|
رد : محبتكم روح الطير..محتاجتكم [ مستجدات بالرد 30 - 31 - 34 ]
روح الطير
كم استمر زواجك كم لك متزوجه هل فكرتي بالطلاق قبل هالمره تحبي زوجك وش تكرهي فيه لما تجيبي طا ي طلاق قدامه وش يقول هل تحسبنه مقدر تضحياتك هل عايشه معاه مقهورة هل قبل سالفه الخيانه كنتي سعيده |
رد : محبتكم روح الطير..محتاجتكم [ مستجدات بالرد 30 - 31 - 34 ]
انتي الان في اشد وقت محتاجة لطمأنينة و رضا من الله .
المصيبة واقعة واقعة لا محالة، فلا تطلعي منها خالية اليدين .. كل اللي قلتيه صحيح، لكن هذا لا يعني عدم وقوع الشدائد . الله ارحم بك من امك .. اختبار وسيمر والله سيمر ، بعد شهر بعد سنة ستتذكرين هذه الايام كماضي .. شدي عزمك بالله .. ابكي لديه لان امره بين كاف و نون .. و بيده تغيير الحال .. انه اختبار لترجعي الى الله، فلا تفقدي ايمانك .. الانبياء اشد الناس ابتلاءً وهم اصلح خلقه ليس الصلاح والهدى مربوط بالحياة السعيدة الخالية من المشاكل بل على العكس .. ربما كان الطريق صعبا و كله مشاكل، لكن تأكدي لو ان بيدك رضا الله لمشيتيه بردا وسلاما كلميه وتضرعي اليه، انا مررت بموقف مشابه بل ربما كان اسوأ ، قابلت صديقاته وجها لوجه وسمح لنفسه ان يجعلني مغفلة امامهن .. لكنها راحت ومضت والان بقت ذكرى . بتمشي بس قولي يارب مالي غيرك يارب |
رد : محبتكم روح الطير..محتاجتكم [ مستجدات بالرد 30 - 31 - 34 ]
سيدة الموقف
أنا لو أقدر أنام بعيد عن زوجي ، كنت من دحين تركته .. عودته ما ننام بعيد عن بعض .. حتى وقت كان ينام بالصالة في الصبح .. عشان ولدي يكون نايم معاي .. بس في العصر في رمضان ، كان يقولي اتركي كل شي و تعالي بس يخليني جنبه و ينام و يترك الأولاد بالصالة يلعبوا .. . . هو عقدته الأولاد .. و أنا انحرمت من ولدي الأول .. و قبل ولدي الأول أجهضت و كنت حامل بطفل عمره 5 أشهر .. كيف أحرم نفسي كمان من ولدي هذا و ما أعيش معاه طفولته يوم بيوم و ساعة بساعة ؟؟؟؟؟ زوجي ما يحب الأطفال ، و أنا مشغولة ببناء الأسرة .. يعني أقل شي خمس سنوات لازم أجلس بدون أطفال .. أكون خلالها كملت الدكتوراة و استقريت و الأولاد كبروا .. كيف يا جماعة أحرم نفسي من لحظات أعيشها مع ولدي .. بأستمتع بكل لحظة معاه ،، . . ولدي الأول انحرمت منه غصب عني بسبب الدراسة و الظروف و صار بداخلي شوووووووق كبير لطفل أضمه .. بأعطيهم كل حناني .. بس زوجي يبغاني ( له ) هو و بسسسسسسسسسسس .. . . |
رد : محبتكم روح الطير..محتاجتكم [ مستجدات بالرد 30 - 31 - 34 ]
معليه ..
أنا ما أقدر أكون قريبة من ربنا هذه الأيام ،، بسبب النفسية السيئة ، جات لأول مرة بحياتي ، بوقت مبكر .. . . أنا ما انهرت ترى ، مجرد الدموع تنزل من عيوني بين كل فترة و فترة .. مازلت أحمد ربنا .. . . دحين راجعة .. و أكمل القصة .. معليه كنت أفضفض شوي .. تحملوني .. |
رد : محبتكم روح الطير..محتاجتكم [ مستجدات بالرد 30 - 31 - 34 ]
ممكن تذكرين بعض الاشياء الرائعة في زوجك |
رد : محبتكم روح الطير..محتاجتكم [ مستجدات بالرد 30 - 31 - 34 ]
زوجي قلت لكم ، استهان بي من يوم ما أمي ماتت الله يرحمها ..
و المشاكل العائلية .. و خاصة يوم تخلى أخوي الكبير عني و بدون ذنب مني ..؟؟؟؟؟؟؟؟؟؟ . . فوقت اكتشفت الموضوع و اكتشفت إنها بنت .. كان برضو بيرجع يستفزني و يحرق بأعصابي و يحسبني ما أقدر أتخلى عنه .. و شايفته عادي مو مهتم .. . . قمت دقيت قدامه على ( عمي ) أخو أبوي .. قلت له ، لو سمحت يا عمي .. زوجي تفصلني عنه بأي طريقة .. زوجي المحترم ، له علاقة مع وحدة و أنا ماني مستعدة أعيش معاه .. . . وقتها زوجي ( حس بالندم ) .. لإنه زوجي ( خواااااااااااااااااااااااف و جبان ) .. . . كان يحسب خلاص مالي أحد .. . . أدري إنه الحرمة العاقلة لازم تسكت وووو إلخ .. . . بس أنا سكتت له على أغلاط صغيرة كثييييير .. بس لحد هنا و خلاص .. لإني شفت بعينه الإستهتار و عدم الإعتراف بالغلط .. و يحاول يرمي علي الأسباب ، كعادة الرجل الشرقي .. أكيد الحرمة السبب وووووووووو إلخ .. . . المهم ،، قالي دام كلمتي عمك ، يعني خلاص خربانة خربانة .. قلت له خذ أغراضك و لا عاد تشوفني بعد اليوم .. طبعا تكلمنا كثير و بكيت كثير .. و صرت أصيح و أقول ( خلاص فلان مات ) .. . . جلس يهدد بالأولاد و إنه ياخدهم .. ترجيته إنه يتركهم لي و إنه لا يحاول يذلني بهم ، لإنه ما عمره شاف مني تقصير .. صار يبكي و عيوونه تدمع .. جلس يقول لو سافرتي برة ، راح أخدهم منك .. قلت له ، الله يخليك سيبهم معاي و روح شوف حياتك .. إنت هدمت البيت بيدك .. مو أنا .. جلس يقول لو تزوجتي بيوم واحد .. و الله أخذهم منك .. . . المهم ، صار يكذب بالتفاصيل عن كيفية التعرف عليها .. . . أخذ الشنطة و خرج من يوم الإثنين .. على أساس الأربعاء يروح المحكمة و ينهي الأمور .. منعته يخرج قبل لا ينطق الكلمة .. صار يبكي و يقول و الله ما أنطقها لو أموت ، و الله لو تذبحوني ما أنطقها .. تجيك الورقة و فيها كل حقوقك الأربعاء .. قلت له ، غرست السكينة بقلبي .. كمل جميلك و انطق الكلمة .. عشان أكرهك .. عشان تكون اخر شئ بيني و بينك .. . . صار يبكي و يقول و الله ( الشيطان ) .. و الله الشيطان .. . . قلت له ، أية شيطان في رمضان ؟؟؟؟؟ |
رد : محبتكم روح الطير..محتاجتكم [ مستجدات بالرد 30 - 31 - 34 ]
أخوي سالم
ما أبغى أقول أي شي طيب فيه .. |
رد : محبتكم روح الطير..محتاجتكم [ مستجدات بالرد 30 - 31 - 34 ]
بأقول اللي قالته البنت ،،
طبعا قابلها مرتين .. بس ما لمسها و الشي هذا تأكدت منه .. حتى يدها ما لمسه .. و معرفتهم استمرت أسبوعين فقط ،، بالفترة اللي حسيت بالفعل .. و هذا الشي يخليني أتأكد من احساسي و إنه ما كان من قبل مستمر .. و اللي قالته لي ، أنا جيت و كتبته هنا مباشرة بموضوعي .. راجعة .. |
رد : محبتكم روح الطير..محتاجتكم [ مستجدات بالرد 30 - 31 - 34 ]
روح شفتي لو جينا للواقع بتخسري أولادك
على ايش عشان وحده ماتستاهل خليه يطلع مَـَُِنٍّ البيت اسبوع أو اثنين و هدي بالك و خليه يرجع أنت الحين تفكرين فـے نفسك لكن شوفي وضع أولادك فـے حالة الانفصال مو فـے صالحهم ابدا واحنا عشان ايش نتحمل مو عشانهم |
رد : محبتكم روح الطير..محتاجتكم [ مستجدات بالرد 30 - 31 - 34 ]
اقتباس:
الله يصونك ويحفظك.. احب اقولك كلمة اعتبريها من اخ لأخته اعتبريها من عابر سبيل... حياتنا يجب ان تكون كتاب مغلق. حتى لا يسهل التعرف علينا. بودي ان تسترجعي الجانب المشرق في حياتك الخاصة بينك وبين نفسك. |
| الساعة الآن 02:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©