رد: طليقتي تزوجت
 

اولا كلامك وان فيه قانون جديد جيب الادلة عليه والمصادر لاتتكلم من توقعات
ثانيا انا بس ابي افهم شي واحد
احد قالك خذ عيالك واحرق قلبها ؟
احد قالك اذا اخذت عيالك وانت احق بحضانتهم بتكون حرقت قلوبهم
احد قالك ان انتقال عيشهم من بيت ابوهم الى جدهم الى بيت رجل غريب راح يكون دائما جنة لأنهم بس مع امهم ؟
هل بتقعد تتحجج انك بتتركهم عند امهم علشان لاتفرق شملهم وان الام لابديل لها ؟
يعني الأب له بديل والام مالها بديل ؟ والدليل استبدالك
ارجع اقول لك مع الزمن انت بتكون مجرد عم او بمثابة خال وزوج امهم بيكون مقام الاب وبيجي اليوم اللي يقولون له بابا فلان وراح يكون اقرب لهم منك وقت ماهم بحاجة قربك
كفاك تحجج بحرق القلوب وقول انك غير مستعد لحضانتهم الان وانك متورط وامهم الخيار الافضل ليعيشوا معها

لنقل مثلا ان امهم فجأه طقت باب بيتك وفتحت الباب لقيتها مع زوجها عند باب بيتك وعيالك واقفين عند الباب وشناطهم واغراضهم معهم وقالوا لك بابا ماما تقول خلاص عيشوا عند ابوكم وانا بجي نهاية كل اسبوع اخذكم عندي وش بتسوي ؟ بتقول لا تعالي مابي احرق قلوب العيال ؟

ياساري نصيحة اخ ضبط امورك وخذ بناتك وولدك بعد 7 سنوات ولدك بيحتاج سيارة بتشتري له انت مو زوج امه وقيس عليها امور كثيرة ويحتاج توجيه بالمتوسط والثانوي بيحتاج اب وصديق زوج امهم لو يتسدح بالبيت لاصلاة ولاعبادة ولا شغل ولا فايدة ماهمه من يماشي ومن شلته وامور كثيرة
وان طلع زوج الام كفو وياخذه معه للمسجد كل يوم واعتبره واحد من عياله فاعلم انه لاحاجة له بك

رد: طليقتي تزوجت
 

اذا عايشين لحالهم بشقة مستقلة اسحب ردي السابق ماشفت ردك هذا
القرار لك

رد: طليقتي تزوجت
 

اشكرك كل الشكر على نصيحتك
نعم اخي . كل وحده في شقه . واذا تزوجت راح اعيد الترتيبات واطلب منكم المشوره

البارح حضرت زواج ولد عمي . ولقيت اشياء . اقسم بالله العظيم انه شيئ يثلج الصدر
وعرفت وتأكدت انها خيره ارادها الله لي ولطليقتي . اللي لقيته شيئ اكثر من رائع
والله اني قابلت واحد من زملاي عزيز وغالي وهو الآن دكتور بإحدى الجامعات . ودرس معاي ايام الثانويه . وعرض علي ان اتزوج اخته معلمه صاحبت دين وخلق وجمال . وقال ايضاً فيه من زملاءه بالعمل واحد من اخوياه دكتور وأخته مطلقه وعندها طفله وعمرها سنه وسبب الطلاق . كان طليقها حق خراب . وايضاً قابلني واحد من جماعتي وعرض علي بنت اخوه ويصير عمها . وقال موظفه في قسم النساء في ادارة التعليم . ياناس والله والله انها طلاق طليقتي والفراق اللي صار بيني وبينها إنه خيره . طبعاً اللي كلموني وعرضو علي الزواج والله العظيم قلت لهم بالحرف الواحد . بيض الله وجيهكم وأنتم كبرتم بعيني ولكن الحين ماابغى الزواج . ابغى ارتاح وعشت ٩ شهور في هم وحزن مايعلمه الا الله ولكن بعد سنه راح اقرر عالزواج . وقالو لي حتى لو بعد سنه كلمنا وبنبحث لك ولاتشيل هم . والله ان وحده من اخواتي انها لقت لي عروس موظفه اداريه في قسم النساء في الجمارك . وحالياً انا رافض الزواج . اللي انا ابغى اقوله لكم . بأن الفراق اللي صار بيني وبين طليقتي يمكن خيره . ويمكن شر والله صرفه عني . فالحمدلله يآرب راضي بما كتبه الله لي . يشهد الله قبل طلاقها واثناء المشاكل وأنا جالس احاول في طليقتي ترجعلي . وكنت اقول في جميع صلواتي ( اللهم إن كان في زوجتي خير فردها لي رداً جميلا . وإن كان فيها شر فأصرفها عني ) والله صرفها عني . فالحمدلله يشهد الله اني احس براحه وانشراح بالصدر . وبعد سنه بتزوج . والحمدلله على كل حال

رد: طليقتي تزوجت
 

مو لازم اذا الله صرفها عنك ان فيها شر
يمكن كانت هي كمان تدعي بهذا الدعاء!!

انا رأيي بما أنك ناوي تأخذ عيالك في وقت ما بعد زواجك. خذ زوجة لا تعمل. غير موظفة
و تكون باردة غير عصبية
وأنت توقف عن الكلمات الجارحة التي لا تقصدها
وكل أمورك بتكون تمام إن شاء الله

رد: طليقتي تزوجت
 

اشكرك على مرورك العطِر
وآنا اخوك . يقولك . كُل دقّه بتعليمه
انا لو بغيت اتزوج . مااتزوج إلّا موظفه .تعينني في ديني ودنياي
قبل ان اتزوج كان شرطي لاخواتي اني ابغاها عاطله . وكانت اخوات طليقتي معلمات . ووالله اني اخترت اللي عاطله وشهادتها ثانويه
والحين جميع الموازين عندي تغيرت . ابغى لي موظفه اقل شيئ تفيد نفسها وانا ماراح اقصر معها . والحين الامور تغيرت واصبحت الدنيا طايره بغلاء الاسعار بكل شيئ . ياأخي إحنا كرجال وعارفين بأن في هذا الزمن ال٥٠٠ والله انها تروح هنا وهنا وتتفاجأ كيف انصرفت بهذي السرعه . ادعو لي ان الله يوفقني بالزوجه الصالحه وصاحبت الدين والخُلق واللي تسعدني وتنسيني همي . اشهدبالله شهادة حق اني نادم اشد الندم على افعالي السابقه مع طليقتي بسبب لساني واستفزازي الغير مقصود وماتوقعت بيحصل اللي حصل . فالحمدلله على قضاء الله وقدره . الحين وبالوقت الراهن . والذي نفسي بيده اني مرتاح ومنشرح صدري . لعله خير . والحمدلله . ايضاً الشاهد الله جميعكم يااعضاء رجال ونساء . والله ماراح انسى وقفاتكم معاي . اسأل الله سبحانه ان يجعل نصايحكم بموازين حسناتكم . فأنا استفدت الكثير والكثير منكم

رد: طليقتي تزوجت
 

الم تكن طليقتك موظفة؟
او ذات دخل؟

رد: طليقتي تزوجت
 

تزوجتها عاطله . شجعتها وساندتها بمالي . وخليتها تواصل الجامعه انتساب . شجعتها ودفعت من مالي وسويت لها مشروع يهرج به القريب والبعيد . واللي قاهرني ماتساعدني بشيئ . اصبحت بخيله . والله ان راتبي انضغط بسببها . وطلعت لها تمويل وخليتها توقف على اقدامها . فأنكرت الجميل . الهرج يطول ويطول . ومن بعد مافتحت لها هذا المشروع . توالت المشكله ورى المشكله . والمشكله ورى المشكله . وفجأه وبدون مقدمات تطور الموضوع حتى وصل بنا الحال للطلاق . معاد ينفع اهرج . نفسيتي تعبت . ١٠ سنوات كانت تموت فيني . ماااااعمري سمعت منها الغلط . انقلبت حياتنا لجحيم . كل من شافها قال يافيها عين او سحر او حسد . اقسم بمن حلل القسم انها ماهي طبيعيه . هذي ام عيالي وأنا عارف معدنها . من بعد مافتحت هذا المشروع . ماشفنا الخير . حسبي الله ونعم الوكيل . والحمدلله على كل حال

رد: طليقتي تزوجت
 

خلاص . والله حالياً ماافكر الا في مستقبلي . الماضي طويته بحلوه ومُرّه
معاد افكر في الماضي . انا لله وإنا إليه راجعون . اللهم اجرني في مصيبتي وأخلف لي خيراً منها

ياقلب لاتتعب من هموم الأيام
خابرك ياقلبي (تشيل) الثقيله

يااااما عطاك الوقت من همّه اكوام
ومحد درى عن همّك اللي تشيله

رد: طليقتي تزوجت
 

افضل شي انه الموضوع يتسكر لانه احس بعض التعليقات فيها تقليب للمواجع لصاحب الموضوع.
هو عارف شو يبا وهذا شي زين.والله يوفق الجميع

رد: طليقتي تزوجت
 

صدقت ، ورحم الله والديك ، هالحين انا انظر للأمام
اللي مضى مضى ، معاد لي نفس اتذكر شيئ . طويته بخيره وشرّه
والذي نقسي بيده ، اني احس بأرتياح . والسبب راضي بما كتبه الله لي
والمسلم يرضى بما قسمه الله له . هذا هو واحد من اقاربي متزوج وله ١٧ سنه لم يرزقون بطفل . وراضي بما كتبه الله له . وسبحان الله هي وهو يحبون بعض وراضين . وقالت له روح تزوج وسبب عدم الانجاب من زوجته . فرفض الزواج من اخرى . فالحمدلله اللي رزقني ب٣ اطفال . خلاص المسلم يرضى ولايعترض على اقدار الله بالخير والشر . فأنا حطيت نفسي بأمر الواقع . وقنعت وآمنت بالله انه شيئ مقدر ومكتوب . والله اني احس براحه و٨٠ في الميه نسيت الماضي اللي حدث بيني وبين طليقتي . بعد سنه راح اتزوج ودعواتكم الطيبه

طوينا صفحة الماضي وتبنا ، خذينا اللي كفانا وانتهينا