|
اختي هيا 00
زوجك يمر بحاله نفسيه مع تحدي لتغييير واقعه .. فهو من كشف كل اوراقه لك ليقول لك كلمه واحده .. انني هنا وسأثبت لك أنك مخطئه !! من عمليته لساقه إلى خيانته إلى كلماته المجروحه لك .. وخاصة في مثل هذا الوقت وحاجته لك .. وشايف بعينه تعيك معاه ومعاناتك ورغم ذلك كله .. يجرحك ويصر على إثارة غضبك .. وإثارة غيرتك.. ما عليك إلا إحتواءه وبكل ما يمر به .. والصبر .. اعانك الله مع ضرورة توجيهه التوجيه السليم الامر بالمعروف والنهي عن المنكر ( تغييره للجهاز ليس حلاً .. فهو رجل راشد وولي نفسه وليس طفل ) وهذا واجبك نحوه .. وليكن همك رضا الله . عوضيه بكلمات لها وقع في نفسه.. وتشعره بقوته ورجولته عندك فحاجته لك هذه الايام .. تحسسه بالضعف . ياليت اخته ما تدخل بينكم دائماً .. وكأنكم اطغال صغار لا تعرفون ما تريدون وياليت تبدأي معه حوارات بناءه لحياتكما .. ونقاشات نافعه .. تقربي له وابني علاقتك به من جديد .. وبإذن الله ايام وتعدي ومافيه مانع لو تسألي طبيب نفسي ليساعدك في ذلك ويمكن أن ينبهك لأمور تكون غايبه عنك .. للتعامل مع زوجك كظروف خاصه تلامس النفسيات وتغيراتها.. الله يكفيك شرور خلقه .. واسعدكم في الدارين |
سوء الخلق والالفاظ من تأثير البنج (خلينا نحطها بالبنج ) اسألي مجرب الله لا يدخل رجال للمشفى
النساء تحمل الرجل لا تطورات جميله ولو انها متعبه والحمد لله انو مريض والا كان تطور الوضع ورحتي بيت اهلك ولكن مرضه جا بالوقت المناسب يعني انتي تحسي انو محتاجك وما رح تتركيه وهو ايضا يحس انو محتاجك وما يقول لك اتركي البيت ما تتوقفي عن الكلام لحين ينتهي الخلاف ويتركها وتتصالحو عم ادعيلك ولو ان ردودي قليله |
اختي هيا.. الله ينصرك من عنده.. مادامك مأديه حقوق الله لا تخافين.. بتتحمدين العاقبه اياً ماكانت النتائج .. اذا هم زلتهم شياطينهم .. ارفعي يدك شكر وحمد لله انك على عصمه من ربي و قولي ياربي لا ملجأ ومنجأ منك إلا اليك .. ربي هب لي حكمه في امري و تولى امري و وياربي حيلك وقوتك فوق كيد الشياطين ومن تبعهم بسوء .. يارب انر بصيره زوجي واره الحق حق والباطل باطل .. و ياربي من اراد بي سوء فرد كيده في نحره.. ادعي هالرب الكريم ويرد الله سوء اعمالها في نحرها.. وتصدقي يعجل الله لك بالفرج .. وبالنسبه لذكرى زواجك ... صحيح انكم متهاوشين ..لكن تعاملي بأصلك .. مااقولك صيري ساذجه و سوي له حفله و خرابيط .. لأن كذا بتضعف هيبه الموقف وسوء فعلته مع بنت ابليس هذي .. اشتري له هديه يحبها وشيء نفسه فيه او اي هديه تذكره بالعشره الحلوه اللي كانت بينكم سواء في سفره والا ايام الزواج او شيء كان نفسه فيه ... واكتبي له كرت .. الكرت فيه عبارات صادقه و واقعيه ورغم المناسبه إلا ان هالذكرى عايشت ظروف صعبه .. اكتبي له زوجي وحبيبي و والد ابنائي مستقبلاً انشاء الله .. اليوم هو ذكرى زواجنا ولن اتنكر لعشرتي الطيبه معك في السابق و رغم الظروف اللتي اهلكت نفسيتي وسبك وشتمك لي لكني التمست لك الإعذار لأني اعلم الناس بأصلك و بأحترامك و حسن اخلاقك وماحصل اعتبرته امر غريب عليك ليس من طباعك ولا من اخلاقك ابدا .. سأكون لك زوجه بالمعروف الى اخر يوم لي معك سواء استمرت حياتنا الزوجيه او لم تستمر .. سيقدر الله لنا ماهو فيه الخيره لنا .. لا اعلم مالله فاعل بنا .. ولكن لعل هذا الرمز البسيط مني لك اعبر فيه عن حبي لك رغم قساوه الظروف الحاليه والله بحالي عليم .. اواي تعبير صادق تقدرين تكتبينه اكتبيه .. ولا تنكرين حسن اخلاقه واحترامه قبل حصول المشاكل الأخيره .. لا تنكرين خيره واخلاقه وبنفس الوقت ما ترضين باللي يصير و بالمهزله اللي حاصله في الوقت الحالي وغلفي خطابك له بحب له دون ان تذلل .. لأنك انتي صاحبه الحق والله معاك .. وهم معاهم شياطينهم والنفس الأماره بالسوء .. فلا تخافين النصره لك اياً ماكانت الظروف ربي معاك .. وحطيها تحت مخدته الظهر مثلاً اذا جى بينام واطلعي عنه .. لا تصيرين في الغرفه .. ولا تحكين معاه .. خليك على تمسك بموقفك .. وكأن تصرفك يتكلم بدل لسانك ..( احبك لكن انا ما ارضى باللي يغضب ربي و عدم احترام علاقتنا الزوجيه ) .. ولا تحاااكينه طنشيه سوي اللي عليك تجاه من خدمه وغيره وطنشيه لا تسولفين معاه ولا تحاكينه .. الله ييسر لك امورك .. |
اعزائي اشعر بأن المشكله ستطول واغلبكم معي
ونوعية مشكلتي تحتاج وقت طويل بين مد وجزر واخشى عليكم من ضياع الوقت معي وفي ناس احوج مني برأيكم وعندما تنحل اموري سأخبركم سواء كانت سلبا ام ايجابا واتمنى منكم الوقوف مع اختي في الله العضوه ماهمني احد مو انا اللي اوجهكم لا والله ولكن قصتها احزنتني وانا لي رب كريم ومشكلتي اهون بكثير منها شكرا لكم:25: |
معليش والله مابغيت ادخل وتوقعت المشكله بتطول00
لكن اليوم صار حدث مهم قلت اشرككم معي فيه طبعا عارفين اني جالسه اعاقبه بالصمت وهو يكره الاسلوب هذا اليوم بالليل ناداني وعطاني جواله البلاك بيري طبعا مقفل قلي خليه عندك الين اقوم بالسلامه قصده ست او سبع اشهر وتتاكدين بنفسك اني تركتها وحتى انا يعني هو خلاص يتعود انه ما يتكلم معاها لانه زهق من المشاكل وماوده يكمل انا وافقت واخذت جواله طبعا حاذفها خلاص لكن مازلت متشككه ومو مرتاحه وقلي الايفون افتحيه بأي وقت يعجبك وخذي اي رقم تشكين فيه لكن لا تلوين بوزك قلت طيب وانت متى ترجع مثل قبل؟ هنا سكت وقال تبين الصراحه؟ قلت طبعا قال انا ماسرت احبك مثل اول00 تذكرت كلام شقرديه00 والله انا انصدمت وانعقد لساني ماعرفت احكي قلت باقي زعلان قال لا مو زعلان لكن حبك عندي تغير وتكلمنا عن اللي يراسلها كلام كثير زبدته انها من جد كبيره وهو يحكي معها لمجرد الحكي وتعود على ذلك فترة اربع اشهر وشوي ومالها بقلبه اي شي غير علاقه سطحيه عابره مو مخطط لها ولا في باله اي شي تجاهها لكن الموضوع تعود فقط لا اكثر ولا اقل علشان كذا عطاني الجوال قال خليه عندك افضل للجميع وبالنسبه لصحته الحمدلله لكن نفسيته مو عاجبتني مو بسبب مشكلتنا احسه متضايق وزهقان لكن قلت من جلسة البيت ووضعه لان جلسته وحده ونومته وحده ولازم يستمر كذا الن يفك جهاز رجله وبعدها على طول لازم نسافر المانيا نعمل جهاز جديد لساقه لان القياس اختلف الان هو مركب جهاز يساعده على المشي لمن يخلعه خلاص ما يمشي وسبق وفهمتكم وضعه00اليوم قلي احسن شي هو موضوع السفر علشان هو محتاج يغير جو بعد العمليه وانا قلت اكيد00 علاقتنا بشكل عام فاتره جدا برغم وجود الاحترام بينا وبعض الود لكن من ناحية العاطفه مافي شي لا من ناحيتي ولا من ناحيته00 اليوم كل شيوي يقلي ابي اغير ملابسي واغيرله بعدين قلت وشفيك كل شوي تغير ملابسك وهي نظيفه قلي من الزهق000ياعمري والله حزنت عليه قلت اطلع تمشى وغير جو يقول اتعب من الحركه وجلسة السياره هو مو متعود على جلسة البيت لازم يطلع لو بس العمل تعتبر عنده طلعه طبعا للان انا بقلي حكي وماني مرتاحه لموضوع الحرمه لكن نفسيا هديت شوي وبجلس طوال فترة جلوسه بالبيت اقويه من الناحيه الايمانيه علشان يكون الرادع هو الدين مش انا واليوم فهمته قلت بكره يمكن يجيك بنات وربي بيوريك فيهم لا سمح الله فما له داعي تورطنا على فكره بالنسبه للكلام الجنسي معها طلب عدم الخوض فيه او النقاش بحجة انه عارف انه غلطان مدري انا للان مو مرتاحه بين مصدقه ومكذبه؟ كيف اطمن قلبي؟ |
اقتباس:
وكلامك واقعي والله يعين الجميع |
اقتباس:
الشخص الثاني اكيد محترف سرقه وله سوابق لا الشخص الثاني يستحق عقاب اشد من الاول زوجي اعتقد ينطبق عليه حالة الرجل الاول اعتقد يكون التشديد على الرجل الثاني اكثر نظرا لانه سرق مع سبق الاصرار لا اعرف هل وصلت لشئ انا لم اصل اليه؟ اذا كانت اجابتك بنعم فأرجو التوضيح؟:25: |
اقتباس:
الله يعين يابيتا وخفت بصراحه لان موضوعك طول اخاف الحقك بنفس المصير وانا صبري قليل مش مثلك ماشاء الله تكلمنا وتكلمنا وماراح نخلص كلام لكن والنهايه؟ احس انا وهو تغيرنا والوقت مره غلط وازيدك من الشعر بيت اول مره يسبني ويرفع صوته علي من يوم تزوجنا ما عملها:29: رغم كانت تسير بينا مشاكل مثل اي زوجين لكن كان يمشي ويسامح واحيان حتى مانعتذر لبعض يعني ننام ونصحى خلاص ناسين او يكفي كلمة صباح الخير او ابتسامه اما الان لا انا قمت اتحمل ولا هو وبالنسبه للاحترام فانا عمري ماقللت من احترامه بالعكس هو اللي يقلل ويستهزئ لكن انا اعرف انه هذا طبع فيه وماني قادره اغيره اما ان كان قصده على كلامي هذاك اللي سبب المشكله فالله المستعان:( |
روح المساء والوتين
حياكم الله وشكرا لكم وجزاكم الله خيرا |
اقتباس:
انتي قارئه لأفكاري وهذا سبب حلمي عليه وصبري انا اعرف اني جرحته وجرح كبير لكن والله ماقصدت وللان ماني عارفه كيف نطقت بها؟ حتى اخته انصدمت مني وما صدقت انت ذكرتي اشياء حلوه ممكن تشرحيلي اكثر؟ مثل الجمل اللي تحسسه بقوته ورجولته؟ وبالنسبه للطبيب النفسي سألجأ له عندما تتأزم المشكله اكثر هو الان مرعوب من عدم نجاح العمليه وموسوس بها يقول اخاف مشيتي تتراجع00 اخاف اتعب بالوقوف؟ اخاف يأثر على علاقتنا الخاصه؟ اخاف واخاف واخاف؟ انا اقله لا تخاف والله كريم وانا بالنهايه لن اتركك بأي حال من الاحوال:( |
| الساعة الآن 09:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©