رد: ما بعد الصفعة الأولى
 

رجع يا هند .. وما له مزاج يكلمني
واخجل بعد اللي صار
ومع ردة فعله الحالية اطلب منه هالطلب...
مع ذلك باحاول اني اطلب منه هالشيء

نبض الله يجبر بخاطرج
ان شاء الله المستقبل يكون افضل

رد: ما بعد الصفعة الأولى
 

انا ايضا مو متخيله وحده زوجها يضربها وهي تبتدي بالكلام او ماتزعل زعله قويه بحجه ان هالاسلوب مايمشي معاه؟ عذرا زين في هالوقت المفروض تفكرين بنفسك وهو يفكر بالاسلوب اللي يمشي معاك ويرضيك مو العكس

رد: ما بعد الصفعة الأولى
 

زين
تصرفي كما تحبين فأنا اثق بخياراتك ..
و ارجو ان تكوني استفدتي مما كتبته .

قلبي معك .. و لا املك لك الا الدعاء .
بالتوفيق

رد: ما بعد الصفعة الأولى
 

حبيبتي زين بفضل تطلبي هالطلب وقت تلاقيه فتح الموضوع وبدو يناقشك وتشوفي على وجو الندم عندها يحضنك وصفوا القلوب ومن بعدها اجلسوا وناقشوا اللي صار
وناقشيه بهدوء ووضحيله انو اتوقعتي اي شي من اي شخص بس ما اتوقعتي منو هو بالذات يصدر منو هالتصرف
يعني حسسيه بغلطه بس وصليها بالطريقة اللي تناسبو
ربي يفرح همك حبيبتي

رد: ما بعد الصفعة الأولى
 

خلاص سكتت .. اشعر بخيبة امل
لا باكلمه ولا بنتظر منه يكلمني
نفسيتي مستنزفة تماما

رد: ما بعد الصفعة الأولى
 

زين ..
تحبيه ؟ .. اذن اخذي وقتك الطبيعي بالزعل الغير مبالغ وفي غضون هالشي بتكون خفه حده الصدمه ، وتناسيتي
ولو بشكل بسيط بهالفترة القصيرة مما حصل واتركي الباقي للمستقبل ...

حطيت نفسي بمكانك فكان هذا جوابي على نفسي ،،، احبه واشوفه شخص يستحق مع ان الضرب خط احمممر لكن وان حصل ولمرة واحده وباعتقادي كان القشة اللي قصمت ظهر البعير فاذن اعطيه فرصه اخرى واخليه يعوضني ! ،، ازعلي باسلوب زين ( كوني في منطقتك المريحة والطبيعية ) كوني وسطية لا عاطفية عشان يجوف زين اللي قابلها اول مرة ! استخدمي ذكاءك كما استخدمتيه بمقابلتكم ..

اتركي الوسواس على صوب وركزي على نفسك ، حياتك ، صحتك ... اذا شفتي ان انخراطك بالعمل او المجتمع كعمل تطوعي مثلا راح يساعدك على الخروج من الدوامة اذن صارحي زوجك بكل مافيك ، تعبك النفسي والجسدي والحل له .. هو راح يساعدك على الاكيد

حاليا ،،، ازعلي ، تناسي قليلا ، احصلي على الترضية واهمها ( الحضن) ..

رد: ما بعد الصفعة الأولى
 

مهما كان زوجك له مكانته دينيا اجتماعيا اكيد يحب يشوف زوجته معتزه بنفسها وماتقبل اي انسان يهينها مهما كانت مكانته عندها وانا اشوف من كثر مازوجك يهددك بشكل خفي بالطلاق بعبارته لاتصيرين مثلها لاتخسريني وغيرها من هالكلمات اللي انت تساهلتي فيها وخليتيه يلوح فيها صار عندك هاجس وخوف من ان فعلا يتركك وجاك هالوسواس لا عين ولا حسد اعذريني زين لكن فعلا تضايقت من ردة فعلك ولاتظنين اني اتكلم من فراغ ان قد انضربت من زوجي ورغم الضربه مو على الوجه لكن عزت علي نفسي وردة فعلي كانت اعنف مما توقعت اكيد مااطلب منك تصيرين مثلي لان كلن وشخصيته لكن يازين مو معقوله هو يضربك وهو اللي يزعل وانت اللي تنتظرينه يهدأ علشان تتكلمين احسه اوفر

رد: ما بعد الصفعة الأولى
 

حاولي ان تكتبي مشاعرك و تفضفضي على الورق

كان الله في عونك

رد: ما بعد الصفعة الأولى
 

مو مطلوب منك تسوين شي او تفكرين بشي
فقط انسابي مع مايحدث بهدوء

رد: ما بعد الصفعة الأولى
 

فعلا ما باسوي شيء...
حسبي الله ونعم الوكيل
افوض امري الى الله ان الله بصير بالعباد

هو نام... وانه بقيت اتقلب على جمر
ما ادري شيفكر فيه .. ولا ابي اعرف

العوض على الله ... فعلا ما راح اسوي شيء
اللي يصير خل يصير
لنفسي علي حق
وانه اهنتها وايد
وضغطت عليها وايد