منتدى عالم الأسرة والمجتمع - صار دقيق ويحاسب على كل شيء حلت الرد296

منتدى عالم الأسرة والمجتمع (http://www.66n.com/forums/index.php)

- المشاكل المحلولة (http://www.66n.com/forums/forumdisplay.php?f=42)

- - صار دقيق ويحاسب على كل شيء حلت الرد296 (http://www.66n.com/forums/showthread.php?t=265592)

رد: صار دقيق ويحاسب على كل شيء..

أنتو منتو مستوعبين اللي كتبته .. أنا كنت تعبانة وهو ماوداني المستشفى .. وماكلمت أخوي إلا عشان يوديني المستشفى .. حضرته رجع من الدوام يقولي بسافر لأهلي وهو شايفني متمددة واتلوى من الالم وبكل برود يقولي بسافر .. وش تبوني أسوي!! دقيت على أخوي يوديني مستشفى .. وفوق كذا مرسل لي إني أنظف البيت قبل أطلع .. يعني شوفو وصلت الحقارة معه..

رد: صار دقيق ويحاسب على كل شيء..

الله يحنن قلبه عليك ويحنن قلبك عليه

اقرأي رد الاخت روح الطير قد يكون قاسي لكنه واقعي
طليقتي نفس الشي نكد وعتاب والزوج مخلوق فقط للطبطبه عليها ومراعاتها تمنيت احد ينصح طليقتي مثل ماروح الطير نصحتك
كانت واثقه اني ماراح اتركها مهما بلغت من العناد والنكد والعصبيه
لكن المفاجأه انها اصبحت من الماضي
حتى لما كانت تتغير وتخف بالنكد والعصبيه والعناد وتتركني براحتي ماكنت اصدق اسلوب سنين يتغير بشهر ونفس الشي شوف غيري اذا موعاجبتك مانت مغصوب علي تبي تطلق طلق حتى لما طلقت قالت فكه والان تبكي دم بدل الدموع وابوها واخوها وقفوا معاها بداية الطلاق بعدها انشغلوا عنها وهي الان تعاني وحدها بصمت يداها اوكتا وفوها نفخ
لاتندمين تعوذي من الشيطان وكلامك اللي فوق نعرف انك ماتقصدينه ولاعاد تطرين تبي غيري تبي تطلقني تراها تقهر الزوج ويحس انك تنظرين له بفوقيه ولاهمك

رد: صار دقيق ويحاسب على كل شيء..

واضح انقهر لما استعنتي باخوك
حس انه صغير وانك مو بحاجته
مدري احيانا تفكير الرجال يقهر
يمكن كان يبغاك تتذللي ليه حتى ياخذك الطبيب

بس لا تخلين البديل اهلك.. لا تتعودي على هالشي
بكرا يتعود بكل شي يقول كلمي اخوك مو فاضي

حبيبتي هدي الزم ماعليك صحتك
الحين فهمت ليه المرأه تكبر بسرعه قبل الرجال
من هالمصايب اللي يهببونها
الله يأجرنا

رد: صار دقيق ويحاسب على كل شيء..

اقتباس:

المشاركة الأصلية كتبت بواسطة روح الطير (المشاركة 3377132)

تقدري تنكري إنه إنت السبب ؟؟؟
إنت اللي تزعلي بسرعة ، و هو خلاص رسخت المعلومة هذه في مخه ..
و هو أول ما يحتاج فلوس ، تجري و تساعديه ..

لا ترمي أغلاطك على زوجك ..
حرام كذا تظلميه ..

أنا ياروح اللي أشبعه وأدلله وأعطيه من الكلام الحلو..أنا ياروح اللي أرجع من الدوام علطول على المطبخ عشان ماأقصر عليه بشيء مع إنه كان يقول الطبخ مايهمني وأنا أراعي وضعك كونك موظفة بس طلع كله كلام .. لأنه وقت مايكون زعلان ينتقد هالشيء .. أنا معيشته ملك كل اللي يبيه وكل اللي نفسه فيه يجيه لحد عنده .. وهو مستصعب يوديني مستشفى!!! والله لما يكون تعبان إني أظل عند رأسه لا أكل ولا أشرب..

وش هالمنطق ياروح .. وش أنا السبب لأني كنت أزعل بسرعة ورسخ هالشيء في رأسه !!! طيب تغيرت وباقي هالشيء راسخ في رأسه من الغلطان الان أنا إللي تغيرت ولا هو إللي باقي ماخذه هالفكرة في رأسه عني ومو راضي يغيرها!!

لكن الفلوس فعلا أنا إللي كنت غلطانة فيها كان أول مايحتاج أجري أساعده لانه زوجي وأبي أكون جنبه في الضراء قبل السراء ..

رد: صار دقيق ويحاسب على كل شيء..

اقتباس:

المشاركة الأصلية كتبت بواسطة لست كغيري* (المشاركة 3377213)

بصراحه انا اشوف انه مو مصدق انك تعبانه لان الاحداث الماضيه تظهر انك كويسه

عرض يوديك المستشفى رفضتي
طلبتي علاج من الصيدليه وجاب لك
جا وقت النوم بينام قمتي تكوين ملابس الدوام بتداومين
ثم اليوم الثاني تقولين ودني المستشفى وقال عرضت عليك ورفضتي
معليش عيب الكلمه اللي تقوليها عن زوجك وصلت فيه ماوصلت فيه مايجوز
بعد كل هالاحداث انا مكانه مااصدق ام عيالي انها تعبانه بس تدلع وانا بسافر

رد: صار دقيق ويحاسب على كل شيء..

حبيبتي نفس اللي عندي
اكرف بالمطبخ
واذا عصب قال الطبخ مايهمني
ولاتحسبيني ميت على طبخك
بس الحين كيفه
صرت اطبخ لي ولبنتي وهو يشارك بالاكل

المرأه عاطفيه وحساسه بطبعها
انا يقهرني الرجل الحساس الزعول
ترى هذا طبع انثوي مو رجولي
المفروض الرجل صدره اوسع واكثر تعقل
انا اتكلم بشكل عام
ما اقصد زوجك تحديدا

واعتقد انك غلطتي بمساعداتك الماديه
هو كل ماشافك زعلانه يحسك كاسره عينه
وانتي كل مازعلتي تذكرتي هالشي
مو حياه والله
وصعبه تقفلي هالباب مره وحده
بيفهمك غلط تماما
لازم تقفليه بالتدريج
ولا تجيبي سيرته خير شر
خلاص ماقصرتي الفتره الماضيه
هو رجال ويتحمل مصاريفه

رد: صار دقيق ويحاسب على كل شيء..

اقتباس:

المشاركة الأصلية كتبت بواسطة روح الطير (المشاركة 3377133)

أخوك ..

يوم يومين ، أسبوع .. و ما راح يستحمل ..

و مافي بينكم قعدة صفا ..
لإنك تدقيه بالكلام و تجرحيه ، و لازم تحطي في وسط الكلام - سم و إهانة مغلفة - ..
و الرجال مو غبي ، و يفهم ..

أنا قاعدة في بيت أبوي الله يرحمه .. أبوي اللي ووصى زوجي علي وبلسانه قالي هالحكي ..

أما قعدة الصفا فأنتي متخيلة لما تجلسي مع إنسان عنده تصور مسبق من الصح ومن الغلط وأبدا مايبي يكون مرن في الاخذ والعطاء .. ويشهد إني في جلستنا وحنا نتكلم ماعمري دقيته ولا أهنته .. بالعكس هو اللي يسمعني كلام مثل السم..

رد: صار دقيق ويحاسب على كل شيء..

اقتباس:

المشاركة الأصلية كتبت بواسطة تحملتك كفاية (المشاركة 3377226)

أولا أنا ماكنت أدري إنه مسافر الا لما جاء الظهر وقالي إنه مسافر..

ثانيا أنا فعلا تحسنت بالليل بعد ماأخذت مسكن السخونة بس رجعت علي السخونة آخر الليل لحد الصباح .. وطلبت المستشفى بعد ماصحي مع إن كنت أبي أصحيه بس قلت لا أصبر إذا صحي يوديني .. وبعدها يرفض يوديني..

رد: صار دقيق ويحاسب على كل شيء..

اقتباس:

المشاركة الأصلية كتبت بواسطة لست كغيري* (المشاركة 3377232)

معقولة تصرفاته مالها اي مبرر ؟ انا احس انك بعد تقطين كلام. ويوم قال نظفي البيت كلمته عادية
اشوف زوجة خالي احيانا تمرض قدامي و الحريم اللي اعرفهم و ازواجهم لاهين عنهم عادي و لا يحقدون و لا شي . سخونة عادية و بتقومين .
انا امس انفلونزا. وحرارة و رجفة و راح العمل و لا سأل عني :dولو قلت له ودني ماراح يتغيب عن العمل عشاني .
ماقدرت اقوم فغيبت الاطفال عن المدرسة
لا تتخيلي قصص روميو وجولييت
من المشاكل اللي مافهمت لها مرة تمدحين وتوصلين السما و مرة النقيض تماما .
ادعي ربك كثير و اطلبيه التوفيق .

رد: صار دقيق ويحاسب على كل شيء..

اقتباس:

المشاركة الأصلية كتبت بواسطة روح الطير (المشاركة 3377134)

كلامك كله - تصورات و تخيلات -
صنعتيها و بنيتيها بداخلك و صدقتيها ..

لا تقولي حطمني ..
إنت حطمتيه و اهنتيه ..

إنت جالسة تجري وراه ..
مو هو اللي يبغاك تجري وراه ..
فلا ترمي أسباب أغلاطك على زوجك ..

هو عايش حياة طبيعية ، و إنت عايشة في عالم الخيال ..
و تبغي تحاسبيه على العالم الجميل الي بنيتيه و دخلتيه غصب في عالمك ..

.
.

هو يجرح فيك ، بسبب أفعالك معاه .. و الرجال قلبه - تعبى خلاص -
نسيتي كلامك و تجريحك و اهاناتك له ؟

كل اناء بما فيه ينضح ..
وزوجك خلاص تعبى و تعب قلبه .. ارحميه و خفي عليه ..

.
.

ما قلنا لك طنشيه ..

قلنا لك ، لا تخنقيه ، و لا تلحقيه .. و لا تنكدي عليه و لا تكثري زعل ..

.
.

إنت تحسبي لما تزعلي كل شوي ، إنه لما يراضيكي و ما يبغى زعلك ..
يعني يحبك ؟؟؟؟؟؟؟

هو يراضيكي ..
عشان يرتاح من النكد و يخلص و يهرب منك ..
و هما الرجال كذا ..

.
.

لو راح يشوف غيرك .. مثل ما تقولي ..

ما راح تجي هنا و تشتكي و تولولي ؟
مستعدة تتحملي - مسؤؤولية كلامك هذا - ؟

ما تجي و تقولي ضحيت و تحملت و دفعت و سددت عنه ..
و استغنى عني ؟

- لا تجبري زوجك بأفعالك و أقوالك ..
إنك تخليه فعلا .. يبحث عن راحته و سعادته ..

ليش يقصر عمره بالنكد و الزعل ؟

.
.

أكرر

اللي يعمله زوجك حاليا ..

( إنت السبب ) ..
لإنه ما شاف تغيير فعلي و لا تحسن في شي ..

راجعي نفسك ..
و تدخل أهلك حاليا ..

راح يكسر كل شي - باقي حلو - بينكم
و راح تندمي على إنك دخلتي اهلك ..

ياعزيزتي أنا متحملة شيء أكبر من اللي قلتيه كله وماتكلمت وصبرت وماجبت طاريه لأحد ولا بجيب طاريه .. وبعظمة لسانه قالي لو واحدة غيرك كان بعد الزواج بأسبوع طلبت الطلاق .. وقفت جنبه ودعمته وأبدا ماكان يهمني شيء غير وجوده.. إيش الافعال اللي ماعاد يتحملها!! وفي المقابل اش الافعال اللي شفتها منه!!

طيب وش الفرق بين الرجل والانثى .. مو احنا بطبيعتنا ربي خلقنا ونحتاج للاهتمام والدلع والكلام الحلو عشان نقدر نعطي الرجل في المقابل !! وربي عطى الرجل القوة والعقل وسعة الصدر!! ولا مفروض الزوجة هي اللي تعطي والرجل فقط مستقبل!!

ياروح اللي بيتزوج بيتزوج لو إنك شايلته على كفوف الراحة!!