|
اتمنى اسمع خبر حلو قريب
يا رب مليت الالام الله يعين المسلمين على احوالهم |
اقتباس:
امين ياعيوني مايخالف تكفير ذنوب ومثل ماقالوا جداتنا "ميجي الحلو الا بعد المر" |
اقتباس:
هلا اخوي عبدالعزيز لا ماراح اتصل ولا ارسل ولا شي(((ماصرتوا تعرفوني من قبل وانتوا تقولون ارسلي اتصلي اتصلي ارسلي))) وبعد طلعت روح ومنازعه ارسلت رساله..والحمد لله مع اني اكتشفت امس انو سدد فاتورتي ...بس برضوا ماني متصله ولا مرسله راح انتظر يوم الاربعاء.. وش يكون ردهم لابوي ...وانا سويت كل الي علي ,,والباقي على رب العالمين,, |
قلت الحمد لله وعساها تزين خربت تهاوش اخوي وزوجي اتصل زوجي من رقم ثاني على اخوي (لانه عارف مو رادين على رقمه) سلم عليه وطلب رقم حسابي...قال اخوي مشغول الحين. اليوم الصباح رجع زوجي اتصل على اخوي يقول وهو معصب((هيه ارسل لي رقم حسابها)) قال اخوي ليش وش تبي رقم حسبابها قال زوجي بلا قردنه ارسلي حسابها قال اخوي انا مشغول اكلمك بعدين رجع اخوي اتصل علي معصب يقول (((انتي كلمتيه,,,لانو اهلي مايبوني اكلمه...قلت لا))) رجع اخوي اتصل على زوجي قام زوجي يعتذر ويقول معليش اسف عصبت قبل شوي رد اخوي يقول لا تغلط عشان ماتضطر تتاسف مره ثانيه رد زوجي يقول ارسلي حسابها ابي ارسلها فلوس رد اخوي يقول لا مافي رقم حساب تبي شي ثاني قال زوجي لا قال مع السلامه...... اتصلت على ابوي قلت وش اللي جالس يصير ((زوجي قدم خطوه قدموا خطوه انتوا بعد رد ابوي يقول مانبيه يتصدق علينا نبي يحترمك ويعرف قدرك)) انحاست السالفه وتعقدت اكثر واكثر و الكل قام ياول امي تقول يبي يخلق مشكله عشان مايجي الخميس..وهذا وجهي ان جاء والله مابي فلوس ولا طلبته ,,,,, قولولي ليش جالس يسوي كذا؟؟؟؟؟ وليش فكر يرسلي الحين يوم خلاص قرب كل شي ينحطله حد؟؟؟؟؟؟؟؟؟؟؟؟؟ عجيب امره |
سدد فاتورتك
طلب رقم حسابك بيرسل لك فلوس يبي يدهن السير قبل يوم الخميس :d يحاول يراضيك حتى تكون الأمور شبه منتهيه قبل الخميس هذا اللي أتوقعه الله يردكم لبعض ويألف بين قلوبكم وتفائلي بالخير تجديه |
اقتباس:
بس تهاوش زوجي واخوي واعرف زوجي ياخذموقف بسرعه طيب جوالي مفتوح يطلبني انا رقم حسابي الله يهديه متاكده مو جاي وجالس يقول احسن جت من الله اخوي يحلف وتحلف قلت له خلك برا السالفه ابوي وهو يتفاهمون.... هذا ان جاء واحساسي يقول مو جااااااااااااااااااااااااااااااي |
اسوي شي ارسله رساله اقول شي ولا اطنش
|
الله يعينك اختي ابي رضاه
كل شوي ادخل موضوعك اشوف اذا استجد شي صدقيني اذا لكم نصيب راح ترجعو لبعض حتى لو صار ما صار مريت بتجربة اصعب من تجربتك لكن مع الصبر والدعاء والتوسل لله عز وجل بأن يصلح الحال ربك فرجها علينا وكاني عايشة مع زوجي 15سنة وكان مشكلتي بعد زواجي بسنتين وكان عندي ولدي الكبير ا استعيني بالله يا الغالية واللي فيه الخير يجيبه ربك |
أصبـــــــــــــــــــــــــــــــــــــــــــــــ ـــــــــــــــــــــــــــــــــري (((( الركاده زينه))):d
أصبري ليوم الأربعاء خلاص باين زوجك يبيك وعلى قولة أخونا أحاسيس متناثره يبي يدهن السير لاتتصلي ولاترسلي شي أصبري كلها يومين ويجي وتنتهي أمورك على خير ويغلق موضوعك ويروح لعالم المشاكل المحلوله000:14: |
اصبري
الله يفرج همك يارب مايحصل الاكل خير حبيبتي لاتزعلين مني اذا عندك منكرات من عباية ونمص اتركيها لله عشان ترتاحين للابد |
الهدى احاسيس متناثره وطعن قلبي والقانته تسلمون جميع وين عاشق جواهر وعبدالعزيز وابوحكيم و و و و و.....وش يشوفون ابي رايهم ابي راي الرجاجيل واحاسيس ماقصر؟؟؟ |
فهد عزوبي,,,وووو وكل اخواني اللي وقفوا معاي وش رايهم؟؟؟؟
|
لو جاء زوجك كان انتهى الموضوع تماما
بس المشكله انه متردد ولا قدر يجي بالنسبه لموضوع الاتصال عادي وتصير هذا الشي صدقيني اذا يبيك مايرده وماصار بينهم شي يزعل او كلام جارح بالنسبه لوالدك ماعليه اي تقصير يعنني تبغينه يدق عليه ويجيبه غصب الولد ماجاء بنفسه وهو الي كبر الموضوع وينتهي ببساطه لو جاء صدقني العقبه الوحيده انه ماجاكم ولو جاء بينتهي الموضوع وبترجعين معه . انا اتوقع انه قرر الانفصال ويبيها منك انتي الي تطلبين الطلاق يعني ماعلي ملامه لانه اسلوبه غريب اللي يبي زوجته يروح لاهلها . سوال ياابي رضاه هل تتوقعين زوجك شاف الموضوع الي منزلته هنا |
لا يااخوي فهد مااتوقع
شاف الموضوع بس انت الوحيد اللي لاحظت عليك انو تقول يبي الانفصال بعدين في شي مهم هو بمنطقه ثانيه مو نفس اللي اهلي فيها ومرتبط مع شغله وجيت ابوه يعني فرصته محكومه بخميس وجمعه.. طيب ليش جالس يتقرب من تسديد فاتوره الى طلب رقم حسابي اذا يبي الانفصال؟؟ بعدين ابوي قاله قبل نبي ورقت بنتي وش كان يحده وقت ماقالها يقول طيب لكم طلبك |
وحتى لو شاف الموضوع انا قلت شي غلط ؟ لا انا احاول القى حلول لمشاكلي معه واسدد واقارب بين كل راي واخر انا ابي ينصلح حالي وحاله وتمشي امورنا وانا بين اخوان واخوات شكيت لهم همي واستجابوا لشكواي والمشوره مطلوبه لما تضيق السبل ,,,,شاف او ماشاف كتبت موضوعي باحترام لا سبيت ولا غلطت,,,, مااقول الا الله يهديه ويرده لصوابه ويترك عنه هالتهور والعصبيه اللي تدمر البيوت |
سبحان الله
والله يا أختي حالتك من أعجب ماشفت بحياتي . ماراح أتكلم عن رائي بالموضوع لكن بقدم لك نصيحة . شوفي أبوك وأمك وأخوك وغيرهم لو تطلقتي أنت راح تعيشين بحسرتك وهم كل واحد عايش حياته . أختي أرجوك فكري صح مافيه بين الزوجين كرامة زي مابين الناس الآخرين الزوجين يتنازلون لبعض ويقبلون بعض حتى لو كانت فيه ظروف قاهرة أختي أنت متعلقة بزوجك وبقوة الآن روحي لأبوك واجلسي معه وقولي يبه لاتدمرون حياتي ولا تكبرون الموضوع ولا تصبون على النار زيت أرجوك هدو الأمور وحاولوا تصلحون ولا تفرقون بيني وبين زوجي أسأل الله أن يجمع شملك مع زوجك بأسرع وقت |
مشكور اخوي انسان ثاني والله جالسه احاول ارقعها يمين يسار ومن ورا اهلي بكل مااوتيت من قوه ارسلت لزوجي رساله ماقدرت حن قلبي تقدم بخطوه بعطيه كلي ارسلتله وامري لله ((قلت الاتي)) حبيبي ماابي فلوس ابي راس المال كله انت وحياه تجمعني فيك على طاعة الله ورسوله. خيره ان شاء الله |
احس اني صايره مجنونه,,,اعذروني والله من القهر ابني ويرجع كل شي ينهدم ...بس مايخالف تحملتوني واجد كلها هالكم يوم وينتهي موضوعي برجعه او انفصال ((((تو شيكت على رسالتي طلعت ماانرسلت مشكله بالشبكه,,,يمكن ماارجع ارسلها واخليها على الله))) |
الحمد الله على كل حال
اختي اخوك كم عمره ؟؟؟ علشان يتفاهم مع زوجك بهالشكل غير كذا اهلك كلهم مشحونين عليه كأن الموضوع مو موضوع بنتهم ( اللي هي انتي ) ومثل ما ذكروا لك الاخوان والاخوات الطلاق مو من صالحك وراح توصل هالمواصيل اذا استمروا اهلك بتكسير مجاديف زوجك مفروض اخوك لما اتصل عليه كلمه ورحب فيه شخبارك من زمان ما سمعنا صوتك وينك الله يهديك وش فيك قومت الدنيا والموضوع مو مستاهل الوالد ماخذ على خاطره منك وهو ما ياخذ على خاطره الا من الناس اللي يحبهم بس الحمد لله على كل حال المهم ارسلي رساله له زوجي العزيز ( حبيبي شوي قوية بعد هالمشاكل ) تمنيت انك اتصلت علي ما اتصلت على اخوي وسألتني عن اي شئ تبيه انا مشتاقه لبيتنا وللرجعه لك ولحياة تحت طاعة الله ورسوله انا باقي أبيك أنت باقي تبيني ؟؟ خلي كلمة حبيبي بعد ما ترجعين ان شاء الله لاحقه عليها الحين مو وقتها ملاحظة حطي ببالك انه يمكن كان يبي يسوي مشكله علشان يأجل الموضوع واكيد اهلك ماراح يأجلون وبتبدأ مشاكل وتتوسع المشكله اكثر |
ملاحظة اخرى بعد هالرساله خلاص انتي أديتي اللي عليك اتجاهه
خلاص ماعاد فيها اذا هو شاريك بيجي ويتفاهم اهلا وسهلا ما يبي تسريح بإحسان |
اقتباس:
ليش زوجي يبي يسوي مشكله ياعاشق وش مستفيد القرار والامر بيده,,,,اخوي عمره 23اصغر مني بس مررررررره شايل ورسالتي له ممكن تغير شي؟؟؟ |
اقتباس:
تغير اشياء كثير لما يشوف ابوك ما يرد ولا بيكلمه انتقل لأخوك وحاول يكلمه واخوك رده ولا عطاه فرصه لو ما جات منك رساله الان بيقول هذولا بايعيني وماعاد يبوني ارجع اخذها يعني بالعامية كرشوني خلاص لكن رساله منك انه انتي تبينه هل انت تبيني يا زوجي ؟ بتشعل بقلبه بصيص امل ونور وبيحاول ان شاء الله يحل الامور مع ابوك بس ارسلي انتي وتعوذي من الشيطان يمكن هالرساله سبب في رجعتك والشيطان يوسوس لك لا ترسلين خلاص اهانه لا مو اهانه الرساله هذي توضيح انك تبينه وشاريته وتبين الرد منه هل انت شاريني ؟ واقولك احتمال 5 % يرد على رسالتك واحتمال 95 % ما يرد ممكن خجلان ممكن مقطوع وجهه اعذار كثيرة ممكن نحطها بالحسبان بس الاهم انه يجي والرساله اللي ذكرتها مختصره انك تبينه وتنتظرين جيته بمعنى لا تتأخر وتأجل وخلاص هذا اللي تقدرين تسوينه وما قصرتي انتظري بعدها وان شاء الله الله يكتب اللي فيه الخير |
الاتصال مو احسن؟؟؟
|
الاتصال احسن بكثير بس من ردودك توقعت ما تبين تتصلين ابد
ايضاً ما اتوقع يرد بس اتصلي عليه بعد صلاة العشاء اذا رد خير وبركه سلمي وتطمني على حاله وتعذري من اسلوب اخوك ورده عليه وقولي له انا مشتاقه لك ولبيتنا ولحياتنا و باقي انتظرك وابيك انت تبيني ولا لا اول ما يقول ايه قولي اجل تعال كلم ابوي وخلنا نخلص من هالمشكله ونحل مشاكلنا ببيتنا انا اكلمك واهلي يقولون لا تكلمينه بس قلبي ما يطاوعني ومن هالكلام وان شاء الله تنحل كل الامور او ارسلي الرساله اذا ما رد وقبل ترسلينها حطي تقرير علشان تتأكدين ويطمان قلبك نها وصلت |
الله يوفقك يا أختي هذا زوجك ، ومن رأيي أن تتواصلي معه ، ولما طلب رقم الحساب هو يريد تحسين الأمور ، ولكن من رأيي أن تتفاهمي معه برسالة أو إتصال ، و يا ليت يكون الحل بيدك أنت وهو ، يعني ما تقطعوا الموضوع نهائياً و إن كان ولا بد فأنتظري ليوم الإربعاء ، وبما أنه مرتبط في بلد ثاني وعمل يشغله ، فلو طلب مهلة أكثر أنت على طول وافقي له ، ولاتجعلي لأبوك وأهلك المجال يكبروا الموضوع أكثر ، يعني يؤولون عدم مجيئه أنه غير راغب فيكم رأيي لك أن تتواصلي معه برسالة أو إتصال مثل ما قلت قبل كذا على الأقل تعذرين نفسك أنك حاولتي حل الموضوع والأمر الآن في يد زوجك والله يوفقك |
والله يا اختى اعانك الله انت فى موقف لا تحدسى عليه لا شىء امامك الا كثرة الاستغفار والتسبيح والتهليل والتكبير وقول لا حول ولا قوة الا بالله ولا تنسى كثرة الصلاة على رسول الله سيدنا محمد صلى الله عليه وسلم يا اختى بالله عليك هل سألتى الله فى الايام الماضية فى الثلث الآخير من الليل وتضرعت له سبحانه وتعالى وبكيتى بين يديه ان يهدى زوجك ويهدى اهلك ويحل هذه المشكلة من عنده يا اختى انا عاوزك تنسى كل شىء وتتذكرى شىء واحد فقط وهو الدعاء وقرأة القرآن وسؤال الله عز وجل فقط لا غير والله بأذن الله لن يمر اسبوع الا والله قد حلها من عنده يا اختى والله بتكون اكبر بكثير من مشكلتك وتحل بأذن الله وفقك الله لما يحب ويرضى |
اقتباس:
ابو مريم شكرا" يااخوي ومااجمل ان تذكرني بان الله قريب والحمد لله بذلت جميع الاسباب((..واجبي كمومنه..)) يااخوي مااجمل سهام الليل فوالله اني انصح كل مبتلا فيها لحضات اقضيها بين يد حبيبي وماان انتهي الا واجد قوه في قلبي,, توكلت عليه وفوضت امري له |
تساهيل
ان شاءالله تساهيل راح الكثير مابقا الا القليل وان شاءالله تنحل على خير ومثل ماتبين!! |
اقتباس:
مشكور اخوي عاشق .حاولت الاتصال بالوقت اللي ذكرته لكن(جونا ضيوف) وكنت محاطه لوقت متاخر وطبعا" اتصالي له بعد انقطاع شهرين(ماينفع فيها كلمه ورد غطاها) يعني لازم الاخذ والعطاء والتقرب والتودد مالقيت وقت استخرت الله وقلت يابنت ابذلي الاسباب عشان ماتندمين قررت ارسل رساله فارسلت الاتي شكرا" توه يجيني خبر.ابي اكلمك بس عندي ناس. انا ماابي فلوس ابي راس المال كله انت وحياة تجمعنا على طاعة الله ورسوله. طبعا" زوجي مارد ولا حيرد مايبي يلين. يبقى القرار له اكرام النفس هواها...اكتفي عند هذا الحد من المحاولات معاه |
اقتباس:
هلا اخوي عبدالعزيز اقرا ردي لعاشق الجواهر طبعا" قبل هذا كله كلمت المستشار اللي اراجعه وفهمته بالاحداث الاخيره قالي انو كان المفروض يواصلك انتي مباشرتا"مو يطلب حسابك من اخوك واخوك كان المفروض يقوله اطلبه منها((بس راحت))وقالي خلاص لا تسوين شي وانتظري. وذكرلي انو رسالتي الاخيره(((اللي قبل.. اول وحده ارسلها))) وضحت له كثير من الامور فيهامن رغبتي فيه وعدم اطلاع اهلي على خصوصياتنا الى اخره.يعني اعطيته الامان. نصحني اكتفي عند هالحد((طبعا" قلبي ماطاوعني واتخذت اخر اجراء واخر محاوله وهي رسالتي الاخيره)) ولو ماحاول يجي ويصلح الامور هو الخسران والله يجزاه خير رفع من معنوياتي وقالي تمر على حالات كثير ولقيت فيك صفات كثير مميزه من دين وخلق وادب ومحاوله محافظتك على بيتك ومحبة اهله لك..وهو الخسران طبعا هالمستشار ماسك حالتي انا وزوجي من فتره 5 شهور وحصل انو اتصل زوجي عليه لطلب الاستشاره بعد ماطلبته كانت بينهم مكالمه وحده وانا انقطعت بحكم انشغالي. رجع قال ان شاء الله بترجعين بيتك بس الموضوع يبيله تروي وطلب مني اطلب ابوي يكلمه محاوله منه طلب اهلي بتهدئة الامور. اعطيت ابوي الرقم وقلتله كلم المستشار ((قال ان شاء الله)) |
ماعلي غبار ان جاء حياه وان راح ((الخيره فيما اختار الله)) |
اقتباس:
تسلمين عيوني الله الله مثل ماقلتي بقى القليل. ان شاء الله تنحل(ابيض//اسود) ونقفل هالموضوع اللي طااااااااااااااااااااااااااااااااااااال |
يارب مااشوف ولا اتشوفين الا الخير حاسه فيكى
|
اقتباس:
جزاك الله خير واسال الله انه يفرج همك وكربتك |
إذا كان على كذا فما لك إلا الإنتظار وبإذن الله راح تكون أمورك إلى خير وخلال هذه الأيام الباقية وطني نفسك على تقبل أي واقع راح يكون سواءاً رجعتي معه أو لا والواقع أنك راح ترجعي له إذا كان هو قد المسؤولية وعازم على تصحيح خطأه والله يوفقك وبإنتظار الجديد اللي فيه خير لك وله وللجميع |
هذا ماحصل بعد كل هالاحداث تفاجاء ابوي بزيارة ابو زوجي له في مكتبه((ابوي وابو زوجي صداقه اكثر من 30 سنه)) وقال انا جيت اراجع لولدي ببعثه له وعندي موعد يوم الاحد بالمستشفى وقام يجس النبض عند ابوي ويساله فيه جديد انا وامه محتارين بوظعهم يقول الولد ظلمتها وظلمتني واحنا عارفين ان70% الغلط عليه و30% الغلط عليها وانتوا ماجامنكم شي وياليتها جت منكم كان هانت علينا قال ابوي شوف ولدك ماعطاء بنتي حقها ولدك اهان بنتي وسكت ولدك ضرب بنتي وسكت ولدك يوم جينا وهم متهاوشين وقلت له وش يرضيك قال خذوها معكم ترتاح عندكم ولدك جاب بنتي عند الباب وراح(((ابوي طلع الاول والتالي بس بادب يابعد عمري هو))) قال ابو زوجي والله اتصل علي امس يقول اتصلت على اخوها ابي ارسلها فلوس وتهاوشنا قال ابو زوجي وليش طول هالفتره ماعطيتها شي قال لا زعل عليه وهاوشه المهم رد ابوي يقول اللي بين بنتي وبين زوجها امر واللي بيني وبينه امر ثاني((يقصد اهانه لابوي يوم طلب منه يجي يتفاهمون وقال مشغول عندي ناس وطنشه)) اسمع انا ماعندي غير الاتي ((تاكد من ولدك اذا له رغبه وهذي شروطي والباقي عندها)) بيتهم يغيرونه لانه كله ذكرى هم ونكد يحطلها مصروف شهري يتاكد من موضوع الانجاب عنده يكرمها لايمد يده عليها هذا اللي عندي والبنت اذا عندها شي تبي تقوله وانا مااعرفه تعال بكره تغدى معانا واسمع منها وانت وياه تجلسون وتتكلمون مع بعض قال ابو زوجي الغدى بكره مااقدر اجي ((ابو زوجي جالس عند بنته وزوجها واحتمال يروحون هالربوع والخميس ماادري شغل او لامر اخر للمنطقه اللي فيها زوجي قال زوجي يمكن اروح معاهم)) قال ابوي على راحتكم والبنت مابدر منها عدم رغبه في الزواج ساكته يعني تبي هالزواج ينصلح وسلامتكم رد ابو زوجي اشوف الامور ونردلك لا حول ولا قوة الا بالله(((ماادري وش الدبره وش الخطه))) انا اقول يا امر من 2 1.يتاجل الموضوع 2.اخت زوجي تبي تروح ترتب اغراضي ويجيبونها مع انو ماقالوا هالحكي بس احساسي شيروا علي!!!!! والله مل الصبر من صبري((واستغفر الله يارب و لله الحكمه)) شعرت بجفاء عجيب غريب تجاهه وشعرت بعدم الرغبه في الواصل بس ماادري مااقدر اتخذ القرار ومره اقول هو يبيها مني ومره اقول لا امي لخبطت كياني تقول الزوج مايصبر من زوجته كل هالفتره وهو باقي يبيها افهميها ماعاديبي قلت يمه القرار والامر بيده ليش طيب مايطلق وش اللي ماسكه وش الللي حاده وليش جاء ابوي وليش وليش وليش؟؟ تلخبطت ماصرت اعرف شي |
والله العظيم حركاااااتهم مره غريبه ماتنفهم فيها غموض!*
مره أقول شكله خلاص يبي يطلق ومره أقول لوكان يبي يطلق كان طلق من زمان ماأقول غير الله يعينك من جد شي يحير وشكل الموضوع بيتأجل كمان بس ليش التاجيل ماااااأدري ؟؟؟؟؟؟ |
استغفر الله قلبي بينفجر خلاص تعبت ابي هالموضوع يخلص يالطيف الطف بي والله مايهم ابيض اسود بس ابي ينتهي هالموضوع ابي اداوي الكسر وابدا حياتي من جديد شهاداتي عنده كل شي عنده وانا مثل الهارب من السجن يصفق اليدين |
انا متابعه لموضوعك وسجلت لأقول لك (دعي الأمر لصاحب الأمر سبحانه وتعالى)
و الله يكتب لك الخير اينما يكون ويرضيك به.. وحاولي كلميه انتم أزواج والمفروض التفاهم يكون بينكم لحل المشكله . عزيزتي أنتي وزوجك للأسف تتعاملون كمطلقين وأباءكم متولين الأمر . انا رأي انك تكلميه واذا مارد ودي رساله( كلمني ضروري) واللي زاد الطين بله عدم تواصلكم كل هذه الفتره. |
اقتباس:
سمو النفس مشكور على الاهتمام تعبت الصد رسالتين مارد عليها عيد ماعيد علي رقم حسابي ماطلبه مني بيرد؟؟؟ لا زوجي قلبه حجر قاسي عدواني عنيف,,,اتصل عشان اسمع كلام يزعل يضايق واقعد طول عمري اكره هاللحظه كل السبل مهيئه له يجي ويتفاهم ستر وسترت على بلاويه ابوي ماقصر ماقفلها بوجهه وقال لايجي بيتي ولا اشوفه كلنا بالانتظار,,بس وينه وعيباه على شيمة الرجال!! فقع قلبي ومرارتي...وش يبي بالضبط ؟؟؟ هو يعرف وعنه خبر انو بس يطلق بيجيبني غيره,,,لا واحسن |
| الساعة الآن 07:33 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©