السلام عليكم

ان كنتي لا ترغبين في الاستمرار في هذا الزواج وترغبين بالطلاق


فأعتقد والله اعلم

ان دليلك ومقطع الفيديو سيستخدمه الشيخ في المحكمة للضغط على زوجك حتى يطلق برضاه ستراً على نفسه من الفضيحه ان كان المقطع يظهر فيه وجه زوجك ويتعرف عليه فإن شاء الله الشيخ سيحكم لك بان يطلق

ولا يغرك كلامه بعدم اهتمامه بالفضيحة بل يهتم وخائف ايضاً وقد يطلق بدون اي مشاوره او منازعه عند الشيخ

حقيقة اليوم أسولف مع صديق لي عن موضوعك لما كتبت ردي السابق يقول تدخل عند الشيخ وتشغل المقاطع اذا رفض يطلق وتخليه يصغر قدام كل كبير وتقول للشيخ ترضاها ياشيخ ترضى لأختك هالعيشة ؟

وقالي سالفة وحدة طلبت الطلاق وفي المحكمة قالت ياشيخ ابيه يطلقني خانني وهو مسافر وهو يقول كذابه ويرفع صوته وقالت عندي دليل صور له مع نساء بأوضاع مختلفه

وشافوا الصور وقال الصور هذي مركبه مو حقيقية ناداه الشيخ وهمس بإذنه وقاله ( تطلق بهدوء وبدون شوشرة ولا نحول القضية الى هيئة التحقيق والادعاء العام يحققون من صحة الصور وهل هي مركبه ) لكن حط ببالك لو طلعت حقيقية يمكن ترجم ( طلق وخذ الذاكرة معك واستغفر ربك استر على نفسك ) وطلقها وهو صاغر ومستحقر من كل الي بالمحكمة

الشيخ خوفه وطلق غصب عنه

والله ييسر امورك ويوفقك للي فيه صلاح لك

لاحول ولاقوة الا بالله حسبي الله عليه ونعم الوكيل
الله يعوضك خير ويرزقك بالي يسرك ويفرج همك وينصرك على من ظلمك قادر ياكريم
أذا الانسان هذه سواته أش باقي ماسوا مايخاف ربه من جد شي يصدم
الحمدلله الي نجاك منه مليون مره ياأختي هذا ماعليه أسف خساره فيه كلمت (زوجي)
من رايي حتى لو طلق لاتردي له الميموري ابد وعليك بعدها بأبلاغ الهيئة واجب عليك أنكار المنكر
الله ينصرك يارب وتبشرينا قريب

انا ماقلت ان باب التوبه مقفول في وجهه ولاقلت انه ماله توبه...انا اعرف ان باب التوبه مفتوح..

لكن انا اقصد انه من الفئه الي ذكر الله عز وجل في كتابه انهم مختوم على قلوبهم من كثرة المعاصي.القلب يموت من كثرة الذنوب ..يااختي هذا يزني والزنا معصيه عظيمه ولاتنسين انه محصن.والادله موجوده ومايحتاج نفك صدره ونشوف هو فعلا يعصي ربه ولا لا..الرسول صلى الله عليه وسلم قال اعمار امتي تتراوح مابين 60 و 70 وهذعمره 40 ويامكثرهم الي ماتوا على المعاصي من كثرة ذنوبهم ربي مارزقهم حسن الخاتمه روحي شوفي المغاسل حقت الموتى رجال شياب وكبارفي السن تبدوا عليهم علامات سوء الخاتمه..
.والاغلب انه من يوم مراهقته وهو يعصي ربه طبعا...لان من شب على شي شاب عليه...ولا ماكان جلس الين صار عمره 40 سنه وتزوج وهو عنده وظيفه ومعلم وموناقصه شي....<<هذا اذا كان لم يسبق له الزواج قبل
مستحيل واحد موظف ومقتدر ومحترم وسليم ويجلس الا 40 سنه بدون زواج..الا اذا كان مكتفي بطرق اخرى مثل الزنا..والعياذ بلله...صحيح فيه الي يتزوجون بهذا العمر لكن ظروفهم غير ياانه تحت خط الفقر او يكون الزواج الثاني له..

أستخيري قبل ماتقومي بأي خطوه
وأنا من رايي أنك تهددينه بفضحه بالمقاطع وانك راح تنسخيهم وتقدميها لأبوه
اذا مانفع أرفعي دعوى قضائيه مع أنه مافي ثقه بالمحاكم قريبتي تزوجت واحد وطلع مريض عاجز ومريض نفسي وممسوس لدرجة أنه بغت يهبل بها وعليه تصرفات طفوليه وخوف شديد لدرجة أنه مايخرج لوحده لازم تكون معاه وأهله خدعوها به ولاخبروها بمرضه على الرغم له 12سنه جلست معاه شهر ولاقدرت تتحمل ولما طلبت الطلاق أنكرو أهله أنه مريض مع أنهم لما كانت تحكي لأهله عن ألي يحصل معاه قالو لها من 12سنه لعل الله يشفيه على ايدك (شوفي التفكير)ومعاها رسايل نثبت أعترافه بمرضه
جلست القضيه تقريبا 6شهور أو أكثر وبالنهايه قال القاضي لايعتبر مرضه من عيوب النكاح مادام أنه مايضربك ياتصبري عليه ياترجعي له المهر والذهب طبعا أختارت الثاني الله يعوضها بالافضل ,الله يوفقك بقاضي حكيم ومصلح يارب.