رد : لااود الرجوع لزوجي
 

الحمدلله
طبيعتي اذا كان الزوج طيب عندي ومكرمني احطه تاج على راسي وماانسى افضاله علي حتى إذا صار بينا زعل اعترف بأفضاله علي مو اجحده
قلتله ابي شي من البقاله عطني عشرين رفض طيب عشره على طول مشى

رد : لااود الرجوع لزوجي
 

الحمدلله ارتحت منه كاتم على انفاسي بكره بيجي ياخذني وولدي بيجي بكره يعني بياخذني بالقوه مابي اروح معه
الى إذ لبى جميع طلباتي منها يعطيني المصروف كل شهر ثلاثة الاف
وازور عيالي كل خميس وجمعه يعني إذا يبني يحقق رغبتي وإذا رفض خلاص يبحث عن زوجه ويسرحني

رد : لااود الرجوع لزوجي
 

ماعليك من الناس هذه مصيبتنا نفكر بالناس ولا نفكر بانفسنا
انتي تسرعتي هذا خطأك بس ماراح تتحملين قرار خاطئ عمر كامل
اذا تشوفينه لهالدرجة بخيل اليوم طلعت مع زوجي وجلست افكر بسالفة عشرين ريال الله يبهذله معقوله لهالدرجة
والله لو طرارة تطلب منك عشرين تقول ابشتري بها عشا تعطين
بس انتي الي تسرعتي عاد وش اقولك استخيري واصبري عليه شوي يمكن تتغير الظروف
اذا الوضع مافي امل يتغير ويتم ببخله ترى الله الغني عنه
لا تضعي حقوق اولادك ووقت هما محتاجين لك فيه
ماعاد فيها كلام معسول هالزمن شوفي من يساعدك على تربية عيالك ومسؤوليتهم والا اجلسي ربي عيالك لحالك ابرك لك,,
ياشين البخل بالرجال والله في ناس على قدهم ولا يقصر مع زوجته عندي قاعدة الي مايعطي من القليل لايمكن يعطي ممن الكثير
انتي اصبري شوي وفكري مع نفسك واستخيري والله يكتب لك الي فيه الخير
انسي الناس ارضاء الناس غاية لا تردك سواء تطلقتي ولا قعدتي
بس ارجوك ابعدي عن المقارنة لانها ممكن تحجب عنك اشياء كثيرة انتي يمكن ماتشوفينها فيه
الي يقارن يعيش بعذاب هذا نصيبك خلاص
ارضي بالمقسوم والله راح يرضيك ويمكن يتغير حاله
اهم شى لا تستعجلي بالطلاق فكري زين زين ولاهو عشان الناس عشان نفسك وعيالك

رد : لااود الرجوع لزوجي
 

لمسة غروب
ماقدرت اتأقلم معه الله يغفر لي يعني ماحبيته يطالع في المطبخ وبس حتى الاكياس يجمعها
اشياء كثيره يرفع ظغطي مو قادره اكمل معه اليوم ارسل لي يقةل تعالي قلتله بعد العشا تمرني وجلس يعلمني عن حقوق الزوج وطاعته طيب هو ليه مااكرمني
ماقلتله ليه تموتني من الجوع عشان مايتعود ويدري انه تقطة ضعفي
لمسة غروب زوجي تعرض لصدمه قويه وظلم ويفرغ شحناته فيني
ماحبيته ماودي ارجع له
عسى ربي يتوب علي ابي ورقتي عشان ماتحمل اثام بسببه

رد : لااود الرجوع لزوجي
 

هو محتاج زوجه تحتويه وتحبه ماقدرت احبه

رد : لااود الرجوع لزوجي
 

حسبي الله يوعد ويخلف وعده اليوم ولدي الكبير سألني يقول وين الهديه الي وعدني فيها عمي
ماقدرت ارد عليه
بصراحه قلت لاامي يمكن انسحب من حياته في اي لحظه لاني ماقدرت احبه
قالت حاولي تكسبينه بااخلاقك قلتلها ماحبيته ابدا في قلبي عليه كره
اتصل علي اليوم وقلتله مانسيت تصرفاتك في الطايف ومكه وكان مرتبك عارف نفسه غثى المشكله يعلمني عن حقوق الزوج وطاعته وهو ناسي نفسه مجوعني ويبخل علي حتى بالاكل
الحمدلله اهلي في صفي

رد : لااود الرجوع لزوجي
 

يا أخت قلب
والله أننا نتمنى لك الفرج من المليك العلام


لكن لا تجعلي اول حل بينكم الطلاق

ان كنتي ترين ان زوجك بخيل جدا
ووفق تقديراتك
اجعليها اليوم فرصه ادخليه منزل اهلك وتفاهمي معاه قبل ان يتدخل اهلك لكن وضحي له اللي مضايقك فيه
بأسلوب هادي جدا اشربي عصير ليموون قبل

بعد كذا شوفي وش تنتهون عليه

انتي قلتي له عن سالفة ان. مجوعك وكذا ايش رد عليك؟

رد : لااود الرجوع لزوجي
 

رد : لااود الرجوع لزوجي
 

اذا عافه قلبه ترى مانقدر نجبرك على شي ولا نقولك تحملي
هو بس عشان بداية الزواج وكلنا نكون كذا بدون قبول ولا حب
بس انتي استخيري
اذا تعرض لصدمة الله يشفيه لايحطها براس احد
استخيري قلب مشغول اعطي مهلة لنفسك كرري الاستخارة عدة مرات
والله يكتب لك الي فيه الخير ولعاقبة امورك
اطلبي منه مهلة تفكير واجلسي في بيت اهلك اذا رفض دخلي احد اخوانك الي تموني عليه
في حاله لا صار طلاق لا قدر الله لاتستعجلي باي احد يتقدم لك في المستقبل لين تدرسين الوضع كامل
اتمنى من الله عز وجل ان يدلك على الطريق الصح

رد : لااود الرجوع لزوجي
 

جالس يعلمني عن الحقوق والطاعه
وهو يكرر علي الزوجه المفروض تحب الزوج نفسه حتى في الطايف يكررها يموت على هالسوالف كله حديثه ممل جدا
وش الفايده يحب الجنس ولايكرمني عفته وحامت كبدي منه لو كريم معي كان مع مرور الشهور بحبه واتأقلم معه احب زوجي يكون كريم بحدود المعقول مو مسرف
الله يعين
ابصبر عليه شهرين واشوف ماراح اتفاهم معه او افتح موضوع اذا بقى عاى طبيعته بواجهه بشروطي إذا رفض بنسحب من حياته ماينفع معه الاهالاسلوب
حتى التلفزيون مايخليني اشغله ماقدر اخذ راحتي في البيت مااحس انه مملكتي