال دراسته ( هذا ما جنته يداه ، جاته الفرص و هو ضيعها من يده و فشل و ما قصرت معاه ) عدم وجود عمل له لفترة ( هذه غلطته هو ، و هو يتحملها .. هو انطرد بسبب اهماله و كسله ) .. . . أما بخصوص : إنه هذه الأمور كوّنت لدي قناعة داخلية بالشفقة على هذا الزوج بشكل أو بآخر؛ ( مو بسبب الأمور هذه ، لكن بسبب إنه عندي قلب رحيم ، تعاطفت معه و شفته متعلق فيا جدا و ما أحب أخذل أحد ، و لا أرد طلب أحد - كنت سابقا هكذا - ،، دحين ما عاد يهمني ) . . أما حكاية : لجذب الرجل إليك أكثر وأكثر فـ أبداً ،، أبداً ،، أبداً .. و مستحيل لو نص في المية .. بالعكسسسسسس ،، أحس بالإهانة لنفسي لو فكرت بالطريقة هذه .. أساعده بالفلوس ، عشان ينجذب لي أكثر ؟؟؟ لا ، أبداااااااااااااااااااااااا .. ماهي طريقة تفكيري .. و لا أرضى لنفسي بالشئ هذا .. . . لكي لا يشعر بالفروق التعليمية والاجتماعية والمادية بينك وبينه.. ليته يحس ،، ما أظنه يحس و لا تفرق معاه .. . . ثم أقنعت نفسك أنه يكفي منه دورٌ بسيط لإكمال الحياة الزوجية فقط... يمكن تفهمت نفسيته ؟ يمكن قبل لا أتزوج ، أول ما بدأت ألتزم .. تعرفت على داعيات بنفس عمري بالبكالوريوس .. كانوا يحاولوا إنهم يجذبوا البنات الثانيين بطريقة محببة ،، و يحاولوا يجذبوهم .. فتعلمت منهم ، إني اتفهم نفسية الشخص قبل لا أطلب منه ( التغيير ) .. بس زوجي ( حطّم كل المقايييييييس ) .. . . أولادي .. مستحيل بيوم من الأيام إني أبخل عليهم .. أو استخسر فيهم أي قرش ، احرمهم مرات ( عشان يحسوا بقيمة النعمة ، بس ما أبخل عليهم ) .. هذه النقطة ( تثير غيرة زوجي ) .. أحسه مرات يحسبني أمه ، مو زوجته .. :( يغار إذا اشتريت لعبة أو شي لأولادي .. . . أمي كانت دايم تفكر بنا و ما تفكر بنفسها و حتى أبوي الله يرحمه كان كريم معنا جدا ،، يمكن أخذت منهم الشي هذا ؟ أهل زوجي العكس ،، أبوه بخيل جدا .. و أمه مو قد كذا تهتم .. . . و أنا ما أقنعت نفسي إنه يكفي منه دور بسيط للحياة الزوجية .. بس خلاص فقدت الأمل فيه ، و تعبت منه .. و مليت ، أبغى أعيش بدون مشاكل و لا هم .. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
الجمعة ، ما دري متى أكون متواجدة للرد بشكل سريع .؟؟؟
احتمال أروح عند أهله ؟ احتمال أروح السوق ؟ يمكن من بعد العصر ؟ |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اقتباس:
الاجابه كتييير مهمه بالنسبه لي .. الله يعافيك |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
1) العمرة عمل عظيم فهي كفارة لما بينهما.. ومع العمرة تستطيع قيام الليل في المسجد الحرام خصوصاً لو كان أداء وقت العمرة ليلاً.. فهي ستجمع عملين خيّريْن مع بعض.. إضافة إلى أن الصلاة في الحرم المكي تعد بـ 100000 صلاة في غيرها.. إضافة إلى أن الأخت روح تسكن في منطقة ليست بعيدة عن مكة المكرمة فالأولى أن تستغل هذا الأمر.
2) ليس للزمن المذكور أعلاه خاصية معينة.. إنما هذا الأوقات عادة يكون الزحام فيها خفيفاً بعض الشيء خصوصاً أيام العمل الرسمي والمدارس وفي غير المواسم.. وهذا اقتراح وليس حكم شرعي. 3) شعور جميل حينما يصل الإنسان للكعبة ويقبل الحجر الأسود ويمسح الركن اليماني ويدعو وهو قائم على جدار الملتزم من الكعبة فإنه من الأمكنة التي يستجاب فيها الدعاء كما أشار لذلك ابن تيمية إن لم أكن متوهماً. |
رد : محبتكم روح الطير..محتاجتكم [ مستجدات بالرد 30 - 31 - 34 - 288]
اخوي البليغ انا متواجدة ان كان هناك اي استفسار
|
| الساعة الآن 02:00 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©