|
اختي حاسة فيك وبحزنك
الان اتركوه لا احد منكم يكلمه بسالفة الطلاق ابد لانكم لة لحيتوا عليه وقلتوا سنع زوجتك او طلقها اكيد بيطلق ومااستفدتي شي الان احتمال كبي يكون اللي بينكم حسد او عين اقري وردك واستغفري كثير وحده من خواتي كذا هي وزوجها مرة تعقدت امورها ومشاكل كثيرة راحت تقرا عند شيخ وفجاءة زوجها تغير وصار عسل ورجع زي اول انتي اهدي الان وتخيلي انك بالاربعين عند اهلك كالعادة واهتمي بنفسك واكلك وطفلك و خلي سورة البقرة شغاله اربع وعشرين ساعة بالغرفه اللي انتي فيها وذا خلصتي الاربعين استمري على سورة البقرة وروحي لشيخ يقرا عليك وتوكلي على ربك هو مدبر الامور وراح تنحل ويصير كل شي ماضي بس انتبهوا تدقون عليه وتجيبون سيرة الطلاق واستغفي كثير بنيه عودة زوجك لك |
اصبري
انتي الآن في النفاس وهرموناتك تسبب لك الكأبة فلا تزيدي على نفسك ادعي الله ان الأمور تنصلح وأكثري من الاستغفار ما في حل ممكن نقول سويه لكن بيدك ما هو اعظم الدعاء والاستغفار انتي الآن في ابتلاء واتفهم نفسيتك وانك تريدين زوجك ان يستقبل الطفل معك لكن وكلي امرك لله فهو مصرف الامور حاولي تتغذين كويس علشان طفلك وصحتك |
الحمدلله على سلامتكـ
والحمدلله على سلامت المولود وجعله الله من مواليد السعادة و من حفظة كتابة الكريم قريته موضوعك كامل حتى ردود الأعضاء جزاهم الله خير مافيه مشكله ولكن هذا عيب بالرجل . الرجل لمن ياصل لمرحلة من العمر يكون محتاج للجنس الأخر وتختلف نظرة كل رجل عن الأخر للجنس الثاني فبعض الرجال نظرتهم للمرأة هي الأم والأخت والزوجة والحبيبه والصديقة وهي الضلع المكمل للرجل وبعض الرجال نظرتهم للمرأة جنسيه فقط واذا مل منها رماها مثل اللعبه واذا احتاجها جنسياً قالها انتي عمري وحياتي وقلبي من هالكلام اللي للأسف تصدقه الزوجة وهي مجبره على ذلك .. تناسيه مع العلم أنه صعب عليك ولكن ألهي نفسك بمولودكـ الجديد .... اعانك الله على هذا الرجل .. ذو القلب الحجري |
حالي من حالك يـ أختي
خليك قويه وعندك كرامه دام إن زوجك شك فيك لا ترجعي له لين يترجاك ويسلم ع بطن رجولك خليه يعرف إن مو كل من قال كلمه صدق فيها أنا انصحك تخلي أبوك يتصرف في هالأمور وفهميه إن هو مضحوك عليه من أخواته و أمه و خالاته وإنك ماتبغي الطلاق يعني قولي له أبغى ترجع لي كرامتي قبل مارجع له والله مدري وش أقول لك ولكن الله يسهل أمرك وتأكدي أن الله حرم الظلم ع نفسه ولا يرضاه ع عبادهـ الزمي الدعاء و الإستغفار بنية أن الله يفرج همك بالتوفيق / |
يا اختي الله مايرضى انك تسوين كذا وش هالعيشة
كل الناس حبوا وعشقوا لكنهم علقوا رجاهم واملهم بالله وماخيبهم مافي حل من جهتك مافي حل .. ليه ما انتي راضية تقتنعين ان الخطوة التالية مستحيل تجي منك .. خلاص وقفي كل اللي لازم تسوينه سوييتيه .. اتجهي لرب العالمين و علقي قلبك فيه وتاكدي تاكدي جدا .. ان راحتك في مناجاتك لله .. ان تنسين المشكلة وتنسين زوجك .. لان الامور بيد الله يقلبها كيف يشاء .. الخطوة الثانية من زوجك .. يا اختي فكري ان اللي باعك بهالسهولة وش بتصير حياتك معه؟ اقنعي نفسك بنفسك .. و انتي بنفسك تقدرين تسيطرين على مشاعرك و توجهينها بأي شي غير الشوق والحنين .. الله بيده يجعل حياتك نعيم و راحة .. اتركي الناس و وزوجك واتجهي لربك و قولي يارب اكتب لي الخيرة و رضني بها |
دمعت عيني والله من قصتك..عليك
بالاستغفاااااااااااااااااااااااااااااااااااااااااا ااااااااااااااااااااااااار+ ثقي بالله دعيتلك من قلب ..الله يفرجها عليك |
الله يهدي بالك ..
تتوقعي الحل بالكلام معه ..لا يااختي لاتشغلي تفكيرك .. زوجك لازم يصحى ضميره وتتغير افكاره وهذا مو بيدك تسوية .. الصبر مو سهل مرارته علقم لكن باذن الله تفرج .. لاتستعجلي اعطيه فرصه يعيش حياته بعيد عنكم بدون ضغط منكم اتركوه يعني ,, انتي لاخرجتي من بيته بدون اذنه ولاغلطتي لكن هذا اختياره وخليه يتحمل نتيجتها .. نصيحه لاتحاولي تتكلمي فيه كثير اوتتذكري لحظاتك معاه راح يخف عنك الالم والقهر .. |
الحمدلله على سلامتك وسلامة المولود
ربــــــــــــــــــي يفرج همك .. شوفي اختي حنان او فايض حناني .. مااعتقد انه راح نقدر نفيدك او نعطيكي حل لانه مشكلتك حلها موجود بيد الله ثــــــــــــــم بالوالد.. لكن اذا حابه تفضفضي احنا سامعينك لكن ما اعتقد نقدر نحل الموضوع وماشالله الكبار والفاهمين والوالد موجود.. انتي يا اختي بتسألي عن حل لكن الحل موجود برضه عندك .. اصبري والهي نفسك واهتمي بصحتك وبمولودك لاتركزي على زوجك بيكفي الي عمله فيكي .. وراجعي حساباتك وشوفي كيف انه غلط بحقك كثير ... لهدرجه نفسك راخصه عندك .. ارجوكي تركزي على نفسك ولا تخلي كل يومك يمضي على زوجك وشوقك وحنينك ..له موضوعك اكبر من هاي العواطف ..الشغله كبيرة وحلها بس بايدين الوالد والكبار .. وانا اشد من موقف الوالد ماشالله ونعم الاب صراحه .. ولو تلاحظي موقف الوالد .. كيف انه قطع اخوته ورافض يتكلم معهم لاجلك وانتي تراسلي زوجك ولا بدك اياه يحكي معك .. كمان لازم لو كان بده يتكلم معك لاتخليه الا لما يرجعك برفعه راس والاعتذار يكون كبير وله وزنه .. وبموافقه الاهل وانه يتعهد انه مايعيدها لانه هذا شرف مو لعبه .. فهمتي صوني كرامتك واحفظي نفسك عنه وراح لوحدة يرجع لما يقدر قيمتك معاه بجد .. انتي واطفالك .. فهمتيني حبيبتي .. اتمنى تدوسي على مشاعرك تجاهه وتفكري بالاهم .. واتركي الخلق للخالق .. الصبر + والاستغفار + اليقين + والوقت كفيل برجوع المياه لمجاريه ولاتنسي تجمدي مشاعرك وتغطيها بمشاعر الامومة حتى يكون كل تركيزك على اطفالك وتقدري تخلصي فترى نفاسك بدون مشاكل صحيه ولا نفسيه .. اطفالك بحاجتك اكثر من والدهم فلا تهملي نفسك الله يرضى عليكي .. واحمدي ربك على نعمه الاهل .. الحمدلله عندك مين يواسي ويطبطب عليكي .. ويوقفلك سند ويحميكي ... و احفظي كرامتك ولاعاد تترجي خير منه وهو حاقرك .. راح يكون له درس .. في حياته وعمره حتى ما يحط ذانه لاي حد ويسمع بدون ما يتأكد.. اتمنى الصورة تكون وصلتك ... |
اقتباس:
انا مع هاذا الرد وانتي براحتك |
ياحبيبتي لاتشيلن هم وابوك معك نامي وريحي ويمدي على هذاك لاطنشنيه يجيك وادا كانه يقدرك ويحبك وادا العكس انتي الرابحه منه مامنه امان اللي كذا الله يطول عمر ابوك مثل عمر شعيب النبي وكل شيء مكتوب لك من كنتي كبر ابنك الله يوفقك ويعوضك بالاخير منه دامه كدا ماعليه حسوفه ماعرف قدرك خله يجرب غيرك وقوي قلبي واستمدي قوتك من ابوك ولاتضعفيييين لهالاشكال لانهم راح يدوسون عليك وعلى ابوك والله فوقهم وينصركم على من ظلمكم
|
| الساعة الآن 09:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©